وجه القمر Vajhulqomar

приватный канал

Гео и язык канала: Узбекистан, Узбекский

Категория: Блоги

Biz haqimizda: https://taplink.cc/vajhulqomar
Link: @vajh_ulqomar
Bot: https://t.me/VajhulqomarAloqa_bot

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

وجه القمر Vajhulqomar

20 Sep, 21:17

Kechdi umrim bir oh ila,
Ichi to’la ey voh ila.

Kechadan beri bo’sh vaqtimda faqat ustoz bergan vazifalarni qilishga harakat qilyapman. Ertaga Gavhar Darvesh bilan 2-darsimiz, inshaallah. Vazifalardan biri “Nafs nimadir?” kitobini mutolaa qilish edi.

Darsda nafsi ammoraga to’xtalganimizda aytgandilar: “Kufr, shirk va shu kabi katta gunohlar o’zingizda yo’q deb o’ylaysiz. Lekin shu kitobni bir yaxshilab o’qib ko’rib, keyin nafsingizga tashxis qo’ying”. Rostdan ham anchagina kasalliklarni topdim, garchi endi 70 bet o’qigan bo’lsam ham. Nishonga to’ppa-to’g’ri borib tekkani shu bo’ldiki, boshga kelgan musibatlar haqida boshqalarga shikoyat qilish katta gunoh, hatto kufrgacha borishi mumkinligi aytilgan.

Yuqoridagi misralar esa “Yunus Emro. Ishq safari” serialidan olindi. Ha, bu ham darsda berilgan tavsiyalardan biri. Aql yuritadiganlar uchun undan olinadigan darslar juda ko’p. Faqat yaxshigina filtr bilan boshlash kerak. Ilm ilmga yo’l ochar, deganlaridek nafs ilmini o’rganish niyati endi haqiqiy tasavvuf yoki bid’at ekanligini ajratib olish uchun tariqat mavzusiga yo’l ochyapti.

Postni yozib bo’lgunimcha esa ko’chadan o’tgan mototsikl Yahyo qorimni uyg’otib, bu yoqdagi asosiy ishlarimga “yo’l ochdi”)

1.2k 0 8

وجه القمر Vajhulqomar

18 Sep, 19:26

✨Kutilgan qabul eshiklari bugundan ochiq✨

"Arabic from Alif" kursiga bugundan qo'shilishingiz mumkin

Kursda o'rganasiz:
📖Arabcha o'qish
📝Yozish
🇸🇦Kundalik so'zlar
📜Boshlang'ich grammatika

Davomiylik: 2 oy
Narxi: 300 ming (1-oy uchun)

📍Kurs tarkibi:
🔹16 ta asosiy videodars
🔸16 mavzuda lug'at to'plami
🔹14 ta yozuv darsi
🔸10 ta diktant
🔹2 ta grammatik dars
⚡️Bonus: 2 ta o'qish darsi

📆Boshlanish sanasi: 30-sentabr

Batafsil ma'lumot uchun
Darslarimiz haqida fikrlar

📲Ro'yxatdan o'tish uchun: @vajhulqomar_admin

💻Sinov darsini ko’rish uchun adminga murojaat qiling

P.s.: bu safar faqat bir turdagi guruh ochiladi. Maxsus intensiv guruh mavjud emas.

1.4k 0 13

وجه القمر Vajhulqomar

18 Sep, 18:34

Yana comment va reaksiyalarni o’chirdim. Vaqt qimmat zamonda hozircha ehtiyoj yo’q bularga.

Osh yedirdim degan qismim haqida aytmoqchi edim. Avacado, broccoli va nomi bilmaydiganim yana nimadirlar bermayapman. Qo’shimcha ovqat haqida kursda o’qimadim hozircha. Mushtariy Ma’muriydan eshitganlarim asosida o’zim odatda nima iste’mol qilsam, shundan oz-ozdan beryapman. Zararlilarini emas albatta!

