Micro Бизнес Блог

Самарали молиячи ва каасовый узилишлар: тадбиркорлар учун зарурий билимлар.

Ҳар бир тадбиркорнинг энг катта қўрқуви нима?
Кассовый разрыв. У ҳеч қачон огоҳлантириб келмайди ва бизнесни қийин аҳволга солади. Лекин яхши молиячи бу муаммони ҳали юзага чиқишидан олдиноқ пайқашга қодир.
Ва, ростини айтганда, бу кўникма сизинг бизнесингизни инқироздан қутқариши мумкин.

Кассовый узилиш: стресс ва синов
Кассовый узилиш — бу фақат муваққат молиявий муаммо эмас. Бу ҳақиқий синов, асаблар учун қийинчилик. Ўйлаб кўринг: пул тугаяпти, лекин муаммони ҳал қилишга ёрдам берадиган мутахассиснинг хизмат ҳақини тўлашга хам имкони йўқ.

Қўрқинчлими? Ҳа, бундай ҳолат ҳам бўлади.
Аммо бу фақат муаммонинг бошланиши. Агар ўз вақтида чора кўрилмаса, бу кассовий узилиш "сурункали пул етишмовчилик"ка айланиши мумкин. Унинг оқибатлари эса анча оғир.

Хроник етишмовчилик: бизнеснинг яширин хавфи
Хроник етишмовчилик нима?
Бу фақат ҳисобда пул йўқлиги эмас. Бу тадбиркорнинг бизнесини ичидан, сезилмасдан емириб борадиган жиддий муаммо.

Бу қандай намоён бўлади?
Янги мижозлардан олинган олдинги тўловлар ўтган қарзларни ёпиш учун сарфланади. Бу туганмас-битмас ҳалқа, ундан чиқиш жуда қийин.
Ҳар қандай кечиккан сотув катастрофага айланади.

Бундай ҳолатда ишонч қоладими?
Ходимлар ишончни йўқотади, энг яхши кадрлар биринчилардан бўлиб кетиб қолади.
Ваҳоланки, даромад харажатларни қопламаса, бизнес охир-оқибат банкрот бўлади.

Минг афсус, бу жуда кўп тадбиркорларнинг ҳақиқати.
Молиячи: оддий мутахассис эмас, стратег
Ёмон молиячи фақат ҳисоб-китоблар билан ишлайди. Яхшиси эса сизинг бизнесингизнинг эртасини кўра оладиган мутахассис. Бу қандайдир сеҳрга ўхшаса ҳам, аслида бу аниқ ҳисоблаш ва билимлардир.

У нима қилади?
Қаерга инвестиция қилиш кераклигини кўрсатиб беради, бизнесингизни барқарор ҳолда ушлаб туради.
Харажатларни режалаштириб, уларнинг кассовий узилишга олиб келмаслигини таъминлайди.
Олдиндан айтади: "Мана бу кенгайиш режасига ресурсларсиз йўлга чиқса, компания касодга учрайди."

Яхши молиячи — бу нафақат маслаҳатчи, балки бизнесингизнинг муҳим бўлагидир.

Уч ҳисобот: бизнеснинг асоси
Сизнинг бизнесингиз учта асосий ҳисоботга таянган ҳолда ишлайди. Баланс, даромад ва харажатлар ҳисоботи, ҳамда пул маблағлари ҳаракати ҳисоботи — мана сиз учун энг муҳим ҳужжатлар.
Аммо уларнинг бўлиши етарли эмас. Уларни стратегик инструментга айлантира оладиган мутахассис керак.

Шундай молиячи керакки, у фақат ҳозирги ҳолатни тушунтириб бермасин, балки бир ёки икки йиллик прогнозларни ҳам аниқ режалаштирсин.
Ёдингизда бўлсин: келажакни режалаштиришга қодир бўлмаган молиячи шунчаки Excel операторидир.

Олдини олиш: молиячининг асосий вазифаси
Ҳақиқий молиячи "тешикларни ёпиш" билан чекланмайди. Унинг вазифаси — муаммолар пайдо бўлишининг олдини олиш. У сизга ёрқин ва аниқ йўл кўрсатади, қандай қарорлар самарали бўлишини ва қайсилари хавф туғдиришини айтади.

