Muta'allimat ~ Reading Mothers🌱

Barchangizni suhbatga lutfan taklif etaman🌷

Ha mayli Alloh isloh qilsin barchamizni! Keling, yaxshi narsalar haqida gaplashaylik🤗

Bugungi foydali efir esingizdamidi? Birozdan keyin boshlaymiz insha Alloh🌷

#useful

Ingliz tili sohamni unutib qo'ymaslik uchun yana darslarimni boshlash niyatim bor. Uyda "self-study" qilish uchun qanday noodatiy usullardan foydalanishni o'ylab o'tirganimda, hayolimga "chatgpt" xondan bu haqida maslahat olish kelib qoldi. U ajoyib, noodatiy metodlarni taklif etdi. Ularni sizlarga ham ulashmoqchiman, balki foydasi tegib qolar🤗

Chet tillarini o'rganish yoki o'rgatishdagi noodatiy usullar:

1. “Immersiya” 2.0: Parallel Hayot

O‘zingizni o‘rganayotgan til muhitida yashayotgan odam sifatida tasavvur qiling. Masalan, o‘sha tilni biladigan kishilar bilan muloqot qilishdan tashqari, quyidagilarni ham sinab ko‘ring:
Telefoningiz va ijtimoiy tarmoq interfeyslarini o‘sha tilga o‘tkazing.
Xarid qilish ro‘yxati, kunlik rejalaringizni faqat shu tilda yozing.
Ijtimoiy tarmoqlarda o‘sha tilda postlar yozing, izoh qoldiring.

2. “The Method Acting” – Aktyorlik Yondashuvi

Bu usulda siz har kuni o‘rganayotgan tildagi turli xil obrazlarga kirishingiz kerak. Masalan:
Bir kuni o‘zingizni tarixiy shaxs sifatida tasavvur qilib, o‘sha rolga mos gapiring.
Ertasi kuni bloger kabi o‘zingizni kamera oldida gapirayotganingizni tasavvur qiling.
Film yoki serial qahramoni bo‘lib, ular kabi dialog qurishga harakat qiling.
Bu usul til o‘rganishni nafaqat qiziqarli qiladi, balki o‘ziga ishonchni ham oshiradi.

3. “Ritm va Rivojlanish” – Tilni Musiqa orqali O‘rganish

Oddiy qo‘shiq tarjima qilish emas, balki:
Sevimli qo‘shig‘ingizni o‘sha tilda kuylashga harakat qiling.
Repetitiv (tez-tez takrorlanadigan) so‘zlarni ajratib, ularni rap yoki she’r shaklida takrorlang.
Qo‘shiq so‘zlarini yod olib, ularni turli ohanglarda aytishga urining.

4. “Gamifikatsiya” – O‘yinlashgan Yondashuv

Tilni o‘yin sifatida qabul qilish orqali o‘rganish jarayoni tezlashadi.
“Til qahramoni” o‘yinini tuzing: har bir yangi so‘z yoki iborani yod olganingizda “level” oshiriladi.
Har hafta o‘zingizga qiyinchilik beruvchi vazifalar qo‘ying (masalan, 3 kun davomida faqat o‘rganayotgan tilingizda so‘zlashish).
Qahramonlaringiz bilan bog‘liq hikoyalar yozing va ularni ovozli o‘qib chiqing.

5. “O‘z tilingizda gapirishni taqiqlang” – Hardcore Challenge

Bu usul “tilda yashash” kontseptsiyasiga asoslangan:
Kun davomida faqat o‘rganayotgan tilingizda gaplashishga harakat qiling.
Nutq topshiriqlari qo‘ying: do‘konda xarid qilish yoki kafeda buyurtma berish faqat shu tilda bo‘lsin.
Hatto yakka holda bo‘lsangiz ham, fikrlaringizni o‘sha tilda ifodalang.

Bu tracklar til o‘rganish jarayonini hayotga bog‘lab, uni tezroq va osonroq o‘zlashtirishga yordam beradi.

