Банкир

Картадаги пулларни қандай қилиб комиссиясиз ёки кам фоизда нақд қилса бўлади?

Одатда картадаги пулни нақд қилиш учун банкоматлар 1 фоиз комиссия олади. Бироқ пулларни комиссиясиз ёки паст фоизли комиссияда нақд қилиш йўллари ҳам бор.

Бир қанча банклар ўз мижозлари учун ўз банкоматларидан нақд пул ечиб олишда комиссияни пасайтирган:

⏺Давр банк — 0,5 фоиз;
⏺БРБ — 0,5 фоиз;
⏺Asia Alliance Bank — 0,6 фоиз;
⏺Garant bank — 0,7 фоиз;
⏺Асакабанк — 0,7 фоиз.

Масалан, БРБ карталари орқали БРБ банкоматларида исталганча пулни 0,5 фоиз комиссия билан нақд қилиб олсангиз бўлади.

TBC Bank'нинг Salom картаси орқали 10 млн сўмгача пулни нақд қилса бўлади. Бунда комиссия ой охирида ҳисобингизга ташлаб берилади.

Korzinka ва UZCARD Korzinka мобил иловасидаги QR ва Korzinka Go орқали 200 000 сўмдан бошлаб амалга оширилган харидлар эвазига картага ўтказиш учун 50, 100, 150 млн ўйнамоқда.

@bankir

14 февраль. Банклараро тўловларни қабул қилиш 17:30 гача узайтирилди.

@bankir

Алоқабанк — “ёшлар банки” бўлади

Президент имзолаган ҳужжатга кўра, Алоқабанк ёшларнинг бизнес лойиҳаларини қўллаб-қувватловчи таянч “ёшлар банки”га айлантирилиб, бунга 200 миллион доллар ажратилди.

❗️Банк ўзини ўзи банд қилган ёшлар лойиҳалари учун 100 миллион сўмгача 7 йил муддатга имтиёзли микроқарз ажратади.

Банк кредитларининг камида 30 фоизи хотин-қизлар тадбиркорлиги учун йўналтирилади.

Korzinka ва UZCARD Korzinka мобил иловасидаги QR ва Korzinka Go орқали 200 000 сўмдан бошлаб амалга оширилган харидлар эвазига картага ўтказиш учун 50, 100, 150 млн ўйнамоқда.

@bankir

16 млрд доллар

2024 йилда ўзбекистонликлар банклар орқали худди шунча миқдорда доллар майдалади. Бу 2023 йилга нисбатан 3,7 млрд долларга кўпроқ.

Банкларга энг кўп доллар сотуви август ва сентябрь ойларида кузатилди — 1,5 млрд доллардан кўпроқ.

Ўтган йил давомида банклардан доллар сотиб олиш кўрсаткичи анча камроқ — 9,3 млрд долларни ташкил қилди. Бу 2023 йилга нисбатан атига 208 млн долларга кўпроқ.

Шундай қилиб, 2024 йил давомида ўзбекистонликлар банклардан доллар сотиб олишдан кўра, сотишни кескин кўпайтирди.

Бу асосан мамлакатга кириб келган пул ўтказмалари билан боғлиқ. 2024 йилда уларнинг миқдори 3,4 млрд долларга ошиб, деярли 15 млрд долларга етди.

Korzinka ва UZCARD Korzinka мобил иловасидаги QR ва Korzinka Go орқали 200 000 сўмдан бошлаб амалга оширилган харидлар эвазига картага ўтказиш учун 50, 100, 150 млн ўйнамоқда.

@bankir

Доллар тушади

17 февраль куни амал қиладиган доллар курси 🔽10-11 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Asia Alliance Bank — 12 980
Asakabank — 12 970
Anorbank — 12 965
BRB — 12 960

Банклардан долларни сотиб олиш бўйича энг яхши курслар:

Kapitalbank — 13 005
Aloqabank — 13 010
Davrbank — 13 010
Xalq Banki — 13 010

@bankir

“Агробанк” жозибадор омонат таклиф қилмоқда

Кўпчилик учун юқори фоизли омонатлардаги асосий муаммо унга маблағ киритиш ва ечиб олиш имкониятининг йўқлигидир.

Баъзи юқори фоизли омонатларда бундай имконият бўлсада, бир неча миллион сўмлик лимит талабига эга. Бу эса албатта ҳар доим ҳам қулай эмас.

“Агробанк”нинг “Сандиқ” омонати сизга ноёб имкониятни тақдим қилади. Омонатни тўлдириш ва ечиб олиш учун лимит атига 100 000 сўм.

Омонатингизда 100 000 сўм қолса бўлди, қолганини исталган пайт ечиб олсангиз бўлади.

Бунда худди картангизда пул сақлаганингиз учун сизга ойига даромад келиб тураётганга ўхшайди.

Қизиғи “Агробанк” бундай имкониятни фоиз ставкасини пасайтирмасдан амалга оширди. “Сандиқ” омонатини 23 фоизга очиш мумкин.

Батафсил маълумотни банкнинг расмий сайтидан олиш мумкин. 1216 қисқа рақамига ҳам қўнғироқ қилсангиз бўлади.

@bankir

Биржада Humans акциялари билан операциялар тўхтатилди

Тошкент фонд биржаси 10 февралдан Humans ва унинг шўба корхонаси бўлган “Мароқанд” толов ташкилоти акциялари билан операцияларни бекор қилди.

