1️⃣2️⃣3️⃣4️⃣5️⃣

12-fevral kuni Argentinaning Mar de Plata milliy universiteti vakillari bilan onlayn uchrashuv tashkil etildi.

Dastur O‘zbekiston Respublikasi Prezidentining 2024-yil 15-martdagi “2025-yilda YUNYESSO Bosh konferensiyasi 43-sessiyasining Samarqand shahrida o‘tkazilishiga tayyorgarlik ko‘rish bo‘yicha chora-tadbirlari to‘g‘risida” PQ-128-son qarori ijrosini ta’minlash, xususan, Argentinaning yetakchi universitetlari bilan hamkorlik aloqalarini o‘rnatish va rivojlantirish, “O‘zbekiston kunlari” tadbirini tashkil qilish orqali mamlakatimizning boy madaniy merosini namoyish etish uchun ushbu davlatga xizmat safarini tashkil etish masalalarini muhokama qilish maqsadida tashkil etildi.

Uchrashuvda Argentina tomonidan mazkur universitetning Xalqaro aloqalar bo‘limi direktori Natilia Polejio va Gumanitar fanlar fakulteti dekani Enriko Andriotti Romanin hamda OʻzDJTU rektori boshchiligida mas’ullar ishtirok etdi.

Muloqot chog‘ida rektor Ilxomjon Tuxtasinov mehmonlarga universitet faoliyati, xalqaro hamkorlik aloqalari va ispan tilining o‘qitilishi haqida ma’lumot berdi, ularni Argentinaga tashrif maqsadlari bilan tanishtirdi. Polejio xonim universitet delegatsiyaning Mar del Plata milliy universitetiga tashrifidan mamnunligi va Braziliyaga safar bo‘yicha xabardor ekannini ma’lum qilib, oliygoh tomonidan barcha tashkiliy masalalarni hal qilishda yordam berishga tayyorligini aytib o‘tdi.

Yakunda 2025-yil aprel oyida Argentina universitetlariga tashrif, hamkorlik masalalari boʻyicha muhokama olib borilib, “Oʻzbekiston: bebaho madaniy meros” nomi ostida “Oʻzbekiston kunlari”ni tashkil qilish boʻyicha rejalar tuzildi.

🌐 Biz ijtimoiy tarmoqlarda:
Telegram | Instagram | Facebook | Sayt