Nima deysiz, chindan foydali usullara? Bundan ham qiziqarli uslublar haqida bilishni xohlaysizmi? Bugun sizlarga aynan shu mavzuda ajoyib sovg'am bor😊🌷

@mutaallimat

Assalomu alaykum agar siz tabiiy mahsulotlar izlayotgan boʻlsangiz bu kanal aynan siz uchun🌷🌷🌷

Kanalimda tabiiy :
- Sifatli olma sirkasi
- Organik kokos yogʻi
-Uzum shinnisi
- Epsom tuzi
- Hijoma va zuluk
- Lyufa mochalka
- Doʻlana sirka
- Maxsus sirka( gijja,imunitet)

Kabi mahsulot va hizmatlarni hamyonbop narxlarda taklif qilaman

Mahsulotlarni oʻzim uyda tayyorlayman. Sifatiga esa alohida etibor beraman. ☺️

❗️❗️❗️ Bonusiga esa mendan biror narsa harid qilsangiz IHERB dan vitaminlarni oʻz narxida zakaz qilib beraman

🌷🌷🌷🌷🌷🌷🌷🌷🌷🌷🌷

📌 Murojaat uchun @Shoyunusovaaa

https://t.me/olmasirkaa

Bilasizlar ayni damda sun'iylikka ruju qo'yib borayotgan jamiyatda yashamoqdamiz. Kasalliklar, holsizlik, stress, depressiya kabi ko'p kasalliklar avj olmoqda. Shunday paytda bizga tabiiylikka qaytishimiz asosiy yechimdir. Sizlarga ishonchli va tabiiylikka monand "Sakinat" kanalini tavsiya qilaman. Albatta ulanib oling, azizalarim! Tabiiylikka birga qaytamiz🍀

#tarbiya

Bolalarning ota-onalari tomonidan tasdiqlanishiga ehtiyojlari

Chaqaloqlar endigina tug'ilishgan onlari onalarining hislari orqali ta'sirlanish, o'ylari orqali fikrlash, tajribalari orqali yashashni o'rganishadi. Ona tasdiqlovchi, qabul qiluvchi, mehr bilan yo'l ko'rsatuvchi shaxs sifatida namoyon bo'layotgan bo'lsa, farzand ham o'zini rivojlantiradi, ham hayotga doir sevgiga to'la, o'lchovli, nazorat qilinadigan, qabul qiluvchi va moslashuvchan psixologik jarayon ishlab chiqadi. Onasi tomonidan shartlarsiz sevilgan bola sevishni, hurmat ko'rgan bola hurmat qilishni, qabul qilingach, boricha unib-o'sishni o'rganadi. Bunday bo'lishi uchun esa ona yaxshi parvarishlovchi, qiziquvchan, bolaning ehtiyojlarini o'z vaqtida payqovchi va qondirishga harakat qiluvchi shaxs bo'lmog'i kerak.

Bolada tasdiqlash va tasdiqlanish ehtiyoji qondirilishi, uning ko'nikmalari, qobiliyati, mahorati rivojlanishiga hamda "o'zlik binosi" ni tartibga solinishiga yordam beradi.
Misol uchun, endi oyog'ini bosishni o'rgangan chaqaloq, kursining chetlariga suyanib, turishga harakat qiladi. Ammo avval uddalay olmay yiqiladi. Keyin yana harakat qiladi, bu safar ham yiqiladi. Chaqaloqning qalbida uddalashga bo'lgan motivatsiyasi uni shu ishni qayta-qayta qilishga undaydi. Oxir oqibat tik turishni uddalagan payti atrofga qarab, onasini qidiradi. Ilk muvaffaqiyat tuyg'usini tasdig'ini kutadi. Agar ona shu payti vohimachi bo'lib, bolani qo'lidan tutib, joyiga o'tirg'izib qo'ysa, reaksiyasi "yiqilasan hozir!" qabilida bo'lsa, boladagi tasdiqlanishga bo'lgan ehtiyoji so'nadi. Ma'sum bola sinab ko'rishga, uddalashga, turishga, yurishga undagan bitmas-tuganmas ichki motivatsiyasining qarshisida onasini ko'radigan bo'lib qoladi. Shu ishni sinab ko'rgani uchun o'zini aybdor his qiladi. Chunki onasining munosabati unga shunday demoqda: "XATO QILDING!".
Holbuki ona farzandining bu ilk muvaffaqiyatini ko'tarinki kayfiyatda jo'shib qo'llab-quvvatlasa, oyoqlarida tik turgan bolaning ko'zlariga qarab, "HA UDDALADING!", desa bola ham muhtoj bo'lgan tasdiqni olgan bo'ladi. Chunki shundog'am mavjud bo'lgan ichki motivatsiya onasining tashqi motivatsiyasi bilan quvvatlanadi va mustahkamlanadi.

