Carla'S

Оналар муҳаббати…

Холис муҳаббатга ҳақиқий маънода волидалар- нинг меҳри мисол бўлади. Оналар бу жавоҳирлари эвазига фарзандларидан на мукофот, на мол-дунё талаб қиладилар. Балки жонларини ҳам қўшиб тортиқ қиладилар.

Онгсиз, кичик жуссали бўлишига қарамай, она товуқ полапонини ҳимоя қилиш учун ҳар қан- ча кучли бўлмасин, ит билан курашади. Оналик Аллоҳнинг барча оналар қалбига солган муруввати, марҳаматидир.

Фотиҳа - бир кунда 32 бор такрорлаб, лекин нима демоқчилигини етарлича англаб етолмаганимиз сураи Кариманинг номи.

- Ким учун намоз ўқиймиз?

- Холис Аллоҳ учун.

- Нима истаб рўза тутамиз?

- Аллоҳ розилигини истаб.

- Иқтисодни яратган - Аллоҳ.

- Зилзилалар билан бизга Қиёмат қоим бўлиши хабарини берувчи ким?

- Аллоҳ!

- Бошимизга келадиган ҳар ишнинг сабабчиси ким?

- Аллоҳ!

- Борликнинг, мавжудликнинг асл Сабабчиси ва Санъаткори - Аллоҳдир!


“Аллох билан кўнгил сухбати - намоз” китобидан.

Aniq o‘lchab bo‘lmaydigan narsalarni aytadiganlarga quloq solmang. Chunki rivojlanish, maqsad qo‘yish, muvaffaqiyatga erishish kabi masalalarda aniq mezon va o‘lchovlar kerak. “Rivojlaning!”, “Maqsadingizga yeting!” degan umumiy maslahatlar go‘yo ilhomlantiruvchi ko‘rinsa-da, amalda qanday qadamlar tashlashni bilmasangiz, ular foydasiz bo‘lib qoladi.

Rivojlanish – bu o‘lchab bo‘ladigan jarayon. O‘zgarishlarni ko‘rsatadigan konkret ko‘rsatkichlar va natijalar kerak. Misol uchun, “kelgusi 3 oy ichida daromadni 20% oshirish” yoki “har kuni bir soat yangi ko‘nikma o‘rganish” kabi aniq vazifalar rivojlanishni nazorat qilishga yordam beradi.

Maqsad qo‘yish – bu ham o‘lchovlarsiz samarasiz. “Baxtli bo‘lishni istayman” yoki “Muvaffaqiyatga erishmoqchiman” kabi noaniq iboralar sizni chalg‘itadi. Maqsadni SMART tamoyili asosida belgilash – o‘lchovli, aniq va muddatli bo‘lishini ta’minlash kerak.

Shuning uchun umumiy gaplarga emas, natijalar va aniq ko‘rsatkichlarga e’tibor qarating. O‘zingiz uchun o‘lchanadigan reja yarating. Bu sizni yo‘lingizda qat’iyroq va maqsadlaringizda muvaffaqiyatliroq qiladi!

#bynewriter

Muhabbat bilan…

Har bir ishni muhabbatdan kelib chiqib qilish kerak. Chunki muhabbat bilan qilingan ishda baraka, samimiyat va chin ma’no bo‘ladi. Ayniqsa, Allohga bo‘lgan muhabbatdan kelib chiqib qilingan harakatlar odamning qalbini yengil qiladi, ishga mazmun beradi va uni ilohiy bir amaliyotga aylantiradi. Bunday ishda charchoq ham sezilmaydi, har bir qadamda ruhiy bir ozuqa his qilinadi.

Shuning uchun aytiladi: inson ko‘p o‘rgangan narsasida dars berishi mumkin, lekin ijod qila olmaydi. Chunki o‘rgangan narsasi ko‘pincha ma’lumot yoki texnik ko‘nikmadan iborat bo‘ladi. Lekin inson sevgan narsasida ijod qiladi. Chunki muhabbat ichida ilhom bor, ilhom esa qalbdan chiqadi. Sevgi faqatgina ishni o‘rgatmaydi, balki uni butunlay yangi shaklda yaratishga undaydi.

