✍️ Jaydari Kopirayter | Kopirayting blogi

Ham yangilik, ham #motivdoza

Hamma postlarning oxirida ijtimoiy tarmoqlarimning manzillarini qoldirishni xohlayman. Lekin bu juda zerikarli va har doim bir xil yozuv qo‘yishdan ma’no yo‘q.

Shu sababli bir yangilik qildim. Endilikda har bitta ijtimoiy tarmoqdan qancha daromad qilganimni qo‘yaman, bu esa raqamlar har doim yangilanib turishiga sabab bo‘ladi va boshqalar uchun harakatni boshlashlariga turtki bo‘lsa, bundan xursand bo‘laman.

Shuningdek, 19-30 ming so‘m bilan boshlangan daromadim hozirgi kunda shu holatgacha kelganini ko‘rish o‘zimga ham yoqimli.

@doniyorbek_erkin' rel='nofollow'>$ 110 | @doniyorbek_erkin' rel='nofollow'>$ 140 | $ 235 | $ 7200 | $ 15600

Bu raqamlar 3 yil muddatniki bo‘lib, hammasi taxminan yozilgan, aniq asosi yo‘q.

Agar qaysidir summa katta ko‘rinsa, bu pulni shu kabi sohada ishlab yurganlar 1 oyda topishini, agar kichkina ko‘rinsa, kimdir bu pullarni 10 yilda ham topolmasligini o‘ylashingiz mumkin.

P. S. Instagram, TikTok va YouTube'da shunchaki borman, jiddiy kontent qilmaganman. Shuning uchun daromadlar ham shunga yarasha. Telegram va tanish-bilishlar orasida esa aksincha, imkon qadar aktiv bo‘lishga harakat qilaman.

Bugun Sizga ajoyib voqealar haqida aytib beraman

1. Men o‘zim 0 dan ko‘tarilganman, hech kim yordam bermagan, universitetga ham o‘z kuchim bilan kirib, o‘z kuchim bilan bitirganman...

— shoshmang, o‘qishga kontrakt bilan kirgan ekansiz, kontrakt esa yiliga $ 4000, uni to‘lash uchun nima qilgansiz?

Dada, pul bering deganman.

2. Men o‘z faoliyatim davomida 1000 ga yaqin xonadonlarni sotishga erishganman va shu natijalarim orqali O‘zbekistondagi top marketolog....

— stop, bahosi $ 100 ming turadigan uyni faqatgina target bilan sotib bo‘lmaydi, qanaqa marketing instrumentidan foydalangansiz?

Dadamga aytganman, dadam o‘rtoqlariga aytgan, ularning esa bitta emas, 100 ta uy sotib olishga ham puli bor.

3. Universitetni tugatdim, xorijiy universitetga malaka oshiruvchi bo‘lib ishga kirdim va o‘zimni ko‘rsatganim uchun prorektor qilib qo‘yishdi.

— ye-ye-ye, oddiy o‘qituvchi prorektor bo‘lishi uchun o‘rtacha 3-5 yil ketadi-yu, Siz qanday qilib 1 yilda prorektor bo‘lib qoldingiz?

Universitet egasi dadamning o‘rtog‘ida.

4. Universitetda o‘qishni xohlamadim, lekin ishlash kerak edi, shuning uchun Coca colaning dilerligini olib, hozir 3 ta shaharga kola tarqataman.

— nimadir tushib qolmadimi? Coca cola nega dilerligini senga osonlik bilan berdi?

Yetarlicha pul bilan borib, katta miqdorda xarid qila olsang bo‘lgani, senga ham berishlari mumkin. Faqat uni sota olishing ham kerak-da. Menga pulni dadam berdi, ham shahardagi hamma optom do‘konlar dadamning tanishlari.

Bugun shu kabi muvaffaqiyatli insonlarning 4 ta hikoyasini (2 tasi o‘zim shaxsan tanigan insonlarniki) eshitib qoldim, to‘g‘risi havas qildim, nega deganda ular muvaffaqiyatga erishish uchun 3-4 ta qadam (oddiy odam 10 ta bosqichdan o‘tsa) bosishlari yetarli bo‘lgan.

Oddiy inson nima qiladi?

Birinchi navbatda 5 million oylikli ish, 50 million xarajatli to‘y, 200 million xarajatli uydan tashqari bu hayotda boshqa maqsadlar ham borligini anglashi kerak. Bu bosqichdan o‘tish uchun esa ba’zida bir umr ham kam.

2. Fikrlashini ozgina sozlagandan keyin oddiy qora mehnat bilan bu natijaga erishib bo‘lmasligini tushunishi va biron bir kasbni o‘rganishni boshlashi zarur.

3. O‘zi tanlagan sohada ma’lum bir natijaga erishishi uchun ham kamida 2-3 yil o‘tib ketadi. Chunki baribir unda bolaligidan singdirilgan fikrlash bor, bu fikrlash bilan esa oyiga 10 milliondan ko‘proq topish uchun kamida 7 yil o‘tirib chiqish kerak, deb o‘ylaydi.

4. O‘zi tanlagan sohada professional bo‘lganda keyin $ 1500-2000 pul aslini olganda kam ekanini, bu hayotda qilish mumkin bo‘lgan ishlar hali ko‘p ekanini tushunadi va shu qilib turgan ishini biznesga aylantiradi. Bu haqda gapirishim biroz noo‘rin, chunki o‘zim endi shu bosqichga yetib keldim.

