Birburchak

Demak, Tanlov!

Gʻolib 5 kishi boʻladi va har biriga “Chernobil tavallosi” kitobi sovgʻa qilinadi. 3 kishini randomdan aniqlaymiz, 2 kishini oʻzim tanlayman.

✔️Shartlar quyidagicha:
Videoning 2-minutidan 4-minutigacha boʻlgan oraliqda bir matnli savol chiqadi. Unga rasmdagidek qisqa shaklda javob yozasiz. Javobingizni aynan men koʻrsatgandek, faqat oʻzingizning izohingiz koʻrinadigan qilib qirqib shu post kommentiga tashlaysiz. Men esa sizga raqam beraman.

Izohda ortiqcha gaplar yozmang, faqat screen tashlang. Raqam berishni qiyinlashtirmang.

‼️Diqqat qiling: screenshot aynan men na’muna koʻrsatgandek boʻlishi shart. Faqat bitta sizning kommentingiz koʻrinishi kerak rasmda. Boʻlmasa qabul qilinmaydi. Shuningdek, videoga layk bosishingiz va youtube kanalga a’zo boʻlishingiz lozim.
Shunda shart toʻliq bajarilgan boʻladi.

🎞 Videoni oson topishingiz uchun link: https://youtu.be/sTVNcMeCFjw?si=UAZmljYs6-DPcz6Y

Tanlov shanba kuni kechki payt yakunlanadi. Hammaga omad tilayman. Tanlovdan doʻstlarni xabardor qilish esdan chiqmasin a 😇

➡️@qora_yigit

Sizlarga nasib etsa, har 10 kunda youtubega video joylayman deb va’da qilganmdim. Ana shu va’damni buzmay amalga oshirish harakatidaman. Birinchi video 10-yanvarda chiqqandi. Bugun 20-yanvar, demakki video premyerasi kuni! Rasmga nechchi? 🤣

Bu safar oʻzimga juda yoqqan “Chernobil tavallosi” asariga video tayyorladim. Videoni maza qilib tomosha qilishingiz uchun ikkita sabab aytaman. Birinchisi: sifatli, qiziqarli videodan asar haqida koʻp narsa bilib olasiz. Ikkinchisi esa ertaga shu video asosida tanlov qilinadi. Videoning qaysidir joyidan savol beriladi. Tanlovning qolgan shartlari haqida ertaga yozaman)))

Videoni zudlik bilan koʻrish uchun link: 🔽

https://youtu.be/sTVNcMeCFjw?si=3KJy-l4zmGWK00sm

Gʻoliblarga “Chernobil tavallosi” sovgʻa qilinadi.😉

➡️@qora_yigit

AKSni “Ajdar sayyorasi” kitobdan boshladim. Oʻzim uchun yaxshi kashfiyot boʻldi Alisher Fayzullayev. Telegram kanallarda bir-necha hikoyalarini oʻqigandim. Kitobdagi hikoyalar esa yana ham yuqori darajada deyish mumkin.

Katta ehtimol bilan kitobni bugunning oʻzida tugatib qoʻysam kerak. Juda qiziq…

➡️@qora_yigit

“Beparvolikning nozik san’ati” kitobini oʻqib oʻtirsam qizim Oynur yonimga keldi. “Dada, mana buniyzi yuvip quydiiim”, deydi shirincha ohangda. Qoʻlida airpods’im. Qarasam xonaning nargi burchagida 2-3 ta kitob ham “yuvilib turibdi”. Oynurning aytishicha bular rosa kir boʻlibdi. Ularni na ayasi, na men hech yuvmasmishmiz. Shuning uchun xonada turgan yarim chelak suvda ularni yuvishga qaror qilganmish)))

Nima ham derdik. Hech nima qilolmaymiz. Chunki “Beparvolikning nozik san’ati”ni oʻrganyapmiz. U kitobda aytilishicha, bunday vaziyatlarda asabiylashmaslik, kayfiyatni buzmaslik kerak ekan.

Rostdan ham, hammasi yaxshi boʻldi. Hozir barchasi yodimdan ham chiqib ketdi. Goʻyoki airpods’im hech qachon boʻlmagandek, butun umr quloqchinsiz yashagandekman. Muhimi, asab va sogʻlik joyida. Bunday metin asab va irodaga erishmoqchi boʻlsangiz “Beparvolikning nozik san’ati” kitobini oʻqib koʻrishni maslahat beraman.

