Facebookdagi gaplar

#Огохлик.
Бугун иккита нотинч оиланинг ишини кўрдик. Ҳар иккиси хам келиннинг телфон тутгани билан боғлиқ. Бири бегона билан телеграмда ёзишган. Иккинчиси оддий телфон бўлгани учун бегона билан гаплашиб юрган. Эри хотинни ташлаб сафарда юргандирда, йиллаб деб ўйламанг, ҳар иккисининг эри шу ерда бўлган. Иккисида ҳам иккитадан бола. Телеграмда ёзишганини нусхасини (копия) олиб келибди, ўқиб кўрдим. "Кўришмаганман, фақат ёзишдим холос, шайтон йўлдан урди кечиринг жоон хўжайин!" деб келин эрининг оёғига йиқилиб йиғлаябди. Қизнинг ота-онаси, холаси ва бошқалар бор. Елкасини қисиб калласини ичига тиқиб ўтирган отасига жуда раҳмим келди. Бечора, бу ҳолатдан бўлари бўлди. Аёлимиз, келин ва қизларимизга хушёрроқ бўлайлик. Хозирда телфон шайтоннинг зўр тузоғига айланди. Шу билан эркагу-аёлни, оилалими, оиласизми фарқи йўқ, ёмон овлаябди.
Наъузу биллаҳи мин заалик.

©Абдулатиф Абдулғани

@facebookdagi_gaplar

Ажойиб холатлар.

Жарималар автоматик расмийлаштирилиб, автоматик хабар келиб, пулини масофавий тўллаш йўлга қўйилган. Жарималарни умумлаштирадиган дастурлар балл тизими ишлаб чиқилган. Лекин кам таъминланганлар ижтимоий тўловларни олиш учун қайта қайта югуриш керак.

Фарғонада тиббий ниқоб тақмаганларни автоматик аниқлайлаб жарима расмийлаштирадиган тизим яратилган эди. Шифохонага ёки бирон идорага борсангиз хар сафар шахсингизни тасдиқлашингиз керак.

Мантиқсиз холатлардан бири қўли йўқ одам, ноширонлигини чўздириш учун хар 6 ойда қўли йўқлигини тасдиқлаш керак.

Газ ва электр таъминоти электрон хисоблагичга ўтказилди. Пулингиз тугаши билан ўчади, лекин катта худудда свет узилиб қолса хабар беришингиз керак. Пули тўланганларга газ, свет бормаяпганини хабарини бермайдими?

Бундай холатларни кўплаб мисол келтириш мумкин. Агар қолоқ ва имконияти йўқ давлатда яшаганимизда начора дердик. Лекин бундай мантиқсизликни йўқотиш керак.

#Hojiakbar Rajab

@facebookdagi_gaplar

Машаллоҳ, баъзи эркаклар шунчалик " рашкчи" эканки, хотини ишлатадиган телфонга 100% доступи бор ,ўзига назорат ваколатини юклаб олган ва буни ошиғи билан бажаради. Хотини телеграмда қайси дугонаси билан нима мавзуда гаплашганигача билиб туради. Палончихон дугонаси неча марта уринишда бўйида бўлганигача хабардор. Хотини аъзо бўлган группа ва каналлардаги аёллар бехабар ( бўлиши мумкин эмас чунки уларнинг эри ҳам шундай) уларнинг суратларини кўрган.
Шунинг учун ўзига эҳтиёткор муслималар интернетда "фақат аёллар учун" деган группа ва каналларда ҳам чегарадан чиқмайди чунки канални қўйиб туринг дугонангиз билан хилватдаги суҳбатингиз ҳам эрининг назаридан омонда бўлмаслиги мумкин. Нариги томондаги аёл эса дугонасининг эри билан ёзишаётганидан бехабар.
Қайнисингиллар келинннинг телфонига хўжайинчилик қилиши ҳам қулоққа чалинади .

Эр -хотин бир - биримизга ишонамиз, телфонни ўрта қумалоқ бирга ишлатамиз дейди фахрланиб.)))

