Postal

Мульти-бот с премиум emoji Постинг+приветствие!

Чистая Энергия ӏ Sof Energiya

Безуглеродная энергетика: Узбекистан и мировые новости

Бесплатные курсы по УБТ от Гоблина

Заходи, читай, изучай! Все бесплатно! Арбитраж трафика

Statistika Saralanganlar

Hudud Inform

Kanal geosi va tili: O‘zbekiston, O‘zbekcha

Toifa: Yangiliklar va OAV

Ушбу канал республикамиз ҳудудларидан:
- энг муҳим, ишончли хабарлар;
- аҳолининг муаммолари ва унинг ечимлари;
- расмий муносабатлар;
- ҳокимларнинг онлайн мурожаат ва брифинглари эълон қилинадиган ягона платформадир.
Мурожаат учун:

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Postlar filtri

O‘chirilganlarni yashirish

Repostlarni yashirish

Hudud Inform

12 Dec, 16:16

📊 ОКМКда 11 ойда 578 796 000 долларлик маҳсулот экспорт қилинди

🔅 Олмалиқ кон-металлургия комбинати томонидан январь-ноябрь ҳолатига 578 796 000 долларлик масҳсулот экспорти амалга оширилиб, прогноз 115,4%га бажарилди.

🔅 Жумладан, хорижий истеъмолчиларга 11 ойда 49 698 тонна мис маҳсулотлари, 27 134 тонна рух маҳсулотлари юборилган.

🔅 Шунингдек, кадмий, мис купороси, рений, паладдий кукуни, молибден маҳсулотлари, қўрғошин концентрати каби маҳсулотлар экспортида ҳам прогнозларнинг бажарилиши таъминланди.

Маълумот учун: 2024 йил учун 550,0 млн долларлик маҳсулот экспорт қилиниши белгиланган бўлиб, 15 ноябрь куни йиллик экспорт прогнози муддатидан аввал бажарилди. 15 ноябрь ҳолатига 550,8 млн долларлик маҳсулотлар экспорт қилинди.

🔅 Йилдан йилга ОКМК экспорт географияси кенгайиб бормоқда. Ҳозирда комбинат маҳсулотлари 19та давлатга экспорт қилинади. Хорижга асосан мис, рух, молибден, рений, қўрғошин концентрати, кадмий, палладий кукуни каби маҳсулотлар экспорт қилинмоқда.

🔅 2024 йилда бир қатор янги бозорлар ўзлаштирилди. Жумладан, жорий йилдан бошлаб Гвинея, Сенегал, Сербия, Жанубий Африка Республикаси, Марокаш, Португалия каби давлатларга ҳам мис катанкаси ва мис купороси экспорти амалга оширилаяпти.

🔅 Бугунги кунда мамлакатимизда хом ашёдан юқори қийматли маҳсулотлар ишлаб чиқариш давлат сиёсати даражасига кўтарилган. Юртимизда қўшимча қийматли маҳсулотлар ишлаб чиқариш жадал ривожланиши оқибатида ички бозорда мисга бўлган талаб ҳам кундан-кунга ошиб бормоқда. Шу боис комбинатда қўшимча қийматли маҳсулотлар ишлаб чиқаришга ҳам катта эътибор қаратилмоқда. Мис кластерини ривожлантириш доирасида янги корхоналар ташкил этилаяпти.

⚡️ ОКМК Ахборот хизмати

https://t.me/hudud_inform

780 0 2

Hudud Inform

12 Dec, 11:17

🔰 Қонунчиликка кўра, Ўзбекистон фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга ёлланиши 5 йилгача озодликдан маҳрум қилиш билан жазоланиши мумкин.

‼️Қонунни билмаслик жавобгарликдан озод қилмайди...

https://t.me/hudud_inform

Hudud Inform

Ушбу канал республикамиз ҳудудларидан: - энг муҳим, ишончли хабарлар; - аҳолининг муаммолари ва унинг ечимлари; - расмий муносабатлар; - ҳокимларнинг онлайн мурожаат ва брифинглари эълон қилинадиган ягона платформадир. Мурожаат учун:

1.1k 0 0 1

Hudud Inform

12 Dec, 08:31

Мактабларда 3-чорак дарслари 13 январдан бошланади

Ота-оналар, ўқувчилар ва педагогларга қулайлик яратиш ҳамда ўқув жараёнларининг узлуксизлигини таъминлаш мақсадида қишки таътил кунлари 2024 йил 29 декабрдан бошланиб, 2025 йил 11 январга қадар давом этади.

