MoychechagiM_Sh

Bir paytlar yotvolib koʻrganimdan turk tilini ham binoyidek oʻzlashtirib olishimga sabab boʻlgan "Kurtlar vadisi Pusu" serialida aqlli dialog esimga tushdi. Oʻzi bunaqa "aqlli" dialog, fikr, iqtiboslar toʻla bu serialda-ku, bunisi boshqa-da:

Erhan Poʻlatning noutbukda dastur tuzib-buzib hakerlik qilayotganini koʻrib "Og'a, bunaqa narsalarni ham bilasizey, qayerdan oʻrgangansiz?- deb soʻraydi.

– Oʻrgatishgan, Erhan.

– Men endi tushunyapman, og'a, maxfiy davlat sizga oʻxshagan maxsus odamlarni alohida oʻqitadi, qolgan fuqarolar juda aqlli boʻlib ketmasligi uchun 20 yillik umumiy taʼlim tizimida ushlab turadi...

#izohsiz
@MoychechagiM_Sh

Etiket, odob qoidalariga tupurib, psixologiyadan olgan hamma bilimimni unutib qoʻygan bitta nuqtam bor:

Qizim bogʻchada falon bola meni hafa qildi, so'kindi yo urdi deb kelgan vaqt:

– So'kinsa oʻzing shunaqasan degin-u, lekin qaytarib so'kma, lekin ursa senam ur, tepib tashla, oʻzingni kuching yetmasa qoʻlingga kirgan narsa bilan sol, yo baqirib tashla, umuman oʻzingni hafa qildirib qoʻyma, birortasi nimadir desa-yu kuching yetmasa, dadam hammangni pachag'ingni chiqarib tashlaydi degin, tushundingmi 🌚

"Lo'li ona" pozitsiyasiga oʻtaman bunaqa vaziyatda.

Chunki qizimni feʼlini bilaman. Urishish tugul qattiqroq qarab qoʻysangiz koʻzidan yosh oqadigan, oʻzini oʻyinchog'ini birortasi tortib olsa ham yigʻlab meni oldimga keladigan, hafa boʻlib qoladi deb nohaq ishlarga ham javob berolmaydigan "boshqalar uchun oson odamcha", Huddi Onasi (((

Bolaligimdan qiynalganman shu koʻnglim bo'shligi tufayli. Shuning uchun bolalarim "shustriy", beti qattiqqina boʻlsa mayli derdim. Afsuski, olmani tagiga olma tushar ekan.

Demak, hech kim, aybga buyurmasin. Boshqalar shoʻx va bezori bolasiga odobdan dars berib "Bolalar bilan urishmaslik, tegmaganga tegmaslik, qizlarni sochidan tortmaslik, ozor bermaslik kerak, boshqalarni narsalarini beso'roq tortib olish yomon, soʻkinib gapirmaslik shart..." kabi tarbiya bermas, shugʻullanmas ekan, unday toshotar bolalar jabrini meni noziknihol qizim tortib mudom "qurbon" pozitsiyasida qolib ketishini aslo istamayman.

Diydasi sal qotarmikin deb sal katta boʻlsa ogʻir sport turiga bermoqchi edim, lekin koʻngli boʻsh qizlar sportda ham qiynalarkan,tajribadan o'tgan.Singlim 8-9 yoshlarida bir tuzuk ketayotgan taekwando mashg'ulotlarini tashlagan: trenerim meni oldimda bolalarni yomon soʻkadi, eshitishga chidolmayapman deb.

Xullas, bu dunyo bezbet, dilozor, gapini qarshisidagining sinadigan koʻnglini oʻylamay aytaveradigan, qahri qattiqlar uchun juda qulay joy. Qolganlar qiynalib yashaydi.

Sizni bolangiz qaysi toifada? Meni orzuimdagidek "bezbet" bolaning onasimisiz yoki bizniki kabi birovni tepaman desa oʻzi qoʻshilib yiqiladigan tegmanozik bolangiz bormi?

