Hazrati Kursdosh | Ibtido

Bir qaynovi ichida

— U qanday odam edi?
— Pulini shunday yashirardiki, hatto oʻziyam topolmasdi.

@hazratikursdosh

Zilga aylangan hazil

Er rashk qilavergan xotiniga hazil qildi:
— Xotin, men faqat seniki emasman!
— Ana, oxiri tan oldingiz. Bilardim, sezardim, shuning uchun ko'p tergardim. Farzandlaringizdan uyalmaysizmi?! Bergan mehrimga rozi emasman. Sizni aslo kechirmayman, xiyonatkor!
— Xotin, men nafaqat seniki, shu bilan birga, onamniki, dadamniki, yaqinlarim va farzandlarimniki hamdirman…
— Men bu gaplaringizga ishonmayman. Qani o‘sha manjalaqini ko‘rsating menga, sochlarini donalab yulaman!

Qissadan hissa:
Xotin kishi, ayniqsa bunday mavzularda, ikkinchi gapni kutmay, xulosa qiladi qo'yadi. Aytarini aytib, deyarini deydi. Hazillashib bo‘lsa-da, bir bor shubhalantirdingizmi, agar u bo‘lmagan taqdirda ham, oxiriga yetadi. Yaxshisi bu mavzuda xotinlar bilan hazillashmagan ma'qul.

@hazratikursdosh

Toshkent dunyo reytingida 3-oʻringa chiqib oldi. Shahar havosining iflosligi boʻyicha. Poytaxtda yashovchilarning koʻpchiligi kelajagini shu shahar bilan bogʻlagan. Jumladan, men ham ish faoliyatim, oilam va farzandlarim bilan hali koʻp yillar shu yerda umr kechirmoqchiman. Faol jamoatchilik pozitsiyasini saqlagan holda mavzuga bevosita aloqador mas’ullarga qanday yechimlar bera olamiz?

P.s: Aslida, bunga barchamiz mas’ulmiz. Lekin hammasi ham bizga bogʻliq emas. Shu nuqtayi nazarda fikrlaringiz boʻlsa, marhamat.

@hazratikursdosh

#shunchakiumumiy
Koʻchadan uyga qaytganingda mashinani oʻchirib ichida bir muddat oʻychan qolish nima ekanini his etib koʻrmagan, koʻchadagi charchoq va mashaqqatlarni tabassum va kayfiyatga almashtirib uyingga kirib kelolmagan boʻlsang, menga bu hayotdan, erkak vazifasi va oila turmush tarzidan gap ocha koʻrma.

@hazratikursdosh

Bugun toʻyimiz boʻlganiga 5 yil toʻlibdi. Bu hayot soʻqmoqlaridan men bilan yelkama-yelka turib, birga-birga kechib kelayotgan birinchi xonimni tabriklayman.

Biz birgalikda shonli besh yilni ortda qoldirdik. Bu vaqt oraligʻida qanday shodliklarga erishdik, shu bilan birga, tashvish va qiyinchiliklarni boshimizdan oʻtkazdik, faqat bir Alloh va oʻzimizga ayon.

Muhimi hamon birgamiz, bir butunmiz. Boʻlmasa necha-necha doka roʻmollarni quritmadik, deysiz. Xarakterlarimiz ikki qit’a boʻlsa ham, oilani muqaddas bilib, boriga chidab, oʻrganib, koʻnikib keldik.

Boringiz va borligʻingiz uchun boshim yerga tekkunicha tazimdaman. Oʻylagan maqsadlarimizga yetib-yetib yuraylik. Insha’Alloh!

@hazratikursdosh

“Birinchi xonim” jumlasini ishlatganimda ham izohlarda fitna qilganingizni koʻrib, avval meni ulugʻlayapti, deb turgan xotin “Toʻxtang-toʻxtang, ikkinchi xonim ham bormi hali?” deya garang qila boshlagandi. Qani endi oʻzingni oqlab, isbotlab koʻrchi! 🤦‍♂️

@hazratikursdosh

Bir qaynovi ichida

— U qanchalik ozg‘in edi?
— Shomol bo‘lsa undan havotir olib turardik.

@hazratikursdosh

Boshi...
Hayotingizni niqoblamang. Atrofingizga boshqacha ko‘rinishga harakat qilmang. Bu sizga juda ko‘p bezovtalik olib keladi. Agar shunday qilishda davom etsangiz o‘zligingizdan ayrilib qolasiz. Sirasini aytganda, o‘zingiz uchun emas, o‘zgalar uchun yashayotgan bo‘lasiz. Shunchaki, boringizcha yashaganga yetmaydi.

