tanga.uz — iqtisodiy yangiliklar

@tangauzb

Kanal geosi va tili: O‘zbekiston, O‘zbekcha

Toifa: Yangiliklar va OAV

Iqtisod, biznes, fintech, bank-moliya tizimiga oid O'zbekiston va jahon yangiliklari hamda tahlillar
Murojaat uchun: @tanga_aloqa_bot

Связанные каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Saralanganlar

Postlar filtri

O‘chirilganlarni yashirish

Repostlarni yashirish

tanga.uz — iqtisodiy yangiliklar

25 Nov, 17:00

O'zbekistonda "Gazprombank"ning "UnionPay" kartalari bloklandi. Kartalarni regulyator yoki mahalliy banklar emas, balki "UnionPay" tizimi bloklagani aytildi.

Bank mijozlarini 21-noyabr kunidan boshlab xorijdagi "UnionPay" kartalarida uzilishlar yuzaga kelishi haqida ogohlantirgan.

Avvalroq, Toshkentda Xitoy Eksport-import banki vakolatxonasi ochilgani haqida yozgandik.

Obuna bo'ling: @tangauzb

93 0 1 2

tanga.uz — iqtisodiy yangiliklar

25 Nov, 15:07

Yandex Uzbekistan yo'lga qo'ygan "Lavka" xizmatidan "Yandex Go" ilovasi orqali foydalanish mumkin. U bilan oziq-ovqat mahsulotlari, maishiy tovarlar va tayyor ovqatlarga buyurtma bersa bo'ladi.

Hozirda Toshkent shahrining Nukus, Arnasoy ko‘chalari va Chilonzor massivida joylashgan uchta yetkazib berish omborlari(darkstor)da buyurtmalar qabul qilinmoqda.

Kelasi yil oxirigacha poytaxtda yana 12ta darkstor ochish rejalashtiriilmoqda. Bu orqali xaridorlarga 3 mingdan ortiq mahsulot va 50ta tayyor issiq ovqatlardan kataloglar taqdim etiladi.

Obuna bo'ling: @tangauzb

105 0 0 2

tanga.uz — iqtisodiy yangiliklar

25 Nov, 14:14

Dollar kursi ketma-ket uchinchi kun arzonladi

26-noyabrdan dollarning so'mga nisbatan rasmiy kursi 12 814,78 (-14,29) so'm etib belgilandi.

@tangauzb

113 0 0

tanga.uz — iqtisodiy yangiliklar

25 Nov, 11:35

22-noyabr kuni Toshkentda Xitoy Eksport-import banki vakolatxonasi ochildi.

Bu vakolatxona bankning 8 ta davlat, jumladan, O‘zbekiston, Qozog‘iston, Qirg‘iziston, Tojikiston, Turkmaniston, Ozarbayjon, Armaniston va Gruziyadagi faoliyatini yoritadi.

Shuningdek, bank tomonidan respublikada umumiy qiymati $3 mlrddan ortiq bo‘lgan 50 dan oshiq loyihalar amalga oshirilgan.

Obuna bo'ling: @tangauzb

138 0 3 1

tanga.uz — iqtisodiy yangiliklar

23 Nov, 15:38

“Askiya dehqon bozori”ning bino va inshootlari tegishli yer uchastkalari bilan boshlang’ich narxi 214,8 mlrd so’mda onlayn auksionga qo’yildi.

Shuningdek, bozor hududini amalga oshiriladigan investitsiya loyihalariga quyidagi shartlar qo’yildi:

- eng kamida umumiy maydoni 3 000 kv metr hududidagi “ekobozor”;
- umumiy maydoni 1 200 kv metr hududidagi “sovutgich omborxona”;
- yer osti avtoturargohining birinchi qavatini (eng kamida 400 dona avtoturargohni) Jamiyatga beg‘araz (tekin) o‘tkazib berish talablari qo‘yildi.

