Хикоялар Хадислар Ривоятлар Хикматлар

Таҳажжуд номози ўқиш тартиби 🌺

Биродарлик – оддий нарса эмас

Қачонки сен бировни “биродар” деб атаганингда ва бу сўзга холис амал қилганингда, шундагина ҳақиқий биродарликнинг маъносини тушунасан. Сен уни Ёлғиз Аллоҳ учунгина яхши кўрганингда, унинг олдида холис бўласан. Биродарлик дунёвий манфаатлар ёки шахсий фойда учун эмас, балки Аллоҳ розилиги учун бўлмоғи лозим.

Ҳақиқий биродарга ҳеч қачон хиёнат қилмайсан. Унинг бошига қийинчилик тушса, унинг ёнида бўласан. У касал бўлиб қолса, ўзингга ҳам унинг дарди теккандек ҳис қиласан. Унинг учун доимо дуо қиласан ва хавотирда бўласан. Бундай биродарликни фақат ўлим ажратади (бу дунёда).

Мана шу – Аллоҳ йўлидаги биродарлик. Қолган барча биродарликлар эса шунчаки қуруқ сўздан иборат.

Валлоҳи, кўришмаган бўлсак-да, қалбан яқинларимиз бор.

@HIKOYANEW

#ибрат

ШАМОЛ УЧИРГАН ИМТИҲОН ВАРАҚАСИ

Жиддадаги қирол Абдулазиз университетида ўқувчи бир йигит ҳикоя қилади:
Университет имтиҳонлари яқинлашиб қолганда дадам қаттиқ оғриб қолдилар. Бошларида туриб тузук тайёрлана олмадим. Имтиҳон кунига бир кун қолганида дадам аҳволи оғирлашиб, касалхонага олиб кетдим. Ўша кечаси дўхтирлар тинчлантирувчи уколлар бериб, осма уколга боғлаб қўйишди.
Қўлимда имтиҳонга тайёрланиш учун олиб келган, дарслар хулосаси тўлдирилган дафтарни ушлаганча дадам бошида ўтирар эканман, кўзим кетиб қолибди. Эрталаб бомдодга яқин уйғондим. Дадам ўзларига келиб, анча енгиллаб қолган эканлар.
- Дада, бугун бироздан сўнг имтиҳон топшираман, дуо қилинг, - дедим.
Қўлларини кўтариб дуо қилдилар.
Эрталаб университетга кетдим. Имтиҳонга кирдим. Имтиҳон варақасини кўриб, саволларни ўқиб тарвузим қўлтиғимдан тушди. Дарс пайтида яхши ўзлаштирган мавзуларни ҳам дадам хаста бўлган охирги кунлардаги ташвишим, асабийлашишим туфайли унутгандек эдим. Бошимни чангаллаб ўтириб, саволларга жавоб беришга ҳаракат қилдим. Ваҳиманинг зўридан жавобини билган саволлар ҳам миямда бир-бирига қоришиб кетган эди. Варақада келган олтмиш саволнинг анчасига хато ёзиб чиқдим. Берган жавобларимни китобларда келган маълумотларга солиштириб тамоман умидим узилди. Йиқилишим аниқ эди.
Бир-икки кундан сўнг имтиҳон натижалари эълон қилинди. Ҳамма деворда осилган рўйхатга чопди. Истар-истамас бордим. Рўйхатдан исмимни излар эканман, исмимдан кўра ҳамманикидан ажралиб турган натижага кўзим тушди.. Менга тўлиқ баҳо қўйилган эди! Кўзларимга ишонмадим. Кўзимни ишқалаб яна қайта қарадим. Баҳо тўлиқ қўйилган. Бунга шубҳа йўқ эди. Энди хаёлимга бошқа эҳтимол келди: "устоз янглишипти.. бошқанинг баҳосини менга қўйиб юборипти".
Устоздан бунинг ҳақиқатини сўраб билиш учун унинг хонасига кирдим.
- Кел, - деди у. - Нима хизмат?
- Домла, имтиҳон натижасининг аниғини билиш учун кирдим, - дедим. - Менга аниқ неча баҳо қўйилган?
- Исминг нима эди?
- Файсал.
- Хўш..., - деди у рўйхатни кўздан кечириб. - Сен тўлиқ баҳо олибсан, хотиржам бўл.
- Имтиҳон варақамни кўра оламанми? - дедим мен.
- Биласанми, - деди у пешонасини бир қашлаб олиб. - Имтиҳон варақаларини уй балконида текшираётган эдим. Шамол қўзғалиб, варақалардан бирини учириб кетди. Фарзандлар билан қанча изласак ҳам топа олмадик. Студентлар рўйхатини текшириб, варақа сенга оидлигини ўргандим. Сенга зулм бўлмасин дея энг юқори баҳони қўйдим.
Мен унга бошимдан ўтган воқеани рўйи рост ҳаммасини айтиб бердим.
- Унда буни дадангга қилган хизматинг эвазига берилган Аллоҳ инъоми деб бил. Шу зайлда хизматда давом эт, кам бўлмайсан, - деди устоз.