Bu hayotda shaxsiy pozitsiyangizni saqlang. Uni tinimsiz o‘zgartiravermang. Kimnidir hurmatiga yoki nimadirga erishish maqsadida chin xarakter va qarashlarni chekkaga surib, boshqa qiyofada tadbir amalga oshirmang. Masalan, ishxonalarda shaxsga sig‘inish degan ko‘rinmas, ammo amalda mavjud bir chirkin narsa bor. Bu jamiyatni yuksaltirmaydi, aksincha yemirib, qonini zulukday simirib tashlaydi. Unutmang, kasbda yuksaklikka erishish uchun bu yagona variant emas.

Qiyofangizni o‘zgartiravermang. Atrofingizdagilar sizni qanday yodga olishi va eslab qolishi muhim masala. Salbiy odatlar hech qachon odamlarning yodidan chiqmaydi. Masalan, aslida siz sobitqadam, bir so‘zli, teran fikrga ega, umuman olganda har jihatdan "mujik" bo‘lsangizu, ammo kimgadir yoqish yoxud ish bitirish uchun bir marta bo‘lsa-da laganbardorlik, qarsak va yaltoqbozlik qilsangiz, bas, odamlar shu bilan sizni taniy boshlaydi. Barcha ijobiy hislatlaringiz esa unutiladi.

Nopok ishlar qilishdan tiyiling, kamchiliklarga barham bering. O‘zingizni seving, ishingizni ustasi bo‘ling. Boshqacha bo‘lmang. Shunchaki, boringizcha maza qilib yashang. Yon atrofdagilar o‘zlari sizdan yaxshilik va yomonlikni topib olaverishadi. Ularga yordam berishingiz shart emas.

Jasoratli bo‘ling. Hech kimdan qo‘rqmasdan yashang. Tavakkal qilishdan cho‘chimang. Eng katta xato muammo paydo bo‘lsa, uni chetlab o‘tishga yoxud qochishga intilish. Bu muammoni hal qilmaydi, balki bittaga ko‘paytiradi. Muammodan qochish emas, unga borish, ichiga kirish kerak. Hal qilsangiz hal qildingiz, hech bo‘lmaganda tajribangiz ortadi, katta bo‘lasiz. Tavakkalchilik va jasorat mana shunda bilinadi.

Odamlar bilan muloqotga kirishishda ham bularning o‘rni beqiyos. Shularni to‘ldiruvchi mavzu — uyalish va uning turlari, salbiy va ijobiy tomonlari haqida ham bir muncha fikrlarimiz mavjud. Ular haqida esa keyingi postlarimizda nisbatan qisqaroq yozib o‘tishga harakat qilamiz. Hozircha esa sabringizga tasanno...

@hazratikursdosh

Hamiyat, halollik, vijdon, jasorat va boringizcha yashash haqida

O‘quvchimizga ma'lum, ko‘p sonli postlarimizda "hamiyat", "or-nomus", "g‘urur" so‘zlarini ko‘p ishlatamiz. Bu bekorga emas. Ularsiz o‘likdan farqingiz qolmaydi. Ayniqsa, er kishilarda bu jihatlar doim bo‘lishi va ishlashi shart.

Bu tushunchalarni o‘zim ham bittalab izohlagan bo‘lardim. Ammo bir manbada aniq va tiniq keltirilganini ko‘rib, qayta yozish yoxud qo‘shimcha qilish shart emas, deb topdim. Hamiyat – oʻzining va oʻziga qarashli kishilarning or-nomusini boshqalarning tajovuzidan himoya qilishga boʻlgan intilish, or-nomusni pok saqlash tuygʻusini ifoda etuvchi tushunchadir.

Shunday intilish va tuygʻuga ega boʻlgan kishi “Hamiyatli odam” deyiladi. Ular jamiyatdagi egrilik, nopoklikka befarq qarab tura olmaydi. Oʻz xalqi va oʻzga ellarning urf-odatlarini hurmat qilish, jamiyat qonun-qoidalariga rioya etish, yurti, oilasi, doʻstlarining sharafini saqlash, himoya etish ham hamiyat sanaladi.

Arabchada bu so‘z jahli tezlik, jizzakilik, gʻayrat, qunt, manmanlik, takabburlik, magʻrurlik bo‘lib kelarkan. Hamiyat soʻzining tilimizdagi hozirgi maʼnosi “oriyat”, “nomus”, “qadr-qimmat” tushunchalariga uygʻundir. Eng muhimi salbiy ma'nolarda qo‘llanilmaydi.

