Ov qilish talablariga rioya qilmagan 6 nafar fuqaro jarimaga tortildi

🌳Ov qilish talablarini buzilishini oldini olish maqsadida Buxoro viloyat Ekologiya, atrof-muhitni muhofaza qilish va iqlim o’zgarishi boshqarmasi tomonidan doimiy ravishda nazorat reyd tadbirlari olib borilmoqda…

👮‍♀️Inspektorlar tomonidan olib borilgan nazorat reyd tadbirlari davomida, viloyatning cho’l hududlarida dekabr oyi davomida Ov qilish talablarini buzgan huquqbuzarlar aniqlandi.

📝Aniqlangan holatlar yuzasidan huquqbuzarlarning barchasiga O'zbekiston Respublikasi MJTkning 90-moddasiga asosan ma'muriy bayonnoma rasmiylashtirilib, 37 500 000 so'm jarima qo'llanildi.

📌Ma’lumot uchun: Ov qilish va baliq ovlash qoidalarini, shuningdek hayvonot dunyosidan foydalanishning boshqa turlarini amalga oshirish qoidalarini buzish, jinoyat alomatlari mavjud bo’lmasa, - Oʻzbekiston Respublikasi Maʼmuriy javobgarlik toʻgʻrisidagi kodeksning 90-modda bilan fuqarolarga bazaviy hisoblash miqdorining yigirma baravaridan o’ttiz baravarigacha, mansabdor shaxslarga esa — o’ttiz baravaridan qirq baravarigacha miqdorda jarima solishga sabab bo’ladi.
Ushbu huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilsa,-shu huquqbuzarlikni sodir etish quroli va ashyolarini musodara qilib, fuqarolarga bazaviy hisoblash miqdorining o’ttiz baravaridan qirq baravarigacha, mansabdor shaxslarga esa — qirq baravaridan ellik baravarigacha miqdorda jarima solishga sabab bo’ladi

Buxoro viloyati Ekologiya boshqarmasi matbuot xizmati