Birnimalar📝

@birnarsa_lar

Kanal geosi va tili: O‘zbekiston, O‘zbekcha

Toifa: San’at

Hislar....

Связанные каналы

Kanal geosi va tili

O‘zbekiston, O‘zbekcha

Toifa

San’at

Statistika

Saralanganlar

Postlar filtri

O‘chirilganlarni yashirish

Repostlarni yashirish

Birnimalar📝

22 Feb, 19:45

Qoʻrqmang!
Sizga aslo tushmaydi yukim,
Oʻzimdan ortmaydi boshimdagi qor.
Men endi qadrimga yigʻlamay qoʻydim,
Bariga qoʻl siltab qoʻyganlarim bor!

Siz yurgan koʻchaga bosmayman qadam,
Siz oʻtar yoʻllarning menga boshi berk.
Telbavor tentirar ekanman bilsam,
Onasin yoʻqotib qoʻygan boʻtadek.

Fursatim oz mening, yumushim hirmon,
Qarzim koʻp Sarvari Olam oldida.
Sizga sigʻinibman men soʻqir,nodon.
Tavba-tilovotlar uvol boʻldida...

Qoʻrqmang,
Sizga aslo tushmaydi yukim,
Qarab turavering,uzatmang madad.
Ollohdek mehribon boʻlolmas hech kim,
Men uni sizchalik suymabman faqat.

Siz deb gunohlarga botaversamu,
Ikki dunyoyimdan kechsamu,esiz,
Robbim karam etib bandam desayu,
Bitta hatoyimni kechirmagan Siz!

Qoʻrqmang!
Endi sizga tushmaydi yukim,
Tezroq hayotimdan keting iltimos.
Yolgʻizlar yorining yoniga ketdim,
U meni bandam deb suya olsa bas!

✍🏻Malika Tavfiq

3 0 0

Birnimalar📝

22 Feb, 09:44

Orzularga bogʻlama diling,
Bu dunyoning doim biri kam…
Tushun, seni boshqadir yoʻling,
Ahir senga arzimayman ham…

Meni mendan koʻp oʻylayapsan,
Oʻz holimga hech qoʻymayapsan,
Qancha aytsam eshitmayapsan,
Tushun, senga arzimayman ham…

Pok ishqingni bulgʻagandayman,
Rozi boʻlsang ketishga shayman,
Men oʻzimni sevib yashayman,
Tushun, senga arzimayman ham…

Sen-chi iymon qoʻlini tutgan,
Nafs balosin butkul unutgan,
Halolini duoda kutgan,
Ahir senga arzimayman ham…

Meni dunyo boylagan koʻzim,
Sen tomonga eltmaydi izim,
Eshit, senga ohirgi soʻzim,
Tushun, senga arzimayman ham…

Har kechada Ka’baga boqib,
Allohimga qolgansan yoqib,
Oʻzgasini ishqin qil ta’qib,
Ahir senga arzimayman ham…

🤍

4 0 0

Birnimalar📝

22 Feb, 09:38

Ba'zan o'zingdan qochib ketging keladi qayerlargadir.
Bir so'z og'ir kelib qoladi goho...
Bir nafas ham tiqilaveradi tomog'ingga...
Dod solib yig'laging keladi-yu, lekin hayo qiladi g'ururing...
Vujudingda butun boshli bo'ron bo'lsa ham, "qilt" etmaydi chehrang.
Hammaning nazdida xotirjam, baxtdan yal-yal yonayotganga o'xshaysan.
Lekin ichkaringda horg'inlik hukumron.

Nimanidir isbotlaging keladi, bir xas bahona bo'lsa-yu, yiqilib, alamidan chiqquncha toshadigan ruhing bor-u, lekin ichkaringda "sabr" degan bir sadoga quloq solasan.
"Yo'q" deydi, "yengilma" deydi...
"Bizni manzilimiz baxt, nihoyamiz jannat, shiorimiz sabr" deydi.

Mana shu ichingdagi "inson bo'l" degan ovozga quloq solishdan chekinma...

4 0 0

Birnimalar📝

22 Feb, 09:38

ЯХШИЯМКИ...

Буюкларнинг ҳолига боқсам,
Улар ҳеч-да ҳадик емасдир:
Яхшиямки ҳаёт ўлчови
Йиллар тузган ёшда эмасдир.

Гарчи қизғин яшаш иқболи,
Чеки йўқдир гарчи нолишнинг.
Яхшиямки, ўлгандан сўнг ҳам
Имкони бор яшаб қолишнинг.

Ер чарчаса, само энгашар,
Нур мисоли елади ёрдам.
Яхшиямки, бахт инъомига
Қўриқчимас бирорта одам.

Тугар, ҳа, ҳа, тугар гул сайли,
Тугар ҳатто башар ноласи.
Яхшиямки, соғинч туфайли
Йиғлаёлар одам боласи.

