Søbîtqâðâm

⚽️ Qur'a jamoamiz uchun omadli keldimi?

🟢Kuni kecha futbol bo'yicha 2025-yilgi mavsum Superliga musobaqasiga qur'a tashlanib, unga koʼra, "Navbahor" jamoasi dastlabki turda o'z maydonida "Dinamo" (Samarqand)ni  qabul qiladigan bo'ldi. "Lochinlar"ning bir qator yetakchi futbolchilarining qur'a borasidagi fikrlari bilan qiziqdik hamda quyida ularni eʼtiboringizga havola etamiz.

Azimjon Ahmedov:
- Qur'a jamoamiz uchun omadli bo'ldi, deb o'ylayman. Menimcha, hamma jamoalar ham dastlabki turni o'z maydoni, muxlislari qarshisida o'ynashni orzu qilishgan bo'lsa kerak. Biz ham ilk o'yinni Namanganda o'tkazishimizdan hursandmiz. "Dinamo" ham yaxshi shakllangan, o'z uslubiga ega jamoa. Shuning uchun mazkur bo'lajak uchrashuv tomoshabop ,qiziqarli tarzda kechadi, deb o'ylayman. Samarqandliklarga qarshi kechadigan  o'yinlarimiz doimo qiziqarli tarzda o'tgan. Mavsum startida muxlislar uchun chiroyli o'yin namoyish etib, ularni xursand qilishga borimizni berishimiz kerak va bunga astoydil harakat qilamiz. O'ylaymanki, birinchi turda muxlislar bizga dalda bo'lishadi.

Mirzohid G'ofurov:
- Namanganda "Navbahor" libosida futbol o'ynashni sog'inganman. Milliy chempionatimiz  boshlanishini intiqlik bilan kutayapman. Shu sababli, birinchi turni o'z maydonimizda o'ynashimiz yaxshi bo'ldi. O'ylaymanki, namanganliklar ham futbolni juda sog'inib, Superliga bahslari boshlanishini intiqib kutishmoqda. Birinchi turda Namangandagi stadiondagi atmosferani tezroq ko'rishni istayman. Birinchi tur bahsini Namanganda o'tkazishimizni istagandim. Birinchi turda uy stadionimizda o'ynashimizdan xursand bo'ldim. Qur'aga to'xtaladigan bo'lsak, raqib tanlash no o'rin deb hisoblayman.Sababi, mavsum davomida baribir hamma jamoalar bilan o'ynashga to'g'ri keladi. Falon jamoa bilan falon turda o'ynashni tanlab bo'lmaydi. Shuning uchun 1-turda qaysi jamoa raqib bo'lishini unchalik o'ylamadim. Faqat bir narsani xohlaganimni takror aytaman, ilk o'yinimizni Namanganda bo'lishini juda hohlagandim va bu amalga oshdi.

Zabihullo O'rinboyev:
- Assalomu alaykum! Qur'a haqida gapirsam, biz uchun omadli keldi, deb o'ylayman, chunki birinchi o'yinni o'z maydonimizda o'ynaymiz. Raqibga kelsak hozir bir narsa deb bo'lmaydi. Mavsum avvalida 4-5 ta tur barcha jamoalarning imkoniyatlari deyarli bir xil bo'ladi. Shu 4-5 ta turda maksimal ochkolarni qo'lga kirib olgan jamoalarga keyinchalik oson bo'ladi. Shuning uchun, o'sha ochkolarni qo'lga kiritish uchun jamoa bilan yaxshi mehnat qilishimiz talab qilinadi va qo'ldan kelganicha muxlislarni quvontiradigan o'yin namoyish etishga harakat qilamiz.

Abbos G'ulomov:
- Qur'aga munosabat ijobiy. Menga yoqqan tarafi, birinchi turni Namanganda o'ynashimizni istagandim va shunday bo'lishi yoqdi. Namanganda o'ynashimizni foydasi, muxlislarimiz bizga 12-o'yinchi sifatida yordam berishadi. Namanganda muxlislarimiz ko'z oldida o'ynash har doim yoqimli bo'lgan. Raqibning kimligi  to'g'risi, ahamiyatsiz edi. "Dinamo" jamoasiga keladigan bo'lsak, yaxshi jamoa shakllangan. O'ylaymanki, chiroyli o'yin bo'ladi. Nafaqat birinchi turda, balki butun mavsumda muxlislarimizni xursand qilishga borimizni berishga tayyormiz.

Alisher Odilov:
- Qur'a yaxshi bo'ldi, mening nazarimda. Birinchi tur uchrashuvi mavsumda ko'p narsani belgilab beradi. Shu nuqtai nazardan olib qarasak, o'z maydonimizda o'ynashimiz yaxshi bo'ldi. Raqibning  kimligini ahamiyati yoʻq edi, chunki baribir qachondir navbat bilan barcha jamoalari bilan o'ynaymiz. Namanganlik muxlislar oldida o'ynash baribir boshqacha. Birgina birinchi tur emas, balki mavsum davomida g'alaba ishtiyoqida maydonga tushib, muxlislarimizni xursand qilish uchun o'ynaymiz, Xudo xohlasa.

© "Navbahor" PFK matbuot xizmati.

📱Telegram | 📱  Instagram | 📱You Tebe

⚽️⚽️ Birozdan so’ng Superliganing yangi mavsumi uchun qur’a tashlanadi.

Siz ilk turda qaysi qarama-qarshilik guvohi bo’lishni istardingiz?

♻️ Artel | 💳 Uzcard | 🔴 Coca-Cola | ⚫️ Apex