🇺🇿 O‘zbekiston fuqarolari 🇩🇪Germaniya ga turli dasturlar orqali borishlari mumkin. Quyida ushbu dasturlarning ayrimlari, ularning talablari va shartlari haqida batafsil ma’lumot berib oʻtamiz.

🔴 Tibbiyot xodimlari uchun ish dasturi:

Germaniyada tibbiyot sohasida malakali kadrlar yetishmovchiligi sababli, o‘zbekistonlik tibbiyot xodimlari uchun ish imkoniyatlari mavjud. Tashqi mehnat migrasiyasi agentligi va Germaniyaning NoVo Agency tashkiloti hamkorligida quyidagi shartlar asosida ishga qabul qilish amalga oshiriladi:

Talablar:

▪️Tibbiyot kolleji yoki texnikumining hamshiralik, davolash yoki feldsher yo‘nalishlarini tamomlagan bo‘lish (faqat 3 yillik texnikum diplomi yoki oliy ma’lumotli hamshiralik diplomi).
▪️Bemorlar bilan ishlash qobiliyati.
▪️39 yoshgacha bo‘lish.
▪️Gyote instituti, ECL, Telc yoki ÖSD tomonidan berilgan B1 darajadagi nemis tili sertifikatiga ega bo‘lish.
▪️Sudlanmaganlik.
▪️Jismonan sog‘lom bo‘lish.
▪️Yuqori motivatsiya va fazilatlarga ega bo‘lish.

Taklif etiladigan sharoitlar:

▫️Hujjatlarni tarjima qilish va Germaniyada tasdiqlash xarajatlari qoplanadi.
▫️Viza xarajatlari qoplanadi.
▫️Yashash joyini topishda ko‘mak beriladi.
▫️Ijtimoiy va tibbiy sug‘urta ta’minlanadi.
▫️Toshkentdan Germaniyaga aviachipta va aeroportdan ish joyigacha transfer ta’minlanadi.
▫️Mehnat sharoitlari nemis hamshiralari bilan bir xil bo‘lib, kasbiy tasdiqlangunga qadar oylik 2300 yevrodan boshlanadi. Kasbiy tasdiqlangandan so‘ng oylik 3000 yevrodan boshlanadi.

🔻Stomatolog, o‘qituvchilik va dorishunoslik sohasidagi nomzodlar qabul qilinmaydi.

🔴 Kasbiy ta’lim (Ausbildung) dasturi:

Germaniyada kasbiy ta’lim olish (Ausbildung) dasturi orqali o‘zbekistonlik yoshlar turli sohalarda ta’lim olib, ish tajribasiga ega bo‘lishlari mumkin. Yurtimiz boʻylab 2024-yilda 10 ming nafar yoshlar nemis tilini o‘rganishdi, ularning 1000 dan ziyodrogʻi Germaniyaga kasbiy ta’lim olish uchun va ishga yuborildi.

Talablar:

▪️Nemis tilini kamida B1 darajada bilish.
▪️Kasbiy ta’lim olish istagi va motivatsiyaga ega bo‘lish.
▪️Yosh chegarasi va boshqa shartlar tanlangan soha va dasturga qarab belgilanadi.

Taklif etiladigan sharoitlar (Oʻzbekiston tarafdan):

▫️Nemis tili kurslari oʻqish imkoniyati.
▫️Germaniyada kasbiy ta’lim olish va ishga joylashish imkoniyatlari ta’minlanadi.
▫️Yashash joyi va boshqa zarur sharoitlar bilan ta’minlashda ko‘mak beriladi.

*Ushbu dastur Germaniyaga koʻprik loyihasi boʻlib Yoshlar ishlari agentligi tashabbusi bilan olib boriladi.

Ushbu dastur doirasida tibbiyot, mexatronika, mehmonxona biznesi kabi sohalarda o‘zbekistonlik yoshlar bu yil ham jalb etilishi rejalashtirilgan.

☑️ Ausbildung dasturida eng ko‘p jalb etiladigan sohalar va ularga qo‘yiladigan talablar bilan keyingi postda tanishishingiz mumkin.

🔴 Akademik o‘qish va ilmiy dasturlar:

O‘zbekistonlik talabalar Germaniyada quyidagi dasturlar orqali o‘qishlari mumkin:

▫️DAAD (Deutscher Akademischer Austauschdienst) stipendiyalari:
Germaniyaning DAAD tashkiloti xalqaro talabalar uchun turli xil grant va stipendiyalarni taklif etadi. Ushbu dasturlar bakalavriat, magistratura va doktorantura darajalarida o‘qishni qo‘llab-quvvatlaydi.

▫️Erasmus+ dasturi:
Bu dastur Yevropa universitetlarida qisqa muddatli almashuv kurslari va stipendiyalarni o‘z ichiga oladi.



🔴 Ishchi vizasi:

Germaniya ishchi vizalari bilan O‘zbekiston fuqarolariga rasmiy ishga joylashish imkoniyatlarini taqdim etadi. Bunda sohalarga qarab talablar o‘zgaradi:

▪️IT sohasida: IT mutaxassislari uchun yuqori malaka talab qilinadi. Nemis tilini bilish majburiy emas, ammo afzal ko‘riladi. Nemis tili B1, ingliz tili ham.
▪️Qurilish va mexanika: Tajriba va malaka sertifikatlari talab etiladi.

🔴 Oila birlashuvi vizasi:

Germaniyada qonuniy yashayotgan yoki fuqaroligi bor shaxslarning oila a’zolari oila birlashuvi vizasi orqali ko‘chib o‘tishlari mumkin.

Talablar:

▫️Nikohni rasmiylashtirish hujjatlari.
▫️Nemis tilini kamida A1 darajada bilish.
▫️Oilani moliyaviy ta’minlash uchun yetarli daromadga ega bo‘lgan kafil.

Bitte ❤️


💫 @perfekt_deutsch_uz