Butun edim,
Parchalandim mehr tilab,
Nafrat oqdi koʻzlarimdan –
Koʻzgu sindi.
Ishonchimni sochib keldim yoʻllaringga,
Endi toshman, savolsizman sening kabi.

Eng qiyini koʻzyoshimni ichish edi,
Bugun ichim dengiz boʻldi sening kabi
Qora kiydim – dimogʻimni kuydirmoqda
Xotiramdan kelayotgan yongʻin hidi…

Butun edim, butun dedim seni ham,
lek
Har koʻzguda jilvalangan sinov boʻlding.
Koʻzingdagi tabassumni oldim faqat,
Evaziga sochlarimga qirov boʻlding.

Togʻ edingmi, bogʻ edingmi,
anglolmadim,
Ulgurmadim hayratimni sovutgani.
Bilganim shu – ichi kuyuk burgut eding!
Ketganim shu – pastga qulab tushma, dedim.

@FeruzaXayrullayeva