Prezident matbuot kotibi | Sherzod Asadov

Сегодня в Худжанде состоялось событие, важность которого трудно переоценить. Впервые за весь период независимости Узбекистана, Таджикистана и Кыргызстана подписан Договор о точке стыка государственных границ трёх стран.

Это знаковое соглашение открывает новую страницу в истории наших стран, ставя точку в так называемой «столетней проблеме» и закладывая прочную основу для долгосрочной стабильности и процветания всего региона.

На протяжении десятилетий нерешенность вопросов границ была источником напряжения и конфликтов, особенно в густонаселенной Ферганской долине, где граждане трех стран зачастую проживают в непосредственной близости друг от друга, иногда разделенные всего лишь одной улицей. Подписание договора о границе между Таджикистаном и Кыргызстаном, а также сегодняшнего трехстороннего договора кардинально меняет эту ситуацию, устраняя источник возможных конфликтов.

Теперь, когда границы окончательно определены, для наших стран открываются широкие возможности расширения торгово-экономического, транспортного, культурно-гуманитарного и экологического взаимодействия. Их мощный экономический эффект не заставит себя долго ждать.

В 2017–2018 годах были подписаны Договор об узбекско-кыргызской государственной границе, Договор о точке стыка государственных границ Узбекистана, Казахстана и Туркменистана, Договор между Узбекистаном и Таджикистаном об отдельных участках границы.

Достижение таких договоренностей стало возможным благодаря сильной политической воле лидеров всех государств Центральной Азии, их прагматичному подходу, стремлению к сотрудничеству и взаимопониманию.

В числе важнейших результатов – сегодня Центральная Азия всё больше воспринимается как единый регион с общей идентичностью и взаимосвязанными интересами.

В целом, перечисленные исторические успехи являются наглядным примером, демонстрирующим, что даже самые сложные вопросы могут быть эффективно решены через открытый диалог, уважение и взаимное доверие. Сегодня у нас другая Центральная Азия – она сплоченная и сильная, открытая к миру и полномасштабному партнерству. И это, безусловно, радует!

Facebook|Instagram|X

Бугун Хўжандда аҳамияти беқиёс воқеа содир бўлди. Ўзбекистон, Тожикистон ва Қирғизистоннинг мустақил ривожланиш тарихида илк бор уч мамлакат давлат чегараларининг туташ нуқтаси тўғрисидаги шартнома имзоланди.

Ушбу тарихий келишув мамлакатларимиз тарихида янги саҳифа очиб, "бир асрлик муаммо"га нуқта қўяди ҳамда бутун минтақанинг узоқ муддатли барқарорлиги ва равнақи учун мустаҳкам пойдевор яратади.

Ўн йиллар давомида чегара масалаларининг ҳал этилмаганлиги, айниқса, аҳолиси зич Фарғона водийсида кескинлик ва низолар манбаи бўлиб келди. Бу ҳудудда уч мамлакат фуқаролари ёнма-ён, баъзан бир кўчанинг икки томонида яшаши одатий ҳол. Тожикистон ва Қирғизистон ўртасидаги чегара шартномаси, шунингдек, бугунги уч томонлама шартноманинг имзоланиши бу вазиятни тубдан ўзгартириб, юзага келиши мумкин бўлган низолар манбаини бартараф этади.

Энди чегаралар узил-кесил белгилангач, мамлакатларимиз учун савдо-иқтисодий, транспорт, маданий-гуманитар ва экологик ҳамкорликни кенгайтириш учун кенг имкониятлар очилмоқда. Бунинг мисли кўрилмаган иқтисодий самараси тез орада ўзини намоён этади.

2017-2018 йилларда Ўзбекистон–Қирғизистон давлат чегаралари тўғрисидаги шартнома, Ўзбекистон, Қозоғистон ва Туркманистон ўртасида давлат чегараларининг туташ нуқтаси тўғрисидаги шартнома, Ўзбекистон ва Тожикистон ўртасида чегара участкалари бўйича шартнома имзоланди.

Бундай келишувларга эришиш Марказий Осиёнинг барча давлатлари етакчиларининг кучли сиёсий иродаси, прагматик ёндашуви, ҳамкорлик ва ўзаро англашувга интилиши туфайли бўлди.

Энг муҳим натижалардан бири - бугунги кунда халқаро ҳамжамият Марказий Осиёга умумий ўзига хосликка ва ўзаро боғлиқ манфаатларга эга яхлит минтақа сифатида қарашни бошлади.