Oldinroq bozorni qayta rekonstruksiya qilish loyihasi e-auksionga joylangandi. Bu loyihaga $150 mln miqdorida xorijiy investisiyalar jalb qilinishi rejalashtirilgan.

Obuna bo'ling: @tangauzb

149 0 1 3

tanga.uz — iqtisodiy yangiliklar

23 Nov, 12:05

O‘zbekiston fond bozori axborot infratuzilmasi Bloomberg bilan integratsiya qilindi.

Bloomberg’ning xalqaro terminallaridan Toshkent respublika fond birjasi aksiyalari va obligatsiyalarining kotirovkalari haqida real vaqt rejimida bilib olish mumkin.

Obuna bo'ling: @tangauzb

162 0 1 3

tanga.uz — iqtisodiy yangiliklar

22 Nov, 14:28

Dollar kursi yana arzonladi

25-noyabrdan dollarning so'mga nisbatan rasmiy kursi 12 829,07 (-15,14) so'm etib belgilandi.

@tangauzb

160 0 1

tanga.uz — iqtisodiy yangiliklar

22 Nov, 10:33

Toshkent shahrida oktyabr oyida uy-joyga investitsiyalar daromadliligi 12,2 foizgacha pasaygan. Shu yilning fevral oyida bu ko'rsatkich 32,4 foizni tashkil etgan.

Narxlar o'zgarishidan olinadigan o'rtacha daromad Shayxontohur tumanida 5,5 foizga (fevralda 35,8 foiz bo'lgan), Mirobodda 1,9 foizga (fevralda 23,2 foiz) va Yakkasaroyda 3,5 foizga (fevralda 16,1 foiz) tushgan.

Uy-joy ijarasidan olinadigan daromad esa Shayxontohurda 10 foizni, Mirobodda 9,8 foizni Yakkasaroyda 9,5 foizni ko'rsatgan.

Fevralda 1 va 2 xonali xonadonlarga yo‘naltirilgan investitsiyalar daromadliligi mos ravishda 35,6% va 30,8%ni tashkil etgan bo‘lsa, oktyabrga kelib ko‘rsatkichlar 16,7% va 12,2%ga pastlagan.

Ushbu tahlil olx.uz platformasidan olingan ma’lumotlar asosida shakllangan bo‘lib, ijara narxi uchun 740 ming va sotuv narxi uchun 1,500 mingga yaqin ma’lumotlardan foydalanilgan.

Obuna bo'ling: @tangauzb

177 0 1

tanga.uz — iqtisodiy yangiliklar

22 Nov, 09:23

❗️Cobalt'ning yangi va eski modeli uchun kontraktatsiya ochilgan vaqtdan boshlab, 30 daqiqa ichida 6058 ta shartnomalar tuzilgan.

Shu vaqt oralig'ida soniyasiga 279 mingdan ortiq foydalanuvchilar platformadan foydalangan.

Obuna bo'ling: @tangauzb

175 0 0

tanga.uz — iqtisodiy yangiliklar

21 Nov, 17:26

Umra xizmatlarini amalga oshiruvchi 12 ta turoperator ro'yxati tasdiqlandi

Din ishlari bo'yicha qo'mita Umra tadbirlarini tashkil etish va o'tkazish uchun 12 ta yuridik shaxsga litsenziya berilganini ma'lum qildi. Quyida ularning nomi va qaysi hududda ekani ko'rsatilgan:

1. Ihlos travel 1 (Andijon);
2. Yuksak travel Air (Farg'ona);
3. Muhtasham travel (Namangan);
4. Musaffo turizm xizmati (Namangan);
5. Risola travel lux (Namangan);
6. Xorazm umra jamiyati (Xorazm);
7. Hikmat Umra Travel (Toshkent sh.);
8. Real Dreams (Toshkent sh.);
9. Travel with family (Toshkent sh.);
10. Sofa Marva tour (Toshkent sh.);
11. B2 Management (Toshkent sh.);
12. Safar time exclusive (Toshkent sh.).

