Bugun Janubiy Koreyaning Gyeongju shahrida bo‘lib o‘tgan "2024 Gyeongsangbuk-do ta’lim boshqarmasi Xalqaro yoshlar forumi"ning ochilish marosimida Yashnobod tumani 255-maktabining o‘quvchilari ta’limdagi global muammolar to‘g‘risida nutq so‘zladilar.

O‘quvchilarimiz ta’limning barqaror rivojlanishi, raqamli texnologiyalarning joriy etilishi, iqlim o‘zgarishining ta’limga ta’siri kabi dolzarb masalalar yuzasidan o‘z qarashlarini bildirdilar va xalqaro tajribalar bilan o‘rtoqlashdilar. Ularning nutqlari forum qatnashchilari orasida katta qiziqish uyg‘otdi va ta’limdagi muammolarni hal qilishda yangi yondashuvlarni muhokama qilish uchun asos bo‘ldi.

Mazkur xalqaro tadbir nafaqat tajriba almashish, balki mamlakatlararo do‘stona aloqalarni rivojlantirish uchun ham muhim platforma bo‘lib xizmat qilmoqda.

Bizni ijtimoiy tarmoqlar orqali kuzatishda davom eting👇👇👇

@school_255