Agar Siz birinchi va ikkinchi bosqichlardan o‘tib qaysidir sohani o‘rganishingiz kerakligini tushungan bo‘lsangiz, men Sizga kopiraytingni o‘rgatishga tayyorman. Faqat aynan qaysi masalada yordamim kerakligini izohlarda yozib qoldirsangiz, imkon qadar javob berishga harakat qilaman.

Keyin uyquga ham amal qiling. Bu postni uxlamay turib o‘qiyotgan bo‘lsangiz, bu juda yomon.

Men kechqurun 8 da uxlab, yaqinda turdim. Shu uyqu rejimimni boshqarishni boshlaganimdan keyin shogirdlarim oldingidan ancha bosilganimni aytishdi.

Hayotimizdagi muammolarning juda katta qismi aynan shu uyqu bilan bog‘liq. Bu gaplarni nega aytyapman? Chunki yaqinda uyqu bo‘yicha mini gayd ishlab chiqaman, shuni sotish uchun qizdirib qo‘yyapman)

Shifokorga borish kerak emas ekan

Kecha 100% sog‘lom holatda borsam, kuchli shamollash tashxisi qo‘yildi. Ya’ni bir necha oy oldingi oddiy shamollash burun, tomoq va mana endi quloqqacha yetib kelgan ekan.

Bu hafta to‘liq davolanar ekanman, undan keyin nima bo‘lishini vaziyat ko‘rsatadi, deyishdi.

Xullas, yana o‘sha eski gap. 6 oyda bir marta hamma shifokor ko‘rigidan o‘ting.

6 oy bo‘lganini yoki borish kerakligini qayerdan bilish mumkin desangiz, o‘zingiz buni darrov sezasiz.

Yo pulingiz ko‘payib, buyurtmalaringiz soni oshib, vaqtingiz kamayib ketadi yoki aksincha, ishingiz sababsiz kamayib, daromadingiz tushib, vaqtingiz ko‘payadi, shu ikkala holatda ham shifokorga borish zarur.

Nega deganda aynan shu vaziyatlarda turli kasalliklar boshlanadi va oldini olish osonlashadi. Keyinchalik borsangiz, kasal 16 pro max 2 tb variantiga aylanib qolgan bo‘lishingiz mumkin.

Rosa ziqna odamsiz ey, reaksiya bosish uchun hammasini o‘qib chiqish shart emas-ku.

Shunday 1 ta reaksiya bossangiz, telefoningizning xotirasiz to‘lib qoladimi?)

Audioni eshitishga eringanlar uchun

Individual shogird olaman

Darslar 3 oy davom etadi

Narxi 2 million 900 ming

3 oyda kursga sarflangan puli to‘liq oqlanadi

Agar oqlanmasa, kursga to‘langan puli qaytariladi

Talablar: bekorchi, sohada o‘zini ko‘rishi va kursga puli bo‘lishi zarur.

Kanaldagi o‘chirilgan hisoblarni, eski profillarni tozalab tashlashning sinalgan, ishonchli va oson usuli haqida kimdir ma’lumotga egami?

Bilsangiz, menga (@Doniyorbek_Erkin) yoki izohlarga yozib yuboring.

Boya bitta kanalga ko‘zim tushib qoldi

Havolasini topolmadim, bilsangiz, izohlarda qoldirarsiz. Kanalni yuritayotgan insonning ismlari adashmasam Sherzod aka edi.

Shu inson bilan taxminan 3-4 oy oldin gaplashgandik. O‘sha paytlar menga endi kopiraytingga kirganman degandilar. Boya qaraganimda esa 605 agentligida kopirayterman deb yozganlarini o‘qib qoldim.

To‘g‘ri, ularda shu paytgacha yig‘ilgan juda katta baza (til, savod, fikr va hokazo) bor. Ammo ularda eng muhimi, davomiylik bor. Endi kopiraytingga oid blog yuritishni boshlaganlarida ham har kuni post qo‘yardilar, hozirgi kunda ham deyarli har kuni post chiqaradilar.

Xullas, davomiylikda gap katta ekan. Bizda ko‘pincha qandaydir ishimiz chiqib qoladi yoki nimadir bilan band bo‘lamiz yo bo‘lmasa... xullas, qaysidir ishni davomli olib ketmaslik uchun har doim sabab topamiz-da.

Aynan shuning uchun ham tez natijaga chiqish, qaysidir sohadan yuqori daromad qilish, yosh bo‘la turib katta muvaffaqiyatga erishish kabi ishlar afsona bo‘lib ketdi.

Bu gaplarim bilan nima demoqchiman? Reaksiya va pozitiv izohlarni davomli qilishingiz kerak (har bitta postda)

Bitta podkastda zo‘r gap eshitib qoldim

To‘g‘ri yozadigan xeytr bo‘lmaydi.

Sizga yoqmaydigan xato gap yozyaptimi, demak, bu katta ehtimol bilan shunchaki negativ. Bunga e’tibor bermasa ham bo‘ladi.

Sizga yoqmaydigan gapni to‘g‘ri yozyaptimi, bu katta ehtimol bilan tanqid bo‘ladi. Bu haqda esa o‘ylab ko‘rgan ma’qul