Умуман олганда, юқоридаги тарихий ютуқлар ҳатто энг мураккаб масалаларни ҳам очиқ мулоқот, ҳурмат ва ўзаро ишонч орқали самарали ҳал этиш мумкинлигига ёрқин мисолдир. Бугун Марказий Осиё бутунлай янги – жипслашган ва кучли, дунёга ва кенг кўламли шериклик учун очиқ минтақадир. Бу, албатта, қувонарлидир!

Facebook|Instagram|X

Бугун, анъанага кўра, Президент Шавкат Мирзиёев ифторлик тадбирида иштирок этади. Барча ҳудудларда ёзиладиган ифторлик дастурхонларига нуронийлар, меҳнат фахрийлари, уламолар ва зиёлилар, турли дин ва конфессиялар вакиллари, ногиронлиги бор ва эҳтиёжманд юртдошларимиз, жами 60 минг нафарга яқин киши таклиф қилинган.
—
Сегодня, по традиции, Президент Шавкат Мирзиёев примет участие в церемонии ифтарлик. На ифтар, организуемый во всех регионах страны, приглашены представители старшего поколения, ветераны труда, религиозные деятели и интеллигенция, представители различных конфессий, лица с инвалидностью и малообеспеченные граждане, всего около 60 тысяч человек.

Facebook|Instagram|X

Бугун Президент Шавкат Мирзиёев Самарқанд шаҳрига ташриф буюради. Давлатимиз раҳбари Имом Бухорий мажмуасини зиёрат қилади, Самарқанд вилоятини иқтисодий-ижтимоий ривожлантириш бўйича олиб борилаётган ишлар билан танишади.
—
Сегодня Президент Шавкат Мирзиёев посетит город Самарканд. В ходе визита состоится посещение комплекса Имама Бухари, ознакомление с проводимой работой по социально-экономическому развитию Самаркандской области.

Facebook|Instagram|X

Бугун Президент Шавкат Мирзиёев Тошкент шаҳридаги бир қатор корхона ва ижтимоий объектларга ташриф буюриб, маҳаллаларда амалга оширилаётган бунёдкорлик ва ободонлаштириш ишлари билан танишади. Давлатимиз раҳбари баҳорги кўчат экиш тадбирларида иштирок этиши ҳам режалаштирилган.
—
Сегодня Президент Шавкат Мирзиёев посетит ряд предприятий и социальных объектов в городе Ташкенте, а также ознакомится с проводимой в махаллях созидательной и благоустроительной работой. Запланировано также участие главы государства в весенней акции по посадке деревьев.

Facebook|Instagram|X

Президент Шавкат Мирзиёевнинг кичик ва ўрта бизнес вакиллари билан соҳанинг иқтисодиётдаги ўрнини ошириш ва ривожланишини янги босқичга олиб чиқиш масалаларига бағишланган учрашувида белгиланган асосий вазифалар.

Батафсил — юқоридаги #инфографикада

Facebook|Instagram|X

Давлатимиз раҳбари кичик ва ўрта бизнес вакиллари билан мулоқот қилди, уларнинг фикр ва таклифларини тинглаб, мутасаддиларга тегишли топшириқлар берди.

“Янги Ўзбекистоннинг бизнес салоҳиятини оширишда биз сизларга ишонамиз.

Бир нарсадан кўнгилларинг тўқ бўлсин: Президент доимо сизларга энг яқин кўмакчи, таянч ва суянч бўлади. Сизлар янгилик қилишдан чарчаманглар, мен қўллаб-қувватлашдан чарчамайман.

Шу мақсадда бугун муҳокама қилинган, сизларнинг ҳамма таклиф ва ташаббусларингиз ўрин олган фармонни имзолайман. Ушбу фармоннинг барча енгилликлари бугундан қўшимча ҳужжатларни кутмасдан тўғридан-тўғри амалиётга киритилади”,

- деди Президент учрашув якунида.

Facebook|Instagram|X

Президентимиз бугун муҳокама қилинган долзарб масалалар: рақобатбардош бўлиш, янги бозорларга кириб бориш, стандарт, янгиликларга ўқитиш, бренд яратиш, стартапларни юзага чиқариб, кўпайтириш учун Кичик бизнес уюшмасини ташкил қилиш ташаббусини қўллаб-қувватлади.

Кичик бизнес билан ишлашга маҳалладаги ҳоким ёрдамчиси, маҳалла банкиридан тортиб, банклар, бандлик вазири ҳамда Бош вазир ўринбосарларигача жуда катта тизим сафарбар қилингани таъкидланди.

Мутасаддиларга, вилоят ҳокимларига кичик бизнес вакиллари билан самарали мулоқотни йўлга қўйиб, улар кўтарган тизимли масалаларни тезкор ҳал қилиб бориш топширилди.