© Сайфуллоҳ Носир

@HIKOYANEW

36-Эслатма:

“Бировларнинг обрўсидан тилни тия олмаслик нимадан?”

Оиша онамизга мунофиқлар томонидан фитна, бўҳтон қилинганда Расулуллоҳ алайҳиссалам Зайнаб онамиздан бу ҳақида сўрадилар:
“Сен (Оиша ҳақида) бирор нарса эшитдингми? Ёки бирор нарса кўрдингми?”
Зайнаб онамиз айтдилар: “Ё Расулуллоҳ! Мен (қулоғим эшитмаган, кўзим кўрмаган нарсадан) қулоғим ва кўзимни ҳимоя қиламан! Аллоҳга қасамки, мен (Оишада) яхшиликдан бошқани билмайман!”
Оиша онамиз айтадилар: “Ҳолбуки, Расулуллоҳ алайҳиссалам аёлларидан менга беллашадиган аёл асли у эди, Аллоҳ уни ТАҚВОСИ САБАБ (менга туҳмат қилишдан) асраб қолди!”
(Бухорий ва Муслим ривояти)

Яъни, Зайнаб у кишининг гарчи кундоши ва кундошлари орасида унга энг беллашувчиси бўлса-да, бу фурсатдан фойдаланиб онамизни бадном қилмади! Балки “яхшиликдан бошқа нарса кўрмаганман” деб гувоҳлик берди.
Кундоши ва рақибидан қутулиш пайида юрадиган қалби қора аёл бўлса, бу унга жуда яхши фурсат эди.

Бугун аёллардаги на ўзига кундош, на беллашувчиси бўлмаган бировларнинг оиласига қизиқувчанлик, уларнинг оиласида содир бўлаётган муаммоларни эл-у юртга тарқатиб бадном қилишга кўз тикиб туриш, кишининг қалби қорайиб, бетақво бўлиб кетганидан дарак беради. Чунки, агар қалбларида тақво бўлса, ҳатто, рақиби обрўсига ҳам кўзи билан кўрмаган, қулоғи билан эшитмаган нарсани гапиришдан қўрқар эдилар!

Аллоҳ таоло айтади:
“Ўзинг билмаган нарсангнинг (ортидан) эргашма (гапирма)! Албатта, қулоқ, кўз ва қалб, буларнинг барчаси масъулдир!”
(Исро: 36)

Йиғинларда ўтириб, оғизнинг бир четидан оддийгина чиқиб кетадиган бу гуноҳнинг оғирлигидан огоҳлантириб, дейди:
“Ўшанда сизлар у (бўҳтонни) тилларингда олиб юрар эдинглар. Ҳолбуки, у гаплар Аллоҳнинг наздида оғир (гуноҳ)дир!”
(Нур: 15)

@HIKOYANEW

Ҳамма гуноҳларнинг асоси учтадир:

1. Кибр.
Иблиснинг бошига тушган кўргиликлар шундан бўлган.

