ANTIKORRUPSIYA/расмий 🇺🇿

Бош прокуратура ва Судьялар олий кенгашига!

Жиноят ишлари бўйича Сирдарё туман судининг 18.09.2024 йилдаги 3-1208-2403/3617-сонли қарорига асосан ҳуқуқбузар П.А.га нисбатан МЖтКнинг 41-моддаси (ҳақорат) билан МЖтКнинг 33-моддаси қўлланилиб, БҲМнинг 3 (уч) баравари миқдорида жарима жазоси тайинланган.

Мазкур қарор қабул қилинишида моддий ва процессуал ҳуқуқ нормалари бузилганлиги сабабли Бош прокуратура прокурор назоратини ўрнатиб, қуйидагиларга асосан унга протест келтириши, Судьялар олиш кенгаши эса судьянинг фаолиятига ҳуқуқий баҳо бериши лозим бўлади:

Биринчидан, ишни кўриб чиқиш бошланишида суд таркиби ва ишни кўриб чиқаётган судья таништирилмади. (МЖтКнинг 306-моддаси)

Иккинчидан, ишни кўриб чиқиш давомида маъмурий ҳуқуқбузарлик содир этилган-этилмаганлигини, ишни тўла ва холисона ҳал этилишида аҳамиятли бўлган бошқа ҳолатларни аниқламади. (МЖтКнинг 307-моддаси)

Учинчидан, мазкур маъмурий ҳуқуқбузарлик тўғрисидаги ишни кўриб чиқиш пайтида суд мажлиси баённомаси юритилмаган. (МЖтКнинг 308-моддаси)

Тўртинчидан, суд қарорида ҳуқуқбузар А.П суд мажлисида айбига тўлиқ иқрорлигини, қилмишидан пушаймонлигини билдириб, енгиллик беришини сўраб кўрсатув берганлиги баён этилган. Аслида эса суд томонидан ҳуқуқбузарга ўзини таништириши ва фикрини ифода этиши учун сўз ҳам берилмаган.

Бешинчидан, суд ҳуқуқбузар А.П шахсига аниқлик киритмаган бўлсада, қарорда уни ҳеч қаерда ишламаслигини белгилаб, буни жавобгарликни енгиллаштирувчи ҳолат сифатида инобатга олган. Бироқ, иш ҳужжатларида мавжуд бўлган суриштирув органига ёзган тушунтириш хатида ҳуқуқбузар ўз иш жойи ва лавозимини кўрсатиб ўтган бўлсада, судья суд мажлисида ундан шахсига аниқлик киритмаган бўлса ҳам қайси асосларга кўра уни ишсиз деб эътироф этганлиги номаълум. Бу эса судьяга нисбатан шубҳа уйғотиб, мазкур иш бир томонлама кўриб чиқилганлигини англатади.

Олтинчидан, суд А.П.га маъмурий жазо чорасини қўллашда унинг айбига иқрорлигини ва пушаймонлигини жавобгарликни енгиллаштирувчи ҳолат деб эътироф этиб, моддий аҳволини, бугунги кунда ҳеч қаерда ишламаслигини инобатга олиб, ҳуқуқбузардан айбини тан олиши ва унга иқрорлиги борасида савол бермаган, ҳуқуқбузар суриштирув органига берган ёзма тушунтиришида ҳам бу важларни инкор этган, унга доимий машғулоти ҳақида савол бермаган бўлсада, номаълум асосларга кўра ишсиз деб эътироф этиб, МЖтКнинг 41-моддаси санкциясида назарда тутилган жарима жазосининг энг кам қисмидан ҳам камроқ жарима жазосини тайинлаган.

Еттинчидан, МЖтКнинг 311-моддасида маъмурий ҳуқуқбузарлик тўғрисидаги иш юзасидан чиқарилган қарор ишни кўриб чиқиш тугаши биланоқ дарҳол эълон қилиниши ва у чиқарилган пайтдан эътиборан қонуний кучга кириши белгиланган бўлсада, бироқ, судья суд мажлиси тугаганида суд қарорини ўқиб эшиттирмади, процесс тугаганлигини ҳам билдирмасдан, бошқа ишни кўришга киришди.