#Faiziddin Mumin

@facebookdagi_gaplar

Ҳал қилувчи палла: қайси йўлни танлаймиз?

Куни кеча Газета.уз бир нечта манбаларга таяниб, Россия ўз газини Ўзбекистонга Қозоғистон орқали, “Марказий Осиё – Марказ” қувурлар тармоғида етказиб беришни таклиф қилганлигини ёзди.

Бунинг учун Россия Ўзбекистоннинг газ-транспорт тизимини бозор нархида “Газпром” эгалигига ўтказишни талаб қилмоқда.

Худди шундай талаб “Қозоқгаз” компаниясига нисбатан ҳам қўйилган, лекин компания буни рад этган.

Шунингдек, Россиянинг яна бир шарти Хитойга газ экспорти ҳуқуқини топшириш бўлган. Яъни “Газпром” келишувда Ўзбекистоннинг “УзГасТраде” компанияси ўрнини эгаллашни таклиф қилмоқда.

☝️Агар бу талабларга рози бўлинса том маънода Ўзбекистон энергия соҳасида Россияга қарам бўлади, дейиш мумкин.

Бу асло йўқ қўйиб бўлмайдиган ҳолат!

Камига Туркманистондан газ олиш бўйича келишувлар ҳам босим остида қолиб кетмоқда. Катта эҳтимол билан бунга ҳам Россия аралашган.

Афсуски бугунги совуқ кунлардаги энергия таъминотидаги муаммолар сабаб одамларда бўлаётган норозилик кайфияти Россия фойдасига ўйнамоқда.

Бу кетишда Ўзбекистон раҳбарияти одамлардаги эътирозлар сабаб Россиянинг шартларни қабул қилиш эвазига тезкор газ олишни ягона йўл сифатида кўраётган бўлиши мумкин.

Совуқдан қийналаётган одамларимиздаги кайфият айни ўринда Россиянинг ўз талабларини Ўзбекистонга ўтказиш учун қўл келади.

Бу вазиятда олдимизда иккита йўл қолмоқда: ё Россиянинг барча шартларига кўниб, энергия қарамлигига тушамиз ёки сабр матонат билан совуқни енгиб ўтиб, энергия мустақиллигига эришамиз.

Танловнинг қандай бўлиши одамларимизнинг вазият бўйича позицияларига боғлиқ бўлади.

Лекин шахсан мен бу масалада Россияга қарам бўлмаслик тарафдориман ва келажагимиз учун қанча синов, қийинчилик бўлса чидашга тайёрман.

©️ Расул Кушербаев

@facebookdagi_gaplar

Интернетдан чиқиб қолган хуш хабар....

**

Ўзбекистон бюджетига киритилмасдан, Кланлар ўзаро бўлишаётган бойликлар миқдори...

Агар яширин равишда ишлаб чиқарилаётган табий бойликлар ахолига жон бошига тақсимланиб берилса қанчадан тегади?

1) Уран расмий 2404 тонна, аслида норасмий статистика йилга 3700 тонна.

2) Газ ноқонуний 64 миллиард м3 аслида легал ишлаб чиқариш 178 миллиард м3

3) Олмос ишлаб чиқариш 13 500 000 карат йилига. Бу бойлик умуман бюджетга киритилмасдан бўлишилмоқда.

4) Олтин йилига 110 тонна дейилмоқда, аслида 270 тонна ёки 952397000 унция . 160 тонна олтин Кланлар бўлишиб олмоқда.

5) Нодир металлар йилига 100 тонна. Бу металлар бюджетда бирон килоси кўрсатилмайди.

