"OLLOHGA OSHIQLAR" — @hourse_sultan Telegram-kanali

OLLOHGA OSHIQLAR

12 Nov, 16:45

QIYOMATDAN ALOMATLAR.

Kòkni kòzlab yer kòrmagan qaro kòzlar.
Tor shim kiyib òzin buzgan satang qizlar.
Nima uchun hech etibor bermaysizlar.
Alloh-Alloh qòrqing bunday alomatdan.
Balki bular darakmikan qiyomatdan.

Aka-uka bir xovliga talash qilsa.
Noshut farzand òz onasin qalbin tilsa.
Zora bizga Allohimning raxmi kelsa.
Ayting qanday chiqamiz bu malomatdan.
Balki bular darak erur qiyomatdan.

Er xotinga oģzi tinmay taloq bersa.
Ichib kelib ayolini xurlab, ursa.
Ex erkaklar, shu axvolda qizin kòrsa.
Òzlarini yuqotishar xalovatdan.
Bular bari darak berar qiyomatdan.

Sevgi-sevgi bòlib ketdi, har qaysi dil.
Shukronalar qilmay qòydi, noshukur til.
Alloh aytar, bandam mening aytganim qil.
Yiroq bòlib ketdik zikir, salovatdan.
Bular balki darak erur qiyomatdan...

Òzimizga bermaymiz hech savolimiz.
Besh-begona nomaxramda xayolimiz.
Kòcha kòydan qadr izlar ayolimiz.
Foyda bormi, kòchadagi halovatdan.
Bular bari darak asli qiyomatdan.

Aldab qarzin bermay yurish, kòngil sinish.
Muttaxam-u poraxòr kòp, tanish bilish.
Yot begona bòlib qoldi exson qilish.
Qòrqmayabmiz Alloh bergan omonatdan.
Ayting shular darakmasmi, qiyomatdan.

Er bechora bola boqish uchun sarson.
Xotin òzga erkaklarga erur jonon.
Biz shunchalar aqli kalta, bòldik nodon.
Naxot sira qòrqmay qòydik xiyonatdan.
Shular axr! darakmasmi qiyomatdan.

Òz bolasin axlatlarga otganlar kim.
Gunoh qilib balchiqlarga botganlar kim.
Ex! haliyam Alloh kòrib turubdi jim.
Yer yorilib ketsa bunday jinoyatdan.
Asli shular darakmasmi, qiyomatdan.

Qariyalar uyida zor, ota-ona.
Qanday haqning ģazabidan bòldik pana.
Bundan ortiq ofat bormi ayting yana.
Sira boshlar egilmaydi xijolatdan.
Ana shular darak asli qiyomatdan.

Shuncha xabar kelibdiya qiyomatdan.
Qòrqayabman men bunaqa alomatdan.

Sajdalarga egaylik shu boshimizni.
Tavba qilib tòkaylik kòz yoshimizni.
Qiyomatda kechirsinda Alloh bizni.
Ey Allohim qutqar bunday sinoatdan.
Alomatlar keldi axr qiyomatdan.

Kechir Alloh yiģlayabman xijolatdan.
Shuncha xabar kelibdiya qiyomatdan.
Boshim yerga kirgudayin voh uyatdan.
Alomatlar keldi axr qiyomatdan.

386 0 8 3

OLLOHGA OSHIQLAR

12 Nov, 16:45

“Аёлларга ваъз-насиҳат”

Исмоил Ҳаққий р.ҳ. ўзларининг “Руҳул баён” номли тафсир китобларида Нисо сураси 34-оятнинг шарҳида Пайғамбаримиз с.а.в.дан шундай ривоятни келтирадилар:

قال النبى عليه السلام مخاطبا لعائشة رضى الله عنها « ايما امرأة تؤذى زوجها بلسانها الا جعل الله لسانها يوم القيامة سبعين ذراعا ثم عقد خلف عنقها

Пайғамбар алайҳиссалом Оиша р.а.га хитобан шундай дедилар: “Қайси аёл эрига тили билан озор берса Аллоҳ таоло қиёмат куни унинг тилини етмиш газ қилиб, бўйнига ўраб қўяди.

يا عائشة وايما امرأة تصلى لربها وتدعو لنفسها ثم تدعو لزوجها الا ضرب بصلاتها وجهها حتى تدعو لزوجها ثم تدعو لنفسها

Эй Оиша! Қайси бир аёл намоз ўқиб, кетидан ўзи учун дуо қилса, сўнгра эри учун дуо қилса ўқиган намози билан юзига урилади, токи аввал эрининг ҳаққига дуо қилиб, кейин ўзининг ҳаққига дуо қилмагунича.

يا عائشة وايما امرأة جزعت على ميتها فوق ثلاثة ايام احبط الله عملها

Эй Оиша! Қайси бир аёл маййит учун уч кундан ортиқ жазавага тушса, Аллоҳ таоло унинг барча амалларини бекор қилади.

يا عائشة وايما امرأة ناحت على ميتها الا جعل الله لسانها سبعين ذراعا وجرت الى النار مع من تبعها

Эй Оиша! Қайси бир аёл маййит учун дод солиб йиғласа, Аллоҳ таоло унинг тилини етмиш қулоч қилиб унга эргашганлар билан бирга дўзахга тортади.

يا عائشة ايما امرأة اصابتها مصيبة فلطمت وجهها ومزقت ثيابها الا كانت مع امرأة لوط ونوح فى النار وكانت آيسة من كل خير وكل شفاعة شافع يوم القيامة

Эй Оиша! Қайси бир аёлга мусибат етса ва у юзига уриб, ёқасини йиртиб йиғлас, Лут ва Нуҳ пайғамбарларнинг хотинлари билан дўзахда бўлади. Ҳар қандай яхшиликдан ва қиёмат кунидаги ҳар қандай шафоатдан ноумид бўлади.

يا عائشة ما زال جبريل يوصينى فى امر النساء حتى ظننت انه سيحرم طلاقهن

Эй Оиша! Жаброил а.с. менга аёллар борасида жуда ҳам кўп васият қилдики, ҳатто мен аёлларни талоқ қилишни ҳаром қилса керак, деб ўйлаб қолдим.

يا عائشة انا خصم كل امرأة يطلقها زوجها

Эй Оиша! Мен эри талоқ қилган ҳар бир аёлнинг хусуматчисиман.