Masalan, mastava ichsam, guruchi, sabzisidan beraman. Lag’mon yesam go’shtidan berib, tishlab-tishlab so’lini yutadi. Banan, olma, uzum, pomidor, qatiq kabi yeguliklarga ancha o’rganib qoldi.

Diatezlari yo’qolgan payti dermotologiya markazida allegiyaga test topshirdim. 30 xil yegulik, 30 xil mato, daraxt, hid kabilarga tekshirib beradigan test narxi 1.700.000 so’mga tushdi. 4 ta narsaga allergiyasi bor ekan: tuxum sarig’i, sut mahsulotlari, yong’oqlar, eman daraxti.

Shakar, shokoladga allergiyam yo’q ekan, shirinlik yeyaveraman deb xursand bo’lgandim. Lekin sut mahsulotlari, tuxum sarig’i aralashmagan shirinlikni topib bo’ladimi?

“Milkshakeni sog’inib” degan rasm❤️‍🩹

1.4k 0 4

وجه القمر Vajhulqomar

18 Sep, 18:23

Xayrli kech. Biz “level-up” qildik — endi biz, ya’ni Yahyo qorim ikkalamiz uy atrofida sayr qilishga chiqishimiz mumkin🥳 Bugun chiqdik, ikkalamiz ham rosa qiziqish bilan atrofni tomosha qildik. Farqimiz shundaki, men Yahyogaga o’xshab hayratimni og’zimni ochib ko’rsatmadim😁

Ha, bilaman shu yerdagi 99% odamga bu oddiy holdir. Lekin arzon tushunchasi hamma uchun har xil miqdorni anglatganidek, bunday holatlar ham kimlargadir yo baxt, yo majburiyat, yo kundalik ish. Xuddi yaxshi joyda ovqatlanishga chiqish biz uchun oddiy ehtiyojni qondirish usuli bo’lib, ba’zilar uchun oyda bir marta bo’ladigan quvonchli kun bo’lganidek.

Shomdan keyin oshni yeb, yedirib cho’miltirib chiqdim. Biz kattalarga ham yotish oldidan oddiy chayinib chiqish ham qanchalik rohat. To’liq onalik rejimiga ham moslashib boryapman. Mahsulotlarni to’g’ragunimcha yotib turdi, birga qovurdik, yana o’yinchog’i bilan band qilib, guruchini sovoldim, birga damladik. Arabcha gapirib tushuntirayotgandim, lekin toza o’zbekcha ovqatni o’zbek tilida sharhlagan yaxshi deb tayyorlash davomida harakatlarimizni sharhlab birga ish qildik.

Rozaliya opa bilan bo’lgan o’tgan haftadagi konsultatsiyadan olgan asosiy darslarimdan biri — faqat yuqoriga intilavermasdan, boriga moslashib yashash. Qarasam, yana o’zimdan super qahramon yasashga qarab ketib qolyapman ekan. Avval oilamdagi vazifalarimni ko’nglimdagidek bajarib, kurslarimni tamomlab olay, dedim. Shunda ichimdagi “shundoq magistraturadan osongina kechvorasanmi?” degan ovoz pastladi.

Ha, aytgancha, qabulni ochishim kerak edi. Kun tugaguncha 3,5 soat vaqtim bor ekan. Va’da bu va’da, bugun qabulni ochib uxlayman)

1.3k 0 2

وجه القمر Vajhulqomar

17 Sep, 19:26

Qalbga quloq solish mavzusida bugun bir narsa yozmoqchi edim foydali bo’lar degan niyatda.Yahyo qorim va uy ishlari bilan telefonga qo’l tegmadi.

Bugun ilk marta mustaqil cho’miltirdim. Bekorga bu jarayonni ona va bola o’rtasidagi hissiy bog’lanishning asosiy vositalaridan deyishmas ekan. Kun oxiridagi xulosam: alohida, ayniqsa, chetda yashaydigan onalar hammasini qanday uddalashar ekan derdim. Inson xohlasa yoki yelkasiga majburiyat yuklansa, Allohning fazli bilan har qanday ishni qila olar ekan, vaziyatga moslasha olar ekan.