Qo'mita shu kabi xizmatlarni litsenziyaga ega boʻlmagan tadbirkorlik subyektlari tomonidan koʻrsatilishi taqiqlanganini qayd etgan.

Ushbu faoliyat bo'yicha huquqbuzarliklar uchun yuridik shaxslarga 75 mln so'm (BHMning 200 baravari) miqdorida jarima belgilangan.

Obuna bo'ling: @tangauzb

205 0 1 1

tanga.uz — iqtisodiy yangiliklar

21 Nov, 14:20

Dollar kursi arzonladi

22-noyabrdan dollarning so'mga nisbatan rasmiy kursi 12 844,21 (-11,72) so'm etib belgilandi.

@tangauzb

227 0 0 2

tanga.uz — iqtisodiy yangiliklar

21 Nov, 14:09

❗️UzAuto Motors Cobalt'ning yangi va eski rusumlariga kontraktatsiya boshlanishini e'lon qildi

"UzAuto Motors" AJ 22-noyabr kuni soat 10:00 da Chevrolet Cobalt'ning eski hamda yangi — Midnight rusumlariga kontraktatsiya boshlanishini ma’lum qildi.

Avtomobillar uchun savdo.uzavtosanoat.uz sayti orqali onlayn shartnoma tuzish mumkin. Telegram-bot va UzAvtosavdo ilovasi faqat navbatni kuzatish xizmati va mavjud avtomobillar bo‘yicha ma’lumotlarni taqdim etadi.

Kompaniya avtomobil sotib olish uchun tuzilgan shartnomalar bo‘yicha to‘lov yetti kalendar kun ichida amalga oshirilishi kerakligini eslatdi.

Obuna bo'ling: @tangauzb

197 0 1 1

tanga.uz — iqtisodiy yangiliklar

21 Nov, 12:51

⚡️Toshkentdagi Lotte hamda International mehmonxonalari sotildi

“Lotte” mehmonxonasini “ALFA INVEST sug‘urta kompaniyasi” AJ 20 mln AQSH dollarga xarid qildi. Mazkur sug'urta kompaniyasi O'zbekistondagi eng yiriklaridan biri hisoblanadi.

“International” mehmonxonasini esa “Smart Fast Stroy” MCHJ 26 mln AQSH dollariga sotib oldi. Mazkur MCHJning yagona ta'sischisi Aleksandr Zaxaryan hisoblanadi.

Uning "OCTO" MCHJ, "OCTOPAY" MCHJ, "FINANCE INVEST BROK" MCHJ, "OCTOTELECOM" MCHJ, "OCTO GAMES" MCHJ, "OCTO SMP" MCHJ, "OCTO INTEGRO" MCHJ kabi tashkilotlarda ishtiroki mavjud.

Shu bilan birga, International'ni xarid qilgan investor mehmonxonaning tegishli bank oldidagi 14,7 mln yevro miqdoridagi kredit qarzdorligini ham qabul qilmoqda. Shu sababdan, ushbu mehmonxonaga sarmoyador tomonidan 41 mln dollardan ortiq mablag' yo'naltiriladi.

Obuna bo'ling: @tangauzb

1.6k 2 18

tanga.uz — iqtisodiy yangiliklar

21 Nov, 10:59

Respublikadagi yoqilg'i quyish, gaz to'ldirish va elektr quvvatlash shoxobchalari haqida ma’lumot beruvchi “Avto24” mobil ilovasi sinov tarzida ishga tushirildi.

Ilovadan yoqilg‘i quyish, avtomobilni siqilgan yoki suyultirilgan gaz bilan to‘ldirish hamda elektromobillar uchun quvvatlantirish shoxobchalari haqida ma’lumot olish mumkin.

Shuningdek, ilova orqali har bir hududdagi eng yaqin stansiyani topish, ulardagi narxlarni taqqoslash hamda manzil va unga borish vaqtini aniq rejalashtirish mumkin.