يا عائشة وما من امرأة تحبل من زوجها حين تحبل الا ولها مثل اجر الصائم بالنهار والقائم بالليل الغازى فى سبيل الله

Эй Оиша! Эридан ҳомиладор бўлган аёлга кундузлари рўзадор, тунлари бедор, Аллоҳ йўлида ғазот қилганнинг савоби бор.

يا عائشة ما من امرأة اتاها الطلق الا ولها بكل طلقة عتق نسمة وبكل رضعة عتق رقبة

Эй Оиша! Тўлғоқ келган аёлнинг ҳар бир тўлғоғига бир жонни озод қилганлик ва ҳар бир эмизишига бир қулни озод қилганлик савоби бор.

يا عائشة ايما امرأة خففت عن زوجها من مهرها الا كان لها من العمل حجة مبرورة وعمرة متقبلة وغفر لها ذنوبها كلها حديثها وقديمها سرها وعلانيتها عمدها وخطأها اولها وآخرها

Эй Оиша! Қайси бир аёл эрининг зиммасидаги маҳрини енгиллатса, унга мабрур ҳаж ва мақбул умра амалини қилганлик савоби берилади ҳамда гуноҳларининг ҳаммаси, янгиси ҳам, эскиси ҳам, махфийси ҳам, ошкораси ҳам, қасддан қилгани ҳам, саҳван қилгани ҳам, аввалгилари ҳам, охиргилари ҳам кечирилади.

303 0 2 1

OLLOHGA OSHIQLAR

12 Nov, 16:45

لماذا الهدهد من الطيور التى ذكرت في القرآن الكريم

Худхуд Қуронда каримда зикр этилган қуш

✍️ عجائب الهدهد✍️

"Ҳудҳуднинг ажойиб хусусиятлари"

هو طائر وفي لا يتزوج إلا مرة واحدة حتى بعد وفاة زوجته ،

У ўз жуфтига вафодор қуш. Ҳаётида фақат бир марта оила қуради ҳатто жуфти вафот этса ҳам.

ويطلب الزواج بتقديم ورقة أو حشرة أو دودة في منقاره وهو ناشر عرفه وهو تاج جميل ، ويقدم الطعام كمهر لمن يتقدم لها لإرضائها فإن اكلتها بمنقارها فهذا يعني القبول

У ўз жуфтини тумшуғида унга дарахтнинг япроғи ёки бирорта ҳашорат ёхуд қурт тақдим этиш орқали танлайди. Бошидаги чиройли тожисини ёйган ҳолатда жуфтининг розилигини олиш учун маҳр сифатида унга таом тортиқ қилади. Агар жуфти тумшуғи билан таомни еса, демак бу розилик аломати.

. ثم يأخذها للعش الذي بناه لها وهو غالبًا ثقب في شجرة ، فإن قبلت العش يتم الزواج ، وتبيض الزوجة من خمس إلى سبع بيضات وبعد الفقس يتناوب الزوجان إطعام الصغار .

Сўнгра жуфтини унинг учун қурган инига олиб боради. Кўпинча ин дарахтнинг ковагида бўлади. Агар ин жуфтига ёқса жуфтлик ҳаёти бошланади. Жуфти бештадан еттитагача тухум қўяди. Полапонлар чиққач иккиси навбат билан болаларини таомлантиради.

وهو زوج وفي أن وجد مكان طعام أو ماء صاح على زوجته فلا يقرب الطعام الا معها

У вафодор жуфт саналади. Агар озуқа ёки сув бор жойни топса қичқириб жуфтини чақиради. Таомни фақат жуфти келгандагина у билан баҳам кўради.

وإن غابت ظل يطير بحثًا عنها وهو يصيح ، وإن ماتت يظل كلما تذكرها يصيح ويذهب الى الأماكن التي كانوا يطيرون لها سويا ويصيح متذكرا ذكرياته الجميلة .

Агар жуфтини йўқотиб қўйса, қичқириб уни топгунича ахтаради. Агар жуфти ўлса ҳар гал эсига тушганда эслаб қичқиради. Бирга учиб юрган жойларига бориб, ширин хотираларни ёдга олиб қичқиради.

الهدهد سدس طوله منقار لسهولة البحث عن الديدان والحشرات في الارض

Ҳудҳуднинг танасининг олтидан бирига тенг келадиган тумшуғи бўлиб, у ердаги ҳашарот ва қуртларни осонлик билан топади.

الهدهد له حاسة لاتوجد عند غيره فهو يستشعر وجود الماء في باطن الأرض

Ҳудҳуднинг бошқа қушларда мавжуд бўлмаган сезиш қобилияти мавжуд бўлиб, у ер ости сувларини сезади.

كان النبي سليمان يعتمد عليه كدليل بحث لمواضع الماء في قعر الارض

Сулаймон пайғамбар ер ости сувларини излаб топишда ҳудҳуднинг ушбу сезиш қобилиятидан фойдаланар эди.

فإن دله على مكان الماء فكان يأمر الجن بالحفر فيجدوا الماء فهو من أسمائه المعاصرة مهندس الماء

Сув бор ерга ишора қилса жинларга ўша ерни қазишга фармон берар ва сувни топишар эди. Шунинг учун унинг замонавий исми - сув инженеридир.

… ويستطيع الهدهد قطع مسافه طويله من طيران تصل الئ الاف كيلو مترات دون تعب او عطش او جوع

Ҳудҳуд минглаб километрга етадиган масофани чарчоқсиз, чанқамай ва очиқмай учиб ўта олади.

بحيث انه يقدر على الطيران من دولة الى اخرىٰ ولهذا اعطاه القران الكريم دليلا سافر من سبأ في اليمن الئ فلسطين

Бир давлатдан иккинчи давлатга тўхтовсиз учиб ўтишга қодир. Шунинг учун Қуръони карим унинг Ямандаги Сабо ўлкасидан Фаластинга сафар қилганини далил қилиб келтиради.

قد جئتك من سبأ بنبأ يقين وقصته مع النبي سليمان عليه السلام

شوهد في مواقف كثيرا

Мен сенга Сабо ўлкасидан аниқ хабар келтирдим, деб Сулаймон пайғамбар билан бўлган қиссада кўплаб воқеалар келтирилади.