Endi qo’rqmasdan A0 (Arabic from Alif) kursiga qabul ochsak ham bo’ladi😌 Faqat aytganimdek kichik bir guruh bo’ladi, “hozir o’qishim shart” deganlar qabul ochilishi bilan imkoniyatdan foydalanib qoling. Men esa uxlagan bolajonimga rahmatlar aytib individual o’quvchimga darsimni boshlayman.

To’liq onalik kasbiga jiddiy kirishgan Vajhulqomardan barchaga osuda tunlar🌃

1.5k 0 3 12 22

وجه القمر Vajhulqomar

17 Sep, 08:33

Ertalabdan rahmat yomg’irlarining yoqimli ovozi bilan ko’zlarini ochganlarga salomlar🌧️

Bir ishni qilishga ikkilanganingizda, 2 yo’ldan birini tanlash kerak bo’lganida tashqaridan yordam olasizmi? Masalani qanday hal qilasiz? “Qalbingga quloq sol” qabilida ish ko’rasizmi?

Izohlarni vaqtincha ochiq qoldiraman. Javoblaringiz qiziq)

Photo by husband

1.5k 0 1 34 49

وجه القمر Vajhulqomar

16 Sep, 11:18

"Arabic from Alif" kursi qachon ochilishi haqida oxirgi payt ko'p so'rashibdi. To'g'risi, hali yana qabul ochishimiz mumkinligini ham o'ylamayotgandim. Chunki bilasizlar hozir asosiy e'tiborim Yahyoda, ayniqsa, oxirgi 1 hafta yopishib qolganmiz, kunduzi kam va qisqa uxlayapti, tish chiqish injiqligiga yo'yyapman.

Bundan tashqari, kurslarim ham bor:

🍁Psixologiya va psixoterapiya
🍁Farzandim-jigarbandim
🍁Mushtariy Ma'muriydan ba'zi kurs va vebinarlar.
Sotib olib, ko'rib chiqib kanspekt qilmagan darslarim ham yig'ilib turibdi.

Arab tili hozircha keyingi darajalarda. Lekin talabga ko'ra taklif deganlaridek, agar o'qimoqchi bo'lganlar bo'lsa, kichik bir guruh ochishimiz mumkin. Talabgorlar bo'lsa, reaksiya (⚡️) orqali aniqlaymiz (ayam aytganlaridek A0da o'qimaganlarni topish qiyinroq. Chunki shu paytgacha bu kursning bitiruvchilari soni ancha-muncha bo'lib ketgan).

1.5k 0 1 78

وجه القمر Vajhulqomar

16 Sep, 08:32

Hozir qo'limga "Baqirmaydigan onalar" kitobini olib turib bir narsani o'ylab qoldim.

Yuzga narsa toshishi ko'pincha yeyiladigan narsalarga, ichaklarga bog'liq. Parvarish vositalari foyda berishi mumkin, lekin vaqtinchalik. Bu va shu turdagi boshqa kitoblar ham parvarish vositalariga o'xshaydi. Ruhan nosog'lom ona kitobning nechanchi sahifasida baqirish bolada qanday asoratlari qoldirishi haqida yozilganini yoddan aytib berishi mumkin, lekin "keb qolganda" amalda qo'llolmaydi. Farzand tarbiya qilishdan oldin o'zimizni tarbiya, isloh qilishimiz kerakligiga yana bir misol.

Darsda aytilishicha, har qanday 100 nafar ayolni olib kirib tekshirilsa, 80 nafari ruhan nosog'lom bo'lib chiqadi.