6) Мис 400 000 тонна, бу металнинг бюджетга кирими ва асл сотилиш нархида икки баробар фарқ бор.
Хокимият ичидаги мутахасисларни олиб борган сирли текширувлар натижасида қуйидаги миқдорда бойлигимиз талон тмрож бўлмоқда:
Бюджет кирим хажми, йилига 1 триллион 950 миллиард доллар бўлиши керак эди.
Ахоли сони 36 миллион деб яхлит олсак, демак бир нафарга 54 166$ дан йиллик улуш тегиши керак.
Бу дегани ишламай ётган инсон давлатдан йилига шунча пулни нақд ёки хизмат кўринишида олиши лозим эди.
Бу табий ресурс хажмидан хар бир фуқаро улуши булиши керак.
Ўзбек халқи дунёда мисли кўрилмаган миқдорда талон тарож қилиниб Имперял давлатларгa берилмоқда.
ўзбек халқи ўзи-ўзини қутқармаса четдан биров ёрдам қилмайди.
Мавжуд Хокимият, четдаги жуда кўплаб давлатлар иқтисодига катта тасир қиладиган бойликни улар банкларига ташиб кетмокда.
Бундан мақсад нима эканлигини тушунмаймиз.
Бу бойликлар музлатилиб ўнларча йиллаб махкамаларда тураверади. Ўша давлатлар иқтисоди ривожнаваради.
Ўзбеклар қул, ишлатилаверади.
Уйида егани нони йўқ инсон хам, пули йуқлигидан энг арзон дорини фарзандига бериб нобуд қилган она хам, йиллаб хеч бир стандартга тўғри келмайдиган автомобил бўлган GM автомобилини олган инсон хам оддий ўзимиздек инсонлар.
Бизни гапимизга ишониш шарт эмас. Биз эълон қилган бойликларни давлат бюджетидан қараб кўрсин, топадими ?
Миқдори хақида биронта рахбардан сўрасин, харакати реал мавжуд имкониятларни, захирани, қазиб чиқариш хажмини, сотилиш нархини билгани, хужжатини кўргани учун айтмокда, ёзмокда.
Малумот берган миллий кадрларни хаетини асраш учун очиқламаймиз.
Очикласак минглаб кадрлар ўлдирилиши ёки захарланишлари мумкин.
Асли йилига хар бир инсонга 484 700 доллардан пул беришга етадиган миқдорда уғрилик бўлаяпти. Қолган ўғриликлар вақти келиб навбати билан очиқланади.

Биз жаннат ваъда қилмаймиз.
Чунки Жаннатга кириш шартлари тўғрисида Аллох вадасини Қурони Каримда тўлиқ айтган, бу хуқуқ Аллохга тегишли.
Биз шахсий мулкингиз бўлган табий бойликдаги ўз улушингизни айтаяпмиз холос.

Биз етказдик.. ер ости ва устки бойликлар умухалқники оддий қилиб этганда хақ эса хақдорники.
®

Шу матн муаллифи қидирилмоқда....

@facebookdagi_gaplar

#таълим #тарбия #english #педагогика #эксперимент

13 ёш ўғлимнинг инглиз тилини яхшилаш бўйича тажриба ўтказдим. Репетиторга бормаган. Мустақил ўрганишга хоҳиши унчалик яхши эмас. Шунчаки қўлига китоб бериб, ўқи десаям самара бермаслиги аниқ эди.

Болалар ва ўсмирларга мос яхши комикслар рўйхатини топдим. Биринчи танлов "Бағдод шерлари" бўлди. 2003 йили АҚШ Ироқни бомбалаганда ҳайвонот боғи вайрон бўлиб, ёввойи ҳайвонлар кўчаларга чиқиб кетган экан. Шу воқеа асосида тўртта шернинг саргузаштларини қизиқарли ва бадиий тасвирлаган.

Кунига 15 дақиқадан бирга ўқидик. 7-8 кунда тугади. Баъзи жойларига ўзи қизиқди, умуман олганда унча иштиёқ билдирмади.

Қайсидир барака топгур фб лентада япон комикси ("манга") "DR. STONE" ни тавсия қилган эди. Шуни ўқиймизми, десам хурсанд бўлиб кетди. Чунки ўзи олдинроқ мультфильм вариантини бир қисмини кўриб, ёқтирган экан. Мавзу - замонавий илмларни яхши ўзлаштирган йигитча тош асри шароитига тушиб қолгани ҳақида. Цивилизацияни нолдан бошлаб қуришга мажбур бўлади, кўп кашфиётларни, технологияларни бошқатдан ясаб чиқади ва ҳк.

