O‘zbekiston Respublikasi Prezidenti Sh.M.Mirziyoyevning 2020-yil 20-oktabrda qabul qilingan “Mamlakatimizda o‘zbek tilini yanada rivojlantirish va til siyosatini takomillashtirish to‘g‘risida”gi PF-6084-sonli Farmonlarida dasturiy mahsulotlarning o‘zbekcha ilovalari va elektron lug‘at dasturlarini yaratish borasida belgilangan vazifalar ijrosini muayyan darajada ta’minlash maqsadida Alisher Navoiy nomidagi Toshkent davlat o‘zbek tili va adabiyoti universiteti Inklyuziv taʼlim ilmiy-amaliy laboratoriyasida filologiya fanlari doktori Munavvara Qurbonova rahbarligidagi jamoa tomonidan tilshunoslik terminlari audiolug‘ati hamda uning mobil ilovasi yaratildi. Mahsulot kontentini tayyorlashda professor Durdona Xudoyberganova muallifligidagi “Lingvokulturologiya terminlarining qisqacha izohli lug‘ati” materiallaridan foydalanildi. Zarur o‘rinlarda o‘ziga xos yondashuv asosida lug‘at materiallarini tinglab tushunishga qulay holatdagi audiotavsiflar berildi. Dasturiy ta’minot Google play platformasi orqali keng jamoatchilikka taqdim etildi. Mediamanbalar ta’minoti masalasiga inklyuziv yondashuv asosida yaratilgan ushbu dastur ko‘rish bo‘yicha nogironligi bor talabalar va tadqiqotchilarning lug‘at materiallaridan mustaqil foydalanishi uchun ham qulay interfeys sanaladi.