Shu bois hozirgi ko‘p narsa o‘z ahamiyatini yo‘qotgan aralash-quralash, andishasiz bir davrimizda hamiyati kuchli insonlarga qiyin. Nega bunday deyayotganimni o‘zim yaxshi tushunaman, lekin alohida izohlab o‘tirmoqchi emasman. Hamiyatingiz bo‘lsa, shubhasiz tushunasiz, o‘zingiz his qilasiz.

Halolik va vijdon doim yonma-yon yurib, bir-birini qo‘llab-quvvatlab turadi. Bu hislatlarga ega odamdan yomonlik chiqmaydi. Bularni sodda odamlarga nisbatan qo‘llasa ham bo‘ladi. Lekin ularning hammasi ham yaxshi odam bo‘lib chiqavermaydi. Ichida shaytonchasi o‘ynab turgan bo‘lishi mumkin, aytib bo‘lmaydi.

Bir g‘ayir ishga bilibmi yo bilamay aralashib qolib, yoki biror bir voqelik yakuni bo‘yicha vijdoningiz og‘rinyaptimi, demak halollik hislati sizni bezovta qilyapti. Boshqacha aytganda halollik vijdondan ustin kelyapti, uni ishlashga majbur qilyapti. Vijdon ham xuddi shunday — halol ishlardan tiyilib, haromga o‘tganingizda azob beradi. Shuning uchun ham ular yonma-yondir. Har ikkisi ishlagan odam esa insondir. Davomi...

@hazratikursdosh

Jigarlarim, shu safar andisha qilmasdan iltimos qilmoqchiman. Bilaman, moddiy imkoniyatingiz bo‘lmasligi mumkin. Ammo mana shu e'lonni maksimal tarqatishda yordam qiling.

Sizning birgina harakatingiz qizchamizning sog‘lig‘i tiklanishiga sabab bo‘lib qolishi mumkin. Shaxsiy kanali bor kuzatuvchilarimizdan alohida iltimos qilib qolaman. Oldindan katta rahmat.

@hazratikursdosh

12 ёшли Динорага яхшиларнинг ёрдами зарур!

У икки йилдан бери саратон касаллиги билан курашиб келади. Унга 4-босқич ҳужайра шаклидаги лимфома ташхиси қўйилган. Шу пайтгача 9 та кимётерапия муолажаси олди. Оқибатда лимфа тугунлари, жигар, буйраклар ва суяклар шикастланиши (метастаз) юзага келган.

Шифокорларнинг айтишича, унинг организми навбатдаги кимётерапия муолажасини кўтаролмайди. Шу боис, унга илик кўчириб ўтказиш шарт. Суяк кўмиги – ўзак ҳужайраларини трансплантация қилиш амалиёти эса фақатгина хорижда амалга оширилади.

Агар операция бир ойни ичида ўтказилмаса, унинг соғлиғи ёмонлашиши мумкин. Бу жароҳлик амалиёти чет элда 70 мингдан 100 минг долларгача ўтказилиши маълум.

Беморнинг яқинлари бу пулни қисқа фурсат ичида топишга қийналгани учун эҳсонталаб инсонлардан ёрдам сўрамоқда.
Имконингиз етганича Aллоҳ йўлида эҳсон қилинг ёки ушбу эълонни кенг тарқалишида ҳиссангизни қўшинг. Биргина ҳаракатингиз бир қизчанинг умри узайишига, соғлом ҳаётга қайтишига ва яқинларининг шодлигига сабаб бўлиши мумкин. Нимаики қилсангиз, Aллоҳ сизлардан рози бўлсин.

Динора Самадованинг дадасини пластик карта ва телефон номери илова қилинмоқда. Ишонч ҳосил қилиш учун алоқага чиқиб, барча саволингизга аниқ жавоб олишингиз мумкин.

Бердиқулов Шерзод:
Uzcard:
5614680800700672
Humo:
9860080110207828
Mastercard:
5392030001868639

Tel: +998990011909
Telegram: @berdiqulovsherzod

Uydagilar bu yil yangi yil dasturxonida yangilik yaratishimiz kerakligini aytib qoldi. Nima qilsak ekan, deb rosa bosh qotirdik. O'ylay-o'ylay nihoyat bir qarorga keldik. "OLIVYE" qilmaymiz.

@hazratikursdosh

Ayamga maktub

Jonimdan azizim, borligʻim, borim. Qaddingizni koʻtaring, men keldim, ona. Tizzangizni bering boshimni qoʻyay, mehringizga toʻyib bir koʻnglimni ochay.

