Kun mavzusi

#himoya

Totuv yashashga nima yetsin!

Ijara haqi to‘lashni xohlamasangiz ayolingizni qadrlang, ajrashmang! Ortiqcha xarajat kimga kerak. A labbay.😁😁😁

🔗 Kun mavzusi

#imtiyoz

💰ZARGARLAR KO‘CHASIDA BAYRAM

⏺️Aytishlaricha, zargarlar 2027-yil 1-sentabrgacha mol-mulk va yer solig’idan ozod etilishi mumkin.

⏺️ Ilgari zargar o‘zi yasagan xomaki mahsulotlarini boshqa bir tadbirkorga sotolmas edi. Qonun lohiyasi bilan bu ta`qiq olib tashlanadigan bo‘ldi.

🔗 Kun mavzusi

OʻzLiDeP deputati xususiy OTMlarni himoya qilib, maydonga chiqdi

🔵 Kuni kecha Respublika oliy taʼlim Kengashining nodavlat oliy taʼlim tashkilotlari tomonidan Oliy taʼlim muassasalarini rivojlantirish jamgʻarmasiga toʻlov-kontrakt shaklida oʻqitishdan tushadigan mablagʻlarning 4 foizini oʻtkazish boʻyicha chiqarilgan bayonnomasi ijtimoiy tarmoqlarda keng muhokamalarga sabab boʻlmoqda.

🔴 Qonunlarimizda tadbirkorlik faoliyati erkinligi kafolatlangan, hech bir tashkilot qonunga asoslanmay turib, tadbirkorlik subyektlariga, shu jumladan, nodavlat oliy taʼlim muassasalariga turli toʻlovlar joriy qilish vakolatiga ega emas.

✅ OʻzLiDeP deputati D.Artiqov bayonnomaning qonunchilik hujjatlariga muvofiqligi yuzasidan qayta koʻrib chiqish boʻyicha asoslantirilgan tushuntirish berish hamda oʻz nuqtai nazarini bayon etishini soʻrab Oliy taʼlim, fan va innovatsiyalar vaziri hamda Bosh prokurorga “Deputat soʻrovi” yubordi.

🔗 Kun mavzusi

OʻzLiDeP deputati Energetika vazirligi va Kadastr agentligiga “Deputat soʻrovi” yubordi

⚡️ Soʻnggi kunlarda Toshkent shahrida oʻrnatilgan elektromobillarni quvvatlash stansiyalarini elektrdan uzib qoʻyish hamda ularni quvvatlash stansiyalarini demontaj qilish bilan bogʻliq holatlar yuzasidan tarqalayotgan xabarlar keng muhokamalarga sabab boʻlmoqda.

✅ Shu yilning 10 oyi davomida mamlakatimizga 20 mingdan ortiq elektromobillar import qilingan hamda elektromobillar ishlab chiqarish yoʻlga qoʻyildi. Odam qadami yetgan koʻplab joylarda tadbirkorlar tomonidan elektromobillarni quvvatlash stansiyalari oʻrnatildi, odamlarimiz bu xizmatdan foydalanib kelishmoqda.

🔴 Ammo shunday xalqqa xizmat qilinayotgan bir paytda Toshkent shahrida oʻrnatilgan, xususan subabonent sifatida elektr tarmoqlariga ulangan va elektrdan qarzdorligi mavjud boʻlmagan elektromobillarni quvvatlash stansiyalarini elektrdan uzib qoʻyilmoqda. Bu yesa tadbirkorlarning eʼtirozlarga sabab boʻlmoqda.

✅ Qonunchilik palatasi deputati Nuriddin Sultonov Energetika vazirligi va Kadastr agentligiga yuqoridagi holatlarga asosli tushuntirish berish va qay darajada qonuniyligi yuzasidan munosabat bildirishlarini soʻrab, “Deputat soʻrovi” yubordi.

🔗 Kun mavzusi

“Adolat” SDP yetakchisi Robaxon Maxmudova Repost.uz oʻtkazgan “Xalq reytingi – 2024” tanlovida eng faol partiya rahbari boʻlibdi.

✅ Mazkur eʼtirof partiyamiz va uning jamoasi tomonidan olib borilayotgan ishlarning, shuningdek, xalq manfaatlarini ilgari surishda koʻrsatilayotgan kamtarona faoliyatimizning yuqori bahosi, deb hisoblaymiz”,- deydilar Robaxon Maxmudovaning oʻzlari.

💠 Biz ham kanalimiz nomidan “Adolat” sotsial-demokratik partiyasini bu yutuq bilan tabriklaymiz.

