#Ramazon #Ro‘za #Saharlik #Iftorlik
Muqaddas ramazon oyi kirib kelishi munosabati bilan siz uchun tavsiyalar
•Sog‘lom saharlik uchun
Og‘izni yopishdan oldin, saharlik paytida yengil ovqatlaning. Bu ayniqsa ro‘za tutishni maqsad qilgan katta yoshdagilar, o‘spirinlar, homilador ayollar va bolasini oziqlantirayotgan onalar hamda bolalar uchun ham muhim.
Yengil nonushta sifatida sabzavotlar, tarkibida uglevod va kletchatka mavjud bo‘lgan donli nonlar yoki bulochkalar, sut mahsulotlari (tuzsiz pishloq, suzma, sut) va/yoki tuxum kabi oqsilga boy mahsulotlarni iste’mol qiling.
Sekinroq va ehtiyojingizga mos ravishda ovqatlaning. Ko‘p miqdorda ovqat yeyish jig‘ildon qaynashi (me’da qaynashi, zarda) va bezovtalikni keltirib chiqaradi.
•Saharlik uchun ovqatlarga misol
— 2 burda non
— sabzavotli omlet yoki qaynatilgan tuxum
— to‘g‘ralgan sabzavotlar
— pishloq yoki sut mahsulotlari
— va albatta, yetarlicha suv iching.
•Sog‘lom iftorlik uchun maslahatlar
Iftorlik paytida sog‘lom va me’yorida ovqatlanib, quvvatingizni to‘ldirib oling. Ro‘zani suv bilan ochish iftorlikni boshlashning an’anaviy va sog‘lom yo‘li hisoblanadi.
AQSHdagi Cornell University mutaxassislarining yozishicha, organizmga ovqat kirishidan oldin suv ichish tanani suyuqlik bilan oziqlantirishning eng yaxshi yo‘lidir. Lekin ro‘zani ochiboq birdaniga ko‘p suv ichib yubormang. Bir vaqtning o‘zida ko‘p miqdorda suv ichish inson salomatligi uchun xavfli hisoblangan suv intoksikatsiyasiga olib keladi.
Organizmni muhim vitaminlar va ozuqa moddalari bilan ta’minlashda iftorlik menyusiga ko‘plab sabzavotlarni qo‘shing. Shuningdek, organizmni quvvat va kletchatka bilan ta’minlaydigan butun donli (yanchilmagan, tozalanmagan) mahsulotlarni iste’mol qiling. Pechda yoki grilda pishirilgan yog‘siz go‘sht, terisiz tovuq va baliq tanovul qilish orqali organizmingizni sog‘lom oqsillar bilan boyiting. Umuman olganda, yog‘ va shakarga boy, qovurilgan hamda qayta ishlangan mahsulotlardan o‘zingizni tiying. Sekinlik bilan tanovul qilish sizga haddan ortiq ko‘p ovqat yemaslikka yordam beradi.
❗️Iftorlikdan so‘ng ko‘p shirinlik yeyishdan o‘zingizni tiying
Ramazon paytida ko‘p iste’mol qilinadigan shirinliklar tarkibida katta miqdorda shakar bo‘ladi. Bu medaosti bezi bilan bog‘liq muammolarga sabab bo‘lishi mumkin. Chunki kuni bilan qondagi glyukaza miqdori nisbatan past bo‘ladi va birdaniga iftorlikdan so‘ng glyukoza miqdorining oshishi yoshi katta odamlar uchun maqbul emas. Shirinlik sifatida suvga boy bo‘lgan mavsumiy mevalarni iste’mol qiling.
•Iftorlik uchun ovqatlarga misol
— uyda pishirilgan sabzavotli sho‘rva
— yashil salat yoki boshqa sabzavotlardan salat
— farshli sabzavotlar (qovoqcha, baqlajon, uzum barglari)
— pechda pishirilgan tovuq
— ko‘p miqdorda suv ichish, ta’mni yaxshilash uchun limon bo‘laklari yoki yalpiz qo‘shing.
•Sog‘lom ovqat pishirish
— Yog‘larga boy bo‘lgan mahsulotlar, ayniqsa yog‘li go‘sht, qatlamali xamirdan, margarin yoki saryog‘ qo‘shilgan xamirdan tayyorlangan mahsulotlar iste’molini kamaytiring.
— Qovurishning o‘rniga ovqat tayyorlashning boshqa usullari: bug‘da pishirish, sousda pishirish, kichik miqdordagi yog‘da qovurib, pechda pishirish kabi usullardan foydalaning.
Tarkibida katta miqdorda tuz bo‘lgan oziq-ovqat mahsulotlarini iste’mol qilmang: sosiska, qayta ishlangan va tuzlangan go‘sht va baliq mahsulotlari, tuzlangan bodring, zaytun mevasi, tuzli pishloqlar, gazak mahsulotlar, turli xil tayyor salat, sous.
Ovqat tayyorlayotganda tuzdan iloji boricha kamroq foydalaning va imkoni bo‘lsa tuzdon stol ustida turmasin. Pishirilayotgan ovqatlarning ta’mini yaxshilash uchun turli xil ko‘katlardan foydalaning.
•Qandli diabet va gipertoniyali kishilar
1-tur qandli diabet bilan og‘rigan bemorlarga ro‘za tutmaslik maslahat beriladi. 2-tur qandli diabet va gipertoniya kasalliklari borlar o‘z holatlarini parhez yoki dorilar bilan nazorat qila olgan taqdirda ro‘za tutishlari mumkin. Ular bu borada o‘z shifokorlari bilan maslahatlashishi kerak. Oshqozon bilan bog‘liq muammolari bor insonlarga ham ro‘za tutish tavsiya etilmaydi.
