Bahodir Mahmud

📮 Ernest Hemengueyga 1954-yil Nobel mukofotini qabul qilishni so'rab yozilgan telegramma

✅ @BahodirMahmud

#MenOʻqiganKitob

Aytish kerakki, asar faqatgina bolalar uchun emas. Uni kattalar ham bemalol o'qisa bo'ladi.

Maktabimiz o'quvchilari bilan birgalikda tanlab o'qigan asarimiz Jyul Vernning "O'n besh yoshli kapitan" asari bo'ldi. Uni bolalar bilan birgalikda muhokama qilish uchun o'zim ham o'qib chiqdim.

Asar 1878-yil, fransuz tilida 'Un capitaine de quinze ans' nomi ostida ilk bor chop etildi. Asarning asosiy mavzusi o'sha paytlar ildiz otgan eng yirik muammolardan biri - qullikni qoralash edi. Yozuvchi shuningdek, o'smirlikdagi mardlik va jasurlik, entomologiya sohalariga ham yuzlanadi.

Asar voqealari Dik Send ismli, 15 yoshga to'lgan "Pilgrim" kit ovlovchi kemasida ishlovchi o'smir yigit atrofida quriladi. Asarni o'qir ekansiz bir-biriga zid keluvchi turfa-xil qarama-qarshiliklarga guvoh bo'lasiz.

O'quvchi sifatida bir jarayonga tan berdim: Jyul Vern umumiy bilimlari yuqori bo'lgan yozuvchi ekan. Asarda badiiylikdan tashqari boshqa sohalardagi turfa xil qiziqarli faktlarga ham guvoh bo'lasiz, yangi ilm o'rganasiz. Bunday darajada bo'lish uchun, shubhasiz, yozuvchidan katta mehnat va izlanish talab qiladi.

❔ Asarni kimlar o'qishi kerak?

Barcha ota-onalar o'n yoshdan yuqori farzandlari bilan birgalikda mutolaa qilishsa juda yaxshi ish bo'ladi.

⭐️ Asar uchun reyting: 8/10

📚 Boshqa asarlar uchun taqrizlar

✅ @BahodirMahmud

📚 Shaxsiy kutubxonaga "yangi mehmonlar" keldi.

"Orziqib kutaman ertani" kitobini oʻqiganman. Juda yaxshi detektiv asar. Kitob javonini toʻldirishga arziydi.

⚖ "Muvozanat"ni esa "Carpe Diem" bilan birga "oʻlchaymiz".

✅ @BahodirMahmud

🇺🇿 Tan olamizmi, yoʻqmi, Margʻilon doʻppi dizayn borasida ham, qulaylik borasida ham, narx borasida ham Chust doʻppidan oldinda ekan.

🇺🇿@BahodirMahmud

📍 Namangan viloyatidagi oliy o'quv yurtlari va ularning yuridik manzillari

✅ @BahodirMahmud

#Hazil #TOʻIO

...

- Ikkinchi marta ...
- Nima ikkinchi marta?
- Ikkinchi marta "Breyn ring" finalida yutqazishim.
- Toʻgʻri, sanab yuraver, keyingi olimpiadada hisob-kitob qivolasan.

...

😁😁😁

✅ @BahodirMahmud

#Hisobot

Yangi yil boshida bir oy davomida eng kamida toʻrtta kitob oʻqiyman deb oʻz oldimga maqsad qoʻygandim.

Alloh qodir qilib, yanvar oyi davomida toʻrtta kitob mutolaasini uddasidan chiqa oldim:

📖 Odil Yoqubov. "Diyonat"

📖 Paulo Koelo. "Portobello jodugari"

📖 Kobo Abe. "Qumdagi xotin"

📖 Jeyms Klir. "Atom odatlar"

Bundan keyin oy davomida oʻqib, oʻzimga yoqqan eng yaxshi kitobdan uchtasini kanal obunachilariga sovgʻa qilib boraman.

⛓ Sharti oddiy: kanalga link orqali eng koʻp obunachini yoʻnaltira olgan ishtirok gʻolib deya eʼtirof etiladi.

Demak, oʻtgan oy reytingni boʻyicha menga eng yoqqan kitob "Atom odatlar" kitobining uchtasidan birini qoʻlga kiritish uchun @YosuqBot ga "link" deb yozing.

🚚 Kitoblarni yetkazishni oʻz zimmamga olaman.

✅ @BahodirMahmud

Halilulloni kitoblar bilan tabriklaymiz! 🎁

✅ @BahodirMahmud

#MenOʻqiganKitob

Avvalroq maktabimizdagi oʻquvchilar orasida ikki haftada bir kitob oʻqishni odat tusiga aylantirish harakatni boshlagan edik. Ilk asar sifatida Xudoyberdi Toʻxtaboyevning "Mungli koʻzlar" kitobini tanladik. Kitob boʻyicha savollarni 9-sinf oʻquvchilarimizdan, adashlar, ikki Umidjon tuzib, qolgan oʻquvchilar orasida oʻtkazishadi. Gʻoliblarni taqdirlash esa bizdan. Ikkinchi kitob sifatida esa Jyul Vernning "Oʻn besh yoshli kapitan" asarini oʻqilyapti.