@Xayrulla_Hamidov_adabiyot

4 0 0

Birnimalar📝

22 Feb, 09:38

...

Булутлар сузади мовиёт узра,
Кўҳна тилаклардан тилайман паноҳ.
Юрагим тўрида исмингни асраб,
Тилимга шивирлаб чиқараман, оҳ.

Турғазиб қўясан ерга қоқилсам,
Ўчирилиб кетар нигоҳим изи.
Кўринмай турибки шунча яқинсан,
Кўрсам, қолармикан менда мен ўзи.

Ўйлайман – бу умрим сенга тикилса,
Ҳаммадан улканман, чиндан улканман.
Сени соғинчимдан шунча бахт кулса,
Васлингдан не ҳолга тушар эканман?!

@Xayrulla_Hamidov_adabiyot

3 0 0

Birnimalar📝

22 Feb, 05:18

Ketganingdan soʻng ham yashayotirman,
Qattiq boʻlar ekan odamning joni.
Hamon oqayotir Jayxun toʻlgʻanib,
Hamon tip-tiniqdir Urganch osmoni.

Hamon gʻazallar bor, qoʻshiq bor hamon,
Shovullab turibdi sen tark etgan bogʻ.
Gullar ochilmoqda, hamon, yo piray,
Bulbul sayrayotir, astagʻfirulloh.

Baribir ishongim kelmaydi sira.
Sen haqda surganim bari xayol — xom.
Yoki — tirikligim yolgʻondir mening,
Yoki sening meni sevganing — yolgʻon.

©️ Matnazar Abdulhakim

3 0 0

Birnimalar📝

22 Feb, 05:18

* * *
Бахтлимисиз,
Бахтиёрмисиз?
Кўзингизда ғам йўқми ҳечам?!
Сизни ўйлаб сархушман кундуз,
Сизни ўйлаб, бедордир кечам!..

Бахтлимисиз,
Бахтиёрмисиз?
Кулгучлими ҳануз қарашлар.
Маюслуклар ярашмас сизга,
Сизга фақат кулиш ярашар!..

Бахтлимисиз,
Бахтиёрмисиз?
Севги нима муҳаббат нима,
Жавоб бўлса айтингчи тезроқ,
Жавоб йўқми?
Яшанг жимгина!..

Бахтлимисиз,
Бахтиёрмисиз?
Хаёлларим сизга бошлайди.
Меҳрингизни тополмадим деб,
Юрак тинмай кўзим ёшлайди!..

Бахтли мен ҳам,
Бахтиёр мен ҳам.
Аммо дилда соғинч ҳукмрон.
Шеърлар ёздим, бўлар деб малҳам,
сиз шоирга бўлдингиз армон!..

© Абдувоҳид Сувонов

3 0 0

Birnimalar📝

21 Feb, 09:25

#nazm

Izlamoq qismatdir —
qayerdamiz biz?
Balki sochilganmiz lomakonlarga
va yana o‘ylayman —
jism-u jonimiz
joylashmaganmikan asr-onlarga?
Qaydadir ruhim bor...
sezib turibman —
qaydandir esmoqda erk shamollari.
Qay bir ishq o‘tida ko‘rsatayotir
behishtning hurlari o‘z jamollarin.
Barchasi chalkashdir,
adashmoq — oson,
bunda har nelarga ko‘nikar ko‘zim.
Negadir...
alamlar qiladi ba’zan —
osmon ko‘lmaklardan ahtarsa o‘zin...

Mirzohid Muzaffar

4 0 0

Birnimalar📝

21 Feb, 08:36

...

4 0 0

Birnimalar📝

21 Feb, 08:34

Kechiring, bilmabman kutganingizni,
Bilsam qanot yozib uchib borardim.
Dilda pinhon ishqim bag‘rimga bosib,
Ko‘ksim kuydirguncha quchib borardim.

Kechiring, bilmabman mushtoqligingiz,
Bilsam, dunyolardan kechib borardim.
Siz dilda qoldirgan baxt nashidasin,
Simirib-simirib ichib borardim.

Kechiring, bilmabman, kutibsiz uzoq,
Yo‘qsa orzulardan qochib borardim.
Ishqqa to‘la qalbim siz tomon burib,
Qo‘l silkib, bag‘rimni ochib borardim.

Kechiring, bilmabman, o‘ksiganingiz,
Bilsam firoqlarga qo‘yarmidim hech.
Siz tomon shoshardim, olis bo‘lsa ham,
Tun bag‘rin tilardim bo‘lsa hamki kech.

Kechiring, bilmasdan, yig‘latdim sizni...
Nega yig‘layapsiz? Keldim-ku, mana!
Endi ko‘zingizda g‘am emas, sevinch,
Ham visol yoshlari qilsin tantana!