Ўйлаб кўринг: сиз доимий муаммолар ичида ишлашда давом этмоқчимисиз? Ёки бизнесингизни тизимга айлантириш учун ҳақиқий профессионалга ишонишга тайёрмисиз? Ахир, малакали молиячи фақат шерик эмас. У сизга келажакни барпо этишда йўлдош бўлади.
Қарор қабул қилиш пайти келди: келажакка тайёрмисиз?
------------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

Молиявий модель ва у ҳақидаги афсоналар.

Ушбу "сеҳрли жадвал"қуидаги барча саволларга жавоб беради: қанча фойда кўриш мумкин, қаерда харажатларни қисқартириш керак, қандай қилиб даромадни ошириш мумкин, дейишади.
Жозибалик туюладими? Аммо ҳақиқат ўйлаганимиздан анча мураккаб. Ҳақиқий манзарани, реалликни кўришга тайёрмисиз?

Ҳамма нарса шунчалик осонми?
Кўпинча бундай "моделлар" молия мутахассислари эмас, балки Excel формулаларини яхши биладиган IT-мутахассислар томонидан яратилади. Улар маълумотларни қаердан олишади? Бизнес эгаларининг тахминларидан, бухгалтерия ҳужжатларидан ёки “қўлда бор” рақамлардан. Барчаси жуда "ишончли" кўринади, тўғрими? Аммо бу айсбергни юқори, кўринаётган томони. Аслида эса буни, пойдевори мустахкам иморат эмас, балки ёмғирга дош бера олмайдиган қумдан ясалган макетга ухшатиш мумкин.

Нега тадбиркорлар бундай ишончсиз ёндашувни танлашади? Балки мураккабликдан қўрқишлари, балки оддий одатдир, бу мен учун хам халигача "қизиқ" савол.
Аммо бизнесда бундай ёндашув – жуда хавфли ўйин, натижаси эса кўпинча муаммоли бўлади.

Муаммолар кўп, аммо улар кўзга ташланмайди
Келинг, кичик бизнесга назар ташлайлик. Бизнес эгаси пул қаерга сарфланишини биладими? Ростини айтганда, кўпчилик билмайди. Нақд пуллар, карталар орқали ўтказмалар, тасодифий харажатлар – барчаси тўлиқ вазиятни яратиш имкониятини йўқотади. Бундай тартибсизликда аниқ ҳисоботни яратиш мумкинми? Жавоб аниқ: йўқ.

Таннарх чи? Кўплаб ишлаб чиқарувчи компанияларда унинг аниқ ҳисоб-китоби фантастикадек туюлади. Маълумотлар етишмайди, методикалар ҳам йўқ, вақт эса ҳар доим кам. Натижа нима? Фақат тахминлар.
Аммо аниқ рақамларсиз қандай қилиб тўғри қарор қабул қилиш мумкин?

Илюзиялар қачон йўқолади?
Ҳар қандай тартибсизлик кассаликка ўхшайди: уни сезмайсиз, токи муаммо жиддий бўлмагунча. Бир куни касса танқислиги бошланади. Ана шунда эса эски усуллар ишламаслиги маълум бўлади.
Тасодифий маълумотлар асосида молиявий модель яратишга ҳаракат қилиш – бу шунчаки катта деворга расм чизишга ўхшайди, чегаралар, худудлар аниқланмаган, масштаблар йўқ ва х.к.з.

Бундай вазият сизга хам танишми? Ахир, муаммолар тезда ҳақиқий юзини кўрсатади. Қийинчиликка дуч келганда, "гўзал" жадваллар ёрдам бермайди.
Буни, бизнесдп "рулетка" ўйнаш, деса хам бўлади.

Нега тадбиркорлар молиявий моделлаштиришни қандайдир сеҳрли восита деб ўйлашади? Excel’да "рақамларни ўйнатиб", керакли жавобларни олиш мумкинлигига ишониш – хато.
Аниқ маълумотларсиз бу модель фақат бўш ҳаво урилган шардек. У назарияда ишонарлик, аммо ҳақиқатга келганда...

Муаммони қандай ҳал қилиш мумкин?
Ҳаммасини асосдан бошланг. Бошқарув ҳисоби шунчаки "керакли" восита эмас. Бу сизга бизнесингиз ҳақиқий манзарасини кўришга ёрдам берадиган асос.
Аниқ маълумотлар йиғинг, уларни текширинг ва яхшилаб таҳлил қилинг.