Bir kun oldimga sakkizinchi sinf oʻquvchilaridan ikkitasi kirib, ustoz biz ham 9-sinflar qilgan ishni qila olamiz. Ilk qadamni "Atom odatlar" kitobidan boshlaylik deya taklif bildirishdi. Didlariga tasanno aytib, tashabbusga rozi boʻldim darrov. Keyin hafta aynan shu kitobning muhokamasini qilamiz. Ular bilan bu kitob haqida mazza qilib suhbat qurish uchun kitobni qayta mutolaa qilib qoʻya qoldim.

🔖 Kitob haqida:

Kitobni, shubhasiz, "Asahiy" loyihasining birinchi raqamli katta qadami deb aytish mumkin.

Muallif Jeyms Klir qanday qilib takrorlab boriladigan, kichik odat katta natijalarga sabab boʻlishini sodda fikrlar va inkor etib boʻlmas faktlar bilan koʻrsatib beradi.

❓ Kitobni kimlar oʻqishi kerak?

Qisqa qilib aytganda, bugungi kundagi barcha. Oʻquvchilar, oʻqituvchilar, talabalar, uy bekalari, ofis ishchilari va hokazo.

Umuman olganda oʻz oldiga yanada yaxshilanishni maqsad qilgan barcha.

⭐️ Asar uchun reyting: 9/10

P.S. Tez orada aynan shu kitobning uchtasini kanalimiz obunachilariga sovgʻa qilmoqchiman. Shartlari esa keyinroq. Lekin imkon boʻlsa, kitobni topib hozirdanoq oʻqishni boshlayvering. Rahmatni keyin aytasiz.

📚 Boshqa asarlar uchun taqrizlar

✅ @BahodirMahmud

💪 Birgalikda bir kuchmiz!

Chortoq tumanida tashkil etilgan "Carpe Diem" kitobxonlik klubi hozirgacha qaysi kitoblarni mutolaa qildi?

📚 Rasmlarda javoblar ...

Dizaynlar muallifi: Sirojiddin Usta )

✅ @BahodirMahmud

#MenOʻqiganKitob

Kitob nomini eshitganimga ancha boʻlgan edi. Lekin haligacha oʻqishga imkon va vaqt boʻlmagan edi. "Carpe Diem" kitobxonlik klubi bilan qit'alararo sayohat uyushtirishga kelishib oldik. Shuning uchun jahon adabiyotidan navbatdagi asarimiz Osiyo, xususan, Yaponiya adabiyoti vakili Kobo Abening "Qumdagi xotin" asari boʻlishiga kelishib oldik. Kitobning @bookuzbekistan tomonidan qayta nashr etishilishi esa ayni muddao boʻldi.

🔖 Kitob haqida:
❗️ Diqqat spoylerlar boʻlishi mumkin:

Kitob 1962-yil chop etilgan va shu yilning oʻzidayoq adabiyot boʻyicha Yomiuri mukofotini qoʻlga kiritgan.

Asar bosh qahramoni Tokyodagi maktablardan birida oʻqituvchilik bilan shugʻullanuvchi Niki Jampey kunlarning birida oʻz hasharotlar kolleksiyasini toʻldirish uchun baliqchilik qishloqlaridan biriga keladi va shu bilan izsiz gʻoyib boʻladi. Yetti yillik izlanishlar (aslida izlanishsizlik)dan so'ng esa uni rasman o'lgan deb e'lon qilishadi.

U rostdan ham o'lganmidi? Yo'q, u qullikka "mahkum" qilingan edi. O'sha hasharot tutaman deb borgan qishlog'idagi shaharga qaytadigan so'nggi avtobusdan qolib ketgach unga bir kecha qishloqdagi uylardan birida bir kecha qolishi mumkinligini aytishadi. U uyga faqatgina narvon bilan tushish mumkin edi. Ertasiga uyg'ongan erkak narvonning olib qo'yilganligini va u uydagi qumni kunlik tozalab turishi zarur ekanligini anglaydi. Qullik mana shu edi.

Uyda erkakdan tashqari yana bir ayol bo'lib uning ham ishi, shamol uchirib kelgan qumni tozalash, ovqat qilish va hokazolarni qilish. Ozod bo'lish, bu uyni tark etish haqida orzulari mavjud emas. Yagona orzusi radiopriyomnik sotib olish.

Erkakda esa orzu boshqa. Imkon bo'ldi deguncha bu uydan "surish". Lekin bunga tepadagilar yo'l berarmikin? Uydan qochishni uddasidan chiqadimi? Buni asarni o'qish jarayonida bilib olasiz.

Asar menga yoqdi. Unda inson maqsadlari, ozodlikka intilish hayot uchun kurashning bir lahza ham to'xtamasligi haqidagi falsafiy fikrlar turfa xil bo'yoqlar yordamida ifodalanadi. Misol uchun qum bu hayotda bizda cheksiz muammolar borligini, ularni bilan kurashish uchun biz har kuni qayta-qayta "jangga" kirishimizni ifodalaydi. Ayol obrazi esa insonnning kichik, kundalik maqsadlarini, asosiy ehtiyojlarini namoyon etadi. Niki Jampey obrazini esa insonnning ulkan maqsadlari va ularga erishish yo'llarining ramzi deb aytish mumkin.

Kitobni vaqt qilib o'qib chiqishni tavsiya qilaman.

⭐️ Asar uchun reyting: 7/10

📚 Boshqa asarlar uchun taqrizlar

✅ @BahodirMahmud

Navbatdagi sovgʻa kitoblar 🎁

Gʻolibni keyingi yakshanba aniqlaymiz.

✅ @BahodirMahmud