Марказий банк ИМХКга аъзо бўлди

Ўзбекистон Марказий банки Исломий молиявий хизматлар Кенгаши (ИМХК) аъзосига айланди.

Кенгаш фаолияти қуйидагича:
🔅Исломий молия институтларини тартибга солиш ва назорат қилиш бўйича халқаро стандартларни ишлаб чиқиш;
🔅самарали корпоратив бошқарув механизмлари ва риск-менежмент тизимини жорий қилиш;
🔅мазкур соҳада кадрлар салоҳиятини ошириш;
🔅тадқиқотлар олиб бориш ҳамда ушбу масалаларда Кенгашга аъзо ташкилотларга кўмаклашиш.

Ташкилотга аъзолик бошқа мамлакатлар тажрибасини ўрганиш имконини беради. Бу орқали мамлакатда исломий молия институтлари фаолиятини тартибга солиш ва назорат қилиш соҳасида халқаро тажрибани жорий этиш мумкин.

2024 йилдан бошлаб Ўзбекистонда микромолия ташкилотлари исломий молия хизматларини кўрсатиб келмоқда.

“Инфинбанк” каби банклар анчадан бери юридик шахсларга исломий молия орқали молиялаштиришни таклиф қилиб келмоқда.

Бир қанча тадқиқотлар ҳам бизда ислом молиясига бўлган катта талаб борлигини кўрсатмоқда.

Марказий банк ва ИМХК ўртасидаги ҳамкорлик исломий молияни тўлиқ йўлга қўйишда катта ёрдам беради.

@bankir