Бунда мактабларда 2025 йил 11- январь (шанба) кунига белгиланган дарслар 2024-йил 28 декабрь (шанба) кунига ўтказилади ҳамда ўқув йилининг 3-чораги 2025 йил 13 январь (душанба)дан бошланади.

https://t.me/hudud_inform

1.4k 0 24

Hudud Inform

11 Dec, 15:57

❤️ 2025 йил июнь ойида Ню-Йорк шаҳрида "Терроризмга қарши кураш бўйича юқори даражадаги ҳафталик" бўлиб ўтади

🟢Бу ҳақда жорий йилнинг 10 декабрь куни БМТнинг Ню-Йоркдаги бош қароргоҳида қуролли можароли ҳудудлардан қайтарилган шахсларни реабилитация ва реинтеграция қилиш масалалари бўйича Минтақавий экспертлар кенгашининг фаолиятига бағишланган юқори даражали брифингда маълум қилинди.

🟢Тадбир СМТИ ва Ўзбекистоннинг БМТдаги Доимий ваколатхонаси томонидан БМТ Терроризмга қарши кураш бошқармаси ва БМТнинг Марказий Осиё учун превентив дипломатия бўйича минтақавий маркази кўмагида ўтказилди.

🟢Брифингда Осиё, Африка, Европа, Шимолий ва Лотин Америкасининг 50 дан ортиқ давлати, шунингдек, 10 га яқин халқаро ташкилот вакиллари иштирок этди.

Муҳокамалар давомида БМТ Бош котибининг Яқин Шарқ ва Осиё-Тинч океани минтақаси бўйича ёрдамчиси Халед Хиари Ўзбекистон Республикаси Президентининг минтақавий хавфсизликни таъминлашга қўшган ҳиссаси ва ушбу масалада олиб бораётган сиёсати қатъийлиги учун миннатдорчилик билдирди. Шу аснода Шавкат Мирзиёев ташаббуси билан ташкил этилган Минтақавий экспертлар кенгаши алоҳида қайд этилди.

📌 Батафсил

https://t.me/hudud_inform

5.8k 10 21

Hudud Inform

11 Dec, 10:37

Президент томонидан Олий Мажлис Сенатига Марказий банк бошқаруви раиси Мамаризо Нурмуратовни эгаллаб турган лавозимидан озод этиш тўғрисида тақдимнома киритилди.

https://t.me/hudud_inform

1.6k 0 5

Hudud Inform

11 Dec, 08:34

Тошкент шаҳрида Асосий арча Алишер Навоий номидаги Ўзбекистон Миллий кутубхонасининг олд майдонида ташкил қилиниб, 25 декабрь — 10 январь кунлари, соат 11:00 дан 23:00 гача ташриф буюрувчиларни қабул қилади.

Шунингдек, байрам тадбирлари қуйидаги манзилларда бўлиб ўтади:

🌲 Бектемир тумани: “Food city” мажмуаси — 25 декабрь — 10 январь, соат 13:00 — 19:00;
🌲 Миробод тумани: «Фурқат» боғи — 25 декабрь — 10 январь, соат 13:00 — 19:00;
🌲 Мирзо Улуғбек тумани: Марказий боғи — 25 декабрь — 10 январь, соат 11:00 — 22:00;
🌲 Сергели тумани: Туман марказий ҳиёбони — 25 декабрь — 10 январь, соат 13:00 — 19:00;
🌲 Олмазор тумани: Талабалар шаҳарчаси — 25 декабрь — 10 январь, соат 13:00 — 19:00;
🌲 Шайхонтоҳур тумани: “Анҳор Локомотив” боғи — 25 декабрь — 10 январь, соат 11:00 — 22:00;
🌲 Шайхонтоҳур тумани: “Ташкент Сити” боғи — 25 декабрь — 10 январь, соат 11:00 — 22:00;
🌲 Учтепа тумани: «Сеул» Эко-боғи — 25 декабрь — 10 январь, соат 13:00 — 19:00;
🌲 Чилонзор тумани: “Ғофур Ғулом” номидаги истироҳат боғи — 25 декабрь — 10 январь, соат 11:00 — 22:00;
🌲 Чилонзор тумани: “Ҳумо Арена” муз саройи олд майдони — 25 декабрь — 10 январь, соат 11:00 — 22:00;
🌲 Чилонзор тумани: “Magic city” боғи — 25 декабрь — 10 январь, соат 11:00 — 22:00;
🌲 Яккасарой тумани: «Next» савдо мажмуаси — 25 декабрь — 10 январь, соат 13:00 — 19:00;
🌲 Яшнобод тумани: «Ашҳобод» сайилгоҳи — 25 декабрь — 10 январь, соат 11:00 — 20:00;
🌲 Янгиҳаёт тумани: «Меҳригиё» 24/7 савдо ва хизмат кўрсатиш кўчаси майдони — 25 декабрь — 10 январь, соат 13:00 — 19:00;