Oʻn yil yolgʻiz qoldirib sizni, ketdim Toshkan tomon, “buyuk” kelajakni izlab. Yurdim tentirab, soddalik qilib. Oʻzimcha tashabbuslar, chinakam ishlar qilib. Ishonibman, yaxshi kadr har doim kerakligiga, tinmay oʻqidim, vijdonan ishladim shu bois. Lekin zoyi ketgan koʻrinadi yillarim. Ichim zil ketyapti, munkaygan qaddingiz koʻrib. Arzirmidi, shunday qilgani — kelajak deb kelajakdan kechgani?!.

Bugun otamni quchoqladim, quchogʻimga kirib ketdi, bolam kabi isinib. Jussasi kichrayib qolgan, qoʻllari sovuq, nigohlari hissiz. Ha, men ham otaman, bilaman, tushunaman, sezdirmayapti. Shunga harakat qilyapti. Ishonishga urinyapman, boʻlmayapti. Vijdonim ogʻriydi, koʻnglim koʻnmaydi. Men bilaman, dada… oʻgʻlingiz ham ota. Men ham sezdirmay kuldim, quchogʻimdan qoʻyganimda.

Endi oʻn yilingizni qaytarib berolmayman, ona. Lekin bir daqiqa yolgʻiz ham qoʻymayman, shaksiz. Yetar boshlar devorga shuncha urilgani, koʻzlar ochilgani. Tashlab ketaman Toshkentni, yoki siz kelasiz qishloqni tashlab, dadamni boshlab. Buyogʻiga yashab boʻlmas, ayriliqda, mehrsiz, hissiz, vijdonsiz. Ha, mardlik qonimda bor, amalimda koʻrinar. Bilagim baquvvat, kuchim yetar togʻni talqon qilgani. Ammo ichimdan ketyapman ogʻrinib, qalbim bezovta, koʻnglim esa kuchsiz. Koʻringanim yolgʻon, ichimdadir haqiqat.

Shifokorlar aytadi: onangiz qanday yuribdi, bunday hol bilan? Axir ahvoli yomon, e’tiborga muhtoj. Haliyam, irodasi kuchli, jasoratli ekan, mard va tanti. Sezdirmabdi, ona tushmagur. Shu paytgacha qayerda edingiz?

Bu savolga javob berolmayman, gapni boʻlaman, boshqa yoqqa buraman jimgina. Nima deyman, bilmay qolibmanmi!? Yolgʻon-ku bu, axmoq boʻlibman. Aytishim ham shart emas, koʻzlarim sotar, soʻzlarim toʻldirar gapni, sukunat oʻrtaga tushib ochib tashlar bor haqiqatni.

Qon qonimga singib ketdi haqiqat. Yuzimga shapatlab urdi har tomon. Vatanidan voz kechganni xoin deydilar, xoindan qanday farqim bor meni. Boʻlsam oʻn yil yolgʻiz qoldirgan, xizmatingga-da yaramagan bola. Ming afsus sizni unutib, bekorga “Vatanparvarlik” qilibman, ona.

Xudoyimdan qilaman iltimos, yetmasa yolvoray tinmay, qaqshab. Uzoq umr bersin, xizmatingiz qilib qolay, odamga oʻxshab.

Men keldim, ona…

@hazratikursdosh

Do‘stlar, bilaman menga beradigan savollaringiz ko‘p. Har biringizga javob bergim kelyapti, aytadigan va yozadigan gaplarning ham adog‘i yo‘q. Ammo, kelinglar hech nima bo‘lmagandek shunchaki davom etamiz.

Lekin, qaytishimizga ishonib, ijodimizni hurmat qilib, kerak bo‘lsa sog‘inib kutganlarga boshim yerga tekkunicha tazimdaman. Kam bo‘lmang, boringizga shukr.

Avval ayrim sababarga ko‘ra imkoniyatimiz cheklangan edi. Endilikda, nasib bo‘lsa, sizlarning ishonchingiz va qo‘llab-quvvatlashingiz bilan yangidan yangi, barcha uchun foydali loyihalarni amalga oshiramiz.

Shu bilan birga, mavridi kelganida anonimlikdan ham chiqamiz va sizlar bilan yanayam yaqinroqdan tanishamiz. Hozircha "come back"ni do‘st-birodarlarga yetkazib qo‘yamiz. 🤝

@hazratikursdosh

Kambag‘al boyni, boy kambag‘alni tushunmaydigan zamondamiz. Assalomu alaykum, jigarlarim! Omonmisiz?

@hazratikursdosh