To'g'ri, ruhiy kasallik deyilganda bizda faqat jinni deb qaraladi. Ruhiy kasalliklar tanada aniq bir o'tkir muammoni namoyon qilmasligi mumkin. Lekin hozir eng ko'p tarqalgan depressiya, nevrasteniya kabi kasalliklar har qanday jismoniy kasalliklarga turtki bo'ladi, xotirjamlikni olib qo'yadi.

2k 0 7 20

وجه القمر Vajhulqomar

15 Sep, 08:59

O’sha kungi muzokaramiz esingizdami? Natijasi magistraturadan kechish bo’ldi. Lekin baribir chorshanbagacha kutaman. Evaziga esa albatta ilm olishning boshqa yo’li bo’lishi kerak edi. Aslida mandatdan keyin zaxira chorasi sifatida o’ylab yurgandim.

Xullas, kecha Gavhar Darveshning psixologiya va psixoterapiya yo’nalishidagi ustoz-shogirdlik kurslarining ilk darsiga bordim. “Siz ham psixolog bo’lasizmi endi?” deganlar uchun oldindan aytaman bu kursdan niyatim o’zimni, oila a’zolarimni tushunish, eng muhimi nafs ilmini chuqurroq o’rganish.

Ossson emas ekan, ayniqsa dars 3 soat uzluksiz bo’lsa) Kelasi dars esa 4,5 soat inshaallah. Lekin hayotiy misollardan juda ko’p keltirib yetkazib berishlari yoqdi. Guruhdagi hammada qandaydir ruhiy muammo bo’lgani uchun eng avvalo o’zimizni davolashdan boshlashimizni aytdilar.

Ha aytgancha, Yahyo qorimni oyim qarab turdilar)

To’liq kurs 3-4 oy bo’lar ekan. Umumiy narxi bitta stipendiyali kontrakt puli degani.

1.8k 0 8

وجه القمر Vajhulqomar

15 Sep, 07:39

Barchaga boshlangan kun xayrli va barakali bo’lsin🌹

Oyimning qayta-qayta eslatmalari, beradigan ma’lumotlaridan so’ng bugun kunimni to’g’ri ovqatlanish asosida boshlamoqchi edim: iliq suv ichdim, vaqt o’tkazib oqsil + foydali yog’ + uglevod kirishi uchun qatiq + zaytun yog’ini aralashtirib, ichiga arpa nonidan to’g’rab soldim. Lekin zaytunini ko’p qo’shib yuboribman, o’zi zaytunning kamini ham deyarli iste’mol qilolmasdim. Xullas, uvol bo’lmasin deb amalladim.

Turmush o’rtog’im esa bizning oqsil, yog’larimizga qarab o’tirmaydilar. Ko’p ishlaganlari uchun quvvatli ovqatlar kerak. Va albatta shirinlikni sevadilar. Ularga pirog pishirib qo’ydim. Yahyo qorim sahar turgandi, hozir yana uyquda. Shunday beozor, ko’p ham og’irligi tushmaydigan bolani rizq qilib bergani uchun Allohga shukur.

Rasmda oyim doimiy pishiradigan arpa nonlari. O’zlari doim shundan yeganlari uchun ham bizga foydalarini aytib turadilar. Ba’zida yeyman. Rostdan ham mazasi boshqacha, to’yimli. Bug’doy nonidan arpaga o’tish qiyin emas agar uyda Andijondan kelgan tandir non bo’lmasa)

1.6k 0 3

وجه القمر Vajhulqomar

12 Sep, 09:23

1-dan turmush o’rtog’im ham o’zimga mos😅 hazil) Aslida havoga ham semiradiganlar turidanmiz.
Yaqinda bo’lgan suhbatimiz:

Men: Ozishimiz kerak.
— Nimaga bunaqa deb qolding?
—Endi-da, semirib ketyapmiz.
—Ha, harakat boshlaymizmi?
—Mayli, nimadan boshlaymiz? Parhez qilamizmi?
— Lekin unchalik semirib ketmaganmizu, kiyimlar yarashib turibdi.
— Ha lekin to’g’ri aytasiz, muhimi sig’adigan kiyim topilyaptiyu😂

Shunday qilib bizning ozish missiyamiz tug’ildiyu o’ldi.