Muhabbatdan kelib chiqib qilingan ishda g‘ayrat va mehnatning o‘zi yetarli emas, u yerda yurak, mehr va insonning butun vujudi ishtirok etadi. Sevgi bilan ishlagan odam o‘z ishidan zavq oladi, boshqalarga foyda yetkazadi va bu jarayonda o‘zi ham kamol topadi. Muhabbat bilan ishlagan kishi uchun har bir qadamda Allohga bo‘lgan yaqinlik hissi paydo bo‘ladi. Shuning uchun muhabbat ijodning, barakaning va chinakam muvaffaqiyatning asosidir.

#bynewriter

My fully avtoriskiy😄 work on Behance

Check out new work on my @Behance profile: "MyBus-Mobile App design" http://be.net/gallery/216571957/MyBus-Mobile-App-design

Before 2025 come, you should watch this video 📝

Prinsipini yoʻqotganlar

Inson ikki narsani yoqotgan zahoti o’zligini yo’qotadi.

Bularning biri “o’ziga bo’lgan ishonch”, ikkinchisi “o’z prinsiplariga ishonchdir” 

“Sulton Abdulhamidhon ||“



Prinsip bu - inson to’g’ri va noto’g’ri deb bilganlaridir.

Kasbim tufayli juda ko’p insonlar bilan aloqada bo’lishimga to’g’ri keladi.

Ammo ularning juda ko’pchiligi bilan muloqotdan so’ng, ularning 85% qismiga ham achinaman, ham adolatni ko’raman.

Ya’ni ko’pchilik insonlar yuzlari kulib tursada, hayotidan, ota-onasidan, ishidan, turmush o’rtog’idan yoki farzandlaridan norozidir.

Doim o’zimga “nega?” savolini berib kelaman va buning javobi so’ngi xalifaning yuqoridagi so’zlarida yashiringan menimcha.

Ularning barchasi o’zligidan kechgan!
O’zi ishongan narsalardan kechgan!

Har bitta insonni o’zi uchun to’g’ri va noto’g’ri tushunchalari bor, ammo insoniyatning bu qismi, kimdirga yaxshi ko’rinish, ish topish yoki ishdan haydalmaslik uchun, bu ishongan tushunchalaridan voz kechishadi.

Natijada esa hayot mazmunlarini yo’qotishadi.

Bunday vaziyatlar hayotimda ko’p bo’lgan, yaqinda bir 60 yosh atrofidagi, pul oldi berdimiz bor bir tanishim, hayot qiyinligidan, insonlar uni ko’p aldashayotganidan duv-duv ko’z yosh bilan qarshimda turardi.

Bunga qarash oson emas edi, chin dildan achindim, qo’ldan kelgancha dalda berdim, ammo agar inson yetuk bir yoshga yetsa va insonlar tomonidan aldanmaslikga, o’z fikri, so’zini aytishiga, o’zi istagan paytda ishdan bo’shasa ham uni tajribasi uchun, uni qabul qilishga tayyor kompaniyalar mavjud emasligiga qisman insonning o’zi sababchi.

Televizor qarshisida, telefon ekranida, choyxona va behuda so’zlar so’zlangan majlislarda yoshligini o’tkazgan inson bilan…

O’zi istamasada kitob o’qigan, istamasada barcha uxlayotganda, sovuqga qaramay ko’chaga chiqib sport bilan shug’ullangan va bu dunyodagi eng qiyin vazifa o’z yo’nalishida ilm olib, treyning, kurs va boshqa ilm olish yo’llari bilan  vaqtini o’tkazgan inson.. “teng bo’lurmi?”

Hayot beshavqat, unga yengil qarashimiz yoki farzandlarimizga unga yengil qarashga imkon yaratib berishga haqqimiz yo’q.

Hayotim davomida ko’p joyda ishlaganman, hech qachon mansab talab qilmaganman (ha, nafs mansab talab etishini inkor qila olmayman) shunday bo’sada, talab qilmasamda doim mansab berilar edi, hurmatim joyiga qo’yilib, ko’p masalalarda maslahat qilinardi.

