#биласизми?
Саййид Бурҳониддин хожа қабрлари қаерда?

Косонсой сойи ўнг қирғоғидаги Хонақоҳ қабристонида дафн этилган Саййид Жалолиддин
Косоний кўҳна Косоннинг энг нуфузли саййидларидан бири, фақиҳ олим эди.
Саид Жалолиддин Наманган, Ахсикат ва Косон мадрасаларида мударрислик қилган. У Ахсикат ва Косон ҳукмдорлари ҳузурида катта мавқега эга бўлиб, мамлакатнинг сиёсий ҳаётида муҳим ўрин тутган. Махдуми Аъзам шу зотнинг фарзандидир.
Саййид Жалолиддин Косонийнинг боболари Саййид Бурҳониддин хожа ҳам ўз даврининг етук олимларидан бири бўлган. У кишининг қабрлари Косонсойдаги Сандақа (Сандиқли) мозорда. Нега бу қабристон Сандақа деб аталади?
Ривоят қилишларича, Саййид Бурҳониддин хожа вафотларидан бир қанча муддат ўтиб, Косоннинг нуфузли уламоларидан бирининг тушларига кирибдилар.Ул зот: "Мени зудлик билан бу жойдан кўчиринглар", дер эканлар. Тонгда бир қанча уламолар машварат қилиб, Саййид Бурҳониддин хожа қабрларини очиб, жасадларини сандиққа солиб, бошқа жойга дафн қиладилар. Эртаси куни сой қирғоғидаги баланд жарликда жойлашган Саййид Бурҳониддин хожа дастлаб дафн этилган қабристоннинг бир қисми қулаб тушади. Бекорга Саййид Бурҳониддин хожа уламо тушларига кирмаган эканлар.
Яна бир гап, айримлар Махдуми Аъзам аждодлари Саййид Бурҳониддин хожа ва Саййид Бурҳониддин Қилични баъзан адаштириб юборишади. Саййид Бурҳониддин Қилич Махдуми Аъзамнинг 11
асрларда яшаган бобокалонлари, Фарғона ҳукмдорларидан биридир. У кишининг қабрлари Ўзганда.
Саййид Бурҳониддин Қилич тўғрисида икки қадимий манба мавжуд: 800йилча илгари Имом Насафий томонидан ёзилган" Қандия"( Ал-қанд фи таърихи Самарқанд) китоби ва 16асрда ёзилган "Жоме ул-мақомот" (Махдуми Аъзам тарихи) асарларидир.

Муҳаммадхон Акрамов