Ул гўзал бир бор қараб бизни шайдо қилди, ваҳ,
Бир ғариб кўнглим аро ишқни пайдо қилди, ваҳ.

Мен ажиб ҳислар билан осмонда учсам, ул пари
Бошима соғинч деган дардини савдо қилди, ваҳ.

Боғ аро ҳусну жамолин кўрсатиб, ҳайрон қилиб,
Ишқ аҳли ичра кўнглум фахру порсо* қилди, ваҳ. 

Мен уни Лайли ва ё Ширин каби суйгай десам,
Ул Жунун, Фарҳод каби расвои дунё қилди, ваҳ.

Мен анинг лутфин агар субҳи сабодан истадим,
Изтиробни тоғ каби, кўз ёшни дарё қилди, ваҳ.

Тун ва кун соғинч била
дард ниҳон этмак эсам,
Элга айтиб ҳолим манинг, ошкоро қилди, ваҳ.

Фармоно, дийдорига мадҳ, ғазал битмак эдим,
Ул мени ўз васфини ёзмакка мирзо қилди, ваҳ.

@farmontosh
2025 йил 29 январь.
Порсо  -  тақводор.