Ilovani Android va iOS operatsion tizimi qurilmalariga bepul o'rnatish mumkin.

Obuna bo'ling: @tangauzb

198 0 1 1

tanga.uz — iqtisodiy yangiliklar

20 Nov, 14:09

Bugun aksariyat tijorat banklarida 1 dollar 12 870 so'mdan sotilmoqda. Ayrimlarida kurs 12 890 so'mgacha yetgan.

@tanga_uzb

205 0 0 5

tanga.uz — iqtisodiy yangiliklar

20 Nov, 14:05

❗️Dollar kursi rekord darajaga yetdi

21-noyabrdan dollarning so'mga nisbatan rasmiy kursi 12 855,93 (+11,93) so'm etib belgilandi.

Bu dollarning so'mga nisbatan kursining tarixiy maksimum ko'rsatkichi hisoblanadi.

@tanga_uzb

210 0 0 4

tanga.uz — iqtisodiy yangiliklar

20 Nov, 13:33

11-noyabr aksiyasida Uzum Market orqali 1 mlndan ortiq onlayn buyurtmalar amalga oshirildi

Butunjahon xarid kuni — 11-noyabr (11.11) aksiyalari davomida o'zbekistonliklar Uzum Market orqali 1 milliondan ortiq buyurtmalar qoldirildi.

Eng katta buyurtma qiymati 36 mln so‘mdan oshdi. Navoiylik mijoz iPhone 16, ikkita OPPO smartfoni, mushuklar uchun yem, yangi yil bezaklari va boshqa turli mahsulotlarni biryo‘la xarid qildi.

Uzum Tezkor orqali esa eng ko‘p buyurtma qilingan taomlar sifatida EVOS’ning "Katta lavash"i va Oqtepa Lavash’ning "Shaurma + Pepsi" to'plami ajralib turdi.

Bu yilgi aksiyada ishtirok etgan sotuvchilar soni 40% ga oshgan bo‘lsa, Uzum Tezkor orqali maxsus takliflar bergan kafe va restoranlar soni 4 barobarga ortdi.

Oziq-ovqat, maishiy kimyo, elektronika, kiyim-kechak va kosmetika mahsulotlari eng talabgir bo‘ldi. Toshkent, Samarqand, Farg‘ona va Buxoro aholisi eng faol xaridorlar bo‘ldi.

Obuna bo'ling: @tangauzb

183 0 1 5

tanga.uz — iqtisodiy yangiliklar

20 Nov, 12:02

Shavkat Mirziyoyev 2025-yilni “Atrof-muhitni asrash va „yashil“ iqtisodiyot yili” deb e’lon qilishni taklif qildi. Yig'ilganlar ushbu taklifni to'liq qo'llab-quvvatladi.

Obuna bo'ling: @tangauzb

267 0 5 9

tanga.uz — iqtisodiy yangiliklar

19 Nov, 14:07

Dollar kursi ketma-ket uchinchi kun ko'tarildi

20-noyabrdan dollarning so'mga nisbatan rasmiy kursi 18,99 so'mga ko'tarilib, 12 844 so'm etib belgilandi.

@tangauzb

205 0 1 2

tanga.uz — iqtisodiy yangiliklar

19 Nov, 13:48

O'zbekistonga shu yilning dastlabki to'qqiz oyida umumiy qiymati $182,2 mlnlik 16 209 ta elektromobil import qilingan.

Elektromobillarning asosiy qismi Xitoydan olib kelingan - 16 131 ta. Qolgan qismi quyidagi davlatlarga to'g'ri kelmoqda:

- Qozogʻiston - 23 ta,
- Gonkong - 17 ta,
- Germaniya - 14 ta,
- boshqa davlatlardan - 24 ta.

Avvalroq, yanvar-iyul oylarida qiymati $156 mlnlik 10 542 ta elektromobil import qilingani haqida yozgandik.

Obuna bo'ling: @tangauzb