▶️Yanvar oyining oxirgi haftasida deputatlarimiz o‘z saylov okruglarida saylovchilar bilan uchrashuvlar o‘tkazgan edi. O‘sha vaqtda xalq vakillari aniqlagan holatlar bo‘yicha deputatlik so‘rovlarini mas’ul idoralarga yuborishyapti.

⚖️“Adolat” SDP fraksiyasi a’zosi Nariman Umarov ham Chirchiq shahar tibbiyot birlashmasining teri-tanosil kasalliklari bo‘limi faoliyati yuzasidan Sog‘liqni saqlash vaziriga deputatlik so‘rovni yuboribdi.

🔵Deputat o‘z so‘zida bo‘lim, juda ko‘p aholiga xizmat ko‘rsatsa-da, bo‘lim binosi kapital ta’mirtalab ekanligi;

💧binoning tom qismi, suv, kanalizatsiya va isitish tizimi yangilashga muhtojligi;

⚙️yumshoq va qattiq jihozlarni yangilash zarurligi, ayniqsa laboratoriyadagi tibbiy uskunalar, dezokamera va tibbiy avtoklavlar allaqachon ma’naviy eskirganligi qayd etgan.

Deputatlik so‘rovida vazirlik oldiga qator vazifalar qo‘yilgan:

– TTKB samarali faoliyat olib borishi uchun unga qarashli to‘rt qavatli binoni kapital ta’mirlash ishlarini tashkil etish;

– Maxsus laboratoriyalarni zarur anjomlar (tibbiy uskunalar, dezokameralar, tibbiy avtoklavlar, shifokorlarni zamonaviy orgtexnikalar) bilan ta’minlash;

– TTKBdagi shifokorlar sonini Vazirlik tomonidan o‘rnatilgan normativlar asosida qayta ko‘rib chiqish va ularga moslashtirish choralarini ko‘rish;

– Amalga oshirilgan tahlil, chora-tadbirlar yuzasidan asoslantirilgan tushuntirishlarni 10 kunlik muddat ichida Qonunchilik palatasiga taqdim etish.

🔗 Kun mavzusi