"Пахтакор" Элит чемпионлар лигаси 7-туридан кейин 4 дуранг ва 3 мағлубият қайд этган бўлса-да, ҳамон плей-оффга чиқиш учун назарий имкониятни сақлаб турибди.

Ғарб минтақасида 5 та жамоа кейинги босқич масаласини ҳал қилиб бўлди. Қолган 3 та ўрин учун 6 та жамоа курашади. "Пахтакор" айни пайтда 10-ўринни эгаллаб турибди. Жамоа кейинги босқичга чиқиши учун кучли саккизликка кириши керак. Бунинг учун:

1) "Пахтакор" сўнгги турда ўз уйида Қатарнинг "Ас-Садд" клубини мағлуб этиши керак (очколари 7 тага етади);

2) 6 очкоси бор "Истиқлол" ва "Персеполис" 8-турда ғалаба қозонмаслиги керак (дуранг ўйнаса ҳам бўлади — уларнинг тўплар фарқи яхши эмас).

ёки

Эрон клубларидан бири 8-турда ғалаба қозонса, 7 очкоси бор "Ал-Ғарафа" сўнгги турда Саудиянинг "Ал-Аҳли" клубига ютқазиши керак (Қатар клубининг тўплар фарқи жуда ёмон).

Ғарб минтақа. 8-тур ўйинлари

"Пахтакор" - "Ас-Садд"
"Персеполис" - "Ан-Наср"
"Ал-Аҳли" - "Ал-Ғарафа"
"Ар-Райян" - "Истиқлол"
"Аш-Шорта" - "Ал-Айн"
"Ал-Васл" - "Ал-Ҳилол"

👉⚽️@futbol_qoidalar