وهو ينصت دون صياح عند الأذان أو الصلاة أو تلاوة القرآن الكريم

У азон айтилаётган, намоз ўқилаётган ва Қуръони карим тиловат қилинаётган вақтда қичқирмай тинч туради.

حرم الرسول الكريم محمد صلى الله عليه واله وسلم قتله لما فيه من اسرار لا يعلمها الا الله

Пайғамбаримиз Муҳаммад с.а.в. Аллоҳдан бошқага маълум бўлмаган яна кўплаб сир асрорлари борлиги учун уни ўлдиришни ҳаром қилганлар.

سبحان الله

Субҳаналлоҳ.

222 0 0 1

OLLOHGA OSHIQLAR

12 Nov, 16:45

САБРНИНГ ФОЙДАЛАРИ:

1. Сабр оғир вазиятларда нафсни тутишга ёрдам беради.
2. Сабр моддий ва маънавий талабларни амалга оширишда шошилишга ва қўполликнинг олдини олишга ёрдам беради.
3. Сабр ғазабни қўзғайдиган нарсалар содир бўлганда ўзини тутиб олишга ёрдам беради.
4. Сабр хавф туғилганда ўзини ўнглаб олишга ёрдам беради.
5. Сабр тамагирлик қўзийдиган вазиятларда ўзини ўнглаб олишда асқотади.
6. Сабр моддий ва маънавий яхшиликларга эришиш йўлидаги жисмоний ва руҳий аламларга чидашда ёрдам беради.
7. Сабр иймон баркамоллиги ва Ислом гўзаллиги далилидир.
8. Сабр қалбда ҳидоят ҳолис қилишга ёрдам беради.
9. Сабрнинг самараси Аллоҳ таолонинг ва одамларнинг муҳаббатидир.
10. Сабр ер юзида тамкин топиш сабабчисидир.
11. Сабр жаннатга эришиш ва дўзахдан қутулишдир.
12. Сабр Аллоҳ таоло билан бирга бўлишдир.
13. Сабр қиёмат кунидаги катта қўрқинчдан омонликдир.
14. Сабр мардлик ва яхши оқибатнинг аломатидир.
15. Сабр Аллоҳ таолонинг раҳмати ва баракотидир.

211 0 1 1

OLLOHGA OSHIQLAR

12 Nov, 16:45

Қўшнининг косаси (Ибратли ҳикоя)

– Қизалоғим, бориб бувингга қараш. Бугун эҳсон беришаётган экан. Мен ишдан қайтгач бораман. Ҳеч йўқ, ул-бул обкеб бериб турарсан.

Кичкина эдим. Онамнинг бу сўзларини эшитиб, бормайман, деб хархаша қила бошладим. Шунда онам мен рад этолмайдиган сабабни кўрсатди:

– Қизим, эҳсонда хизмат қилиш савоб. Борақол!

Бордим. Анча-мунча ярим-ёрти ишларга қарашдим. Хизмат қилаётган келинойиларнинг болаларига қараб турдим. Келганимдаёқ бувимга: «Савоб топиш учун келдим. Менга кўпгина иш буюринг», дегандим. Шунинг учун бўлса керак, хизмат қилишга шай турганлар кўплигига қарамай бувим имлаб чақириб қолдилар. Учиб бордим.

– Қизалоғим, каттароқ косага совуқ чойдан тўлдириб қуйиб кел. Анорхон бувинг кўп чанқайди.

Югургилаб кетдим. Идишлар орасидан энг катта косани танлаб чой қуйиб келдим. Бувим идишни олдилар-да, унга синчиклаб қарадилар:

– Бу қўшнининг косаси-ку. Жойига олиб боргин-да, бошқасига қўйиб кел.

– Чойни ичиб олсинлар, кейин...

– Бўлмайди, қизим, ҳозироқ обор. Мени қарздор қилиб қўйма!

Бувимнинг буйруқларини бажардим. Аммо уларнинг сўзларини тушунолмай роса қийналдим. Кўп идиш синдирганим учун шунақа қилдилар, деб бола кўнглим бир оз ранжиб ҳам олди. Аммо меҳмонлар кетгач, бувим шубҳаларимни тарқатдилар ва галдаги унутилмас сабоқни дилимга жойладилар:

– Болажоним, бояги гапимдан ранжиган кўринасан? Сен олиб келган бояги косада кеча қўшни овқат чиқарган экан. Ундаги таомни ейишга ҳақимиз бор, аммо косани ишлатишга асло ҳақимиз йўқ. Чунки қўшни уни бизга ишлатиш учун бермаган. Агар ишлатсак, қўшни ҳақига хиёнат қилган бўламиз. Арзимасдек туюлган бу нарса бўйнимизга бировнинг ҳақи деган улкан қарзни илади. Бировнинг ҳақини бу дунёда ўтамасанг, қиёматда, тўлов учун савобдан бўлак ҳеч вақойинг бўлмаган, ҳар бир савоб ўзинг учун керак бўлган пайтда тўлайсан. Шунинг учун бу борада эҳтиёткор бўлиш керак. Қўшнига косасини олиб кириб, унга рухсатингизсиз чой қуйиб қўйдик, рози бўлинг, деб сўраб чиққин!..

Бугун ушбу воқеани ёдга оларканман, дилимда қўрқув пайдо бўлди. Эҳ-ҳе, мен қанчадан-қанча идишларга эгаларининг рухсатисиз «чой қуйиб» қўйганман. Ёру биродарлар, қўни-қўшнилар, сизларнинг қанча «идишлар»ингиздан рухсатсиз «фойдаландим», қанча ҳақларни бўйнимга илдим. Уларнинг тўлови қиёмат кунида гарданимга тушмаслиги учун ҳаммангиздан розилик сўрайман.