Саккизинчидан, МЖтКнинг 313-моддасида ишни кўриб чиқувчи орган (мансабдор шахс) маъмурий ҳуқуқбузарликлар содир этиш сабаблари ва уларга олиб келган шарт-шароитларни аниқлаганда бу сабаблар ва шарт-шароитларни бартараф қилиш юзасидан чоралар кўриш тўғрисидаги тақдимномани тегишли корхона, муассаса, ташкилот раҳбарига киритади.

Шу боис, ҳуқуқбузар доимий иш жойига эга эканлиги, аслида айбига пушаймон бўлмаганлигини инобатга олиниб, иш бўйича жавобгарликни енгиллаштирувчи ҳолатлар ва тегишли модданинг санкциясида назарда тутилган энг кам жазодан ҳам камроқ жазо тайинлашга асослар мавжуд эмас деб топилиб, қарор ўзгартирилиб, МЖтКнинг 41-моддаси санкциясида назарда тутилган жарима жазоси тайинланиши ҳамда одил судловни амалга ошириш чоғида қонунийликни бузганлиги учун судья С.Рустамовнинг фаолиятига ҳуқуқий баҳо берилиши лозим.

Гестапо

🦅 ANTIKORRUPSIYA

СУРХОНДАРЁ ВИЛОЯТИ ДЕНОВ ТУМАНИДАН МУРОЖААТ ТАҲРИРСИЗ ЭЪЛОН ҚИЛИНМОҚДА

МУРОЖААТ

Ҳурматли Президент Администрацияси!
Бизлар Денов туман тиббиёт бирлашмасидаги кичик ва ўрта тиббиёт ходимларимиз.
Мурожаатимиздан муддао шуки, бизлар ўрача 2-3 миллион сўм атрофида /ўзгарувчан/ маошга ишлаймиз. Ишимиз ўта масъулиятли ва машаққатли иш ҳисобланади.
Мурожаатимиздан мақсад шуки, жорий йил июнь ойидан буён биз кичик ва ўрта тиббиёт ходимларига қонунларимизда кўрсатилгани каби рағбат, моддий ёрдам, байрам пули ва устама пуллари берилмаяпти. Бизлар кўпчилигимиз оддий ишчилармиз. Аксариятимиз ижтимоий жиҳатдан қийин шароитда яшаймиз. Ойлигимиз йўлкира ва тушлик пулларидан ортмайди. Рағбат, байрам ва моддий ёрдам каби устама пуллари берилса ҳарна бўлиб турганди. Афсуски, негадир бу қўллов пулларини ҳам кўп кўришди...
Бизлар юқоридаги каби устама пулларини суриштирганимизда тиббиёт бирлашмамиз раҳбарлари "бу пулларни республиканинг топшириғига кўра молия бўлими томонидан кесилаётгани, ходимларнинг иш ҳақи тўловларига етишмовчилик бўлаётгани сабабли ТРЖ ва ривожлантириш ҳисобидаги пуллардан ойлик маошларни қоплаяпти" деган жавобни қилишди. Ҳатто вилоят молиядан келган ходим ҳам шу фикрни айтди.
Ҳурматли президент Администрацияси!
Ишимиз борган сари қийинлашсада, бизлар хизматимизни сидқидилдан қилаётган бўлсакда, мамлакатимиз кундан кунга ривожланаётган бўлсада нима учун аввалда берилган устамалар берилмаслиги керак?
Ҳурматли Президент Администрацияси!
Сиздан илтимос, биз оддий ишчи хизматчиларнинг дардини тингланг ва бизларнинг муаммоимизни ҳал этиб беринг.

Ушбу мурожаат тегишли органлар томонидан ўрганиб чиқилишини ва расмий муносабат билдирилишини сўраймиз.

🦅 ANTIKORRUPSIYA