Молиявий моделлаштириш – бу иллюзия эмас, бу хақиқий йўл харитаси. У сабр, интизом ва диққат талаб қилади. Тахминий маълумотлардан эмас, аниқ асосдан бошланг. Хаосни тартибга келтиринг. Ана шунда бизнесингиз нафақат барқарор, балки ҳақиқий муваффақиятга эришади.

Шундай экан, хаосни ортда қолдириб, бизнесингизни тўлиқ назорат қилишга тайёрмисиз?
---------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

📦 Нима учун омбордаги бетартиблик сизга зарар келтиради? Оцифровка билан бизнесингизни қутқаринг! 💸

Қанча маротаба товар омборда нотўғри ёки етарли миқдорда бўлмаганини кўргансиз? 🤔 Захираларнинг нотўғри ҳисоби — бу бизнес учун кутилмаган харажатларнинг асосий сабаби, ортиқча харидлар, яроқсиз ҳолга келиши ёки муҳим вақтда товар танқислиги. Лекин бунга қандай қарши туриш мумкин?

Омборни оцифровка қилиш бизнесингизни қутқариши мумкин бўлган учта асосий сабаб:
1️⃣ Ортиқча харажатларни камайтириш. Товарларнинг тизимли ҳисоби ортиқча захиралар учун маблағларни «музлатиш»дан қочишга ёрдам беради. Масалан, автоматлаштирилган система қандай товар талабга эга эканини, қайсиси эса шунчаки жой эгаллаб турганини кўрсатиб беради.

2️⃣ Танқисликлар ва йўқотишлардан ҳимоя. Омборнинг оцифровка қилиниши товарларни реал вақтда кузатиш имконини беради. Агар ҳар бир кириш ва чиқиш автоматик равишда қайд этиб борилса, йўқотишлар ёки ўғирлик хавфи камаяди.

3️⃣ Харидларни оптималлаштириш ва прогноз қилиш. Маълумотларнинг таҳлили талабни башорат қилиш ва харидларни ўз вақтида режалаштиришга ёрдам беради. Шундай қилиб, зарур товарнинг омборда йўқ бўлиши ёки сотувлар йўқотилиши хавфи бўлмайди.

Факт: статистикага кўра, омбор ҳисоб-китобини автоматлаштирган корхоналар харажатларни бир неча ойда 15-20%га қисқартирган!

Омбордаги бетартибликни эсдан чиқаринг! Оцифровка — бу нафақат маблағларни тежаш, балки барча жараёнлар назоратда эканлигига ишончдир.

📌 Ушбу постни сақлаб қўйинг ва ҳамкасбларингиз билан бўлишинг, бизнесингиз янада самарали бўлсин!
---------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Автоматизация — бу фақатгина дастур созлашдан иборат эмас.

Ҳар сафар аудит ўтказганимизда бир хил манзарага дуч келамиз: компаниялар ишни соддалаштиришга интилганлари билан. Ортиқча қадамларни олиб ташлаш, ҳаракатларни қисқартириш, кликлар сонини минималлаштириш. Ҳаммаси мантиқий туюлади. Аммо амалда нима бўлади? Кутилган самарадорлик ўрнига — тартибсизлик.

Ярим тайёр маҳсулотлар? Олиб ташланади. Ортиқча ҳужжатлар? Нимага керак. Спецификациялар? Ҳеч кимга керак эмас, деб ўйлайдилар. Ҳаммаси тизимни соддалаштириш учун. Аммо соддалаштиришнинг бундай усули йўқотишларга олиб келади: омборда манфий қолдиқлар, нотўғри ҳисобланган ишлаб чиқариш таннархи, ҳақиқий манзарани кўриш имкониятининг йўқлиги. Ҳулоса — автоматизация эмас, бош оғриқ.

Битта-иккита "клик"дан тежаб, бошқарувни йўқотиб қўйиш керак эмас албатта. Бу ҳақиқий муаммо. Автоматизациянинг мақсади — бизнес учун шаффоф маълумотлар, ишончли ҳисоботлар, пул қаерда эканлигини кўриш ва уларни қандай тақсимлашни тушуниш имкониятини яратиш.

