Doctor Muxtorov

Tibbiy turizm haqida "bir shingil"

Tibbiy turizm - biror davlatga davolanishga ehtiyoji bor chet ellik odamlar oqimini hosil qilish. Albatta O'zbekiston Markaziy Osiyoning "tibbiy markazi" sifatida bunday salohiyatga ega.

Odamlarni asosan ikki omil o'ziga jalb qiladi. Bu ham bo'lsa xizmat sifati va uning arzonligi.

Bizda tibbiy xizmatlar qo'shni respublikalarga solishtirganda ancha arzon. Lekin xizmat sifatichi? Xizmat sifati ham qolishmaydi. Lekin uni hozirgidan ham yaxshiroq holatga keltirish mumkin. Qanday deysizmi? Albatta, shifokorning barcha ehtiyojlarini to'liq qondirishga yetib, ortib ham qoladigan darajada haq to'lash orqali bunga erishish mumkin. Shifokor ehtijojlaridan ortib qolgan pulni nima qiladi? O'zining mutaxassisligi bo'yicha yangi kitoblar sotib oladi, chet ellarda malaka oshirish kurslarini o'tab keladi. Pul dardidan xoli bo'lgan shifokor o'z ustida ishlashni boshlaydi. Shifokor o'z ustida ishlashni boshladi degani bu xizmat sifati oshdi degani. Qarabsizki, "tibbiy turist"lar oqimi yana ham ko'payadi. Bu oddiygina formula. Mamlakatning dunyo tibbiyotidagi mavqeyi ham sifatli mutaxassislar orqali belgilanadi.

Tibbiyotimiz tibbiy turizm orqali yiliga bir necha o'n millionlab(dollarda) mablag' ishlab topishi mumkin. Buning uchun esa to'g'ri taktika va sifatli kadrlar kerak.

Kanalga ulanish:👉@Dr_Muxtorov

Kitob o‘qish umrni uzaytiradimi?

Kitob oʻqish aqliy salohiyatimizni kuchaytirib, tasavvurimizni boyitishini hammamiz bilamiz. Bu maroqli mashgʻulot salomatlikka ham ijobiy taʼsir etadi.

AQShning Yel universiteti olimlari mutolaa va inson umri davomiyligi bogʻliqligi boʻyicha tadqiqot oʻtkazdi. 12 yil davom etgan ushbu ilmiy-tekshirish ishida uch ming olti yuzga yaqin keksa yoshdagi erkak va ayollar qatnashdi. Ular orasida ashaddiy kitobsevarlar ham, kitobni qoʻliga faqat uy yigʻishtirganda oladiganlar ham bor edi.

Aniqlanishicha, mutolaani sevadigan va bu ish bilan muntazam shugʻullanadiganlar boshqalarga nisbatan 2 yil koʻproq umr koʻrar ekan. Haftasiga 3,5 soatini va undan koʻproq vaqtini oʻqishga sarflaydigan keksalarda oʻlim xavfi yaqin 12 yilda boshqa qariyalarga nisbatan 20 foizga kam boʻladi.

“Kuniga atigi yarim soat mutola qilish umringiz uzoq boʻlishiga katta taʼsir koʻrsatadi”,

deydi tadqiqot mualliflaridan biri Bekka Levi.

Qiziq tomoni, “kitob terapiyasi” daromadi, kasb-kori, oilaviy ahvoli, irqi va hayoti farovonligidan qatʼi nazar barchaga birdek foydalidir. Biroq tadqiqotchilar aynan kitob mutolaasiga urgʻu berishyapti. Gazeta va jurnal oʻqish u qadar samarali emas.

Mutolaa asabiylashishni kamaytiruvchi eng oʻngʻay usullardan biri. U kundalik tashvishlardan uzilish imkonini ham beradi. Oʻqish miya uzoq vaqt yosh boʻlib qolishiga sabab boʻladi, miyadagi asab tizimi aloqalarini kuchaytirib, aqliy salohiyatni orttiradi. Qarilik va Alsgeymer xastaligini (xotirani yoʻqotish) ortga suradi. Bundan tashqari, mutolaa siqilishni yengishda qoʻl keladi, muomala-munosabat qobiliyati rivojlanishiga, ijodiy imkoniyatlar kengayishiga ijobiy taʼsir koʻrsatadi.

Kitob oʻqishning yuqorida sanalgan foydalari olimlarga koʻpdan ayon edi. Yel universiteti mutaxassislari uning boshqa bir muhim qirrasi – uzoq umr koʻrishga sabab boʻlishini aniqladi. Toʻgʻri, uzoq yashash juda koʻp omillarga bogʻliq. Lekin inson oʻziga berilgan umrni mazmunli, arzirli tarzda oʻtkazishi ham kerak. Bu borada mutolaa eng yaxshi koʻmakchidir.

Manba

Kanalga ulanish:👉@Dr_Muxtorov

Toshmat tajang nima deydi?

Mahallamiz "darakchisi" Toshmat tajangning aytishicha, azim Qo'qonda faylasuf va sehrgar "tabib" paydo bo'lgan emish. Tajangning aytishicha unda biotok bor emish, odamga qoramaldog'i bilan tegsa kifoya ekan. Nogironlar yurishni, so'qirlar esa ko'rishni boshlar ekan. Bilasiz bizda mish-mish yorug'lik tezligidan ham chaqqonroq tarqaladi. Bu borada tajangga o'xshaganlarning xizmati beqiyos.

Tom ma'nodagi mish-mishlardan keyin "tabib"ning uyi oldi tumonat odamga to'lishi tabiiy bir holdek. Najot ilinjida yurganlarni "boshini aylantirish", muammosiz odamni aldashdan ancha oson aslida. Bu sodda insonlar afsona va miflar qurboni edi. Agar vaqtida barham berilmaganda, kuni kelib "Otarchilikdan tabiblikka qadar" nomli kitoblar chiqsa ham ajablanmas edim.

Umringning o'n yilini tibbiyotning bir sohasini o'rganishga sarflasangu, lekin ba'zi odamlar senga ishonmasdan uchar tabiblar oldiga yugursa, dardingni kimga aytasan. Odamlarimiz rosa ishonuvchan, tajangga o'xshaganlar ko'tarib yurgan gaplarni rost deb ishonib ketaverishadi. Tekshirib ko'rish xayollariga ham kelmasa kerak. Bunday holatlarda bizda yagona najot, tibbiy madaniyatni ilm orqali sug'orishdir. Shundagina odamlarimiz(tajangga o'xshaganlar ham) bulbuli go'yo bilib sayraydigan lo'ttivozlarga emas, balki sohaning haqiqiy mutaxassislariga ishonishni boshlashadi.

Kanalga ulanish:👉@Dr_Muxtorov

Bugun bir holat guvohi bo'ldim. Hindistonlik talabalar jamoat transportida yoshi ulug' insonlarga joy beryapti. Hindistonda qanaqa bilmadim-u, bu borada ular bizdan rang olgani aniq.

Kanalga ulanish:👉@Dr_Muxtorov