🔗 Kun mavzusi

Deputat Fargʻona fojiasi boʻyicha soʻrov yubordi

Qonunchilik palatasi deputati Javlon Abdullayev Fargʻonadagi AYOQSHda sodir boʻlgan portlash sabablari va bu kabi mudhish holatlar qaytarilmasligi boʻyicha olib borilayotgan choralar boʻyicha Vazirlar Mahkamasi huzuridagi Sanoat, radiatsiya va yadro xavfsizligi qoʻmitasiga “Deputat soʻrovi“ni yubordi.

🔗 Kun mavzusi

Kecha Oliy Majlis Qonunchilik palatasi qoʻmitalari tomonidan oʻtkazilgan davra suhbatida Ijtimoiy himoya tizimida amalga oshirilayotgan islohotlar muhokama qilinibdi.

Aytishlaricha yaqin kunlarda odamlar hayotini yengillashtiradigan yangilik – 600 ming nafar fuqaroga “ijtimoiy kartalar” tarqatilarkan.

Quloqqa yetib kegan xabarlarga koʻra, bir dona kartani ancha karomati borakan:
–metro va avtobusda tekin yuras;
–elektr va gaz toʻlovlari uchun kompensatsiya olas;
oʻqish xarajatlarini qoplash imkoniyati;
–ijtimoiy nafaqa va yordam puli kabi toʻlovlarni ham shu kartaning oʻzida qabul qivoloras).

Qonunchilik palatasi deputati Sevara Ubaydullayeva ham yigʻilishda bu haqida koʻp gapirilganini, sinov bosqichida hammasi yaxshi ishlasa, butun respublika boʻylab shunaqa kartalar joriy etilishi aytilganini taʼkidladi.

Menimcha, eng muhimi – hujjatlar yoʻqolib qolsa, qayta tiklash uchun ovora boʻlishga hojat yoʻq. Barcha maʼlumotlar bir joyda, bir kartaning oʻzida saqlanadi. Hamyonda olib yurasiz va kerak boʻlganda osongina foydalanasiz”, –S. Ubaydullayeva.

Shu loyiha hayotimizga tezroq kirib kelsa, qoplab qiyinchiliklardan xalos boʻlarmidik.

🔗 Kun mavzusi

Bu karta bilan avtobus va metroda tekinga yurish, elektr, gaz va o‘qish xarajatlari uchun kompensatsiya olish mumkin bo‘ladi. Undan tashqari, barcha nafaqa va ijtimoiy yordam pullari ham shu kartaga kelib tushadi.

Bu loyihani davlatimiz jadal sur’atlarda amalga oshirish mo‘ljallangan. Yangi yilda 600 ming insonga “ijtimoiy karta” beriladi. Dastlab, uni Toshkent shahri va Yangiyo‘l tumanida sinovdan o‘tkazishadi. Agar hammasi joyida bo‘lsa, yil oxirigacha butun mamlakatimiz bo‘ylab ishga tushiriladi.

Bugun Mehnat, sog‘liqni saqlash va ijtimoiy masalalar qo‘mitasi tomonidan o‘tkazilgan tadbirda ham shular xususida atroflicha so‘z yuritildi. Fikrimcha, bu g‘oya juda zo‘r! Endi hujjatlarni yo‘qotib qo‘yishdan yoki ularning yaroqsiz bo‘lib qolishidan qo‘rqmaymiz. Hammasi bitta kartada, hamyonimizda. Ishonamanki, bu yangilik hayotimizni yanada qulay va oson qiladi.

Shu o‘rinda, xalq vakili sifatida biz ham bu yangilikni qo‘llab-quvvatlab, hayotga tatbiq etish borasida faol ishtirok etamiz! Ishonamizki, “ijtimoiy karta” kelajakda har bir fuqaromiz uchun qulay vositaga aylanadi.

🔗 Kun mavzusi

Kuni kecha Prezidentimiz Shavkat Mirziyoyev yangi energetika quvvatlarini ishga tushirish hamda navbatdagilarini qurishga bag‘ishlangan tantanali marosimda ishtirok etib, sohani yanada rivojlantirishga qaratilgan tashabbuslarni ilgari surdi.

Xususan, kelgusi yil yakuniga qadar raqobatli savdolar orqali elektr energiyasi ulgurji bozori yaratiladi. Davlat-xususiy sheriklik taqsimlash tarmoqlariga ham joriy qilinib, ularni modernizatsiya qilish uchun 4 milliard dollar investitsiya jalb etiladi.

Shuningdek, kelgusi yilda 3,4 ming megavattli 18 ta quyosh va shamol stansiyasi, 1,8 ming megavattli saqlash tizimlari ishga tushiriladi. Natijada 2025-yilda “yashil energiya” ishlab chiqarish hajmlari 12 milliard kilovatt soatga yetadi.