Интерфейс қулай бўлиши мумкин, аммо бу сифат ҳисобига бўлмаслиги керак. Қайси бири муҳимроқ: чиройли тугмаларми ёки бизнесни сақлаб қолувчи реал ечимларми?

Деталларга эътибор — бу катта куч. Ҳар бир жараён, ҳар бир спецификация, тизимдаги ҳар бир ҳаракат аҳамиятли. Уларни йўқотсангиз, фақат маълумотларни эмас, балки бизнесингизга бўлган назоратни ҳам йўқотасиз. Бунга тайёрмисиз?

Ҳақиқий автоматизация — бу келажакка сармоя. У фақат рақамларни эмас, қарор қабул қилишда ёрдам берадиган кучли воситаларни тақдим этади. Ва буни англаганингизда, бизнесингиз кучли, ишончли ва муваффақиятли бўлиш учун тезроқ ҳаракат қила олади.
--------------------------------
Рақамларни ҳисобланг, бизнес билан шуғулланинг!
Telegram| Instagram | YouTube | 🌐

"Касса танқислиги"(кассовый разрыв) — бу яқинлашаётган хавф сигнали.

Бу шунчаки ишора эмас, бу анча жиддийроқ нарса. Сизнинг бизнесингиз жарлик ёқасида ва у ерда қолиб кетиши мумкинлигини билдирувчи огоҳлантириш. Бу худди юпқа муз устидан юришга ўхшайди. Тагида жарлик борлигини ўйлашни ҳам истамаган холда, бир югуришда ўтиб кетса бўладиганга ўхшайди.

“Ҳаммаси ўзи ҳал бўлади,” деб кўз юммаслик керак. Чунки, кейин нима бўладини билмайсиз? Кейинги зарбага тайёрмисиз? Сизда мавжуд бўлган ресурслар етарлими? Агар вазият шу холда қолдирилса, у янада чуқурлашиши аниқ.

Кассовый разрыв — бу қийинчилик эмас, балки имконият. Бу сизга молиявий бошқарувни яхшилаш, заиф жойларни топиш ва устунликларни мустаҳкамлаш имконини беради.
Ҳақиқатга юзланинг ва бизнесингизни қайта қуришни бошланг. Ахир, ҳар бир қийинчилик ортида катта имконият бор, тўғрими?

Пул тартибни яхши кўради. Режалаштириш, таҳлил қилиш, назорат қилиш — булар сизнинг бизнесингизни мустаҳкам сақлайдиган устунлар. Бу нафақат муаммоларни ҳал қилиш ҳақида. Бу барқарорлик, ўсиш ва келажакка ишонч ҳақида.

💡 Огоҳлантириш сигнали эшитилди дейлик. Сиз нима қиласиз? Музнинг синишини кутиб ўтирасизми ёки бошқарувни ўз қўлингизга оласизми? Бу қарор сизники. Ва айнан шу қарор бизнесингизнинг келажагини белгилайди.
-------------------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

Сизнинг бизнесингизнинг “олтин кони” қаерда яширинган?

Сизларга бир воқеани гапириб бермоқчиман. Бир текстиль компанияси ўз маҳсулотларини улгуржи харидорларга сотар эди. Бизнес яхши кетарди, гуллаб-яшнарди.
Ҳамма нарса ўз ўрнида: ишончли ҳамкорлар, барқарор буюртмалар, даромад ҳам тахминан бир хил.
Лекин эгаси бошқача йўл тутди. «Масштаблашмоқчиман! — деди. — Мижозлар базасини икки баравар оширсам, ҳаёт "ранг-баранг" бўлади! Бунинг учун чакана дўконлар очаман» деди

Албатта, биз бу ишга киришдик. Лекин мен бир нарсани биламан-ки: бундай ишни анализсиз қилиб бўлмайди.
Биз молиявий модел туздик.
Олдинги даврлар маълумотларини кўриб чиқдик, рақамларни синчиклаб ўргандик. Яхшиямки, маълумотлари бор эди. Ҳаммаси яхши кўринарди, шу рақамларга асосланиб биз чуқурроқ киришдик. Бизнесни олға судрайдиган мижозлар қайсилари эканини тушуниш учун махсус анализ ўтказдик.