501 0 7

OLLOHGA OSHIQLAR

11 Nov, 20:49

Боязид Бистомий ва Мажусий

Боязид Бистомий ҳазратлари Жума намозига бориш учун уйларидан чиққан вақтларида ёмғир оҳиста ёғаётган эди. Йўлнинг ярмига етганларида жала қуйиб юборди. Ҳазрат шошганча йўл четидаги уйлардан бирининг деворини пана тортдилар. Пойабзалларига лой ёпишганини кўриб, уни девор четига суртиб тозаладилар. Ёмғир шиддати пасайгач, масжид сари юрдилар. У даргоҳ остонасига етиб, пойабзалларини ечаётган вақтларида нимадир эсларига тушиб, тўхталиб қолдилар. Пойабзални қайта кийиб, шошиб ортга қайтдилар. Боя деворини пана тортган уйнинг яқинига бориб, намозга кетаётган одамлардан бу уйнинг соҳиби ким эканини суриштирдилар. «Бу бир мажусий кишининг уйи», - деган жавоб бўлди. Бистомий ҳазратлари уй дарвозасини тақиллатдилар. Дарвозани уй соҳиби очди. Ҳазрат уни бағирларига босиб кўришдилар.
- Сиздан узр сўрагани келдим, - дедилар.
Уй эгаси ҳайрон бўлди.
- Ҳайрон бўлманг, - дедилар Бистомий ҳазратлари.
– Мен намозга шошиб кетаётган вақтим, жала қуйиб юборди. Сизнинг деворингизни пана тортиб, жала тинишини кутдим. Шошганимдан пойабзалимдаги лойни деворингиз четига суртиб тозалабман... Масжидга оёқ қўйганимда, ақлим бошимга келди. Э воҳ, бир одамнинг деворини лойлатиб ўқиган намозим қабул бўлармиди, дея надомат қилдим! Бир банданинг деворини кирлатиб келиб, қайси юз билан Аллоҳнинг ҳузурида покман деб намоз ўқиш мумкин?! Шунинг учун, узр сўраб келдим, биродар! Мен одобсизни авф айланг...
Уй эгаси ҳам ҳайрат, ҳам хижолат ичида қолди.
- Узр сўрашга ҳеч ҳожат йўқ, тақсир, - деди ўнғайсизланиб. – Ўзи шундоқ ҳам кўча деворлари ёмғирлар туфайли лойланиб ётибди. Менинг деворимга Сиздан ҳеч қандай зарар етгани йўқ, хотиржам бориб, ибодатингизни адо этаверинг...
Бистомий ҳазратлари қувониб, уни дуо қилдилар. Хайрлашиб ортга бурилганларида, уй эгаси у зотни тўхтатди.
- Тақсир, одамларга бу даражада ҳурмат кўрсатмоқни Сизга динингиз ўргатганми? - деди.
- Ҳа, динимиз ва пайғамбаримиз Расулуллоҳ соллаллоҳу алайҳи васаллам ўргатганлар.
Мажусийнинг кўзларида ёш айланди. Ҳазратнинг қўлларига ёпишиб, «Унда мен ҳам сизнинг динингизни қабул қиламан», деди.
Шаҳодат келтириб, мусулмон бўлди...

563 0 2 6

OLLOHGA OSHIQLAR

11 Nov, 20:49

❗️БИЛИБ ОЛИНГ...

Ҳаётда уч нарсани эҳтиёт қилиб ишлатинг:
- Қадамни;
- Қаламни;
- Қасамни.

Уч нарсани пок тутинг:
- Танани;
- Кийимни;
- Хаёлни.

Уч нарсани ишга солинг:
- Ақлни;
- Ҳимматни;
- Сабрни.

Уч нарсадан парҳез қилинг:
- Гуноҳдан;
- Афсусдан;
- Фарёддан.

Уч нарсани булғаманг:
- Қалбни;
- Тилни;
- Кўзни.

@HIKOYANEW

520 0 7

OLLOHGA OSHIQLAR

11 Nov, 20:49

Фарзандингизга мактабга кетишидан олдин ушбу ҳадисдаги дуони ёдлатиб қўйинг:

«Бисмиллааҳ, таваккалту ъалаллоҳ, ва лаа ҳавла ва лаа қуввата иллаа биллааҳ»

(Аллоҳнинг номи билан. Аллоҳга таваккул қилдим. Куч ва қудрат фақат Аллоҳ биландир).

Анас розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай деганлар:
«Ким уйидан чиққанда «Бисмиллааҳ, таваккалту ъалаллоҳ, ва лаа ҳавла ва лаа қуввата иллаа биллааҳ» деса, унга
«Куфийта, ва вуқийта, ва ҳудийта» (ҳидоят топдинг, шайтондан сақландинг, ҳимояга олиндинг) дейилади ва шайтон ундан узоқлаштирилади».

Абу Довуд, Термизий, Насоий ривояти.

401 0 6

OLLOHGA OSHIQLAR

11 Nov, 20:49

#КУН_ҲИКОЯСИ

Жунайд Бағдодий ҳазратлари денгиз соҳилида кезар эканлар, бир мажусий кўпгина ем-озуқа олиб, денгизга, балиқларга ташларди. Буни кўрган Жунайд ҳазратлари:
— Нима қилганинг бу? — дедилар.
— Савоб умидида балиқларга ем ташлаяпман.
— Сен мусулмон эмассан-ку, қанақа савоб ҳақида гапиряпсан? Савобдан умид қилиш учун, аввало Аллоҳга иймон келтиришинг керак.
— Хўп майли, унда айт-чи, сен айтаётганинг Аллоҳ менинг балиқларга ем ташлаётганимни кўряптими?
— Албатта, Унинг кўрмайдиган, билмайдиган нарсаси йўқдир.
— Шу менга етади.
Орадан 4-5 йил ўтди. Жунайд ҳазратлари Ҳаж ибодати учун Маккага кетдилар. Каъбани тавоф қилиб турар эканлар, рўпараларида балиқларга ем ташлаган мажусий ҳам тавоф қиларди. Ҳазрати Жунайд:
— Бу ерда сени нима ишинг бор?
— У (Аллоҳ) мени кўрди.
— Қандай кўрди?
— Сен кетганингдан сўнг, ичимда бир ёруғлик, нур порлади. Қарасам, ҳамма балиқлар оғзини очиб, шаҳодат калимасини айтяпти. Мен ҳам балиқларга қўшилиб, шаҳодат калимасини айтдим. Сенинг Роббинг мени кўрди. У кўргани учун мен шу ердаман. Сенга бир насиҳатим бор: яхшилик қил, денгизга от — балиқ билар, балиқ билмаса — Холиқ билар.

Қил яхшилик ташла дарёга,
Билса балиқ билмаса Холиқ !

