Hazrati Kursdosh | Ibtido

— Hazrati Kursdosh, uxlasangiz boʻlmaydimi?
— Kunduzi postlarni oʻqish uchun birni bosing!

@hazratikursdosh

Bir qaynovi ichida

— U nega buncha kech uylandi?
— Ilonlardan oʻlgudek qoʻrqardi.

@hazratikursdosh

Ertalab turib kanalga kirganlar:

— Hazrati Kursdosh yangi yilni yuqori startda boshlabdimi?

— Hazrati Kursdosh bayram kechasi rosa tortibdimi?

— Hazrati Kursdosh nihoyat avjiga chiqa boshladi.

— Hazrati Kursdosh podyezda qolib ketganga oʻxshaydi.

— Hazrati Kursdoshni bollari kech uxlabdi-yov.

— Hazrati Kursdoshga kecha va kunduz haqida tushunirish ishlari olib borilsin va hk.

@hazratikursdosh

Oʻtgan yillar davomida boʻydoqlarni uylash uchun ozmi-koʻpmi ter toʻkib, birmuncha say-harakatlarni amalga oshirganimiz bor.

Bunda ezgu niyatlarga tilakdosh boʻlganimiz ayon. Boshqa tomondan esa kanalimiz kuzatuvchilari bittaga ortishini xohlagan edik, desam. Chindan ham er-u xotin birgalikda oʻqib borishsa, qanday goʻzal?..

Lekin bularni uylab baraka topamanmi, desam choʻgʻi battar boʻldimi, deb qoʻrqamanda. Oila qurgandan keyin kanal oʻqib oʻtirishga vaqti boʻlmasligini hisobga olmagan ko’rinamiz.

Reaksiyalar ham haminqadar. Shunga kechasi post qilyapmanki, baribir turishadi. Ayniqsa ikki-uch yoshli farzandi borlar. 😉

P.s: xayolni boʻlmay bosamiz, jigarlarim. Kanalimizda barchaga birdek sharoitlar bor. Siz bizga emas, biz sizga moslashamiz. Ahayt!

@hazratikursdosh

Aytganday, bu yil ilon yili ekan. Shu munosabat bilan barcha xotin-qizlarimizni chin yurakday tabriklayman. Sizlarga uzoq-umr, sihat-salomatlik, oilangizga baraka tilayman.

P.s: Boʻydoqlar, boʻldi endi birortasiga chaqtiring. Hechqisi yoʻq, ozroq ogʻriydi xolos. Keyin oʻrganib ketasiz. ✊😂

@hazratikursdosh

Xoʻsh. Landi-landi – katta oʻyin boshlandi!

@hazratikursdosh

Bir qaynovi ichida

— O'g'lim, uxladingizmi?
— Ha, dadajon.

@hazratikursdosh

Bir xodim Samarqanddagi oddiy ishidan Toshkentga jiddiy tashkilotga ishga o‘tyapti ekan. Borishidan oldin yangi ishxonasidagi tanishiga qo‘ng‘iroq qilibdi.
— Mahallani xotinlari nima deyapti, chamadonlarimni yig‘ishtiraveraymi?
— Mahallani xotinlari bilan ish qilmayman-u, lekin siz kelayotgan lavozim egasi o‘z xohishi bilan ishdan bo‘shadi.
— Gaplaringizni uncha tushunmadim. Mayli, yo‘ldan ul-bul olaymi?
— Siyob bozoriga kirib uch-to‘rt xil vazelin oling. Sizga hali ko‘p kerak bo‘ladi...
— Nima, Toshkentda qimmat boʻlib ketdimi?
— Qimmat emasku-ya, shunchaki yangilarni boshida sal avaylashadi, yana oʻzingiz bilasiz.
— Baribir tushunmadim?..
— Mayli, qoʻyavering. Balki oʻrganib ketarsiz…

@hazratikursdosh

Oʻylab qarasam, 2024-yil hisobida oʻzim uchun koʻzga koʻrinarli ishlar qilmabman. Yil men uchun bir chiziqda oʻtgandek. Boʻlgan boʻlsa bordir, eslay olmadim.

✔️Bilganim yil davomida juda yaxshi mehnat faoliyatini olib bordim. Jamoam bilan tashkilotimizga yaxshigina foyda keltirdik, ishni ziyodi bilan bajardik, deb oʻylayman. Kasbda koʻplab tadbirlarni amalga oshirib koʻrdik. Ayrim yoʻnalishlarda yaxshigana tajriba oshirdik.

Rostdan ham jamoam bilan chinakamiga ishladik. Terlab-terlab, charchab-charchab, gohida soʻkinib-soʻkinib qoʻydik. Lekin barchasi vijdon amri bilan bajarildi. Davlatimiz, xalqimiz, jamiyatimiz, ayniqsa, sohaning rivoji uchun shu yil qattiq harakat qildik. Qaysidir ma’noda buni uddaladik. Balki shuning uchun ham bu yil shaxsiy rivojlanish depsinib qolgandir, qaydam.