@MoychechagiM_Sh

#haqqattaney

Men oʻttiz bir yil ichida bironta sodiq doʻst orttirolmagan boʻlsam ham, odamning odamga doʻst boʻlishini eʼtirof etaman. Hatto oʻrtada sadoqat ham boʻlishi mumkin. Ammo hamdam boʻlolmaydi. Erkak kishi uchun birdan-bir hamdam ayol boʻlishi mumkin. Men shahvat maʼnosida aytmoqchi emasman. Insondagi shahvatparastlik, garchi tabiat qonuni boʻlsa ham, odamning hayvoniy mayllarini namoyon etuvchi xususiyatdir. Men koʻngil maʼnosida aytyapman. Koʻnglingiz yolgʻizlik zardobiga toʻlganda bu zardobni faqat ayol davolay olishi mumkin. Ayol va erkak, aslida, bir butunning ikki qismi. Baxt butun boʻlishi uchun avvalo mana shu ikki qism butun boʻlishi zarur. Biroq buning uchun ayolni sevish kerak. Bizning butun umrimiz ana shunday ayolni kutish bilan oʻtadi. Afsuski, bunday ayollar ham har bir odamga keyinchalik bir umr sogʻinib oʻtishi uchun bir marta beriladi, xolos. Ular ham qimor oʻyiniga oʻxshaydi. Yutuqli kartani topsangiz, xoʻp-xoʻp, topolmasangiz, keyin izlab oʻtirmang, boshqa hech qachon topolmaysiz. Bundan buyon umringiz chirish, inqiroz sari yuz tutish...

©Nazar Eshonqul, "Tun panjaralari" qissasidan

@MoychechagiM_Sh

Evaziga yaxshi oʻqish va oʻziga toʻgʻri boʻlishdan boshqa talab qilmagan, hisob soʻrmagan Beminnatim!

Har qanday vaqt sigʻinib bora oladigan Uyim...

Menga aytolmagan shirin gaplarini qizlarimga atagan, ularni tinmay oʻpib erkalaydigan, qoʻlida koʻtarib istaganini muhayyo qiladigan Sehrbozim! (Videoni koʻrib shuning uchun taʼsirlandim )

Hozir mendan keyin singlim yashaydi shunday mazza davrda, qadrini bilmaydi, balki u ham 10 yildan keyin menga oʻxshab 27 ga kirgach tushunib yetar men anglaganlarni.

Umuman, hammamiz keyinchalik anglab yetmaymizmi, bir qizni, ayolni agar sevsa eng koʻp ota sevadi, beminnat sevadi, jim sevadi, evazsiz sevadi. Keyin tayyor ulgʻaytirib eshikdan kirib kelgan mutlaqo boshqa odamga xizmat qilishi uchun berib yuborishini bilsa ham baribir sevaveradi.

Otalar shunaqa oramizda yurgan Qahramonlar.

Siz otangiz haqida kitob yozsangiz nima deb nomlardingiz?

@MoychechagiM_Sh

Va nihoyat, Nazar Eshonqulning 2 jildlik saylanmasıni tugatdim.

Miyyam oʻzini uzoq va mashaqqatli jangdan shalpayib, xorib chiqqan piyoda askardek his qilyapti...

Taqriz yozmoqchi edim, lekin shundoq ham ilmiy ishimning bir butun bobi shunga bagʻishlangan. Shuning uchun endi oʻtirib ishni yozish kerak.

Hamma biladi, Nazar Eshonqul ijodi mazza qilib oʻqiladigan turga kirmaydi, xoslar uchun, adabiy did, badiiy salohiyat, yuksak ijtimoiy tafakkur egalari uchun.

Shuning uchun juda qiynalib, boʻlib-bo'lib oʻqidim. Tugatib olguncha ichlarim ezilib ketdi. Ramzlar, timsol, yarim betda ham tugamaydigan uzun gaplar, oxiriga yetguncha boshi esdan chiqadigan jumlalar, tagida juda katta ijtimoiy ishoralar yotgan tasvirlar... Qisqasi, tushunmagan oʻrinlarim ham boʻldi, oʻchig'ini aytsam. Hali xoslar ichiga kirmabman deb biroz shashtim qaytdi.

Nazar Eshonqul ijodi boʻyicha yozilgan maqolalar, tahlillar, taqrizlar, monografiyalar bilan tanishdim. Bildimki, hatto akademik, dotsent va professorlar ham adib ijodini bir oʻqishda zoʻriqish his qilishgani, mutolaa oson kechmaganini tan olishgan (Ibrohim Haqqul, masalan)
Sal konglim taskin topdi. Demak, muhimi, hammasini tushunish, mazza qilib oʻqish emas.
Qanday oʻqish emas, qanday asarni oʻqishda asl masala.

Badiiy didni kitobga qarab oʻstirib borish kerak, kitob saviyasini badiiy didga qarab tushirib borish emas.

Oʻqib tugatgandan keyin koʻnglingizga huzun va asarlaridagi kabi qora boʻgʻiq ranglar, zulmat, badboʻy hamda ufunat hidini qoldirib ketadi bu ijodkor asarlari. Oʻkirib yigʻlamaysiz, baqirib kulmaysiz. Faqat oʻylatadi, oʻylatadi, oʻylatadi...
Chalkash fikrlar, bir dunyo mulohazalar ichiga tashlab qoʻyadi. Keyin yuraverasiz, boshvog'ingizni topa olmay.