Eng muhimi, xususiy tadbirkorlar bilan birga 2 mingdan ortiq kichik va mikro GESlar tashkil qilish bo‘yicha katta dastur amalga oshiriladi. Bu kabi loyihalarning ishga tushrilishi nafaqat tabiiy gaz manbalarini tejash imkonini beradi, balki atmosferaga millionlab tonna zararli chiqindilar chiqishining oldini olishga xizmat qiladi.

Mazkur loyihalar dunyoning nufuzli kompaniyalari bilan amalga oshirilayotgani xorijiy hamkorlarning mamlakatimizga qiziqishi va ishonchi ortib borayotganidan dalolat beradi. Prezidentimiz mazkur yirik loyihalar to‘g‘ridan to‘g‘ri xorijiy investitsiyalar ekaniga e’tibor qaratar ekan, “Bu bizga va olib borilayotgan islohotlarimizga bo‘lgan ishonchning yaqqol ifodasi”, — deb ta’kidladi.

Bir so‘z bilan aytganda, davlatimiz rahbari tomonidan ilgari surilgan tashabbuslar yurtimiz energetika tarixida yangi sahifa ochib, aholining farovon turmushiga xizmat qiladi.

🔗 Kun mavzusi

Konstitutsiyaviy sud mas'ullardan bir qator yo‘nalishlarda jiddiy islohotlarni talab qildi

2024-yil 6-dekabr kuni bo‘lib o‘tgan majlisda Konstitutsiyaviy sud Hukumat va mas'ullar oldiga bir qator islohotlarni jadallashtirish bo‘yicha jiddiy talablarni qo‘ydi.

Xususan:

– Konstitutsiyani o‘rganish bo‘yicha Milliy faoliyat dasturini qabul qilish, Asosiy qonunimizni o‘rganishni bolalar bog‘chasidan boshlash;
– shaxsning yozishmalar, telefon orqali so‘zlashuvlar, pochta, elektron va boshqa xabarlarini sir saqlashga bo‘lgan huquqini cheklashni, uy-joyda tintuv o‘tkazishni faqat sud qaroriga asosan amalga oshirishga oid normalarni qisqa fursatlarda Jinoyat-protsessual kodeksiga kiritish;
– shaxsning sukut saqlashga oid konstitutsiyaviy huquqlarini jinoyat prosessi va ma'muriy huquqbuzarliklar bo‘yicha ish yuritishda ta'minlash;
– vazirlik va idoralarni nizomlarini qayta ko‘rib chiqib, ularda Konstitutsiyani amalga oshirish bo‘yicha ushbu tashkilot mas'ul bo‘lgan vazifa va funksiyalarini aniqlab belgilab qo‘yish;
– kam ta'minlangan shaxslarning normativ-huquqiy hujjatlarning konstitutsiyaviyligini tekshirish bo‘yicha murojaatlarini Konstitutsiyaviy sudda ko‘rib chiqishda davlat hisobidan yuridik yordam taqdim etish;
– inson huquq va erkinliklarini cheklovchi choralarni joriy etishga qaratilgan normativ-huquqiy hujjatlar loyihalarini ishlab chiqishda konstitutsiyaviy talablarga rioya etish;
– barcha yirik qurilish ishlarida xavfsizlik kafolatlarini hamda quruvchi tashkilotlar faoliyati ustidan nazoratni kuchaytirish, renovatsiyaga oid munosabatlarni qonun darajasida tartibga solish;
– tergov va sud jarayonida vaqtincha tergov hibsxonalarida saqlanayotgan shaxslarga bayram kunlarida oziq-ovqat, kiyim-kechak kiritish, toza havoda sayr qilish, yaqin qarindoshlari va advokatlari bilan uchrashuvga ruxsat beradigan tizimni joriy etish;
– tovar va xizmatlarning erkin harakatlanishi bo‘yicha konstitutsiyaviy kafolatlarga so‘zsiz rioya etish;
– xalqaro shartnomalarning Konstitutsiyaga muvofiqligini aniqlash mexanizmlarini ochib berish;
– tergov sudyasi vakolatlarining qonuniy asoslarini yaratish choralari tezlashtirish;
– boshqa shaxslar manfaatlarida berilgan da'volar bo‘yicha davlat bojini to‘lash masalasida huquqiy bo‘shliqni bartaraf etish.