374 0 2 1

OLLOHGA OSHIQLAR

11 Nov, 20:49

САБРНИ ОИША ОНАМИЗДАН ЎРГАНАЙЛИК!

Оиша онамиз фарзанд кўрмаганлар. Лекин бирорта ҳадисда:

Эй Аллоҳнинг Росули, менга зурриёт тилаб дуо қилинг, деганларини кўрмаймиз.

Росулуллоҳ соллаллоҳу алайҳи васаллам вафот этганларида Оиша онамиз 18 ёшда бўлганлар. У зот алайҳиссалом Оиша онамизни қаттиқ севар ва рашк қилардилар.

Оиша розияллоҳу анҳо Росулуллоҳ соллаллоҳу алайҳи васалламдан кейин 47 йил яшаганлар, лекин бирор марта ёлғизликларига қайғурмаганлар. Чунки батамом илм ва ибодат билан машғул бўлганлар.

Оиша онамиз маърифатли аёл эдилар, кўпчиликка муаллима эдилар, буюк саҳобаларга фатво берувчи муфтия ҳам эдилар.

Эсда тутинг!

Инсоннинг ҳаёти фарзанд, эр, уй, кундош, мол дунё, ота онанинг ўлими ёки фарзанднинг нобуд бўлиши билан тўхтаб қолмайди. Аллоҳ сиздан бир нарсани олиб қўйса, эвазига ундан яхши нарсани албатта беради.

Бу дунё имтиҳон диёридир, у ҳеч бир кишининг қўлида мукаммал бўлмайди...

415 0 4 1

OLLOHGA OSHIQLAR

11 Nov, 20:49

🍃ОСОН САВОБ ИШЛАР!

1. Масжидга битта курси қўйиб қўйинг. Унда намоз ўқиган инсоннинг ажрини оласиз!

2. Хонангизнинг деразасига қушлар учун бир идишга сув, бошқасига дон - дун солиб қўйинг!

3. Қишнинг аввалида, ўзингизнинг эҳтиёжингиз тушмайдиган иссиқ кийимларни олиб, совуқда ишлайдиган, муҳтож ишчиларга беринг!

4. Хонангизга қутича қўйинг. Ҳар гуноҳ қилганингизда унга маълум миқдор жарима пули солинг. Ҳар ойнинг охирида уни очиб, садақа қилинг!

5. Иссиқ кунларда ўзингиз билан муздек сув оволинг! Қуёш остида ишлаётганларга бериб ўтинг!

6. Масжидга мусъҳаф қўйинг! Уни ўқиганнинг савобидан баҳраманд бўлинг!

7. Ичган сувингиздан ошиб қолса, ерга тўкмасдан, бирор ўсимлик остига тўкинг!

8. Табассум қилинг, салом беринг, чиройли гапиринг... булар - садақа.

9. Ухлашдан олдин, сизни ғийбат, чақимчилиқ, зулм билан ёмонлик қилганни кечиринг.

10. Жанозага эргашинг!

11. Масжиднинг тозалиги, хушбўй бўлишига оз бўлса - да ҳиссангизни қўшинг!

12. Юрган йўлингизда зикр билан машғул бўлинг!

331 0 1 2

OLLOHGA OSHIQLAR

11 Nov, 20:49

Умар розияллоҳу анҳу айтдилар:

«Шайтоннинг зурриёти тўққизтадир:
1. Залитун.
2. Васийн.
3. Лақус.
4. Аъвон.
5. Ҳаффоф.
6. Мурран
7. Мусаввит.
8. Досим.
9. Валҳон.

1.Залитун - бозордаги соҳиб бўлиб, кўрган нарсангга ўрнашади.
2.Васийн - мусибатдаги соҳиб.
3.Аъвон - султонликдаги соҳиб.
4.Ҳаффоф - ичкилиқдаги соҳиб.
5.Мурра - сурнай чалгандаги соҳиб.
6.Лақус - ўт-оловдаги соҳиб.
7.Мусаввит - хабарлар соҳиби. Инсонлар у тарқатган хабарни оғиздан-оғизга олиб юришади-да, у хабарнинг аслини топа олмайдилар.
8.Досим - уйлар соҳиби. Киши қачон манзилига кирса, салом ҳам бердирмайди, Аллоҳнинг исмини ҳам зикр эттирмайди. Ва оиладагиларнинг ораларига низо солиб, талоқ, хулуъ, уришиш каби ишларни келтириб чиқаради.
9.Валҳон - у таҳорат, намоз ва ибодатларда васваса қилади.

Ё РОББИМ АЛЛОҲ БАРЧАМИЗНИ ВА ЗЎРРИЁТЛАРИМИЗНИ
ШАЙТОННИНГ
9-ЗУРРИЁТИДАН АСРАГИН! АМИЙН !
ЗУЛ ЖАЛОЛУ ВАЛ ИКРОМ ИСМИНГ ҲАҚҚИ ҲУРМАТИ
АМИЙН .

370 0 1

OLLOHGA OSHIQLAR

11 Nov, 20:49

БИР ЯХШИЛИККА ЎН ЯХШИЛИК

Пайғамбар алайҳиссаломнинг қизлари ҳазрати Фотима бир куни касал бўлиб қолди. Негадир кўнгли анор тусади.
Буни эри—ҳазрати Алига айтди.

Ҳазрати Али бозорга чиқиб, бир дона анор сотиб олдилар. Чунки пуллари фақат биттагина анорга етди.

Бозордан қайтаётсалар, йўлда тиланчи учраб, қўлларидаги анорни сўради
Иймон ва ҳаёлари қўймай, анорни иккига бўлиб, ярмини гадога бердилар.

Тиланчи хурсанд бўлди.

Уйга келиб, ҳазрати Али анорнинг ярмини аёлларига бердилар ва узр сўрадилар.

Ҳазрати Фотима узрни қабул қилиб:
—Аллоҳ сиздан рози бўлсин, ажр-мукофот берсин,—деди.

Орадан ҳеч қанча фурсат ўтмаган ҳам эдики, эшик тақиллаб қолди.

Ҳазрати Али очиб қарасалар, эшик олдида Салмон Форсий турибдилар.
Қўлларидаги идишда тўққиз дона анор.