https://t.me/hudud_inform

1.7k 0 17

Hudud Inform

10 Dec, 17:56

Талабалар учун поезд чипталарига ҳам 50 фоизлик чегирма эълон қилинди

Республика олий таълим муассасаларида таҳсил олаётган талабаларга қишки таътил мобайнида маҳаллий йўналишдаги қатновлар учун чегирмалар эълон қилинди.

Барча маҳаллий йўналишдаги йўловчи поездларининг темир йўл ҳужжатининг тўлиқ қийматидан 50% чегирма (СВ/ВИП класс вагонларидан ва юқори тезликда ҳаракатланувчи “Афросиёб” электропоездларидан ташқари) 23 декабрдан 10 январга қадар амал қилади.

Чипталарни сотиб олиш учун талабалар паспорт билан темир йўл кассаларига ташриф буюриши ёки электрон тарзда чипта харид қилишда eticket.railway.uz сайтидан фойдаланишлари мумкин.

Эслатиб ўтамиз, аввалроқ Uzbekistan Airways ҳам талабалар учун 50 фоизгача чегирма эълон қилганди.

https://t.me/hudud_inform

1.6k 0 7 1

Hudud Inform

10 Dec, 15:32

02:13

Video oldindan ko‘rish uchun mavjud emas

Telegram'da ko‘rish

#Самарқанд_вилояти

🎞 Коммунал хизматларнинг фаолияти муҳокама қилинди

📹 Видеолавҳа Самарқанд вилояти ҳокимлиги ахборот хизмати томонидан тақдим этилди.

https://t.me/hudud_inform

1.6k 0 1

Hudud Inform

10 Dec, 15:26

✅ Қонунчиликка кўра, эркак ва аёллар ҳуқуқлари тенглигининг бузилиши билан боғлиқ ишларнинг судларда кўриб чиқилишида аёлларга адвокатлар томонидан кўрсатиладиган юридик хизмат учун ҳақ уларнинг хоҳишига кўра давлат ҳисобидан қопланади.

https://t.me/hudud_inform

1.5k 0 0

Hudud Inform

10 Dec, 11:40

Uzbekistan Airways талабалар учун 50 фоизгача чегирма эълон қилди

Uzbekistan Airways ўрта махсус, касб-ҳунар ва олий таълим муассасалари талабалари учун барча маҳаллий авиақатновлар эконом-класс авиачипталари тарифларига 50 фоизгача чегирма эълон қилди.

Чегирма 2024 йил 23 декабрдан бошлаб 2025 йил 7 январига қадар амалга ошириладиган авиақатновлар учун амал қилади.

Авиачипталарни компания сайтидан, авиакомпания агентларидан ҳамда Uzbekistan Airways Sales филиалидан харид қилиш мумкин. Бунинг учун давлат муассасасида ўқишни тасдиқловчи ҳужжат талаб қилинади.

https://t.me/hudud_inform

2k 1 10 2

Hudud Inform

10 Dec, 03:13

❗️Газ “заправкалар” фаолиятига чеклов киритилади — Энергетика вазирлиги

Энергетика вазирлигининг хабар беришича, автомобилларга газ тўлдириш компрессор шохобчалари (газ “заправкалар”) фаолиятига қисқа муддатли чеклов киритилиши режалаштирилмоқда.

Бу бўйича вилоятлар ва туманлар ҳокимликлари расмий ахборот манбаларида тегишли тартибда маълумот бериб борилиши йўлга қўйилади.

Аҳолига ёнилғи қуйиш, газ тўлдириш ҳамда электр қувватлаш шохобчалари ҳақида онлайн маълумот бериб бориш мақсадида ишлаб чиқилган “Авто24” иловаси ёрдамида шохобчалар фаолияти билан боғлиқ барча маʼлумотларни онлайн режимда кузатиш мумкин.

https://t.me/hudud_inform

2.3k 0 14 5

Hudud Inform

9 Dec, 18:26

02:03

Video oldindan ko‘rish uchun mavjud emas

Telegram'da ko‘rish

❓Виждонингиз нархи қанча?