🔗 Kun mavzusi

MUTAXASSIS FIKRI:

Yaqinda Oliy Majlis quyi palatasida boʻlib oʻtgan majlislarda davlat byudjetining ijrosi, shuningdek Jinoyat kodeksiga oʻzgartirish va qoʻshimchalar kiritish haqidagi qonun loyihasi birinchi oʻqishda koʻrib chiqildi. Majlislar “Youtube” tarmogʻi orqali jonli uzatildi. Eʼtirof etish kerakki, parlamentimizga xos bunday ochiqlik ancha-muncha davlatlarda yoʻq. Xullas, gap loyihalarning mazmuni yoki ochiqlik haqida emas.

Qisqasi, ayrim OAVlar va ijtimoiy tarmoqlarda goʻyoki Davlat byudjetining ijrosi yoki yuqoridagi qonun loyihasi yuzasidan deputatlar bironta savol bermaganligi tanqid ostiga olindi.

Batafsil 👉 Oʻqish

🔗 Kun mavzusi

28 tashabbus aholi ijtimoiy himoyasi uchun

Prezident Shavkat Mirziyoyev raisligida o‘tkazilgan videoselektor yig‘ilishida ijtimoiy himoya sohasida amalga oshirilgan ishlar va 2025-yildagi ustuvor vazifalar muhokama qilindi.

Davlat rahbarining ushbu masalaga alohida e’tibor qaratayotgani bejiz emas. Chunki kuchli ijtimoiy siyosat O‘zbekistonning o‘z istiqlol va taraqqiyot yo‘lining asosiy tamoyillaridan biri sanaladi.

Yangi tahrirdagi Konstitutsiyamizda davlat qurilishining yangi strategik maqsadi — ijtimoiy davlat qurish ekanligi belgilab berilgani, ijtimoiy adolat va birdamlik prinsiplari joriy etilib, inson huquq va erkinliklarini himoya qilishning mutlaqo yangi mexanizmlarini nazarda tutuvchi konstitutsiyaviy asoslar mustahkamlangani amalga oshirilayotgan huquqiy islohotlarning amaliy ifodasi, desak yanglishmaymiz.

Prezidentimiz yig‘ilishda bu yil ijtimoiy himoya bo‘yicha qilingan 34 ta muhim yangilikka qo‘shimcha 28 ta yangi tashabbusni ilgari surdi. Bular shunday hayotiy va xalqchilki, barchasi insonlarning farovon hayoti kechirishi uchun qaratilgandir. Ya’ni aholi ijtimoiy himoyasi yanada mustahkamlanadi, ushbu masala davlatning doimiy e’tiborida bo‘ladi deganidir. Ayniqsa, mamlakatimiz aholisini kambag‘allikdan chiqarish borasida belgilab berilgan vazifalar e’tiborga molik.

O‘z navbatida, biz, deputatlar ushbu tashabbuslarning hayotimizda izchil va samarali tatbiq etilishi, adolat ta’minlanishi uchun mas’ul bo‘lgan holda, tegishli vazirlik va idoralar bilan hamkorlikda faol bo‘lib ishlashimiz zarur, deb hisoblayman.

🔗 Kun mavzusi

Ijtimoiy himoya har bir insonni e’zozlashdir

Ijtimoiy himoya, avvalo, insonni himoyalashdir. Keyingi yillarda bu bo‘yicha yangi tizim yaratildi, manzilli qo‘llab-quvvatlash mahalla, xonadon darajasiga tushirildi.

Davlatimiz rahbari raisligida bo‘lib o‘tgan ijtimoiy himoya cohasidagi ishlar natijadorligi va 2025-yil uchun ustuvor vazifalar muhokamasiga bag‘ishlangan yig‘ilishda bu borada olib borilayotgan ishlarning har biri raqamlar bilan keltirib o‘tildi.

Prezidentimiz bu yil ijtimoiy himoya bo‘yicha qilingan 34 ta muhim yangilikka qo‘shimcha 28 ta yangi tashabbusni ilgari surdi. Jumladan, kelgusi yilda 1 million 200 ming aholini kambag‘allikdan chiqarish uchun ta’lim, to‘garak, kasb-hunar, tibbiyot masalalarini hal qilish va yashash sharoitini yaxshilash zarurligi ta’kidlandi. Masalan, Toyloq va Kosonsoyda “Ilk rivojlanish markazlari” ochilib, kambag‘al oiladagi va nogironligi bo‘lgan 4 ming 200 nafar bolaga bog‘cha ta’limi berilmoqda.

Davlatimiz rahbari viloyat hokimlariga o‘zidagi har bir tumanda bittadan shunday tajribani tashkil qilishni topshirdi. Yangi yildan oilaviy bog‘cha o‘rinlarini 15 foiziga kambag‘al oila farzandlari qabul qilinishi va bog‘cha to‘lovi qisman qoplab berilishi belgilandi.