—Бу анорларни Расулуллоҳ соллаллоҳу алайҳи васаллам бериб юбордилар,-дедилар Салмон.

—Бўлиши мумкин эмас, агар Расулуллоҳ бериб юборганларида ўн дона бўлиши керак эди. Чунки Аллоҳ бир яхшиликка ўн яхшилик берилади, деган.

Шунда Салмон Форсий чўнтакларидан ўнинчи анорни чиқариб:

—Барокат учун олиб қолган эдим,—дедилар.

"Ривоятлар" китобидан.

369 0 3 2

OLLOHGA OSHIQLAR

11 Nov, 20:49

ҲАЗРАТИ ХАДИЧА БИНТИ ХУВАЙЛИД

Бутун оламларнинг Рабби бўлган Аллоҳ бандалари ичра Ўзига энг суюклиси бўлган Муҳаммад Мустафо соллаллоҳу алайҳи васалламга дунё ва охиратда энг хайрли бўлган неъматларни насиб этган. Улардан бири – у зотнинг аҳли байтларидир. Аҳли байт ҳақида сўз кетаркан, кўз олдимизга биринчилардан бўлиб Расули акрам соллаллоҳу алайҳи васалламнинг илк аёли ҳазрати Хадича бинти Хувайлид келади.

Қуръони каримда бундай Марҳамат қилинади: «Сизни камбағал ҳолда топиб, (Хадичага уйланишингиз туфайли) бой қилиб қўймадими?!» (Зуҳо сураси, 8-оят).
У ҳақда Пайғамбар соллаллоҳу алайҳи васаллам бундай деганлар: «Аллоҳга қасамки, Аллоҳ менга Хадичадан кўра хайрлисини бермади. Одамлар куфр келтирганларида у менга ишонди. Одамлар мени ёлғончига чиқарган дамларда у мени тасдиқлади. Одамлар мени маҳрум қилганларида у менга бор давлатини фидо қилиб, дастак берди. Аллоҳ мени унинг севгиси билан ризқлантирди» (Имом Термизий ривояти).

Дарҳақиқат, ҳазрати Хадича инсониятга ҳаёт сабоғини беради. Расулуллоҳ соллаллоҳу алайҳи васалламнинг ғамини арита олган бу аёлдан ўрганиладиган жуда кўп жиҳатлар бор.
Жаброил алайҳиссаломдан ваҳийни қабул қилиб олган Расулуллоҳ соллаллоҳу алайҳи васаллам Аршдан келган илоҳий Каломни унга айтиб бераркан, унинг тутган тутуми улуғвор эди. Оламлар сарварини қучиб, қўриб, ўраб, тасалли ва мужда берадиган сўзларни айта олди. У зотга борини, ҳаётини бағишлади. Оқибатда У Аллоҳ ва фаришталарининг саломига, жаннатда эса алоҳида кўшкка сазовор бўлди:

«Жаброил алайҳиссалом Расулуллоҳ соллаллоҳу алайҳи васалламга деди:
– Ё Расулуллоҳ, анави узоқдан кўринган Хадича. Сизнинг олдингизга келаётир. Ёнидаги халтачасида егулик бор...
Расулуллоҳ соллаллоҳу алайҳи васаллам у томонга муҳаббат билан боқдилар. Жаброил алайҳиссалом сўзида давом этди:
– Хадича ёнингизга келганида Раббингиздан ва мендан унга салом айтинг! Унга жаннатда инжудан қилинган бетакрор саройнинг муждасини беринг. У сарой ичида на шовқин, на иш ва на ҳаракат бордир» (Имом Бухорий ва Имом Муслим ривояти).

«Бир куни Оиша розияллоҳу анҳо:
– Ё Расулуллоҳ, Хадичани нега бу қадар яхши кўрасиз, нега жуда кўп эслайсиз? – деб сўради.
Расулуллоҳ соллаллоҳу алайҳи васаллам:
– Ҳаётимда Хадичадек бошқа бири бўлиши мушкул. Унинг қалбида ҳеч кимда бўлмаган бир фазилат мужассам эди. У кўнгилдаги маҳзунликни бир пасда аритиш хусусиятига эга эди, – деб жавоб бердилар» (Имом Бухорий ривояти).

Ана шундай бетакрор, тенгсиз аёл эди севимли Хадича онамиз!..

“Мўъжаз ҳикоялар” китобидан.

403 0 2 1

OLLOHGA OSHIQLAR

11 Nov, 17:11

Қандай ажойиб ризқ

Бир фақир киши бор эди. У онасини, аёлини ва зурриётини боқар эди. У бир (бойнинг) қўлида хизматкор бўлиб ишлар, ишига холис ва ишини комил суратда адо қиларди. Кунларнинг бирида у ишга келмади.

Шунда хўжайини ўзига ўзи: "У, ишга келмай қўймаслиги учун унинг маошини бир дийнорга зиёда қилишим керак. Аминманки, у маошини кўтарилиши таъма қилиб, ишга келмади. Чунки мени унга мухтож эканимни билади-да" деди. Иккинчи кун бўлгач, Хўжайин унга маошини бериб, бир дийнор зиёда қилди. Хизматкор хеч нарса демади ва хўжайиндан сабабини хам сўрамади.

Бир қанча муддатдан кейин хизматкор яна келмади. Хўжайин жуда қаттиқ ғазабланиб: "Ўша зиёда қилган бир дийнорни камайтираман" деди. Камайтирди хам, хизматкор хеч нарса демади ва маошининг камайган сабабини хам сўрамади.

Хўжайин ходимни олдинги ишини такрорлагани (маоши кўпайса хам, камайса хам индамагани)дан ажабланиб, сўради: "Маошингни зиёда қилдим сабабини сўрамадинг, камайтирдим хеч нарса демадинг"?! Хизматкор: "Биринчи марта келмаганимда Аллох менга бир чақалоқ тухфа этганди, ўшанда маошимни кўпайтириб мукофатлагандингиз. Айтдимки: "Бу чақалоғимнинг ризқи ўзи билан келди".

Иккинчи марта келмаганимда эса, онам вафот этгандилар, маошимни камайтирганингизда дедимки: "Бу онамнинг ризқи, онам кетди, ризқи хам . . . ! ! ! Қандай ажойиб! Аллохнинг берганига рози ва сабабини хам биляпти. Камайтирса хам рози ва нима учунлигини хам биляпти . . .