@bibliofilllll
Muqaddas ramazon oyi kirib kelishi munosabati bilan siz uchun tavsiyalar
•Sog‘lom saharlik uchun
Og‘izni yopishdan oldin, saharlik paytida yengil ovqatlaning. Bu ayniqsa ro‘za tutishni maqsad qilgan katta yoshdagilar, o‘spirinlar, homilador ayollar va bolasini oziqlantirayotgan onalar hamda bolalar uchun ham muhim.
Yengil nonushta sifatida sabzavotlar, tarkibida uglevod va kletchatka mavjud bo‘lgan donli nonlar yoki bulochkalar, sut mahsulotlari (tuzsiz pishloq, suzma, sut) va/yoki tuxum kabi oqsilga boy mahsulotlarni iste’mol qiling.
Sekinroq va ehtiyojingizga mos ravishda ovqatlaning. Ko‘p miqdorda ovqat yeyish jig‘ildon qaynashi (me’da qaynashi, zarda) va bezovtalikni keltirib chiqaradi.
•Saharlik uchun ovqatlarga misol
— 2 burda non
— sabzavotli omlet yoki qaynatilgan tuxum
— to‘g‘ralgan sabzavotlar
— pishloq yoki sut mahsulotlari
— va albatta, yetarlicha suv iching.
•Sog‘lom iftorlik uchun maslahatlar
Iftorlik paytida sog‘lom va me’yorida ovqatlanib, quvvatingizni to‘ldirib oling. Ro‘zani suv bilan ochish iftorlikni boshlashning an’anaviy va sog‘lom yo‘li hisoblanadi.
AQSHdagi Cornell University mutaxassislarining yozishicha, organizmga ovqat kirishidan oldin suv ichish tanani suyuqlik bilan oziqlantirishning eng yaxshi yo‘lidir. Lekin ro‘zani ochiboq birdaniga ko‘p suv ichib yubormang. Bir vaqtning o‘zida ko‘p miqdorda suv ichish inson salomatligi uchun xavfli hisoblangan suv intoksikatsiyasiga olib keladi.
Organizmni muhim vitaminlar va ozuqa moddalari bilan ta’minlashda iftorlik menyusiga ko‘plab sabzavotlarni qo‘shing. Shuningdek, organizmni quvvat va kletchatka bilan ta’minlaydigan butun donli (yanchilmagan, tozalanmagan) mahsulotlarni iste’mol qiling. Pechda yoki grilda pishirilgan yog‘siz go‘sht, terisiz tovuq va baliq tanovul qilish orqali organizmingizni sog‘lom oqsillar bilan boyiting. Umuman olganda, yog‘ va shakarga boy, qovurilgan hamda qayta ishlangan mahsulotlardan o‘zingizni tiying. Sekinlik bilan tanovul qilish sizga haddan ortiq ko‘p ovqat yemaslikka yordam beradi.
❗️Iftorlikdan so‘ng ko‘p shirinlik yeyishdan o‘zingizni tiying
Ramazon paytida ko‘p iste’mol qilinadigan shirinliklar tarkibida katta miqdorda shakar bo‘ladi. Bu medaosti bezi bilan bog‘liq muammolarga sabab bo‘lishi mumkin. Chunki kuni bilan qondagi glyukaza miqdori nisbatan past bo‘ladi va birdaniga iftorlikdan so‘ng glyukoza miqdorining oshishi yoshi katta odamlar uchun maqbul emas. Shirinlik sifatida suvga boy bo‘lgan mavsumiy mevalarni iste’mol qiling.
•Iftorlik uchun ovqatlarga misol
— uyda pishirilgan sabzavotli sho‘rva
— yashil salat yoki boshqa sabzavotlardan salat
— farshli sabzavotlar (qovoqcha, baqlajon, uzum barglari)
— pechda pishirilgan tovuq
— ko‘p miqdorda suv ichish, ta’mni yaxshilash uchun limon bo‘laklari yoki yalpiz qo‘shing.
•Sog‘lom ovqat pishirish
— Yog‘larga boy bo‘lgan mahsulotlar, ayniqsa yog‘li go‘sht, qatlamali xamirdan, margarin yoki saryog‘ qo‘shilgan xamirdan tayyorlangan mahsulotlar iste’molini kamaytiring.
— Qovurishning o‘rniga ovqat tayyorlashning boshqa usullari: bug‘da pishirish, sousda pishirish, kichik miqdordagi yog‘da qovurib, pechda pishirish kabi usullardan foydalaning.
Tarkibida katta miqdorda tuz bo‘lgan oziq-ovqat mahsulotlarini iste’mol qilmang: sosiska, qayta ishlangan va tuzlangan go‘sht va baliq mahsulotlari, tuzlangan bodring, zaytun mevasi, tuzli pishloqlar, gazak mahsulotlar, turli xil tayyor salat, sous.
Ovqat tayyorlayotganda tuzdan iloji boricha kamroq foydalaning va imkoni bo‘lsa tuzdon stol ustida turmasin. Pishirilayotgan ovqatlarning ta’mini yaxshilash uchun turli xil ko‘katlardan foydalaning.
•Qandli diabet va gipertoniyali kishilar
1-tur qandli diabet bilan og‘rigan bemorlarga ro‘za tutmaslik maslahat beriladi. 2-tur qandli diabet va gipertoniya kasalliklari borlar o‘z holatlarini parhez yoki dorilar bilan nazorat qila olgan taqdirda ro‘za tutishlari mumkin. Ular bu borada o‘z shifokorlari bilan maslahatlashishi kerak. Oshqozon bilan bog‘liq muammolari bor insonlarga ham ro‘za tutish tavsiya etilmaydi.
@bibliofilllll