❗️9 декабрь – халқаро коррупцияга қарши курашиш куни

https://t.me/hudud_inform

1.9k 0 5 2

Hudud Inform

9 Dec, 09:52

🔰Қонунчиликка кўра, коррупцияга қарши курашиш соҳасидаги давлат сиёсатининг асосий йўналишлари қуйидагилардан иборат:

🔹аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш;

🔹давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш;

🔹коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, уларга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги принципини таъминлаш.

https://t.me/hudud_inform

2k 0 0

Hudud Inform

7 Dec, 15:41

03:24

Video oldindan ko‘rish uchun mavjud emas

Telegram'da ko‘rish

Бухоро вилоят судининг янги маъмурий биноси фойдаланишга топширилди

https://t.me/hudud_inform

2.2k 0 1

Hudud Inform

7 Dec, 08:10

❗️Қишлоқ хўжалиги ҳамда ветеринария ва чорвачилик соҳаларида институтлар ташкил этилади

“Қишлоқ хўжалиги ҳамда ветеринария ва чорвачилик соҳалари кадрларининг малакасини ошириш ва қайта тайёрлаш тизимини такомиллаштириш чора-тадбирлари тўғрисида”ги Президент қарори (ПҚ-420-сон, 04.12.2024 й.) қабул қилинди

🔰Қарорга кўра, қуйидагилар ташкил этилади:

🔹Қишлоқ хўжалиги соҳаси кадрларининг малакасини ошириш ва қайта тайёрлаш институти;

🔹Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти;

📜 Уларда қайта тайёрлаш ва малака ошириш курсларини муваффақиятли тамомлаган тингловчиларга қатъий ҳисобда турадиган давлат намунасидаги ҳужжат ҳисобланадиган сертификат берилади.

🗓 2025 йил 1 январгача уларга нуфузли хорижий олий таълим ташкилотларини битирган ватандошлар ва чет эллик мутахассислар жалб қилинади.

🏢 Шунингдек, “Эл-юрт умиди” жамғармаси институтларнинг маҳаллий профессор-ўқитувчиларини жамғарма маблағлари ҳисобидан хорижий етакчи олий таълим ва илмий-тадқиқот муассасаларига малака ошириш, стажировка ва ўқишга юбориш чораларини кўради.

https://t.me/hudud_inform

2.4k 0 11 3

Hudud Inform

6 Dec, 16:22

03:23

Video oldindan ko‘rish uchun mavjud emas

Telegram'da ko‘rish

Деҳқонобод тумани марказида жиноят ишлари бўйича судининг янги қурилган биноси фойдаланишга топширилди.

https://t.me/hudud_inform

2.3k 0 5

Hudud Inform

5 Dec, 07:53

✅ БМТТД ва GEF Ўзбекистонга биохилма-хиллик миллий стратегияларини янгилашга ёрдам беради

🖋 Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ва Бирлашган Миллатлар Ташкилоти Тараққиёт Дастури ўртасида “Ўзбекистонда биохилма-хилликни сақлаш миллий стратегиялари ва ҳаракатлар режалари (NBSAP) ва 7 Миллий ҳисоботни янгилашни қўллаб-қувватлаш бўйича GEF-8 дастури” лойиҳасини амалга ошириш тўғрисида Битим имзоланди.

Лойиҳа Ўзбекистонга NBSAPларни яқинда келишилган Биохилма-хиллик бўйича Кунминг-Монреал глобал дастурига мувофиқлаштириш ва Биологик хилма-хиллик тўғрисидаги конвенция ва Биохилма-хиллик бўйича Кунминг-Монреал глобал дастурининг миллий даражада самарали амалга оширилишини таъминлаш учун уларни қайта кўриб чиқиш ва янгилашда қўллаб-қувватлашга қаратилган.

