➡️ O‘zbekistonlik 11 yoshli qiz o‘zini tengdoshi deb tanishtirgan odam bilan messenjerda muloqot qilib, sevimli o‘yini uchun virtual qahramonlarni sotib olishga rozi bo‘ldi. Ko‘rsatmalarni bajarib, firibgarlarga onasining bank kartasi raqamini berdi va kelgan sms-xabarlardan kodlarni aytdi. Natijada kartadan 5 million so‘mdan ortiq mablag‘ yechib olingan.
⚡️ Bolalarga qaratilgan firibgarlik ijtimoiy tarmoqlar va messenjerlar orqali faol tarqalayotgan yangi va xavfli tendensiyadir. Bu sxema xavfli, chunki u bolalarning ishonchi va soddaligidan, shuningdek, ularning video o‘yinlarga bo‘lgan ishtiyoqidan foydalanadi.