Booklover🫶✍

#drabbllar

***

— Dada, kechiring .
— Ovozingni o'chir. Sendan buni kutmagandim, chiq xonangga!
Qizining qilig'idan otaning jon-poni chiqib ketdi.
— Nimaga? Qo'ni-qo'shnining oldida nima degan odam bo'ldim-a? Yo qattiqroq turmadimmi bu qizga...
Shularni o'ylarkan telefonini qo'liga oldi . Sms kelibdi . "Ishxonadan" ekan:
"Erim ketdilar, kutaman... "

***

Uchinchi shishani bo'shatisharkan, yigitlardan biri gap boshladi:
— Ee kel, haligi qizga telefon qilamiz, bahonada "hol-ahvol" so'rarmidik, ha nima deysanlar ?
Jirkanch kulgi ko'tarildi.
— Ma, ol, sen gapir, harholda bunday ishlarga ustasan.
Erkin telefonni qo'liga olarkan shirali tanish ovoz eshitildi:
— Alooo
— ...singlim ?

***

— Nega yana rad javobini berding, axir yoshing o'ttizga chiqib qoldi? - ona qiziga zarda bilan gapirardi.
— To'g'ri qildim, baribir tashlab ketardi. Ishonmayman unga, umuman hech bir erkakka ishonmayman. Ular hammasi yolg'onchi! - xonasining eshigini ichkaridan qulfladi-yu, burchakda turgan sandiqni kovladi. Mana, nihoyat topdi. Yosh boladay yarmi yirtilgan suratni o'parkan, asta pichirladi:
— Dada...

***

Ertalabdan oilaviy nonushta qilardik. Mahalladagi bir kishi  kelib yon ko'chamizdagi amakini o'tib qolgani (bir oydan beri og'ir kasal edi) va peshinga chiqarishlarini aytdilar. Hamma jim qoldi. Oilaviy sukutni onam buzdilar:
— Eee nuqul birovni haqqini yeb yurardi, mana teshib chiqib...
Onamning gapini dadamning og'ir qarashlari to'xtatdi. Biroz o'yga tolib dadam eshitilar-eshitilmas pichirlab qo'ydilar:
— Oxiratlari obod bo'lsin...

***

— Men endi boyman!
— Buncha boylikni qayerdan olding?
— Sotdim.
— Nimangni sotding, axir hech narsang yo'q-ku?
— Nega unday deysan... Har qalay, eski bo'lsa ham vijdonim bor edi.

***

— Doktor, qalay, erimning ahvoli yaxshimi, sog'ayib ketadimi?
— Havotir olmang. Besh soatlik operatsiya muvaffaqiyatli o'tdi. Sizdek ayollarga qoyil qolmasdan iloj yo'q, naq bir sutkadan buyon ko'z yummadingiz-a?! Shuni aytishim mumkinki, eringiz ham sizni sevar ekan. Narkoz paytida faqat bir jumlani takrorladi: "Seni sevaman Jane". Mayli, men boray, yana bitta operatsiyam bor.
— Mayli, - deya doktor bilan xayrlasharkan Marinaning yuzidagi bir lahzalik  quvonch yo'qoldi.

#drabbllar

©Booklover

✍#taqriz  (Amerika adabiyoti)

📚 "Kakku uyasi uzra parvoz" (roman)
👤 Ken Kizi

"U meni ajdarholar boʻlmasligiga ishontirdi, soʻngra oʻzi ularning makoniga boshlab bordi".

Bu postni yozishimdan oldin asar haqida 7 ta taqriz oʻqib, Googledan bir qancha maʼlumotlar izladim. Asarning asl mazmuni va uning mohiyatini his qilib oʻqisangiz, uning qanchalik darajada "Must read" ekanligini bilib olasiz. Hatto kitob muqovasi ham menga juda ham manzur keldi. Xullas, oʻqishni tavsiya qilgan boʻlardim.

GENETIK TAHLIL

Asar muallifi kasalxonaning psixiatriya boʻlimida tungi navbatchi sanitar vazifasida ishlagan. Uning vazifasiga ruhiy nosogʻlom kishilar bilan ishlash ham kirgan.

Shular qatorida, tunggi smenalarda bemorlar bilan ishlash va kam oʻrganilgan dori-darmonlar bilan tajribalar oʻtkazish boʻlajak yozuvchini ushbu romanni yaratishga undagan. U bemorlarning gʻayritabiiy ekanligiga ishonmasdi. Shunchaki, jamiyat ularni rad etgan, degan xulosaga kelgan. Bu romanni yozib u butun dunyoni shu vaziyatga eʼtibor qaratishini xohlagan.

BADIIY TAHLIL

Kitobxon asarni oʻqir ekan, "kakku uyasi" deganda ruhiy kasalliklar shifoxonasini, toʻgʻrirogʻi, jinnixonani, "kakku" deganda esa Katta hamshirani tushunadi. Bu xuddi bir hukmdor va uning chizgan chizigʻidan chiqmaydigan ongsiz qullar tasviriga oʻxshaydi.

Bugungi jamiyat asar bosh qahramoni Makmyorfi kabi shaxsni kutib yashaydi. U qochmasdan, bu totalitar rejimga qarshi kurashadi va uni ichdan qulatmoqchi boʻladi. Bu natijaga erisha oldimi yoki yoʻq, asarni oʻqib oʻzingiz baho berasiz!

Roman Sardor Bromden ismli ruhiy xasta boʻlgan bemor tilidan hikoya qilinadi. Uning qarashlari, oʻy-fikrlari, xatti-harakatlari orqali butun asardagi voqealar va uning asl mazmuni ochib beriladi.

FILOLOGIK TAHLIL

Asar 1965-yilda yozilgan boʻlsa, oradan 10 yil oʻtib 1975-yilda film qilib suratga olinadi. Eng qiziq tomoni shundaki, asar muallifi bu filmni koʻrishdan bosh tortadi. Chunki film kitob boʻyicha 100% suratga olinmagan ekan. Lekin shunga qaramay asarning keng kitobxonlar va kinomuxlislar orasida ommalashishiga toʻsqinlik qilolmadi. Film 5 karra "Oskar" mukofotiga sazovor boʻlgan.

Asar rus tilidan Hasan Teshaboyev tomonidan tarjima qilingan.

🎥 Filmni tomosha qilishingiz uchun: https://t.me/c/1867240155/63

📖 Asarni kitob shaklida oʻqishingiz uchun: Magic shop

©Booklover

📍Qatar national library

Videodagi men emasman:). Sarvinoz, juda ham ilmli qiz, oʻzi chet elda oʻqishni doim orzu qilardi. Niyatiga yetibdi. Koʻrib juda havas qildim, ayniqsa u yerdagi milliy kutubxonalarga borayotgani meni yana ham ilhomlantirdi. Qiziqqanlar kanaliga qoʻshilib olishingiz mumkin. Kutubxonada tanishgan eng ilmli doʻstlarimdan biitasi ^_^

Bilib qo'yish zarar qilmaydi!!!

Oliy sud tomonidan internet jahon tarmog‘idagi diniy ekstremistik, terroristik va aqidaparastlik g‘oyalari bilan yo‘g‘rilgan deb topilgan hamda O‘zbekiston hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar (materiallar) ro‘yxati tasdiqlandi.

©Booklover