Буни кунига 25-30 дақиқадан ўқидик. Жуда пухта ўйлаб ёзилган, юморга бой ва сериалга ўхшаб энг қизиқ жойида тугайди. Шунга қизиқиб, оғринмасдан ўқиди.

Биринчи саҳифадаёқ сезилди, ўғлим ҳаёлида русча фикрлаб, инглизчадан ўгирар экан. Чунки рус мактабга боради, ютубда русча контент кўради ва сўзларнинг ўзбек тилидаги энг мос вариантини яхши билмайди. Мен нотаниш сўзларнинг ўзбекчада қайси маънода келишини айтиб турдим, у диалог ва ибораларни русчага ўгириб турди. Нотаниш сўзга энг мос келадиган таржима сўзни аниқ топишга ва тартиблашга мажбурладим.

Биронта дафтар тутмадик, ҳеч нарса ёзилмади, ҳеч нима ёдлатилмади, вазифа берилмади.

Бундан олдин баъзи ўзи қизиққан мультфильмларни инглизча субтитрлар билан кўрганига бўлса керак, матнларни мияда анча тез ва хатосиз таржима қилиб, тўғридан-тўғри таржимасини айтиб кета оларкан (нотаниш сўзлар учраб қолмаса). Буни кутмаган эдим, яхши сюрприз бўлди.

Ҳозир Dr. Stone нинг 136 та қисмини тугатдик.

👉 Нима ўзгариш ва натижалар бўлди:

- Жуда кўп янги сўзларни ўргандик. 30% сўзлар илмий-техник атамалар ва терминлар. Баъзи сўзлар ўн марталаб учрайвергандан, (онлайн) луғатдан қарайвериб ёд бўлиб кетди. Комикс қаҳрамонлари турли характер ва замон соҳиби бўлгани учун ишлатадиган сўзлари, гаплашиш услуби ҳам турлича. Шунинг учун нотаниш сўзлар тинмай чиқаверади.

- Бирор нотаниш сўз кўп учраса ва эсдан чиқаверса, сюжетдан чалғиб, луғатни қайта қарайвериш жонга тегаркан ва мия ЭРИНГАНИДАН эслаб қолишга ҳаракат қиларкан 😄. Зўр эффект. Бундан педагогик метод ясаворса бўлади.

- Энг кўп учрайдиган грамматик қоидалар ҳам ёд бўлиб кетди, асосий замонларни интуитив тўғри таржима қилишга ўрганди (бошида кўп хато қиларди).

- Кўп илмий кашфиёт-технологиялар қандай қилинганини ўргандик. Тош асри шароитида, замонавий материал-хомашё йўқ бўлганда, бор ресурслардан оптимал фойдаланишни ўргатаркан. Ўзи бутун сюжет ностандарт ечимлар топиш, креатив фикрлаш, кризис-менежментдан ташкил топган.

- Воқеалар орасида ибратли, тарбиявий жойлари учраб қолади. Турли характердаги инсонларнинг фазилат ва қабиҳликлари, самимий ва жоҳилликлари тасвирланган. Шу жойида тўхтаб, шунга боғлиқ, ҳаётда учраган воқеаларни айтиб бердим. Тарбиявий дақиқаларга асос. Оғринмасдан, диққат билан эшитди, балки суҳбат табиий туртки асосида бўлгани учундир.

- Орада тарих, психология ва географияга оид маълумотлар учраб қолади. Шу жойида ҳам пауза қилиб, тафсилотларини тушунтириб бердим, қизиқ фактлар билан тўлдирдим. Бошқа пайт бу маълумотларни унга етказиш ҳаёлга келмаган бўларди. Булар ҳам сюжетга боғлиқ бўлгани учун қизиқиб қулоқ солди.

- Цивилизацияни нолдан қуришда жамоа бўлиб ҳаракатланиш самараси яхши очиб берилган. Ўзининг шахсий қусурларини жамоадошлари ҳисобига компенсация қилиш. Ҳар бир ишнинг ўз устасини топа олиш. Фойдасига қўшиб зарари ҳам тегадиган одамлар билан қандай муроса қилиш.