YUR TOʻYINI BUZAMIZ JOʻRA

Sharob totib dardimni yorib,
Alam yutib turgandan koʻra...
Nima boʻlsa boʻlsin shart borib,
Yur toʻyini buzamiz joʻra.

Yor yor berar armondan darak,
Chidolmaydi hijronga yurak.
U meniki boʻlishi kerak,
Yur toʻyini buzamiz joʻra.

Ex otasi ekan toshbagʻir,
Qildi koʻnmay yigʻlasa qahr.
Majbur kelin boʻlyabdi axir,
Yur toʻyini buzamiz joʻra.

Qarshi chiqib biz hammasiga,
Oʻlan aytirmay yangasiga.
Oʻt qoʻyamiz goʻshangasiga,
Yur toʻyini buzamiz joʻra.

Koʻksim mushtlab oʻzim soʻkaman,
Koʻz yoshiga oʻlay choʻkaman.
Kuyovni ham tishin toʻkaman,
Yur toʻyini buzamiz joʻra.

Alamimni olay joʻrttaga,
Kim tushsa ham tushsin oʻrtaga,
Qanday kun boʻlsa ham ertaga,
Yur toʻyini buzamiz joʻra.

Sevganim bor deb onasiga,
Aytsa parvo qilmadi zoʻr-a?
Oʻt qoʻyamiz toʻyxonasiga,
Yur toʻyini buzamiz joʻra.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