Bu kitobni esa mana bu likn orqali xarid qilishingiz mumkin: asaxiy.uz/uz/product/mark-menson-beparvolikning-nozik-sanati

Rasmdagi baliqlarni ham Oynurga oʻxshagan biror mehribon bola choʻkishdan qutqarib qolganiga ishonaman 🤣

➡️@qora_yigit

AKS toʻplamining dizaynini koʻriboq boshqacha maza qilgandim. Garchi toʻplamdagi ba’zi ijodkorlarning yozganlari bilan tanish boʻlmasam-da. Men uchun oʻzbek yozarlarining bunday goʻzal shaklda, seriyali bosilishi alohida rohat beradi.

Seriyada 6 ta kitob chiqishi reja qilingan boʻlib, hozircha 3 tasi nashr etildi (ana shu uch kitob endi menda ham bor). Meni xursand qilgani esa seriyaning nashrdan chiqqan kitoblari deyarli sotib boʻlinibdi.
Tugab qolmasidan ulgurib qolishni maslahat beraman.

Hali bu kitoblarni oʻqib koʻrmaganim uchun faqat dizayni va uning sifatiga baho berolaman. Oʻta goʻzal! Nasib etsa, oʻqib chiqib, ichki sifatini ham sizlarga soʻzlab berishni niyat qildim. Mutolaani “Ajdar sayyorasi”dan boshlasam kerak.

➡️@qora_yigit

#finished

Bir odatim bor. Kitobni boshlashdan avval mundarijasiga bir koʻz yugurtirib chiqaman. Ayniqsa, hikoyalar toʻplami boʻlsa. Kimlarning, qaysi asarlari kiritilganiga qiziqaman. Koreya hikoyalar toʻplamida esa biroz shoshib qoldim. Mun Jin Yong, Kim Xe Na, Choy Jung Xva, Jong Xan A, Choy Su Chol va shunga oʻxshash 12 muallif turardi. Koʻp kitob oʻqisam-da, men ham siz kabi ularning hech birini tanimadim. Ammo kitobni oʻqib tugatgach, ichimda koreys adabiyotiga chuqur hurmat paydo boʻlganini his etdim.

Bu hurmatni paydo qilganlardan biri Kim Xe Naning “Qoramagʻiz qiz” hikoyasi. Unda yozuvchi koreys millatining kamchiliklariga, ba’zi oʻrinlarda millatchilik qilishiga, filippinlik kelinga munosabat misolida koʻzgu tutadi. Yurtidan olislarga kelin boʻlib kelgan “qoramagʻiz qiz” iztiroblariga sizni ham sherik qiladi. Muallif har qanday vaziyatda odamlarga insoniy munosabat eng muhimi ekanini tushunarli tarzda ochib beradi.

Aslida toʻplamning aksar hikoyalari ana shu insoniylikni targʻib qiluvchi, millatchilikni va urushni qoralovchi hikoyalardan tashkil topgan deyish mumkin. Yun Bo Inning “Darbadar muhabbat” hikoyasida afroamerikalik yigit va koreys qiz oʻrtasidagi muhabbat qanday qiyinchiliklarga uchragani hikoya qilinadi. Muallif tanasining rangi sabab insonlarni, ularning qalbini va sevgisini bu qadar ruhiy ezgʻilash uning tuygʻulariga qanday ta’sir qilishini chiroyli tahlil qiladi. Hamda irqchilikning naqadar yomon illat ekanini sevgi misolida koʻrsatib beradi.

Toʻplamdagi menga eng yoqqani Choy Un Yongning “Sinchao” hikoyasi boʻldi. Unda urushning inson taqdiri va tuygʻulariga koʻrsatgan ta’siri haqida hikoya qilinadi. Ushbu hikoyada Germaniyaning ruslar nazorat qilgan qismida yashovchi koreys va vetnam millatidagi oilalar hayotiga Ikkinchi jahon urushi va Vetnam urushining ta’siri ochib beriladi. Hikoyadagi tuygʻular va voqealar qorishmasi vetnam tilidagi birgina “Sinchao” soʻziga kelib tutashadi. Bu soʻz vetnamchada ham salom, ham vido ma’nosini anglatishi oʻquvchini oʻzgacha ta’sirlantiradi.

