Hazrati Kursdosh | Ibtido

Yemitlar

Xabaringiz bor, ayrim past-baland sabablarga (arzimasa ham!) ish joyimni o‘zgartirishga to‘g‘ri kelib qoldi. O‘zimga va imkoniyatlarimga mos ish qidirib bir nechta tashkilotlarga suhbatga bordim.

Kuzatdim, ko‘rdim, o‘rgandim, surishtirdim, bildim, shartlashdim, xulosa qildim. Shular barobarida har bir tashkilotda "yemitlar" borligiga guvoh bo‘ldim. Izoh: yemitlar — hech bir ish qilmay, ish bermay davlatning pulini yeb yotganlar.

Xususiy sektorlarni bilmadim, ammo davlat tashkilotlarida xodimlar va rahbar lavozimlarini qunt bilan ko‘rib chiqish kerakka o‘xshaydi. Zero, davlat ishi, jamiyat taqdiri o‘yinchoq masala emas. Ayrim shunday tashkilotlarda keraksiz xodim-u butun boshli jamoalar "faoliyat olib" bormayapti, deb bo‘lmaydi. Eng qizig‘i, ularga Siz — mehnatsevar, bilimli, talabchan va vatanparvar xodim "keraksiz" hisoblanadi.

Bunday jamoalarda rahbar o‘zidan aqlli xodimni ishga olmaydi. Ishxona esa o‘sha no‘noq (shaksiz) rahbarning saviyasidan nari-beri depsinib turaveradi. Ko‘p joyda "kadrlar masalasi" deganda birinchi o‘rinda xodimlar taqdiri ko‘riladi. Aslida, rahbar lavozimlarini dastlab ko‘rib chiqish maqsadli bo‘lar-ov. So‘roqda boshqarilmaydigan xodim emas, boshqarolmaydigan rahbar tamoyilini ilgari surishimiz kerak.

Mutaxassis va nomutaxassislik masalasi ham juda og‘riqli muammo. Masalan, deylik siz nomutaxassilik bo‘yicha rahbar lavozimiga tayinlangansiz, mutaxassisga qay darajada to‘g‘ri topshiriq bera olishingiz mumkin? Berdingiz ham deylik, uni qanday tekshirasiz? Salohiyatli bo‘lgan taqdiringizda ham shu kamtik bilinib qoladi. Bu esa ish samaradorligi muvozanatini buzadi.

Bularga (mutaxassis bo‘ldi ham, mayli) boshqaruv no‘noqligi qo‘shilganda nima bo‘ladi? Natijada hech kim o‘z ishi bilan shug‘ullanmaydi: dasturchi hisobot (matn) tayyorlaydi, musahhih koderlik bilan shug‘ullanadi (masalan). Zotan, topshiriq shunday bo‘lgan.

Yana bir gap. Jamoaviy ishda "yakkalik" degan tushuncha yo‘q. Oxirgi xodimgacha birlik, bir xil ish ko‘rilishi lozim. Bilimida ham, saviyasida ham, boshqasida ham. Aravani 5 nafari oldinga itarib, 1 nafari orqaga tortsa ham bo‘lmaydi. O‘zim bularni jamaoani ishlatib, boshqarib ko‘rgan xodim sifatida aytyapman.

Davomi bor...

@hazratikursdosh

Husanov haqida gapirilmagan, aytilmagan fikr qolmadi. Endi unga faqat yelkasi baquvvatroq qiz topib, uylantirib qoʻysak boʻldi. Yomon yelkalaydigan bola chiqdi-da, oʻziyam. Abduqodirga uncha-bunchasi dosh bermasa kerak-ov. Nomzodlar bormi?😁

@hazratikursdosh

Ajoyib natija

— Dekanimiz ozmoqchi, shuning uchun har kuni otini minib sayr qiladi.
— Natijalar qalay?
— Oti bir oyda qirq kilo ozdi.

@hazratikursdosh

Talaba uyidagilariga telefon qilib, hovliqqanicha kimyo darsida tajriba paytida reaktiv moddalarni portlatib yuborganini aytibdi.
— Demak, domlang menga yana telefon qilar ekanda?
— Yo‘q... Endi qilolmaydilar...

@hazratikursdosh

Talaba:
— Aka, tuxumlar qancha turadi?
Sotuvchi:
— Butunlari 1200 so‘mdan, siniqlari 500 so‘mdan.
— U holda menga 30 ta tuxum sindirib bering.

@hazratikursdosh

Prezident qarori bilan yana ikkita universitet tashkil etilmoqda

Buxoro davlat texnika universiteti: Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Namangan davlat texnika universiteti: Muhandislik, qurilish, to‘qimachilik, axborot texnologiyalari va dasturlash, ishlab chiqarish, qayta ishlash hamda xizmat ko‘rsatish sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

@hazratikursdosh

Universitetda talabalar imtihon topshirishayapti.

Domla:
— A’lo baho uchun savol: Mening ismim kim?
— Toʻrt baho uchun savol: Qaysi fandan imtihon topshirayapsiz?
— Uch baho uchun savol: Darsligimizning rangi qanday?

Orqa qatordan bugʻiq ovoz eshitildi:
— Shunchalik ham qiynaydimi, ablah!

@hazratikursdosh

— Nega buncha oʻychan koʻrinasiz?
— Agar boyligim soʻz boyligimday boʻlganida edi…
— Shunday boʻlgan taqdirda ham koʻp narsa oʻzgarmas ekan. Siqilmang! 😁

@hazratikursdosh

Domla talabadan so‘rayapti:
— XVII asr ingliz yozuvchilari haqida nima bilasiz?
— Ular hammasi vafot etishgan, domla.

@hazratikursdosh

Bir qaynovi ichida

— Menga yoʻtalingiz yoqmayapti.
— Kechirasiz, doktor, lekin men bundan yaxshiroq yoʻtala olmayman.

@hazratikursdosh