💡 Ва натижа ўзини кўп куттирмади.
Ҳаммаси бор-йўғи бешта мижозга боғлиқ экан! Ҳа, атиги бештаси компания даромадининг 75–80 фоизини таъминларди. Улар эса узоқ йиллардан бери ишлаб келинаётган, ишончли, йирик ҳамкорлар экан.
Энди нима деб ўйлайсиз, у орзу қилган "чакана"да сотувчи мижозларчи? Улар нарса олса, жуда кам миқдорда оларди. Ёки, бир сафардан кейин, умуман қайтмасликлари ҳам мумкин.
Улар билан ишлаш учун миллионта акция, чегирма ва махсус таклифлар керак эди. Буни қаранг-ки, шу “чаканада катта пул бор орзу”си бир афсона бўлиб чиқди.

Биз унга очиқ-ойдин айтдик: «Ҳозирча янги мижозлар ҳақида ўйламасангиз ҳам бўлади. Бу вақт ва ресурснинг исрофи. Энг катта бешта ҳамкорингиз билан учрашинг, уларга яхшироқ шартлар таклиф қилинг. Улар буюртмаларни 10 фоизга оширишса, компания даромади автоматик равишда ошиб кетади».

Ва нима деб ўйлайсиз? У бизни гапга кирди.
Натижа юқори бўлди! Даромадлар кўтарилди, асосий мижозлар хурсанд бўлишди. Компания эгаси эса ортиқча бозорларни қувишдан тўхтаб, ўзининг “олтин кон”ини топганини тушунди.

Бу пост орқалик мен нима демоқчиман? Агар қўлингизда аввалги давр учун маълумотлар бўлса, анализ — бу КУЧ. Қайси мижоз даромад келтираётганини билиш ва улар билан самарали ишлаш — энг муҳим капиталингиздир. Бошқа нарсалар (айнан бу мисолдаги компанияда) — шунчаки бекорчи сарф-харажат.
-----------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

🚀 Ҳисоб-китобдаги хатолардан чарчадингизми? Бизнесингизни оцифровка қилиш — барқарорлик ва ўсишга йўл! 📈

Ҳисоб-китобдаги хатолар бизнесингизга нафақат маблағ, балки обрўга ҳам таъсир қилиши мумкин. Агар рақамлар тўғри келмаса, жараён секинлашади ва муаммолар ортиб боради — бу нафақат фойдани, балки назоратни ҳам йўқотишингизга олиб келади. Аммо бунга ечим бор!

Ҳисоб ва назорат хатолардан қандай сақлайди?
1️⃣ Ҳисобни автоматлаштириш хатолар хавфини камайтиради. Узундан узун таблицалар ва қўлда ёзувлар ўрнига ҳар бир операцияни қайд этадиган қулай тизим. Бу дегани: инсон фактори билан боғлиқ хатолар камаяди, демак, йўқотишлар ҳам камаяди.

2️⃣ Омбор ва захиралар устида назорат. Кўпинча, ҳисоб-китоб йўқлиги туфайли товарлар йўқолади, яроқсиз бўлиб қолади ёки керакли вақтда тугаб қолади. Омборни оцифровка қилиш захираларни реал вақтда кўриш, ортиқча харажатларни қисқартириш ва керакли маҳсулотларни ўз вақтида тўлдириш имконини беради.

3️⃣ Очиқлик ва ҳисоботлар. Автоматлаштирилган тизимлар молия ва омбор бўйича батафсил ҳисоботлар тақдим этади, бу эса маблағлар ва товарларнинг ҳаракатини кузатишга, харажатларни назорат қилишга ва асосли қарорлар қабул қилишга ёрдам беради.

Факт: автоматлаштирилган ҳисоб-китоб тизимларини жорий қилган компаниялар биринчи ойларданёқ хатолар ва ортиқча харажатларини 15–20%га қисқартирди!

Бизнесингизни оцифровка қилиш — бу нафақат тренд, балки ишончли асосни мустаҳкамлаш ва хатоларни олдини олиш йўлидир.

📌 Ушбу постни сақлаб қўйинг ва бизнесини яхшилаш йўлини излаётганлар билан бўлишинг!
-----------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

🥊 Нега кичик буюртмалар тўқимачилик фабрикаси учун зарарли?