2. Ҳирс.
Одам алайҳиссаломни жаннатдан шу чиқарган.

3. Ҳасад.
Одам алайҳиссаломнинг бир фарзанди инисини ўлдиришига етаклаган иллат мана шудир.

Ким мана шулардан сақланса, ёмонликнинг ҳаммасидан сақланибди. Куфр кибрдан, гуноҳ ҳирсдан, жабр ва зулм эса ҳасаддандир.

Имом Ибн Қаййим раҳимаҳуллоҳ

@HIKOYANEW

📝ОТА

    Мустафо мерганнинг хотини ўлиб қолди. Юраги бир санчди-ю, хайрлашишга ҳам улгуролмади. Мустафонинг боши қотди. 55 ёш қари десанг, қарияммас, ёш десанг ёшаммас. Ўғилларини уйлантирган, қизларини чиқарган. Юрди, юрди, охири зерикди, ўттиздан ошиб, қирққа етмаган бир бева чиққанди, болаларининг ҳай ҳайлашига қарамай, шартта уйланиб олди. Уйланиб тўғри қилган экан, ҳаёти жонланиб кетди. Юзига қон югурди, эгни бут, қорни тўқ, танаси яйради. Кунда кунора янги хотин билан етаклашиб бозорга боради, сархил мевалардан олади, келиннинг кўнгли тусаган кўйлакларни олиб беради, қизиқ қизиқ хангомалар  айтиб, чақчақлашади, жони борича уриниб, ёш хотинининг кўнглини овлашга тиришади. 
Аммо...
     Катта қизи у йўқлигида келиб, роса жанжал кўтарибди, нега онамни кўйлакларини кийдинг деб, юмдалабди, ерга ётқизиб урибди, устидаги кийимларини йиртиб ташлабди. Мустафо аввалига ишонмади. Бу ҳол кўп бор такрорланди. Қизи охири Мустафонинг ўзига рўбарў бўлди: - Нега онам билан бирор маротаба бозорга етаклашиб бормагансиз? Нега онамни узукларини бу мегажин тақиб юрибди? Онамдан қолган сирғаларни нега бу қулоғига осиб, ҳаммага кўз кўз қилади? Нега бунга ҳар куни битта янги кўйлак олиб берасиз? Уйимиздан кетсин бу ....? Агар кетмаса мен ўзим  бўғиб ўлдираман!
- Қизим, мен бахтли яшаётганимдан, сен бахтли эмасмисан? Ҳамманг уй уйингга кетасан, мен овқатсиз қолиб кетдим, ҳеч биринг мени ўйламадинг, устим кир, пайпоғим сасиган, ўзим ювдим, ўзим чой қўйдим. Биласан, онангни бир умр бошимда кўтариб юрдим, лекин тақдир экан, айрилиб қолдим, бу аёлга эрмакка уйланганим йўқ, ҳали яшашга мажбур эканим учун, уйландим. Мени ҳурмат қилсанг, уни  ҳурмат қил, мени овунтириб юргани учун унга раҳмат айт, яқинда фарзандли бўламиз, бу уйни шу ўгай  онангга хатлаб бераман, агар бу хонадондан оёғингни узилишини истамасанг, ўгай онанг билан муросангни тўғрилаб ол. Агар юзимга оёқ қўядиган бўлсанг, шундай дуоибад қиламан, ҳечқачон ўнгланмайсан. Сен ҳам, укаларинг ҳам, хору-зор, чала ўлик ҳолатда ўлиб кетасанлар. Мени бекорга Мустафо мерган дейишмайди, мени дуоибадим албатта нишонга тегади...
      Қиз муросага кўнмади. Мустафо мерган йўқлигида укалари билан келиб, ўгай онани то қорнидаги боласи тушгунча юмалатиб тепди. Мустафо мерган ўн кун шифохона остонасида ётди. Болаларининг қилмиши учун ўн кун қон йиғлади. Соқоллари ўсиб, чўпдай озиб кетди. Болаларининг бирортасига қайрилиб қарамади.
       Хотини шу шу ўнгланмади. Яна бир йилга яқин яшади. Рангги сап сариқ бўлиб бу ёруғ оламни тарк этди. Мустафо тобут ортидан ялангоёқ, ялангбош, кийимининг тугмалари қадалмаган афтода ҳолатда бўзлаб борди. Биринчи хотини ўлганда, жимгина кўз ёш тўккан бўлса, бу хотини ўлганда ўкириб фарёд чекди. Унинг доду-фарёдига бутун қишлоқ аҳли  йиғлади. Болалари кийгазган чопонни лойга улоқтирди. Кўкрагига муштлаб, юзини тимдалайверганидан, аъзойи бадани маматалоқ бўлиб кетди.
      Шундан сўнг, Мустафо мерган  кўп яшамади. Қабристонга оёқяланг қатнай қатнай қабр тепасида ўлиб қолди. Эрталаб қабрни қучоқлаб тарашадай қотиб ётган ҳолатда топишди.
    Орадан йиллар ўтди. Одамлар бу воқеаларни аллақачон унутиб юборишган бўларди. Аммо бу воқеаларни бот бот эсга солиб турадиган нарса шуки, Мустафонинг ўлимидан сўнг, кўп ўтмай, катта қизи бир қўл, бир оёғи шол бўлиб, ўн беш йил фалаж ётди. Мустафо айтганидай ўлимни орзу қила қила Ҳаққа жон омонатини топширди. Худо ҳам унинг жонини ўн беш йил олмади. Қиз, ўн беш йил ит азобида яшади. Икки уканинг ҳам хотини ўлиб, ўн беш йил, ҳеч ким қиз бермади.