513 0 2

OLLOHGA OSHIQLAR

11 Nov, 17:11

ПАЙҒАМБАРЛАРНИНГ ҲАМ КАСБЛАРИ БЎЛГАН

Одам алайҳиссалом – деҳқон;

Шис алайҳиссалом – тўқувчи;

Идрис алайҳиссалом – тикувчи;

Нуҳ алайҳиссалом – дурадгор;

Ҳуд алайҳиссалом – тижоратчи;

Солиҳ алайҳиссалом – чўпон;

Иброҳим алайҳиссалом – қурувчи;

Лут алайҳиссалом – муаррих ва денгизчи;

Исмоил алайҳиссалом – овчи ва таржимон;

Юсуф алайҳиссалом – соат ишлаб чиққан илк инсон ва маҳсулотларни тизимли ғамловчи;

Мусо алайҳиссалом – чўпон;

Довуд алайҳиссалом – темирчи;

Сулаймон алайҳиссалом – ҳукмдор ва мисга илк ишлов берган киши;

Зулкифл алайҳиссалом – новвой;

Илёс алайҳиссалом – тўқувчи;

Юнус алайҳиссалом – балиқчи;

Узайр алайҳиссалом – боғбон;

Исо алайҳиссалом – овчи бўлган.

Пайғамбаримиз Муҳаммад соллаллоҳу алайҳи ва саллам –ёшликларида чўпон, улғайганларида тижорат билан шуғулланганлар.

@HIKOYANEW

523 0 8 3

OLLOHGA OSHIQLAR

11 Nov, 17:11

Assalomu alaykum va rohmatullohu va barokatuh xurmatli solih solihalar kanalimzga yaqinlariz qushib savobga sherik buling

390 0 0

OLLOHGA OSHIQLAR

11 Nov, 17:11

Ривоят қилинишича, қиёмат куни инсонлар 12 қисм бўлинган ҳолда тирилтирилади.

1. Икки қўли ва икки оёғи йўқ ҳолда тирилтирилади. Бир нидо қилувчи: “Булар дунёда қўшниларига озор берган, лекин тавба қилмасдан ўлган кишилардир”, дейди. Мана шу уларнинг дўзахга ташланишига сабаб бўлади

2. Намозни енгил олиб, тавба қилмай ўтганлар чўчқа суратида тирилтирилади.

3. Закотни адо этмаганлар қоринлари илон ва чаёнга тўлдирилган ҳолда тирилтирилади.

4. Савдога, тижоратга ёлғон аралаштирганлар оғизларига қон тўлдирилган ҳолатда тирилтириладилар.

5. Аллоҳдан қўрқмасдан, балки инсонлардан қўрқиб гуноҳларини яширган, лекин тавба қилмай ўтган кишилар ўлимтик каби сассиқ ҳид билан тирилтирилади.

6. Ёлғон гувоҳлик берган, аммо тавба қилмай ўлганлар ҳалқумлари кесилган ҳолда тирилтирилади.

7. Гувоҳлик беришни ман этган, тавба нималигини билмай ўлганлар озиғлари йиринг ва қонга тўла ҳолда тирилтирилади.

8. Тавба қилмасдан ўлган зинокорлар бошлари эгик, авратларидан йиринг, қон оққан ҳолда тирилтирилади.

9. Етимларнинг ва одамларнинг молларини ноҳақ еб, тавба қилмай ўтган кишилар юзи қора, кўзлари кўкарган, қоринлари оташга тўлдирилган ҳолда тирилтирилади.

10. Ота-онасига оқ бўлган, тавба қилмагнан, улардан кечирим сўрамай ўлган кишилар таналари пес ва мохов ҳолида тирилтирилади.

11. Маст қилувчи ичимликлар ичиб, тавба қилмасдан жон таслим қилган кишилар қалблари ва кўзлари кўр, тишлари ҳўкизнинг тишига ўхшаш, лаблари кўксларига осилган, тиллари қоринларигача шалвираб қолган ҳолда тирилтирилади. Мана шу 11 тоифанинг жазоси жаҳаннамдир.

12. Эзгу ишларни қилган, хайрли амалларнинг бошини тутган, гуноҳ ва ёмон ишлардан тийилган, беш вақтни канда қилмаган, доимий тавба қилиб юриб вафот этган кишилар ойдин кечадаги тўлин ой каби юзлари порлаган ҳолда тирилтирилади. Улар сирот кўпригидан яшин тезлигида ўтиб олишади. Уларнинг мукофоти жаннат, мағфират ва ризвондир.

Юқоридаги иллатлардан Ўзи асрасин!
"Мусулмон учун 30 ваъз" китобидан.

565 0 7 2

OLLOHGA OSHIQLAR

11 Nov, 17:11

☝️ ОЛТИН ДИНИЙ СЎЗ!

✔️1) тоййиба сўзи!

👉 Лаа илааҳа иллаллоҳу Муҳаммадур росуулуллоҳ.

Тўғри сўз:
Аллоҳдан ўзга илоҳ йўқ Муҳаммад (с.а.в.) Аллоҳнинг расулидир.

✔️2) Гувоҳлик калимаси.

👉 Ашҳаду алла илааҳа иллаллоҳу ва ашҳаду анна Муҳаммадан абдуҳуҳу ва расуулуҳ.

✍Эътироф сўзи:.
Мен Аллоҳдан ўзга илоҳ йўқлигига ва Муҳаммад Аллоҳнинг бандаси ва элчиси эканлигига иқрорман.

✔️3) Тавҳид сўзи.!

👉 Ашҳаду аллаа илааҳа иллаллоҳу ваҳадаҳуу ла шариика лаҳ, лаҳул мулку ва лаҳул ҳамду юҳйи ва юмиту ва ҳува ҳайюл лаа ямуту, биёд ҳил хайру ва ҳува ала кулли шайин қодиир.

✍Ёлғизликка иқрор: Аллоҳдан ўзга ибодат қилинадиган илоҳ йўқлигига иқрор бўлдим! Аллоҳнинг шериги йўқ. Мулк Аллоҳникидир. Аллоҳга ҳамдлар бўлсин. (Аллоҳ) тирилтирур ва ўлдиради. Лекин У тирик ва ўлмайди. Яхшилик Уникидир ва У ҳамма нарсага қодирдир!