Dilnoza Ahrorova

3 0 0

Birnimalar📝

21 Feb, 08:31

Bilmaysan!
Tasavvur qilmaysan hatto,
Seni unutmoqlik jarayonini.
Har tun to tongcha, kunpayakunlik,
Va zolim sogʻinchlar gʻalayonini!

Bilmaysan!
Tasavvur qilmaysan hatto,
Tomoqqa tiqilgan toshni yutmoqni,
Aslo qaytmasliging bilib turib ham,
Har kun ostonada seni kutmoqni!

Bilmaysan,
Tasavvur qilmaysan hatto,
Qultum - qultum qilib qonim yutganim.
Shu badbaxt telefonni qoʻlimdan qoʻymay,
Bitta habaringni intiq kutganim!.

Bilmaysan, Bilmaysan,
Bilmaysan axir.
Biz yurgan yerlarni tavof qilganim.
Har kun umidlarim oʻldirib bir-bir,
Oʻzimni butunlay xarob qilganim!

Bilmaysan!
Termulib kechayu - kunduz,
Sen kelmas yoʻllarni yoqvorganlarim.
Ovozing, sochlaring, koʻzlaring rangin,
Unutay tezroq deb yolvorganlarim.

Bilmaysan!
Bilganing koʻzing oldidan,
Ketsa togʻdan baland gʻurur ketibdi!
Qarshingda hech qachon tiz choʻkmaydi u,
Chunki tizzalari qonab yotibdi!

Qaytishdan gapirma, qayt deya koʻrma,
Boshimdan nimalar oʻtdi, bilmaysan!
Bu jangda oʻlmayin qolgan yurakka,
Endi avvalgidek aziz boʻlmaysan!

19.02.2021.

Malika Tavfiq

3 0 0

Birnimalar📝

20 Feb, 19:13

o‘xshamaysan kalondimog‘ birovlarga,
tavoze ila turishingni sevaman, bas.
ro‘molingga osilgan g‘ov sinovlarga
sabr so‘rab yurishingni sevaman, bas.

o mastura, charchamagin zikr aytib,
sendaylar bir kelar yoki kelmas qaytib.
ro‘mollilar noyob bo‘lib ketgan payti
ro‘mol o‘rab yurishingni sevaman, bas.

o muslima, seni qanday ona tuqqan?
bilmam, senga bunday iymon kimdan yuqqan?
hijolatdan nazarimni yerga bukkan,
yerga qarab yurishingni sevaman, bas.

ishonsang gar, termulmadim yuzingga hech,
ko‘zim uzoq boqqan emas ko‘zingga hech.
meni oshiq demasinlar o‘zingga hech,
haqni yaxshi ko‘rishingni sevaman, bas.

meni oshiq demasinlar o‘zingga hech,
haqni yaxshi ko‘rishingni sevaman, bas.

3 0 0

Birnimalar📝

20 Feb, 06:17

Qo'rqmay eshik ochdim bo'ronlaringga,
Seni tonglarimga chorlab yashadim.
Men porlab yashadim so'nganimda ham,
Qahraton ko'nglingda gullab yashadim.

Ko'ksimga yashirdim hayratlarimni.
Bir so'z bor, otilib chiqmoqlikka shay.
Ichimda dodlayman...ko'zimga qarab
Senga kim bo'laman deysan uyalmay.

©Durdona Bahodirova

3 0 0

Birnimalar📝

19 Feb, 23:24

* * *

Sogʻinsang ayt, kabutardek uchib boray,
Sogʻinchlarim yulduzlarga sochib boray.
Bu besh kunlik dunyolari nima ekan,
Chorlasang bas, bor-butimdan kechib boray!

Sogʻinsang ayt, togʻu-toshlar oshib boray,
Daryo kabi, dengiz kabi joʻshib boray.
Oyogʻimni qoʻlga olib yugurgancha,
Shoshib boray, diydoringa shoshib boray.

Sogʻinsang ayt, qiynamasin seni firoq,
Visol emas xijron boʻlsin bizga yiroq.
Kunduz boray, yoʻllarimga yoz poyondoz,
Tunda boray, yoqib qoʻygin menga chiroq!

Sogʻinsang ayt, gʻalayonlar qilsin yurak,
Saodatga toʻlib ketsin yeru - falak.
Qayerdagi tashvishlarni qoʻy, azizim,
Bu dunyoda umid bilan yashash kerak!

Sogʻinsang ayt, koʻpaytirma kuyganlarni,
Tolesi bor bu hislarni tuyganlarni.
Gʻururimiz soʻzlariga kirib qoʻyib,
Goh boy berib qoʻyamizda suyganlarni!