O‘zbekiston Xalq demokratik partiyasi fraksiyasi ijtimoiy himoya yo‘nalishidagi islohotlarni to‘liq qo‘llab-quvvatlaydi. Shu bilan birga, bu borada belgilangan vazifalar bo‘yicha parlament va deputatlik nazoratini kuchaytirishga alohida e’tibor qaratadi.
Insonni ulug‘lash va e’zozlash yo‘lidagi vazifalarni bajarishda barchamiz faol bo‘lishimiz zarur.

🔗 Kun mavzusi

Bugun Prezidentimiz raisligida ijtimoiy himoya sohasidagi ishlar natijadorligi va 2025-yil uchun ustuvor vazifalar muhokamasiga bag‘ishlangan yig‘ilishda sohadagi ishlarni yangi bosqichga olib chiqishga qaratilgan 28 ta mutlaqo yangi tashabbus ilgari surildi.

E’tiborlisi, mazkur tashabbuslar siyosiy partiyalarning saylovoldi dasturlari bilan hamohangdir.

Endilikda, kambag‘al oila farzandlarini chet tili, IT va kasb-hunarga o‘qitish uchun qo‘shimcha imkoniyatlar yaratiladi. Shu bilan birga, 2025-yilda muhtoj odamlarning jarrohlik amaliyoti uchun Tibbiy sug‘urta jamg‘armasiga qo‘shimcha 185 milliard so‘m ajratiladi. “Ijtimoiy daftarlar” mablag‘i faqat kambag‘al oilalarning yashash sharoitini yaxshilash, tibbiyot, ta’lim xizmatlarini ko‘rsatish va daromadini oshirishga sarflanadi.

🔗 Kun mavzusi

⚡️Yagona ijtimoiy karta joriy etilishi e’lon qilindi

Hozirgi kunda 65 turdagi ijtimoiy xizmat va yordam olish uchun fuqarolarimiz tug‘ilganlik, nogironlik to‘g‘risida, pensiya, talabalik guvohnomasi, bank kartasi kabi 10 dan ortiq hujjatni ko‘tarib yurishga majbur.

Bunday ovoragarchilikka chek qo‘yish vaqti kelganini ta’kidlab, Prezident barcha hujjatlarni o‘rnini bosadigan bitta – ijtimoiy karta joriy etilishini e’lon qildi.

Ijtimoiy karta bilan avtobus va metroda bepul yurish, elektr, gaz va o‘qish xarajatiga kompensatsiya olish mumkin bo‘ladi, nafaqa va yordam pullari ham shu kartaga tushadi.

🔗 Kun mavzusi

✅ Oʻzbekistonning Orxus konvensiyasiga qoʻshilishi haqidagi qonun loyihasi qabul qilindi

Oliy Majlis Qonunchilik palatasining navbatdagi majlisida “Atrof-muhit bilan bog‘liq bo‘lgan masalalar bo‘yicha qarorlar qabul qilish jarayonida jamoatchilikning axborot olish imkoniyati, ishtiroki va odil sudlovga erishish imkoniyati to‘g‘risidagi konvensiyaga (Orxus, 1998-yil 25-iyun) O‘zbekiston Respublikasining qo‘shilishi haqida”gi qonun loyihasi birinchi oʻqishda konseptual jihatdan koʻrib chiqildi va qabul qilindi.

🔗 Kun mavzusi

Oliy Majlis Qonunchilik palatasining majlisida deputatlar tomonidan kredit sohasidagi munosabatlarni yanada takomillashtirishga qaratilgan qonun loyihasi birinchi o‘qishda konseptual jihatdan ko‘rib chiqilmoqda.

Ushbu qonun loyihasi bilan jismoniy shaxs o‘zining ishtirokisiz yoki xabarisiz kredit bitimini rasmiylashtirish bilan bog‘liq firibgarliklarning oldini olish maqsadida kredit byurosiga ariza kiritish orqali u bilan kredit bitimini tuzishni taqiqlashi mumkin bo‘ladi.

➡️ Majlisda deputatlar tomonidan mazkur qonun loyihasining qabul qilinishi firibgarlik yo‘li bilan fuqarolarning xabarisiz kreditlarni ularning nomiga rasmiylashtirish va mazkur kreditlarni o‘zlashtirish holatlarining oldini olishga, shuningdek, kredit byurolari faoliyatini tartibga solishni takomillashtirishga xizmat qilishi qayd etildi.

➡️ Qonun loyihasi deputatlar birinchi o‘qishda qabul qilindi.

🔗 Kun mavzusi