✔️4) Куфр сўзи.

👉 Аллоҳумма инни аъуузу бика мин ан ушрика бика шайян ва ана аалам. Ва астагфирука лимаа лаа аалам. Бу шундай.

✍Куфрни қайтарувчи сўз:
Аллоҳим, сендан мени билиб туриб сенга ширк келтиришдан сақлашингни сўрайман. Агар билмай ширк қилган бўлсам, мени кечиришингизни сўрайман. Албатта, Сен ғайбни билувчисан.

✔️5) Кечирим сўзи.!

👉 Астағфируллоҳ, астағфируллоҳ, астағфируллоҳ таъаалаа мин кулли занбин азнабтуҳуу аамдан ав хотаан сирран ва алаанияҳ. Ва дунёнинг гўзаллиги ва дунёнинг гўзаллиги. Бу шундай.

✍Гуноҳлар кечирилишини сўраш учун сўз:

Аллоҳдан гуноҳларимни кечиришини сўрайман. Аллоҳдан гуноҳларимни кечиришини сўрайман. Қасддан ёки хато билан, яширин ёки ошкора қилган барча гуноҳларимни Аллоҳ таолодан кечиришини сўрайман. Мен билган ва билмаган гуноҳлардан Аллоҳга қайтаман.
Албатта, Сен ғайбни билувчисан.

✔️6) Ҳамд сўзи.!

👉 Субҳааналлоҳи валҳамду лиллааҳи ва ла илааҳа иллаллоҳу валооҳу акбар. Лаа ҳавла ва ла култа иллаа биллааҳил-алиийил азийим. Ма шаа Аллоҳу каана ва маа лам яша лам якун.

✍ Мақтов:
Худонинг ҳеч қандай айби ёки камчилиги йўқ. Аллоҳга ҳамдлар бўлсин. Аллоҳдан ўзга илоҳ йўқ! Худо буюкдир. Қудратли ва буюк Аллоҳдан бошқа мутлақ куч ва қувват йўқ. Худо нима хоҳласа, бўлади, Худо хоҳламаса, бўлмайди.

✔️ ХАЛҚ ИЁНАТИ.

👉 Аманту биллаҳ кама ҳува би асмоиҳи ва сифат ва кабилту жомия аҳкамиҳива арканиҳи.

✍Мен Аллоҳни исми ва сифатларидан танидим ва барча амрларини қабул қилдим.

✔️ Батафсил Эътиқод

👉 Аманту биллаҳи ва малайкатиҳи ва кутубиҳи ва русулиҳи вал явмил оҳири вал қодир хайриҳи ва шарриҳи миналлоҳ таоло ва баъс вафотидан кейин.

✍Эътиқоднинг муфассал ифодаси: Аллоҳга, фаришталарига, китобларига, пайғамбарларига, охират кунига, яхшилик ва ёмонлик Аллоҳнинг иродаси билан бўлишига ва ўлимдан кейин тирилишга иймон келтирдим.!!

361 0 3

OLLOHGA OSHIQLAR

11 Nov, 17:11

Оқила Киз!🧕🏻
▬▬▬▬▬▬▬▬▬▬▬▬▬▬▬▬▬
Бир йигит уйланмоқчи бўлиб, бир қиз билан учрашувга чиқибди. Қиз билан гаплашиб, бир-бирларга ёқишибди. Тўй бўлиб ўтганидан кейин, Аёли, йигитга:

«Келинг мусобока қиламиз» дебди.
Йигит: «Кандай Мусобақа?»
Аёли: «Қуръон суралари ва оятларини ким кўп ёдлаш!» дебди.

Йигит рози бўлибди. Кунлар ортидан кунлар ўтарди. Ҳар гал йигит, Аёлидан кўпрок ёдлаб, аёлини енгиб чиқарди. Бундан йигит завқланиб Қуръон ўкишни кўпайтирар ва сураларни ёдлар эди. Бир йилга қолмай йигит Қуръонни ёд олиб, ҳофизу Қуръон бўлиб етишибди.
Йигит хурсанд бўлиб, Аёлининг ота-онаси олдиларига бориб:

«Кизларингиз билан Қуръон суралари ва оятларини ким кўп ёд олиш устида мусобақа қилардик. Ҳар гал кизларингиз менга енгилиб қолади, мана Қуръони ёд олдим, деб фахрланди.
Бу гаплардан қизнинг ота-онаси бир-бирларига хайрон бўлиб қараб: «Ўглим қизимиз Қуръони Каримни 9 ёшида ёд олган эди», деб жавоб қилишди.

Йигит, аёлини бу ишини тушунолмай уйга келиб, Аёлига: «нега бундай килганини сўради».

Оқила қиз (Аёли): «Сиз билан биринчи кўришганимизда, сизни диндан узоклигингизни кўриб, Мен сизга турмушга чиқиб, сизга Аллохни танитмоқчи бўлдим. Сизни дўзахга тушишингизни ҳохламадим», деб жавоб қилди.
Йигит эса қўз ёшларини хеч тўхтатолмас ва Аёлидан жуда мамнун эди.
Ҳаммамизга ҳам мана шундай оқила аёллар насиб килсин!

Бу Оқила қиз, Росулуллоҳ соллаллоҳу алайҳи васалламнинг Али розиаллоху анхуга айтган ҳадисига амал килибди.
Росулуллох соллаллоҳу алайҳи васаллам Али розиаллоҳу анҳуга:

«Эй Али, сиз сабабли Аллох бир инсонни Исломга киритса, ёки тўғри йўлга солса, сиз учун ер юзидаги барча нарсадан афзалдир», деганлар.

406 0 2 2

Атомный конкурс uz

Чистая Энергия ӏ Sof Energiya

Сливочное масло из воздуха⁉️

OLLOHGA OSHIQLAR

Kanal geosi va tili

Toifa

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

OLLOHGA OSHIQLAR

7 251

Kanalda mashhur

Sayt tili

Атомный конкурс uz

Чистая Энергия ӏ Sof Energiya

Сливочное масло из воздуха⁉️

OLLOHGA OSHIQLAR

Kanal geosi va tili

Toifa

7 251

Kanalda mashhur