Сентябрь ойида Марказий банк Upay бренди асосида фаолият олиб борувчи “Мароқанд” тўлов ташкилотига нисбатан 6 ойлик чеклов жорий қилганди.

Бунга қимор ўйинлари билан боғлиқ операциялар сабаб бўлгани айтилган.

Кейинчалик Humans бош директори бу вазиятни адолат тамойилларига зид деб чиққан бўлсада, МБнинг ўша пайтдаги раиси Мамаризо Нурмуродов бир неча бор огоҳлантиришлар берилганига қарамасдан чора кўрилмаганини маълум қилганди.

@bankir

Доллар кўтарилади

14 февраль куни амал қиладиган доллар курси 🔼14-15 сўм атрофидa ошиши кутилмоқда

Банкларга долларни сотиш бўйича энг яхши курслар:

Asakabank — 12 960
Poytaxtbank — 12 960
Anorbank — 12 955
BRB — 12 950

Банклардан долларни сотиб олиш бўйича энг яхши курслар:

Anorbank — 12 995
Aloqabank — 13 000
Turonbank — 13 000
Xalq Banki — 13 000

@bankir

Микромолия банклари ҳақида қонун имзоланди

Ўзбекистонда микромолия банклари фаолият олиб бориши учун қонуний асос яратилмоқда.

Қонундаги ўзгаришлар билан микромолия ташкилотлари ва тижорат банклари ўртасида уларни боғловчи “занжир” — микромолия банкларини ташкил этишга рухсат берилади.

Бундан ташқари микромолия ташкилотлари учун қўшимча молиявий ресурслар, шу жумладан депозитлар жалб этиш имконияти яратилади.

Микромолия ташкилотларини микромолия банкларига ва микромолия банкларини тижорат банкларига ҳамда аксинча трансформация қилиш учун ҳуқуқий асос ҳам яратилмоқда.

Марказий банкнинг талабларини бажара олмаган банклар кейинчалик микромолия банкларига айланиши мумкин.

Марказий банк микромолия банклари учун регулятор бўлади.

@bankir

Татяна Асмокавец “Янги банк” Бошқарув раиси вазифасини бажарувчи этиб тайинланди.

Асмокавец аввал Россиянинг “Откритье” банкида ўрта бизнесни ривожлантириш департаменти директори ўринбосари бўлиб ишлаган. Кейинчалик 2022 йилда ВТБ Банк “Откритье” банкни сотиб олганди.

“Янги банк”нинг аввалги Бошқарув раиси Светлана Хе Uzum bank бошқарув раисига айланган эди.

“Янги банк” бошқаруви таркибидан Светлана Хе ва бош бухгалтер Фарход Раҳмоновлар чиқарилди.

Ички назорат ва молиявий мониторинг хизмати раҳбари Бекзод Дияров эса бу таркибга қўшилди.

@bankir

Доллар кўтарилади

13 февраль куни амал қиладиган доллар курси 🔼9-10 сўм атрофидa ошиши кутилмоқда

Банкларга долларни сотиш бўйича энг яхши курслар:

Asia Alliance Bank — 12 960
BRB — 12 950
Poytaxtbank — 12 950
Asakabank — 12 950

Банклардан долларни сотиб олиш бўйича энг яхши курслар:

Anorbank — 12 985
Aloqabank — 12 990
Turonbank — 12 990
Xalq Banki — 12 990

@bankir

Олтин билан нима бўляпти?

Citi Group таҳлилчилари олтин нархини келаётган уч ой ичида 3 000 долларлик рекорд даражага чиқишини прогноз қилди.

Таҳлилчиларнинг прогнозлари ўзини аллақачон оқлашни бошлади. Бугун олтин нархи 2 940 долларга чиқиб, янги рекорд қўйди. Ўзбекистонда ҳам нарх яна бир бор рекордни янгилади.

Олтин нархининг сезиларли ўсишига асосий сабаб АҚШ президенти Доналд Трамп ҳукуматининг иқтисодий қарорлари бўлиб турибди.

АҚШнинг Хитой билан савдо уруши (бунинг Ўзбекистонга таъсир ҳақида бу ерда яхши тушунтирилибди) ва янги божларнинг жорий қилиши АҚШ иқтисодиётига бўлган салбий кутилмаларни шакллантирмоқда.

Буёғи ўша машҳур ибора — When America sneezes, the world catches a cold.

Бутун дунёдаги инвесторлар эса бундай ҳолатда олтинни анъанавий равишда энг хавфсиз сармоя активи деб ҳисоблаб, унга пул тикмоқда.

Ҳукуматлар ҳам олтинга қизиқишни оширди

Россия-Украина уруши, Яқин Шарқдаги нотинчликлардан сўнг ҳукуматлар ҳам хавфсиз актив сифатида олтинга боғлиқлигини оширди.

Хитой, Россия, Туркия ёки Ўзбекистон каби давлатлар азалдан олтинни асосий захира активи сифатида билади.

Бироқ, Араб мамлакатлари ҳам сўнгги пайтларда захираларидаги олтин миқдорини кўпайтирмоқда.

Ўзбекистон захирасида ҳам олтин миқдори 2022 йилдан бери энг юқори даражада — 392 тонна.

Шундай қилиб, инвесторлар ҳам, ҳукуматлар ҳам пулларини олтинда сақлаш ҳозирча тўғрироқ қарор деб ҳисобламоқда.

@bankir