Qamashi tumani Yoshlar ishlari bo‘limi tomonidan mahallalardagi yoshlar yetakchilari va 2-sonli sport maktabi bilan hamkorlikda, qishki ta’til davrida yoshlarning bo‘sh vaqtlarini mazmunli tashkil etish, ularni sog‘lom turmush tarziga kengroq jalb qilish maqsadida "Kreativ ta’til" loyihasini amalga oshirmoqda. Loyihaning asosiy maqsadi yoshlarning bilim olishiga bo‘lgan qiziqishlarini rag‘batlantirish, ularning iqtidor va tashabbuslarini
qo‘llab-quvvatlash, yoshlar o‘rtasida sport musobaqalarini tashkil etish bo‘lib, bu tadbirlar orqali ularda do‘stlik va birdamlik ruhini shakllantirishga ham katta e’tibor qaratilmoqda.

Sport musobaqalari doirasida armrestling va turnikda tortilish bo‘yicha bellashuvlar o‘tkazilmoqda. Tadbirlar tumanning barcha mahallalarida o‘tkazilib, yoshlarning faol ishtiroki kuzatilmoqda. Har bir musobaqa natijalari bo‘yicha g‘olib va sovrindorlarga esdalik sovg‘alari topshirilmoqda.