2-dan tashqi ko’rinish, ayniqsa, goh to’lishib, goh ozib turadigan qomatdan boshqa o’ylaydigan narsalarim ko’p: sayrga chiqolmasligim, ko’risholmayotgan dugonalarim, o’qilmayotgan kitoblar, ololmayotgan ilmlarim, ocholmayotgan guruhlarim degandek.

Meni ko’rmaganlar qo’rqib ketmasligi uchun aytib qo’ya qolaman: 75 kg atrofidaman)

2.5k 0 2

وجه القمر Vajhulqomar

12 Sep, 08:47

Eski odatim bo’yicha bunday kunlarni shirinliksiz o’tkazish qiyin. Bilasizlar, ortiqcha vazn meni qo’rqitolmaydi)

Bir necha marta sinalgan guruh linkini qoldiraman: https://t.me/homecooking_d
Menga yoqadigan 3 jihat:
1. Juda mazali va uyda o’zingiz tayyorlagandek tabiiy ta’m.
2. Qisqa vaqtda yangi tayyorlab, qo’lingizga issiq holatda yetkazib beriladi.
3. Arzon narx.

Bitta trayfl qilish uchun Yahyo qorim bilan yarim kunimni ajratishimga to’g’ri keladi. Hozirgi zamonda vaqt eng qimmatli narsa. Ayniqsa, “hamma o’z mutaxassisligini qilsa-da” deydigan mendek inson uchun)

O’zlariga (@d0731) yozib, bemalol buyurtma berishingiz mumkin. Inshaallah, bergan pulingizga ming marta rozi bo’lasiz.

2.3k 0 18

وجه القمر Vajhulqomar

12 Sep, 08:43

Oxirgi kunlar o’ylaydigan narsalar juda ko’payib ketdi. Allohim bunday vaziyatlarda biz uchun bir qancha yo’llarni ko’rsatib qo’ygan. Duo, istixora kabi. Magistratura masalasi emas, undan ancha jiddiyroq masalalar bor.

Bunaqa vaqtda ko’ngilga na dars qilish va na dars o’tish sig’adi. Lekin ko’pincha shunday davrdan so’ng yorqin faoliyat davri ergashib keladi. Xuddi bahorda yomg’irli kundan keyin charaqlab quyosh chiqqanidek. Eski odatim bo’yicha bu kunlarni shirinliksiz o’tkazish qiyin. Bilasizlar, ortiqcha vazn meni qo’rqitolmaydi)

Rasm esa Hazrati Imom majmuasida olingan. Biron masalada qaror qilish uchun yaxshilab o’ylab olish kerak bo’lsa, borib tafakkur qilib kelishli joy.

2.2k 0 1 2

وجه القمر Vajhulqomar

10 Sep, 22:29

Kecha o’qishga borganim ancha qimmatga tushdi. Xayolimning bir chetiga ham kelmaganlari boshimga keldi. Lekin hujjat topshirayotgandan boshlab to hozirgacha o’zimga bir gapni aytib kelyapman: hech qanday ilmiy daraja oilamdan ustun emas. Lekin magistraturaning o’rnini oz bo’lsa ham to’ldiradigan ilm yo’li bo’lishi kerak.

Hozirgina ishdan qaytdilar meni imtihondan yiqitmoqchi bo’layotgan “asosiy mandat”. Bizda hozir muzokara vaqti boshlanadi)

Rasmda Hazrati Imom majmuasi va Yahyo qorim🤍 Asrdan shomgacha o’sha yerda bo’ldik. Mahalla orqali borganimizda taxminan 10 daqiqalik yo’l. Shu mahallalar haqida alohida yozaman foto lavhalar bilan birgalikda inshaalah.

