"HUDUDGAZ ANDIJON" gaz ta'minoti filiali

Andijon va Namangan viloyatlarida tabiiy gazdan noqonuniy foydalanish holatlari fosh etildi

Mamlakatimizda isitish mavsumi davom etayotgan bir vaqtda tabiiy resurslardan, xususan tabiiy gazdan oqilona va tejamkor foydalanish yana ham dolzarb masalaga aylangan. Zero energiyasamaradorlik “zangori yoqilgʻi”ni chekka hududlarga ham yetib borishini taʼminlashdagi muhim omildir. Biroq mana shunday kunlarda tabiiy boylikda xoʻjasizlarcha foydalanayotgan isteʼmolchilar ham uchrab turibdi.

“Hududgaztaʼminot” AJ Boshqaruv raisining tegishli topshirigʻi bilan respublikaning barcha hududlarida tabiiy gazdan noqonuniy foydalanish holatlarini aniqlash boʻyicha nazorat tadbirlari davom ettirilmoqda.

Mana shunday tadbirlardan biri “Hududgaz Andijon” GTF komplayens nazorat tuzilmalari va “Ulugʻnortumangaz” GTB xodimlari ishtirokida Andijon viloyatining Ulugʻnor tumani “Kelajak” MFYda joylashgan “A. F. G.” MCHJga qarashli umumiy ovqatlanish maskanida (choyxona) tabiiy gazdan foydalanish holati taftishdan oʻtkazildi. Tekshiruv jarayonida isteʼmolchi tabiiy gaz tarmogʻiga maʼnan eskirgan va nosoz hisoblagich oʻrnatib, nostandart uskunalar orqali 7 dona oʻchoq, 1 dona choy qaynatish jihozi va 1 dona isitish qozonida tabiiy gazdan noqonuniy foydalanib kelgani aniqlandi. Holat boʻyicha dalolatnoma tuzilib, tabiiy gaz sarfi qayta hisob-kitob qilindi va 518 million soʻmlik zarar hisoblandi.

Yana bir holat Namangan viloyatida qayd etildi. “Hududgaz Namangan” GTF komplayens nazorat tuzilmalari va “Namanganshahargaz” GTB xodimlari tomonidan olib borilgan nazorat tadbirida Namangan shahar “Dambogʻ” MFYda joylashgan fuqaro A. T. ga tegishli novvoyxonada qonunbuzilish holati aniqlandi. Maʼlum boʻlishicha, isteʼmolchi tabiiy gaz tarmogʻida tegishli loyiha texnik hujjatlarisiz va hisoblagichsiz ulanib, resursdan oʻgʻrincha foydalanib kelgan. Holat boʻyicha qonunda koʻrsatilgan tartibda qayta hisob-kitob jarayonlari olib borilib, 628,6 million soʻmlik zarar aniqlandi.

Holatlarga oid barcha hujjatlar huquqni muhofaza qiluvchi organlarga topshirildi.

Batafsil: https://hududgaz.uz/ads?id=12961

💬Facebook | 👉Telegram |▶️ YouTube | 📷Instagram | 🌐 hududgaz.uz

Ҳафтанинг энг муҳим воқеалари шарҳи: Банк хизматлари маҳаллага янада яқин бўлади. Давлат бюджетининг ижросини таъминлаш чора-тадбирлари Президент ҳузурида муҳокама қилинди.
—
Ҳәптениң ең әҳмийетли ўакыяларына шолыў: Банк хызметлери маҳаллеге және де жақын болады. Мәмлекет бюджетиниң орынланыўын тәмийинлеў ис-иләжлары Президент кабыллаўында додаланды.
—
Обзор важнейших событий за неделю: Банковские услуги станут еще ближе к жителям махалли. Меры по исполнению Государственного бюджета обсуждены при Президенте.
—
Weekly review of the most important events: Banking services will become even closer to the mahalla residents. Measures on implementing the State Budget were discussed under the President.

