Tanqidiy va tahliliy dunyoqarash (ctirical thinking) shakllanmagan odamlar dunyoni oq va qora ko‘rishadi. Ularning miyasi murakkablikni qabul qilolmaganligi uchun xohlagan jarayonni ikkiga bo‘lib tashlash yoki umumiylashtirish ular uchun oson. Miya qiynalmaydi, shunchaki bu oq, u qora. Yoki shunchaki bu yaxshi, u yomon.

Bunaqa odamlar konspirologiyaga ham o‘ch bo‘lishadi. Qanaqadir hodisani sabablari va murakkabliklarini qiynalib tushungandan ko‘ra, uni orqasida kimdir turgani va o‘sha hal qilganini miyaga singdirish osonroq. Ularning miyasi yoshlikdan shunga moslangan, o‘qigan kitobi, ko‘rgan kinosi, dars bergan ustozi ham ularni shunga moslashtirgan. Endi ularni o‘zgartirish qiyin jarayon.

Ular uchun xohlagan hodisaning orqasida kimdir turadi. Bayden, Tramp, Putin, Xitoy, masonlar, Erdogan, yaxudiylar yoki dunyoning yashirin hukumdorlari va boshqalar.

Bunaqa insonlarning muxlisi (podpischigi) ham ko‘p bo‘ladi. Chunki muxlisning kimga muxlisigi uning darajasini ko‘rsatadi. U muxlis murakkabroq tushuncha beradigan insonni tushunmaydi. Unga o‘sha choyxona darajasidagi ANALitik kerak. O‘sha uchun ham aynan uni kuzatadi.

Mana shunaqa insonlar yuz minglab muxlis yig‘ib, xoh Ukraina masalasi, xoh boshqa jamiyat va mamlakat muammosida insonlarni chalg‘itayotgani alamli. Lekin, nima qilamiz, bizning ANALitiklarimiz ham o‘zimizga xos va o‘zimizga mos.

@allaevuzb