Malika Tavfiq

4 0 0

Birnimalar📝

19 Feb, 13:38

Osmon yaqin kelar yanada yaqin
sog'inchim ismingni aytadi asta
bulutlar ko'ksidan yo'llaysan chaqin
chaqinni chaqiriq bilar jon – xasta.

Qaqragan ko'zimga quyasan yomg'ir
yulduzing yuzimga chizar tabbassum
faqat sen bilasan qanchalik og'ir
faqat sen bilasan – hammasi ma'lum.

Yashagim kelyapti o'zim uchunmas
hayot sharbatingdan ozgina ichir
o'zimni sira ham kechirgim kelmas
kechirsang yakunda sen meni kechir...

© Boxodirov Izzatillo
#BI14

6 0 0

Birnimalar📝

19 Feb, 13:38

Endi duch kelmaymiz, yo'limiz ayro.
Ayrolikda baxt deb, yolg'on to'qildi.
Bugun shu yolg'onga ishonib turib,
Bizning baxtimizga hukm o'qildi!

Endi sevolmaymiz, ko'ngil bermaymiz,
Sevgimiz sinovda bir - bir to'kildi.
Endi biz "biz" bo'lib orzu qilmaymiz,
Bizning sevgimizga hukm o'qildi!

Balki o'zga ko'nglin olamiz endi,
Muhabbat ishqidan tonamiz endi,
Qorong'u - zulmatda qolamiz endi,
Bizning orzularga hukm o'qildi!

Taqdirga bitilgan ekan asli shu,
Yo'limiz ikkiga ayro bo'lindi.
Eng yaqin begona qilib bizlarni,
Bugun ikkimizga hukm o'qildi.

©Maftuna Aʼzamova

6 0 0

Birnimalar📝

19 Feb, 13:37

Sen uchun tog'larni talqon qilaman,
Tog'lar bor,
Sen yo'q.

***

qancha urinsang ham
meni xafa qilolmaysan,
xafa bo‘lishim uchun
seni
yomon ko‘rishim kerak.

***

seni baxtli qilaman!
deb aytgim kelmagandi
o'shanda,
aytmay baxtli qilmoqchi edim,
ko'rmaysanmi.

***

xafa bo'lsam
seni sevishim
esimga kelaveradi.

***

Yaxshimisiz? deding
Yozib-yozib...
O'chiraverdim.

***

sen asli,
kamgap
emas eding.
suhbatdoshing
yo‘q edi, xolos.

5 0 0

Birnimalar📝

19 Feb, 13:37

Sen ketding, keng dunyo zumda toraydi,
Uning kemtigini toʻldirar sogʻinch.
O, qancha kunduzning qoshi qoraydi,
Qancha kechalarning oqardi sochi.

Sen ketding, men esa oq yuragimni
Koʻzingdek qop-qora tunlarga yordim.
Kechalar bagʻriga yodimni qalab,
Yulduzdan choʻgʻ sepib yoqib yubordim.

Sen ketding, dunyoda qolmadi hech kim,
Na quvonch qolmadi, na gʻam qolmadi.
Ayriliq – doʻzaxda qoldim bir oʻzim,
Xudoyim, doʻzaxda odam qolmadi.

Sen esa jannatda odamlar bilan,
Ehtimol, baxtlisan mendan ayrilib.
Men esa ketmasman doʻzaxni tashlab,
Yoʻq, yolgʻiz qolmasin hatto ayriliq.

© Nasrullo ERGASH

4 0 0

Birnimalar📝

19 Feb, 05:40

SEN...

Bir kitob oʻqidim, sarlavhasi sen,
Va sening haqingda boshdan oyogʻi.
Mazmunini yaxshi tushunmadimu,
Ammo koʻz yoshlarning yoʻqdir adogʻi.

Har varogʻ soʻngida choʻkaverdi tun,
Har yangi varogʻda porlar oftobing,
Balki men ming bora oʻqishim uchun,
Chiroyli yaratgan Alloh kitobing!

Oʻtgan kunlaringda kezdim faromush,
Aralashmoq boʻldim muammolarga.
Qancha sahifasin oʻqidim homush,
Quvonsang shod boʻldim sen bilan birga!

Tugatdim,
Va qaytdim boshiga yana,
Yana har misraga ketdim toʻkilib.
Oʻqilmagan betlar qilardi gina,
Oʻsha sahifaning cheti bukilib.

Kunduzlar qoʻlimdan qoʻymasdim bir zum,
Yostigʻim ostida tunlar kitobing,
Men undan oʻqidim sevaman degan,
Hech kimga bermayman degan xitobing!

Harflar tizilib dedilar bu chin,
Ishon soʻzlarimga, begumon ishon.
Odamlardan koʻnglim qolib ketganu,
Nahot kitoblar ham soʻzlasa yolgʻon?!

Bir kitob oʻqidim, Sarlavhasi "SEN"...

©️Malika Tavfiq

5 0 0