Бугун сизга тўқимачилик ишлаб чиқариши билан боғлиқ бир воқеани айтиб бераман. Ҳолатни оддий дейиш мумкинки, аммо натижалари катта ўйга солади.
(Диққат! Қуйида келтирилган рақамлар тахминий ва реал ҳолатда улар фарқланииши хақида таъкидлайман, аммо буни деб умумий тамойил ўзгармаслигини айтиб ўтаман.)

Тасаввур қилинг: тўқимачилик фабрикаси ривожланишни давом эттирмоқда. Улар учта ишлаб чиқариш линиясини йўлга қўйган, тўртинчисини очишни режалаштиришган ва ҳатто экспортга чиқиш ҳақида фикр юритишяпти.
Аммо охирги йилларда рақобат кучайиб кетди. Майда ишлаб чиқарувчилар паст нархлар таклиф қиляпти, автоматлаштирилган катта компаниялар эса энг катта шартномаларни олиб қўяпти.
Натижада, бизнинг фабрикамиз мижозларини йўқота бошлади, харажатлар эса сезиларли даражада оша бошлади.

Биз жамоа билан бу муаммонинг илдизини топиш учун чуқурроқ таҳлил ўтказдик.
1️⃣ Фабрика буюртмалари қуйидагича тақсимланган эди:
30% — 500 метргача бўлган кичик буюртмалар.
50% — 500–1000 метр орасидаги ўртача буюртмалар.
20% — 1000 метрдан ортиқ бўлган катта шартномалар.

2️⃣ Ҳар бир партия учун ишлаб чиқариш харажатлари қуйидагича кўринди:
Линияни ишга тушириш бўйича доимий харажатлар (электр энергияси, ускуналарга хизмат кўрсатиш) — ҳар бир партия учун 50 000 сўм.
Хомашё ва ишчи кучи бўйича ўзгарувчан харажатлар — ҳар бир метр учун 1 000 сўм.

Энди диққат! Кичик буюртмаларда (500 метргача):
Ўртача даромад тахминан 600 000 сўм эди (метри 1200 сўм бўлган ҳолда).
Аммо доимий харажатлар (50 000 сўм) ва ўзгарувчан харажатлар (500 000 сўм) ҳисобга олинганда, соф фойда атиги 50 000 сўм бўлади. Бу эса ҳатто ижара ёки ускуналар амортизациясини қопламайди.

Ўртача буюртмаларда (500–1000 метр):
Даромад 1 200 000 сўм гача ошади (метри 1200 сўм бўлган ҳолда).
Харажатлар — 50 000 сўм (доимий) + 1 000 000 сўм (ўзгарувчан), соф фойда 150 000 сўм бўлади.

Катта буюртмалар (1000 метрдан ортиқ) эса ҳақиқий даромад келтиради:
Даромад 1 500 000 сўм ва ундан ортиқ.
Харажатлар — 50 000 сўм + 1 000 000 сўм, соф фойда 450 000 сўм бўлади.

😱 Энг қизиғи шундаки, "қўшимча даромад" деб ўйланган кичик буюртмалар аслида фабрика ресурсларини йўқ қилиб, зарар келтираётган экан. Улар ижара, офис ходимларининг маошлари ва логистика харажатларини ҳам қопламайди.
Ечим:
Сиёсат қайта кўриб чиқилди: фабрика 600 метрдан кам бўлган буюртмаларни қабул қилишни тўхтатди.
Кичик партияли мижозларга буюртмаларни дистрибьюторлар орқали бирлаштириш таклиф қилинди.

Ҳар бир буюртманинг маржиналлигини ошириш учун нарх-наво қайта кўриб чиқилди.

🧳 Натижа?
3 ой ичида:
Зарар келтираётган буюртмалар улуши 30% дан 5% гача тушди.
Фабрика тушуми 42% га, соф фойда эса 60% га ошди.

Хулоса: қўринишда зарарсиз бўлиб туюлган кичик партиялар бизнесингизга жиддий молиявий йўқотишлар келтириши мумкин. Фақат ҳар бир партия ҳақиқий фойда келтирса, буюртмани қабул қилишга арзийди. Акс ҳолда, фабрика "зарарга ишлаш" хавфига дуч келади.
-----------------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