Facebook|Instagram|X

Qashqadaryo va Fargʻona viloyatida suyultirilgan gaz taʼminotidagi noqonuniy “bunker”lar faoliyatiga chek qoʻyildi

Respublikamizning barcha hududlarida tabiiy va suyultirilgan gaz taʼminotidagi noqonuniy holatlarni aniqlash boʻyicha tadbirlar davom ettirilmoqda. Mazkur yoʻnalishda nafaqat isteʼmolchilar ishtirokidagi qonunbuzarliklar, balki tizim xodimlari tomonidan amalga oshirilayotgan qingʻirliklar ham fosh etilmoqda.

“Hududgaz Qashqadaryo” gaz taʼminoti komlayens nazorat tuzilmalari ishtirokida Qashqadaryo viloyati Koʻkdala tumanida suyultirilgan gaz taʼminotidagi qonunbuzilish holatini aniqlash boʻyicha nazorat tadbiri oʻtkazildi.

“Koʻkdalatumangaz” GTB chilangar taʼminotchisi I. N. va haydovchi B. X. tumanning “Chorvador” MFY hududidagi isteʼmolchilarga tarqatilishi koʻzda tutilgan 110 dona maishiy gaz ballonlarni belgilangan tartibda tarqatmasdan, mazkur mahallada yashovchi B. A. xonadoniga 34 dona gaz ballonini tushirayotgani aniqlangan. Shuningdek, ushbu xonadonda 8 dona boʻsh gaz ballonlari borligi maʼlum boʻlgan.

Shunga oʻxshash holat Fargʻona viloyatining Qoʻqon shahrida ham kuzatildi. Qoʻqon shahar Bodomzor koʻchasida istiqomat qiluvchi S. U. xonadonida maishiy gaz ballonlari qoidalarga zid ravishda saqlanayotgan “bunker” aniqlangan. Xonadon koʻzdan kechirilganda suyultirilgan gaz bilan toʻldirilgan 35 dona va boʻsh holdagi 48 dona maishiy gaz ballonlari borligi maʼlum boʻldi.

Mazkur ikki holat davomida 1380 kg suyultirilgan gaz mahsuloti talon-taroj qilinishining oldi olindi.

Holatlar yuzasidan dalolatnomalar tuzilib, barcha hujjatlar FVB va huquq-tartibot organlariga taqdim etildi.

Batafsil: https://hududgaz.uz/ads?id=12886

💬Facebook | 👉Telegram |▶️ YouTube | 📷Instagram | 🌐 hududgaz.uz

Samarqand viloyatida qariyb 1,33 mlrd soʻmlik tabiiy gazdan noqonuniy foydalanish holati aniqlandi

“Hududgaztaʼminot” AJ Boshqaruv raisining tegishli topshirigʻi bilan respublikaning barcha hududlarida tuzilgan ishchi guruhlar tomonidan gaz taʼminotidagi noqonuniy holatlarni aniqlashga qaratilgan tezkor nazorat tadbirlari davom ettirilmoqda.

“Hududgaz Samarqand” GTF komplayens nazorat tuzilmalari, “Toyloqtumangaz” GTB, Bosh prokuratura huzuridagi Iqtisodiy jinoyatlarga qarshi kurashish departamenti, Oʻzenergoinspeksiya va huquqni muhofaza qiluvchi organlar ishtirokida oʻtkazilgan reyd jarayonida Samarqand viloyati Toyloq tumani “Qoʻrgʻoncha” MFYda joylashgan “S. Sh.” oilaviy korxonasida tabiiy gazdan noqonuniy foydalanish holati aniqlandi.

Maʼlum boʻlishicha, korxona (novvoyxona) egalari yashirin yoʻl bilan tabiiy gaz tarmogʻiga ulanib, “zangori yoqilgʻi”dan noqonuniy foydalanib kelgan. Holat boʻyicha dalolatnoma tuzilib, tabiiy gaz hajmi qayta hisob kitob qilindi va yetkazilgan zarar 1,329 milliard soʻm miqdorida hisoblandi.

Barcha daliliy ashyo va hujjatlar huquq-tartibot organlariga topshirildi.

Batafsil: https://hududgaz.uz/ads?id=12883

💬Facebook | 👉Telegram |▶️ YouTube | 📷Instagram | 🌐 hududgaz.uz