✔️Va shuning bilan sevgan ishimdan boʻshadim… Nasib boʻlsa yangi yilda yangi joy, yangi jamoa bilan faoliyat olib boramiz. Bu yoʻlda ham maqsadlarimiz ulkan, umidlarimiz katta. Ustaning esa oshigʻi olchi!

Qayda boʻlmaylik, eng muhimi vazifamizni doimgidek vijdonan bajarishga harakat qilamiz. Qolganiga Xudo poshsho.

P.s: bu yil eskisidan farqli shaxsiy rivojlanish borasida bir-ikki risklarni amalga oshirishga harakat qilib koʻramiz. Bular haqida esa mavridi bilan yozib boraman.

@hazratikursdosh

Bir qaynovi ichida

— U qanday odam edi?
— Pulini shunday yashirardiki, hatto oʻziyam topolmasdi.

@hazratikursdosh

Zilga aylangan hazil

Er rashk qilavergan xotiniga hazil qildi:
— Xotin, men faqat seniki emasman!
— Ana, oxiri tan oldingiz. Bilardim, sezardim, shuning uchun ko'p tergardim. Farzandlaringizdan uyalmaysizmi?! Bergan mehrimga rozi emasman. Sizni aslo kechirmayman, xiyonatkor!
— Xotin, men nafaqat seniki, shu bilan birga, onamniki, dadamniki, yaqinlarim va farzandlarimniki hamdirman…
— Men bu gaplaringizga ishonmayman. Qani o‘sha manjalaqini ko‘rsating menga, sochlarini donalab yulaman!

Qissadan hissa:
Xotin kishi, ayniqsa bunday mavzularda, ikkinchi gapni kutmay, xulosa qiladi qo'yadi. Aytarini aytib, deyarini deydi. Hazillashib bo‘lsa-da, bir bor shubhalantirdingizmi, agar u bo‘lmagan taqdirda ham, oxiriga yetadi. Yaxshisi bu mavzuda xotinlar bilan hazillashmagan ma'qul.

@hazratikursdosh

Toshkent dunyo reytingida 3-oʻringa chiqib oldi. Shahar havosining iflosligi boʻyicha. Poytaxtda yashovchilarning koʻpchiligi kelajagini shu shahar bilan bogʻlagan. Jumladan, men ham ish faoliyatim, oilam va farzandlarim bilan hali koʻp yillar shu yerda umr kechirmoqchiman. Faol jamoatchilik pozitsiyasini saqlagan holda mavzuga bevosita aloqador mas’ullarga qanday yechimlar bera olamiz?

P.s: Aslida, bunga barchamiz mas’ulmiz. Lekin hammasi ham bizga bogʻliq emas. Shu nuqtayi nazarda fikrlaringiz boʻlsa, marhamat.

@hazratikursdosh

#shunchakiumumiy
Koʻchadan uyga qaytganingda mashinani oʻchirib ichida bir muddat oʻychan qolish nima ekanini his etib koʻrmagan, koʻchadagi charchoq va mashaqqatlarni tabassum va kayfiyatga almashtirib uyingga kirib kelolmagan boʻlsang, menga bu hayotdan, erkak vazifasi va oila turmush tarzidan gap ocha koʻrma.

@hazratikursdosh

Bugun toʻyimiz boʻlganiga 5 yil toʻlibdi. Bu hayot soʻqmoqlaridan men bilan yelkama-yelka turib, birga-birga kechib kelayotgan birinchi xonimni tabriklayman.

Biz birgalikda shonli besh yilni ortda qoldirdik. Bu vaqt oraligʻida qanday shodliklarga erishdik, shu bilan birga, tashvish va qiyinchiliklarni boshimizdan oʻtkazdik, faqat bir Alloh va oʻzimizga ayon.

Muhimi hamon birgamiz, bir butunmiz. Boʻlmasa necha-necha doka roʻmollarni quritmadik, deysiz. Xarakterlarimiz ikki qit’a boʻlsa ham, oilani muqaddas bilib, boriga chidab, oʻrganib, koʻnikib keldik.

Boringiz va borligʻingiz uchun boshim yerga tekkunicha tazimdaman. Oʻylagan maqsadlarimizga yetib-yetib yuraylik. Insha’Alloh!

@hazratikursdosh

“Birinchi xonim” jumlasini ishlatganimda ham izohlarda fitna qilganingizni koʻrib, avval meni ulugʻlayapti, deb turgan xotin “Toʻxtang-toʻxtang, ikkinchi xonim ham bormi hali?” deya garang qila boshlagandi. Qani endi oʻzingni oqlab, isbotlab koʻrchi! 🤦‍♂️

@hazratikursdosh