G'azna

Davlat xaridlaridagi ehtimoliy qonunbuzarlik haqida yozgan har bir narsam shunchaki qolib ketishini xohlamayman. Man adashgan ekanmanmi yoki yo'q, bilgim, buni sizlar bilan bo'lishgim keladi.

Avgustda yozgan bir postim bor edi. Mana bu - https://t.me/gazna1/462

Unda Toshkent shahar IIBBni kameralar sotib olishda ba'zi firmalarga imtiyoz berayotganiga o'xshash holatlarini o'rgangandim.

Bugun shu nima bo'lgan ekan deb qiziqdim va topdim🥳

Post chiqqanidan 12 kun o'tib, 16-avgustda Raqobatni rivojlantirish qo'mitasini Toshkent shahar boshqarmasi bu bo'yicha o'rganish natijasini e'lon qilgan ekan.

Aytilishicha, tender buyurtmachi tomonidan ixtiyoriy bekor qilingan.

🙃🙃🙃

@gazna1

Mana bu holat bo'yicha Korrupsiyaga qarshi kurashish agentligi o'rganish olib borayotgan ekan. Natijasini kutamiz...

@gazna1

Jahon tillari universiteti 2024-yil 1-oktyabr holatida 27 millard so'mdan oshiq qarzda ekan. Bugun barcha universitetlar haqida bir post chiqaraman

@gazna1

Ushbu postdagi oxirgi punktga e'tibor bering.

Aylanmadan olinadigan soliqning 4% dan 10% ga oshirilishi kichik biznes vakillari uchun jiddiy muammo tug'dirishi mumkin.

Soliq siyosati loyihasida aynan shu nazarda tutilganiga shubham bor, lekin rostan shunday bo'lsa, bu nimalarga olib kelishini misol tariqasida ko'rib chiqsak.

Xo'sh, bunday o‘zgarishlar deylik kichik bir do‘konga qanday ta'sir qiladi?

Ushbu do‘konning oylik aylanmasi 50 million so‘m deb olaylik.

Uning holati:

• Aylanma: oyiga 50 mln so‘m
• Marja: 30% (taxminan 12 mln so‘m)

Joriy xarajatlar:

1. Ijara: 3-4 mln so‘m
2. Kommunal xizmatlar, internet, terminallar va b.: taxminan 1 mln so‘m
3. Kredit to‘lovlari: 1-2 mln so‘m
4. Soliq (4%): 2 mln so‘m
5. Jarimalar va boshqa kutilmagan xarajatlar: oyiga taxminan 300-400 ming so‘m

Barcha xarajatlar qoplanganidan so‘ng, bir oila uchun 3-4 mln so‘m atrofida sof foyda qoladi. Bu daromad ikki kishi mehnati bilan ta’minlanadi, lekin amortizatsiya, buzilgan mahsulotlar kabi qo‘shimcha xarajatlar inobatga olinmagan.

Soliq stavkasi aylanmaning 10% ga chiqarilgan taqdirdagi ta’sir:

Agar soliq stavkasi 4% dan 10% ga oshirilsa, 50 mln so‘mlik aylanma uchun soliq 2 mln so‘m o‘rniga 5 mln so‘m ni tashkil etadi. Bu bilan umumiy xarajatlar keskin oshadi va do‘konning qolgan foydasi taxminan 1-2 mln so‘mgacha tushadi.

Buni oqibatida birinchidan daromad kamayadi. Avval foyda 3-4 mln so‘m bo'lgan bo'lsa, soliqning oshishi natijasida yarmigacha kamayib, biznes rentabelligini saqlab qolishda qiyinchilik tug‘dirishi mumkin.

Ikkinchidan, narxlar oshadi. Daromadni saqlash uchun do‘kon egasi narxlarni oshirishga harakat qilishi mumkin, lekin buni ortidan u mijozlardan ayrilishi mumkin.

Uchinchidan, biznes yopilishi mumkin. Agar narxlarni oshirish ish bermasa va qo‘shimcha soliqlar daromadni kamaytirishda davom etsa, biznes past rentabellik sababli yopilishga majbur bo‘lishi mumkin.

Xullas, YTTlar uchun soliq stavkasi aylanmaning 4% dan 10% ga oshirilishi — bu jiddiy masala, uning ijobiy va salbiy oqibatlarini chuqur tahlil qilish kerak.

Bunday yetarli darajada hisobga olinmagan qarorlar respublikada millionlab odamlarning turmush sifatiga va ijtimoiy xavfsizligiga bevosita ta’sir qilishi mumkin.

@gazna1