Муҳаммад Исмоил

@HIKOYANEW

#Саҳобалар

ОХИРАТ КУНИДАГИ ДОВОН!

Салмон Ал-Форсий (р.а) аввал қул бўлиб сотилди. Кейин эса Мадоинга волий бўлди. Аммо битта кўйлагини иккита қилмади.

Ана шу Салмон Ал-Форсий (р.а) вафотидан бир неча кун олдин ўлим тўшагида ётиб қолди. Саъд ибн Абу Ваққос (р.а) у зотдан ҳол сўраш учун келди. Иккала саҳоба юзларини юзларига қўйиб дарди ҳол сўрашди. Шунда Салмон Ал-Форсий (р.а) йиғлади.

Саъд ибн Абу Ваққос (р.а): «Эй Расулуллоҳнинг саҳобаси! Нега Йиғлаяпсиз?» деди. Салмон Ал-Форсий (р. a): «Мен Расулуллоҳ саллоллоҳу алайҳи васалламдан эшитганман, у зот: «Албатта, охират куни бир катта довон бўлади. Ундан фақат юки енгил кишиларгина ошиб ўта олади» деганлар. Менинг бу уйимдаги матоларимни қаранг. Булар билан мен, у довондан қандай ўтаман" деб йиғлади.

Одамлар у зотнинг уйини тафтиш қилган эди, у ердан биргина қилич, бир кичкина обдаста битта тоғара топишди. Бошқа ҳеч нарса йўқ эди. Кейин бу нарсаларни ҳам Аллоҳ йўлига садақа қилиб юборди ва ўзи ривоят қилган ҳадисга кўра «Юки енгил киши» бўлиб охират сафарига йўл олди.

БИЗНИНГ ЮКИМИЗ ҚАЙ ДАРАЖАДА ЭКАНА!?
Юки кӯпларга жӯнатинг!

@HIKOYANEW

Таҳажжуд номози ўқиш тартиби 🌺