Professionallardan

1-vazifa. Aynan shu kurs darslari uchun 1 ta alohida daftar tutish.

Va hozirning o‘zida Siz xohlaydigan 10 ta holatni yozish hamda bu maqsadmi yoki niyat ekanligini ham qo‘shish, so‘ngra nima sababdan aynan maqsad yoki niyat deb o‘ylayotganingiz haqida fikringizni yozib qoldirish.

Men hozir o‘zimnikini yozaman, lekin bu to‘g‘ri degani emas. Buni keyingi darslar hal qiladi. Bu vazifa kursga kirish vazifasi xolos.

1. Jaydari kopirayter blogida 28-fevralgacha 30 ming obunachi qilish. Bu maqsad, nega deganda menda 50 ming obunachi qilish mumkin bo‘lgan kanallar ro‘yxati bor va shu paytgacha 10 ming obunachi to‘plab bo‘lganman.

Qolaversa, yanvar oyigacha kam-kamdan byudjet ajrata olaman. Yanvar oyida esa orttirgan har bir so‘m pulimni shu kanalga investitsiya qilishga tayyorman.

2. Yangi yilgacha 3 oylik ro‘zg‘orni oldindan qilib qo‘yish. Bu maqsad. Nega deganda bu ishni maydalab qilaman, shuning hisobiga ota-onam duo qiladi, Alloh yo‘limni ochib, hammasi tezlashib ketsa kerak, deb o‘ylayman.

Shuningdek, olishim kerak bo‘lgan narsalarning ro‘yxati bor va men faqat uzoq vaqt saqlanadigan narsalarni olaman.

3. Qarzlarni to‘lab yuborish. Alif, Uzum, Markab, shogirdlar puli va tanishlardan olgan qarzlarimni 6-dekabrgacha to‘lab beraman. Bu maqsad, nega deganda qilishim majburiy va tezroq amalga oshirishim shart.

Qolaversa, Uzum deyarli to‘langan, Alifniki 2 oy qolgan, markabniki 4oy, ammo nisbatan kichkina summa va boshqa birovning qarzi bo‘lgani uchun yuk qilib olib yurmaslik maqsadida ham tezroq to‘amoqchiman.

Shuningdek, yaxshi niyatda, haqdorlarning haqini ado qilmoqchiligim uchun ham Alloh kuch-beradi, deb o‘ylayman.

4. 7-yanvargacha o‘zimning markab to‘lovimda 2 oyga oldinlab, xavfsiz hududga o‘tmoqchiman. Bu ham maqsad, nega deganda topganimni qarga olib beraverishdan va o‘zimning rejalarim uchun pul ajrata olmaslikdan charchadim. Exson sadoqatlarni ko‘paytirish uchun ham qarz mas’uliyatidan xavotir olmasligim kerak-ku.

5. Daromadimni mart oyigacha $ 3500 chiqarish. Bu ham maqsad, nasib qilsa, chunki ma’lum oylarda $ 2000 atrofida topganman. Hozir ham stabil $ 1000-1500 topaman, shunga 3500 ga ham chiqa olaman, deb o‘ylayman. Nega deganda ko‘p yaxshiliklarni niyat qilyapman, shu sababdan ham Alloh kasbi-korimga baraka beradi degan niyatdan umid qilaman.

6. Yangi yilgacha burnimni, qulog‘imni va ko‘zimni ko‘rish qobiliyati hamda qorachig‘ini aslidek tiklash. Bu ham Alloh nasib qildirsa, maqsad.

Quloqni shunchaki bir yuvib tashlashsa bo‘lgani.

Ko‘zning ko‘rishini esa mashqlar bilan 40 kunda doimiy holatga yaxshilash mumkin.

Ko‘z qorachig‘ini esa oldin bir harakat qilganimda, ancha yaxshilay olganman. Yana bir harakat bilan to‘liq tuzata olishimga va Alloh shifo berishiga ishonaman.

7. Akamga 14 pro, shogirdimga 16 pro max, dadamga planshet, ayamga Dayson fen olib berish. Bu ham maqsad, chunki bu ishlardan menga naf yo‘q, boshqalar uchun qilingan maqsadni esa Alloh tez ijobat qiladi. 21-mart kuniga reja qilyapman, nasib qilsa.

8. Rus tilida matn yoza oladigan bo‘lish va inglizcha kinolarni ruschasidek oson tushunish, 19-martgacha. Rus tilida menda katta baza bor, bemalol suhbatlasha olaman, endi uni 2-3 oy sayqallasa, yozish ham muammo bo‘lmasa kerak, inshaalloh.

Ingliz tili bo‘yicha esa faqat tushunish bo‘lgani uchun kinolar bilan tez o‘rgansam kerak deb o‘ylayapman. Nega deganda har qanday tilni tushunish eng oson bosqich hisoblanadi.

9. Doimo yonimda bo‘lgan shogirdlarimning ota-onasiga 2-3-fevral kunlarida hadyalar ulashish. Bu ham ota-ona uchun, qolaversa, meniki bo‘lmagan ota-onalar uchun b o‘lganligi sababli o‘xshashiga ishonaman, nasib qilsa.

10. Shu ishlarning barchasini 5-yanvargacha amalga oshirish. Bu niyat, chunki buning uchun menda pul, qo‘shimcha ish yoki qo‘llab-quvvatlaydigan tanishlar yo‘q. Shunchaki yaxshi niyat qilib, Allohning barakasidan umid qilyapman xolos.