Buning asosiy sabablaridan biri, doim o’zim tog’ri deb bilgan ishimni qilishim va noto’g’ri deb bilgan narsamda qarshi fikrimni ayta olganim deb bilaman, hatto bu rahbariyat bilan janjalga olib borishini bilsamda.

Janjaldan so’ng zarrachalik ish topa olmaslikda qo’rqmagan holda ishdan ketsamda, qayta-qayta eski ishxonamdan qaytishim so’rovlarini qabul qilar edim.

Sababi o’zligini yo’qotmagan insonlar bu dunyoda juda oz va insonlar ularga ergashishni, ularni yonida bo’lishini xohlaydi.

Agar kimdir to’g’ri ishni qilgani uchun ishdan haydalsa, qolganlar u uchun o’zlaricha “ehh” tortib afsuslanishadi, ammo bilmaydilarki, u insonlar ishsiz hollarida ham, o’zligini yo’qotgan toifadan ancha baxtlidirlar.

#bynewriter

Masʼuliyat.

Bugungi kundagi barcha muammolarning sababi masʼuliyatsizlikdir!

Nafaqat yoshlarda balkim kattalarda ham Masʼuliyat yo‘q!

Umuman olganda bir kamchilik, ilmsizlik yoki tajribasizlikni yoshga bog‘lash noto‘g‘ri.

12 yashar Imom Buxoriyni ko‘rgan shahar volisi “iyya shu yosh bo‘lani ketidan shuncha oq soqol yuribdimi” deb kulganida Imom Buxoriy; agar maqom yoshga qarab berilganida edi, sizning maqomingizga sizdan ko‘ra munosibroq (yaʼni yoshi katta) insonlar bor” deb javob qilgan edilar.

Bir nechta 15 yashar bolalarni bilamanki uylantirib qo‘ysang uyaltirib qo‘ymaydi.

Bazi bir haqiqatlarni tushunish uchun albatta ota-ona bo‘lish, ichkilik yomonligini tushunish uchun uni ichib ko‘rish yoki Ona tug‘ruq vaqtida qanchalar og‘riq chekishini his qilish uchun “tug‘ish” shart emas menimcha.

Farosat bo‘lsa bo‘lgani…

Zero agar bu tushuncha to‘g‘ri bo‘lganida edi, “Kattalar” bir ovozdan bu yigitning uylanish yoshi yetti degan 30 yoshlik “erkak” yangi oilasini eplab ketishi kerak edi, ammo afsus unday bo‘lmayapti…(va ko‘plab misollar)

Hurmatli ota-onalar va bo‘lajak ota-onalar; farzandlarga u tug‘ilmasidanoq Masʼuliyat berishni boshlashimiz kerak, zero Quddus Fotihi Salohiddin Ayyubiy hazratlari, hali ona qornida shakillanmaslaridanoq ummat ustida masʼuliyatlari bor edi. 

O‘zingizda his qilib ko‘ring;

Bir bolaga yoshligidan: e sen yosh bo‘lasan aralashma.
-25 yoshida esa, sen ayollarda nimani ham tushunarding. degan qaydayu

Boshqa o‘rinda: bolam sen otangdan so‘ng uyimiz boshlig‘isan, sen bizga masʼulsan, masʼuliyating borligini unutma.
-bolam umraga, hajga, chet ellarga borgim kelyapti sen uyimiz erkagisan, olib borasana. deyish qayda.

Ishonavering agar yoshlarni ikkinchi misoldagidek katta qila olsak (albatta bu juda qiyin)

Ularga telefon o‘ynayverma, kitob o‘qigin, qachon odam bo‘lasan; degan so‘zlarni aytish shart emas.

Ularni o‘zi do‘stlari kampyuterga yoki ko‘ngil xushlikga chaqirsa YO‘Q deya oladi, chunki; 

Mas'uliyat berilgan va bu mas'uliyatni qabul qilgan Erkak irodasidan kuchliroq hissiyot yo‘q bu dunyoda.

#bynewriter