Кимдир чалди, ёмон йиқилдим,
Мен тураман, туришим керак.
Охиратда жаннат бор билдим,
Шу жаннатга киришим керак.

Юзларимга оқиб тушди қон,
Яшираман, кўрмасин ғаним.
Йиғлаганим кўрсада Раҳмон,
Кўраверсин душман кулганим.

Ноҳақларга эгмагайман бош,
Дарёларга қарши сузаман.
Роббим берса сабр ва бардош,
Кишанларни тиш-ла узаман.

Тагимда йўқ қиммат гиламлар ,
Чопонимни ерга тўшайман.
Олтин қучиб йиғлар одамлар,
Бўш чўнтак-ла кулиб яшайман.

Ёвузларга пўлат ва метин,
Ожизларга минг жоним фидо.
Парча-парча бўлишим мумкин,
Инша Аллоҳ синмасман асло.

Қадрин билинг ҳар бир имконни,
Бизни иймон кўкка кўтарди.
Аллоҳ суяб турган инсонни,
Айтинг ким ҳам мағлуб этарди!!!

Илҳом Иброҳимов

@PSIXOLOGIYA_369