Турки Аш-Шайх Саудия Арабистонида ҳалол виски савдосини йўлга қўйди. Бу минтақада ичимликлар саноати қоидаларини ўзгартириши мумкин. Турки Аш-Шайх (Турки бин Абдулазиз Ал Аш-Шайх) — Саудия Арабистони давлат арбоби, бизнесмен ва маданият ҳамда спорт соҳасидаги муҳим шахслардан бири. У Саудия Арабистони валиаҳд шаҳзодаси Муҳаммад бин Салмоннинг яқин ишончли одамларидан бири сифатида танилган.

Ижтимоий тармоқларда катта шов-шув яратган унинг бу қадами ҳалол ичимликлар концепцияси юзасидан жиддий муҳокамалар эшигини очмоқда.

Ҳалол виски анъанавий виски ишқибозлари суйган таъмларга ўхшаш, лекин бутунлай алкоголдан холи бўлиб, Саудия Арабистонидаги диний қоидаларга мувофиқдир.

Бу ғоя айрим оммавий ахборот воситалари томонидан қўллаб-қувватланмоқда, чунки улар буни маҳаллий иқтисодиётни ривожлантириш ва минтақада ҳалол ичимликлар саноатининг қамровини кенгайтириш имконияти сифатида кўришмоқда.

Ҳалол вискининг ишлаб чиқарилиши ичимликлар саноатида катта ўзгаришдир ва бу Саудия Арабистонида яқин келажакда кузатилиши мумкин бўлган муҳим ўзгаришларни акс эттиради. Хуллас, ҳожиларга хлорли зам зам суви, араб шайхларига эса хос виски.

Бу очиқликнинг янги даврининг бошланишими?


💬Telegram |📱Facebook |
🐦Twitter |📱Instagram | ▶️YouTube