Facebook|Instagram|X

Учрашувда кичик бизнесдаги келгуси қадамларни белгилаб берадиган беш йиллик стратегия ишлаб чиқилгани таъкидланди.

Буни халқаро молия ташкилотлари ҳам қўллаб-қувватлаб, янги бизнес йўналишлари бўйича илғор тажриба, инновация, технология ва халқаро стандартларни жорий қилишда кўмаклашишга, бунинг учун ҳозирни ўзида 470 миллион доллар ресурс ажратишга тайёр.

Жумладан, Осиё тараққиёт банки "Молиявий оммабоплик" дастури доирасида кичик ва ўрта бизнесга 100 миллион доллар, Европа тикланиш ва тараққиёт банки "яшил" ва инновацион лойиҳалар учун 200 миллион доллар, Франция тараққиёт агентлиги аёллар тадбиркорлиги учун 30 миллион евро ажратмоқда.

Учрашувда ушбу ташкилотларнинг Ўзбекистондаги ваколатхоналари раҳбарлари сўзга чиқиб, ўз фикр ва таклифларини айтди.

Давлатимиз раҳбари улар вакиллик қилаётган тузилмаларга кўрсатилаётган кўмак учун миннатдорлик билдирди, ҳамкорлик янада кенгайиши учун барча шароитлар яратилишини таъкидлади.

Facebook|Instagram|X

"Дунёда сунъий интеллект, инновация, рақамли ва яшил технологиялар, креатив хизматлар орқали “катта сакраш” бўлаяпти.

Юртимизнинг бетакрор табиати, тоғ ва яйловлари, тарихий обидалари – кино индустрияси, концерт-томоша фаолияти ва туризмда янги лойиҳаларни амалга ошириш учун катта имконият",

- деди давлатимиз раҳбари.

Масалан, “Ичан қалъа” тарихий кино ва сериал олиш учун тайёр саҳна. Кўп давлатлар бундай саҳна павильони қуришга миллионлаб доллар сарфлаяпти.

Ёки, Самарқанд, Бухоро, Шаҳрисабз, Қўқон, Наманган каби йирик шаҳарларимизда халқаро кўргазма, форум ва концертлар ўтказиш учун барча имкониятлар бор.

“Мен ҳам мана шундай соҳаларда лойиҳа қиламан, деган интилувчан тадбиркорларга энг қулай шароитлар яратиб беришга тайёрман”,

- деди давлатимиз раҳбари.

Facebook|Instagram|X

Ҳозирда барча тоифадаги тадбиркорларга фаолиятини тугатиш учун бир хил талаб белгиланган. Яъни, каттами-кичикми, барчаси молиявий аудитдан ўтишга мажбур. Оқибатда, ихтиёрий тугатишга ариза берган минглаб кичик корхоналар қачон текширувчи келиб, аудитдан ўтказишини кутиб турибди.

Шу боис бу жараён ҳам соддалашиши эълон қилинди. Охирги уч йиллик айланмаси 10 миллиард сўмдан ошмаган, солиқдан қарзи бўлмаган корхонани ихтиёрий тугатишда текширув ўтказилмайди.

2028 йил 1 январга қадар ҚҚС ва фойда солиғи ставкаси оширилмаслиги белгилаб қўйилган.

"Эндиликда кичик ва ўрта бизнесга қўшимча талаб ва мажбурият юклайдиган норматив ҳужжатлар қабул қилишга ҳам уч йиллик мораторий эълон қилинади.

Фермерлар учун ҳам муҳим янгилик – солиқдан қарзини вақтида тўлай олмагани учун шу пайтгача йиғилиб қолган 1 триллион сўмлик пеняни ундиришдан воз кечилади",

- деди Президент.

Facebook|Instagram|X

Янги тадбиркорлар “оёққа туриб олиши” учун, айниқса, улар фаолият бошлаган биринчи йилда қўллаб-қувватлаш жуда муҳимлиги таъкидланди.

Масалан, охирги уч йилда 17,5 минг корхона ташкил этилганига бир йил тўлмасдан тугатилган. Айниқса, Самарқанд, Қашқадарё, Хоразм, Жиззах вилоятлари масъуллари янги корхоналар билан ишлашда энг орқада экани кўрсатиб ўтилди.

"Бундан буён, тадбиркорликка энди қадам қўйганлар учун “биринчи имконият” тамойили жорий этилади. Яъни, илк бор маъмурий ҳуқуқбузарлик қилган тадбиркор жавобгарликдан озод қилиниб, камчиликни бартараф этиш учун имконият берилади.

Бир сўз билан айтганда, янги иш бошлаган тадбиркорлар биринчи хато учун “жавобгарликдан суғурталанган” бўлади",

- деди Президент.

Facebook|Instagram|X