14 январь — Ватан ҳимоячилари куни билан бутун дунёдаги барча ўзбекистонликларни қутлаймиз!

ОТА ЮРТ
 
Отамсан,
хизматингга
қодир бўлиб борарман.
Гўрўғлихон,
Алпомиш
ботир бўлиб борарман.
 
Широқ каби ҳийлагар,
моҳир бўлиб борарман,
лайли кўзларинг ҳаққи,
тоҳир бўлиб борарман.
 
Борарман Кубро бўлиб,
ҳофизи туғро бўлиб.
Темурхон бобо бўлиб,
Бобур бўлиб борарман.
 
Ёв бошига харсангдай
оғир бўлиб борарман.
Ё ватан деб,
ё ҳақ деб,
зокир бўлиб борарман.
 
Ватанни севмоқ, магар,
иймондан, демасмилар;
Ҳақ қошига мен нечук
кофир бўлиб борарман?!

✍Мансур Жумаев

🎤 Муҳаммадали, укажон, дард кӯрманг, раҳмат!