Бундан ташқари, лойиҳа ушбу ҳужжатларни амалга ошириш бўйича 7 Миллий ҳисоботни тайёрлаш ва тақдим этишда республикага кўмак беради. 2024 йилнинг ноябридан 2027 йилнинг 30 июлигача амалга оширилиши режалаштирилган.

https://t.me/hudud_inform

2.7k 0 1

Hudud Inform

4 Dec, 17:21

❗️ Президентнинг тегишли фармонлари билан:

– Русланбек Қуролтайевич Давлетов Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ижтимоий-сиёсий ривожланиш масалалари бўйича маслаҳатчиси лавозимидан озод этилди;

– Абдусалом Абдумавланович Азизов Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчисининг ёшлар масалалари бўйича ўринбосари лавозимига тайинланди;

– Сухроб Джўрақулович Юсупов Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчиси ўринбосари лавозимига тайинланди ва шу муносабат билан Ўзбекистон Республикаси Президентининг ижтимоий-сиёсий ривожланиш масалалари бўйича маслаҳатчиси ўринбосари лавозимидан озод этилди;

– Адхам Муратович Турдиев Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчиси ўринбосари лавозимига тайинланди ва шу муносабат билан Ўзбекистон Республикаси Президенти Администрацияси шўъбаси мудири лавозимидан озод этилди;

– Музаффар Муротович Камилов бошқа ишга ўтиши муносабати билан Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси лавозимидан озод этилди;

– Олим Адилович Салиев бошқа ишга ўтиши муносабати билан Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси ўринбосари лавозимидан озод этилди.

https://t.me/hudud_inform

2.4k 0 5 4

Hudud Inform

4 Dec, 13:41

❗️Давлат харидларида ишлаб чиқарувчилар қўллаб-қувватланади

“Давлат харидларида ишлаб чиқарувчиларни қўллаб-қувватлаш ҳамда уларга кенг имкониятлар яратиш бўйича қўшимча чора-тадбирлар тўғрисида”ги Президент қарори (ПҚ-417-сон, 03.12.2024 й.) қабул қилинди

🔰2025 йил 1 январдан ишлаб чиқарувчилар томонидан ўзлари ишлаб чиқарган товарларни таклиф этишнинг қуйидаги йўналишларини назарда тутувчи очиқ ва шаффоф Ишлаб чиқарувчилар экотизими жорий қилинади:

➖ҳудудлар ва товарлар кесимида ишлаб чиқарувчилар тўғрисидаги саноат харитасини ишлаб чиқиш;

➖давлат буюртмачилари ва ишлаб чиқарувчилар ўртасида, шунингдек, ишлаб чиқарувчилар ўртасида ўзаро кооперация алоқаларини ўрнатиш ва офтейк шартномалар тузиш имкониятини яратиш;

➖“B2B” ва “B2C” форматида “маркетплейс” шаклидаги эркин савдо майдончасини ташкил этиш.

🏢 Иқтисодиёт ва молия вазирлиги Ишлаб чиқарувчилар экотизимининг тўлиқ жорий этилиши ва унинг барқарор фаолият юритишини таъминлаш учун масъул ташкилот эканлиги белгиланди.

📁 “давлат харидлари – бизнесга кўмак” тамойили асосида “тадбиркорбай” ишлаш тизими йўлга қўйилади.

✅ Айрим тадбиркор ишлаб чиқарувчиларга барча давлат харидлари электрон тизимларида:

▪️давлат харидларида иштирок этиш учун воситачилик йиғими миқдорига нисбатан 50 фоиз чегирма тақдим этилади;

▪️харид қилиш тартиб-таомилларида иштирок этишда қўшимча закалат киритилмайди.

https://t.me/hudud_inform

2.2k 0 2 2

Hudud Inform

4 Dec, 10:01

Фарғона вилоятининг Бешариқ туманида (Тожикистон билан чегарадош) савдо-логистика маркази қурилиши бошланган. У, худди Термиздагидек, эркин савдо зонасига айлантирилиб, дўконлар тадбиркорларга ижарага берилади. Бунинг самарасида вилоят экспорти қўшимча 50 миллион долларга, иш ўринлари эса 2 мингга кўпаяди.

Шундай мажмуани Қувасой шаҳрида (Қирғизистон билан чегарадош) ҳам барпо этиш мумкин.

https://t.me/hudud_inform

2.1k 2 4 2

20 ta oxirgi post ko‘rsatilgan.

8 743

obunachilar

Kanal statistikasi

Kanalda mashhur

Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов бошчилигидаги Ўз...

❤️ 2025 йил июнь ойида Ню-Йорк шаҳрида "Терроризмга қарши кураш бўйича юқори даражадаги ҳафталик"...

Конституция куни байрами ҳамда Янги йилда ўзбекистонликлар неча кун дам олишади? ➖ Конституция к...

Биринчи хоним COP29да Ўзбекистоннинг миллий павильони билан танишди Мамлакатимиз павильонининг "...

Рақобат қўмитаси огоҳлантирмоқда Ижтимоий тармоқларда биологик фаол қўшимчалар рекламаси “минг б...