Allaev Uz

Bitcoin tarixda birinchi marta 97000 AQSh dollariga yetdi. Yaqin orada tarixiy 100 ming USDga yetish ehtimoli haqida gapirilmoqda. Tramp saylovlarda gʻalaba qozongandan beri kriptoinvestorlar bozorida optimistik kayfiyat hukmron.

@allaevuzb

Ideal holatda biznesda har bir xodimning unumdorligi va uning narxi raqamlarda o'lchanishi kerak. Buni amalga oshirish, o'lchaydigan tizim yaratish odatda qiyin, yillar oladigan jarayon. Lekin, yildan-yilga shunga harakat qilish kerak.

Oddiyroq qilib tushuntiraman. Bir biznes ichida bir jarayonni qiladigan xodim bir kunda n miqdorda, deylik 30 marta qiladi. Bir oyda maoshi 5 million so'm. Bir oyda 24 kun ishlasa, 720ta qiladi o'rtacha. Soliqlarni hisobga olmaganda shu xodim har bir bajargan funksiyasi uchun 7000 So'mdan olmoqda. Demak, biznesga bu 7000 So'm xarajat. Endi raqobatdagi biznesda yoki sohada kuniga o'rtacha 33ta qilishsa, siz unumdorlikda 10 foiz yo'qotasiz va aynan o'sha funksiya uchun 10 foiz ko'proq xarajat qilayotgan bo'lasiz. Yoki bir biznes ichida bir xil ishni barajadigan bir xodim bir kunda 50ta qiladi, ikkinchi xodim 30ta. Agar ularda maosh va bonuslar teng bo'lsa, unumdor xodim arzonroqqa tushgan bo'ladi. Balki mehnatiga nisbatan maoshini oshirish kerakdir.

Biznes har bir holatni raqamlarda o'lchashni va detallar orasidan unumdorlikni oshirish imkoniyatlarini qidirib topishi juda zarur.

#biznes
@allaevuzb

Bir guruh ichida 95 foiz yoki undan ortiq odam bir xil. 5 foizdan kamrog'i farq qiladi. Inson ongi shunaqa tuzilganki, o'sha 5 foizni qoida, 95 foizni qoidadan tashqari holat deb qabul qilgisi keladi. U 5 foiz yaxshi bo'lsa yoki nimadir yutiqqa erishgan bo'lsa, 95 foiz ham shundan yutadi va yaxshi qismi qoida qilib ko'rsatiladi.

Aslida, 95 foiz bu qoida, 5 foiz qoidadan tashqari holat. Umumiylashtirish yomon, lekin yaxshi tomonni umumiylashtirishga ongimiz moyil. Balki shu bilan o'zimizni aldarmiz.

PS: 95ga 5 optimistik baho bo'ldi. Ko'pincha bu 99ga 1 bo'lishi mumkin.

#jamiyat
@allaevuzb

Xohlagan soha oʻyinchilardan koʻra hakamlar koʻpayib ketganda parokanda boʻladi. Keragidan ortiq nazorat taraqqiyotni oʻldiradi, erishilgan yutuqlarni ko'madi.

Nazoratchilar boʻlsa yanada koʻproq nazorat qilish uchun doim yangi va asosli sabablar topishadi. Ularning nazorati mantiqiy zanjirda haq boʻladi. Nazorat bilan bir sohada maummo chiqmasligi taʼminlanishi mumkin, lekin nimadan quruq qilayotganimizni faqat kelajak koʻrsatadi.

#biznes
@allaevuzb

MoySklad O‘zbekistondagi kichik va o‘rta biznesga ishlarni avtomatlashtirish va rivojlanishda qanday yordam beradi?

Siz tadbirkorlik qilasiz, lekin barcha hisob-kitoblarni Excel yoki hatto oddiy daftarda yuritasizmi? Nimadan daromad olayotganingiz va qayerda zarar ko‘rayotganingizni bilmaysizmi? Omboringizda nima bo‘layotganidan bexabarmisiz? Qaysi mahsulot sizga eng ko‘p foyda keltirishini bilasizmi? Xodimlaringiz qanday ishlashini nazorat qilasizmi?

Yomon xabar: sizda biznes emas, balki o‘zini o‘zi band qilish bor, xolos. Bunday yondashuv bilan siz rivojlana olmaysiz va bitta do‘kon o‘rniga ikkita, beshta yoki o‘nta do‘kon ocholmaysiz, onlayn savdoni yo‘lga qo‘ya olmaysiz.

Xo‘sh, nima qilish kerak?

Avtomatlashtirish. Kundalik takrorlanadigan ishlarni avtomatlashtiring. Ssenariylarni sozlang, buyurtmalarni qayta ishlash, to‘lov, yig‘ish va jo‘natish jarayonlari inson aralashuvisiz amalga oshsin. Bu jarayonni tezlashtiradi va xatolardan saqlaydi.

Nazorat. Ombor nazorati, savdo nazorati, moliya nazorati, xodimlar nazorati. Kameralar ham, ish vaqtini hisobga olish ham, qattiq qo‘riqlash ham yordam bermaydi. Tovar hisobi, buyurtmalarni qayta ishlash, mijozlar bilan munosabat, kassir ish joyi va boshqa ko‘p narsalarni birlashtirgan yagona avtomatlashtirilgan tizimda ishlash yordam beradi.

Omnikanallik. Tadbirkor yagona tizimda ishlaganda, uning uchun marketpleyslarga yoki Uzumga chiqish, internet-do‘kon ochish yoki ijtimoiy tarmoqlar orqali qo‘shimcha savdo qilish, shuningdek, savdo nuqtalarini ko‘paytirish qiyinchilik tug‘dirmaydi.

Tahlil. Avtomatlashtirish barcha xarajatlarni to‘g‘ri hisobga olish imkonini beradi: xaridlar, ish haqi, soliqlar, ijara, qaytarishlar, vositachilik to‘lovlari va boshqalar. Foyda va zararlarni sotish kanallari va tovarlar kesimida tahlil qilish mumkin bo‘ladi. Hisobotlar tuzish va rivojlanish shunchaki taxminga emas, balki aniq ma’lumotlarga asoslanadi.

Mahalliy xizmatlar bilan integratsiya: MoySklad Uzum Market, E-DOCS va Didox.uz kabi mashhur platformalar bilan ishlaydi.

Yuqorida sanab o‘tilganlarning barchasi MoySklad ERP tizimi foydalanuvchilari uchun mavjud. MoySkladnini 45 kun davomida bepul sinab ko'ring.

Moysklad rasmiy sayti / Instagram