Shuningdek, toʻplamdagi “Umid” va “Toʻlin oy” hikoyalari orqali koreys xalqi naqadar bolajon ekanini ham anglash mumkin. Garchi hikoyalardagi voqeliklar fojialar bilan yakun topsa ham.

➡️@qora_yigit

Sizningcha, barmogʻingizni qimirlatib qoʻymasangiz ham barcha eng yaxshi narsalarga loyiqmisiz?

Sizdan hamma qarzdor, hech nima qilmasdan ham rohatga erishishim mumkin deb oʻylaysizmi?

Harakat qilmasdan ham boyib ketishingizga ishonasiz, birovlarga koʻmak bermasangiz ham sizni yoqtirishlari, hurmat qilishlari kerakmi?

Nimaga bunday oʻylaysiz?

Oramizda “Beparvolikning nozik san’ati”ni oʻqiganlar, bu san’atni oʻzlashtirganlar bormi?

➡️@qora_yigit

Tanlov!

🔥Bittada Shekspir, Shiller va Kamyu kitoblarini yutib olishga nima deysiz? Unda bu safargi tanlov aynan siz uchun. Gʻolib bir kishi boʻlib, uchala kitobga ham ega boʻladi.

Shartlar juda oddiy:
✅ Birburchak va Biyroncha kanallariga a'zo bo'lasiz;
✅Va shunchaki pastdagi "QATNASHAMAN" tugmasini bosasiz. G'oliblarni telegramning o'zi random orqali aniqlab beradi.
❗️E’tiborli boʻling, kanallarga a’zo boʻlmasangiz, gʻolib boʻla olmaysiz.

Natijalar 20-yanvar kuni 20:00 da e'lon qilinadi.

🔜Xabarni kitobxon tanishlaringizga ham yuborib qo'yishni unutmang. Barchaga omad tilayman!

Italiya hikoyalari desa koʻz oldimga Dino Butsatti keladi. Hikoyalaridagi mavzuga kirib borish usuli, anglatishi va tuygʻularingiz bilan oʻynashishi qandaydir oʻzgacha.

Yangi chiqqan “Italiya hikoyalari” toʻplamini oʻqishni boshlarkanman, eng birinchi mundarijasiga qaradim. Butsatti bor ekan, oʻqisak boʻladi dedim. Kitobda undan tashqari tanish yozuvchilar ham, notanishlar ham yetarlicha. Oʻqishni boshladim, tugatgach batafsilroq yana bir yozaman.

Italiyadan qaysi yozuvchilarni taniysiz? Aynan hikoyanavis yozuvchilardan-chi?

➡️@qora_yigit

Doʻkonlardagi mana shunday marketing detallarining tashkil qilinishi ham anchayin ogʻir mehnat ekan. Shaxsan oʻzim ba’zilarining tashkil etilishiga guvohman. Marketingning orqa frontini kuzatish sizga qiziq boʻlsa yoki tajriba oʻlaroq nimalarnidir oʻrganmoqchi boʻlsangiz mana bu kanalni kuzatib borishni tavsiya qilaman: ➡️ PrJasmina

Kitob yuzidagi “Qoramagʻiz qiz” nomi menga juda qiziq tuyildi. Shu hikoyani bir oʻqib koʻray-chi dedim. Hammasi shundan boshlandi. Kechadan beri oʻzimni toʻxtatolmay birini tugatib keyingi hikoyaga oʻtib ketyapman.

Kitobda yaxshi hikoyalar va mualliflar jamlangan ekan. Lekin yozuvchilarning aksarini tanimadim. Buni Koreys adabiyotining bizda koʻp nashr etilmasligi bilan bogʻliq deb oʻyladim.

Koʻproq tarjima qilib turilsa, sevib oʻqilishiga Shin Kyong Sukning “Onamni asra” romani jonli misol. Siz Koreys adabiyotidan kimlarni, qaysi asarlarni bilasiz? Izohlarda yozsangiz hammamizga bir ilm boʻlib qolardi.

➡️@qora_yigit