Shu o'rinda o'zimizning bolaligimizga qaytsak, qaysi ishlarni ishtiyoq bilan qilgansiz? Qaysilarini esa qilishga qo'rquv kuchli bo'lgan? Ba'zilarimizda mavjud yomon odatlar, yaxshi odatlarimizni bajargan paytimiz atrofdan tasdiq olmaganimiz sabab, yoki "XATO QILDING!", degan munosabat ko'rganimiz boisidan, o'sha ishni qayta qilishga xohish so'ngani, aksincha qo'rquv paydo bo'lganini bildiradi.

"Men ilk marta ingliz tili kitobini onamning oldiga olib borib, harflarni boricha o'qiy boshladim. Bir betni o'zim bilgancha o'qidim. Ichimda men ham ingliz tilini bemalol o'qiy olar ekanman, oson ekan degan zavq bor edi. Shunda onamga qarab, "aya qarang, endi men ingliz tilida bemalol o'qiy olaman", dedim. Ammo onam "bunday o'qilmaydi. Bilaman deb ovvora bo'lma, hali o'qishni bilmaysan", degan javob berdi. Shu ko'yi mening tilga bo'lgan qiziqishim ancha yilgacha tamoman so'ndi..."

Postimiz foydali bo'lgan bo'lsa, yaqinlaringizga ham ulashing, motivatsiya manbayini ayamang✅

@mutaallimat

#tarbiya

Farzandlarda ijobiy hislarni orttirgan holda o'zaro qizg'anishni yengish

Farzandlar o'rtasida kuzatiladigan qizg'anish, rashk masalasida bir muhim nuqta bor. Bu farzandlarga ijobiy hislarni ko'proq his ettirish. Agar farzandlaringiz bir-biri bilan ko'p janjallashsa, yoki biri ikkinchisiga qo'pol-qo'rs munosabat ko'rsatsa, yoki o'zaro kelisha olishmasa, unda aziz onajonlar, farzandlaringizni ko'proq bag'ringizga bosing, ulardan iliq gaplaringizni ayamang, ijobiy muloqotni shakllantiring, insha Alloh albatta yaxshi natijalarni olasiz.

Bir ona hikoya qiladi:
"Men farzandlarimni ko'p hollarda bir-biri bilan janjallashgan, urushgan, talashgan holda topardim. Shu payti ularni darrov jazolashga, baqirishga shaylanardim. Ammo bu qilgan ishlarim ularni battar chiqisha olmasliklariga sabab bo'laverganini his qildim. Shunda men boshqacha yo'l tutdim. Endi qachonki ularni janjallashayotgan paytda ko'rib qolsam, aralashmay bir chetda kuzatardim. Ularning janjallari tugagach, farzandlarimni birma-bir yonimga chaqirib, bag'rimga bosar, "men seni boringcha yaxshi ko'raman, men senga ishonaman, seni borliging uchun Allohga hamd aytaman", der edimda qo'yib yuborardim. Bu odatni kanda qilmadim. Va oxiri natijasini ko'rdim. Farzandlarim butunlay janjallashmay qolmadi emas, ammo oldingidek bir-biriga nafrat bilan baqirishlar, bir-birini urishga harakat qilishlar, o'yinchoqlarini sindirishlar kamaydi. Biror narsada talashib qolishsa, birozdan keyin kelishib o'ynashni boshlashdi. Bu menga bolalarimdan qanchalik ijobiy xatti-harakatlarni olishni istasam, shunchalik ularga ijobiy his-tuyg‘ularni berishim kerakligini o'rgatdi."

Shu o'rinda bir gapni aytib o'tay, aziz onajonlar, bolamga yaxshi gapirsam, uni erkalasam, yokida sizlab gapirsam "taltayib ketadi, o'zidan ketib qoladi", deb xulosa qilmang. Oldingilar qo'llagan tarbiya uslublari bizga o'tgandir balki, ammo ayni zamonda yashayotgan bolalarga ham mutlaqo to'g'ri keladi degani emas. Shunday ekan, farzandlaringizga sokin bolaligini bering! Baqirish, tayoq bilan kaltaklash, nafsoniyatiga tegish bu hech bir zamondagi bolalarga ijobiy ruh bag'ishlamagan bundan keyin ham bag'ishlamaydi, unutmang!

Post foydali bo'lgan bo'lsa, motivatsiya manbayini ayamang, yaqinlaringizga ham ulashing✅

@mutaallimat