Umuman olganda, asaridagi qahramonlaridan birining Dostoyevskiy haqida aytgan fikrini Nazar Eshonqul ijodiga ham bemalol qoʻllash mumkin deb oʻyladim:

"Достоевскийнинг ҳам касали бор эди, шекилли, Ўта ғайритабиий ёзувчи. Уни ўқийверсам, ўзимни ўзим ёмон кўриб қоламан. Худди бировнинг хаётида яшаб юрганга ўхшайман. Кўнглимдаги кўпгина нарсаларни суғуриб олади... Ўзимни бўм-бўш, чириган ёгочдек ҳис қиламан.... Умуман, дахоларнинг ҳаммаси маълум маънода руҳий касал бўлишади. (Ta'qiq mevasi" romanidan)


@MoychechagiM_Sh

Men 27 ga kirdim, lekin ayrim odamlar 60 ga kirib erishadigan narsalarga allaqachon yetishib boʻlganman:

– Uyqusizlik
– Bel ogʻrigʻi
– Kalsiy, collagen yetishmasligi
– Charchagan asab tizimi
– Susaygan xotira
– Tortmadagi paket ichida bir dunyo paketlarni saqlash...

Siz-chi, nimalarga erishdingiz?

@MoychechagiM_Sh

#mutolaadan

Naql qilinishicha, mashhur shayx Abu Bakr Shibliy (vafoti 946)dan “Tariqatdagi ilk
yoʻlboshchingiz kim?” deb soʻralganda, u “Bir itdir” deb soʻzini shunday davom ettirgan ekan:
“Bu it suvsizlikdan oʻlim yoqasida tik turardi. U suv ichish uchun ne zamon ariqqa yaqinlashsa,
suvda oʻz aksini koʻrar va undan qoʻrqardi. Chunki oʻzining suratini u boshqa bir itniki deb
oʻylardi. Ammo tashnalik oxiri zoʻr kelib, it oʻzini suvning ichiga otdi... Ana shundan soʻng
“boshqa kuchuk” yoʻqligiga inondi. It bilan oʻrtadagi borliq orasiga kirgan itning “oʻzga
manligi” uning yoʻliga toʻsiq paydo etgan edi. Men ahvolimning aynan shu itga oʻxshashini, yaʼni
yoʻlimdagi eng katta toʻsiq nafsim ekanini angladim... Xullas, mening birinchi yoʻlboshchim shu
it boʻldi. Asosiy yoʻlga qanday qadam tashlash lozimligini menga bir kuchuk koʻrsatdi”

Ibrohim Haqqul, "Evrilish tovushi" maqolasidan

@MoychechagiM_Sh

#dardidostonpost

Bugun Akademnashr ga borib anchadan beri kerak boʻlayotgan kitoblarni olib keldim.
Va bildimki, agar uyimga dostavka qilib berishmasa, borib kitob sotib olish menga avvalgidek terapiya boʻlmay qolibdi. Sababi men doim oʻzimning kamida bitta chiroyli va mitti "dumcham" bilan yuraman va bu anchayam stressli jarayon. Tushuntirsam:

Doimgidek kichkina qizim bilan va umid qilib kolyaskani ovolgandim, afsuski, qizim oʻtirmadi. Buni ustiga qoʻlimda ham, metroda ham jim ketmadi. 1 yosh krizisimi, bilmadim. nima istayotganini menimcha oʻzi ham bilmaydi. Tinmay injiqlik qiladi, arrillaydi, shunaqangi tomogʻini yirtib yigʻlaydiki, atrofdagi odamlarga oʻzimni oqlagilarim kelib ketadi:

"Hech qayerini chimchilamadim, urmadim, hatto urishmadim ham. Qorniyam toʻq, uyqusi ham kelmadi, lekin bilmayman nima boʻlayotgani... Iltimos, menga unaqa qaramanglar. Bilaman jamoat joyida bunaqa toʻpolon koʻtarishimiz yaxshi emas, nima qilay, ahır. Hammamiz shunday katta boʻlganmiz...😥" va hokazo deb.

Sochlari ukladka, kiyimlari gijim emas, yuziga uxod qilishdan boshqa tashvishi yoʻq boʻy yetgan qizlar menga achinib qarayotgani, sumkachasidan topgan shaqir-shuqurlari bilan qizimni chalgʻitishga urinayotganini sezdim va umid qilamanki, u qizlarga hali beri turmushga chiqmaslik qarorini mustahkamlash uchun ona bola yaxshi motivatsiya berdik 🌚 (hazil)

@MoychechagiM_Sh

Qaniydi masʼuliyat ham ugriga oʻxshagan narsa boʻlsa, kecha pista chaqsang bugun peshonangda lop etib paydo boʻladigan...

@MoychechagiM_Sh