2.2k 0 0

وجه القمر Vajhulqomar

10 Sep, 20:50

Gavhar Darveshdan bir gapni eshitdim:

“Qay bir qiz otasidan “qo’ya qol” degan gapni eshitsa, otasi uni qo’llab-quvvatlamasligini his qilsa, u uchun xuddi bosib turgan yeri ham yo’qdek bo’lib qoladi”.

Men esa eng ko’p shu gapni eshitaman:

“Aqlli qizsan, qanaqa qaror qabul qilsang ham — orqangdaman!”

Yuqoridagi duoni ko’p aytaman, har aytganimda “rizq” qismiga kelganda ota-onam, atrofimdagi insonlarim birrov ko’z oldimdan o’tadi. Ular ham menga berilgan rizq aslida.

2.3k 0 54

وجه القمر Vajhulqomar

9 Sep, 07:47

1 yil-u 3 oy va 7 kundan so’ng mana yana akademiyadaman — magistratura talabasi sifatida. Asosiy mandat deganda turmush o’rtog’imni aytganimni tushungandirsizlar. Harakat qildim, qilyapman. Hozircha aniq biron nima deyolmayman. Bugunimni o’ylayapman hozircha. Yuragim anchadan beri bunaqa urmagandi. Alhamdulilllah.

Juda ham xohlayapman o’qishni. Avvalo Allohdan so’rayapman. Allohning fazli bilan, keyin ko’pchilikning duosi bilan bakalavrga kirdim, bitirdim, CEFR oldim, IELTS oldim. Sizlardan ham iltimos qilib qolardim. Allohim xayrli qilib bersin. Uyimizdagi sakinatni sog’inib borishim uchun ham o’qishim kerak)

2.6k 0 3

وجه القمر Vajhulqomar

4 Sep, 07:43

Magistraturada o’qish uchun tayyorgarliklar boshlangan. “Ona sutini” saqlash kursini sotib oldim, 2 kundan beri tajriba qilyapmiz, peshingacha oyim uxlatyaptilar Yahyoni, idishdan sut ichyapti. Toki o’qishga chiqib ketsam birdan shok bo’lmasin deb.

Turmush o’rtog’im bilan vaqtlarimiz to’g’ri kelmasligi, dadam Yunusobodda turganlari uchun o’zimga qulay transport topdim — Mehr Go (ayol taxi) ilovasi. Deyarli Yandex taxidek ishlaydi. Sharsharaga borib sinab ko’rdik. Toza, yoqimli mashina, muloyim, ochiqyuzli AYOL haydovchi. Shu loyihani boshlaganlardan Alloh rozi bo’lsin. Narxlari ham qimmat emas.

Asosiy mandat esa hali noma’lum.

Ios: https://apps.apple.com/uz/app/mehr-go/id6624304961

Android: https://play.google.com/store/apps/details?id=uz.teamwork.mehrgo&pcampaignid=web_share

‎Mehr Go

‎Это приложение содержит городское такси, доставку. С помощью этого приложения пользователи могут заказать такси для безопасной поездки

3.6k 0 21

وجه القمر Vajhulqomar

4 Sep, 06:28

Assalomu alaykum, kuningiz barakali va xayrli bo’lsin✨

Bu o’quv yilida siz va farzandlaringiz ikki dunyo uchun ham manfaatli bo’ladigan ilmlarni egallashni nasib qilsin. Har yili maktab/litsey/akademiya boshlanishiga yaqin deyarli bir xil ssenariyda tush ko’rardim: darsga kech qolardim, uy kiyimda ketib qolardim, vazifa qilmagan bo’lardim…

Shu kunlarda yana boshlandi. Kecha taksi chaqirsam kelmayotgan ekan. Uyga qaytishim kerak tezroq deb xavotirlanib turgandim. Ha aytgancha, oyim darsim soat nechchida tugab, qancha daqiqada uyga yetib kelishimni nazorat qiladigan qaynonalardan emaslar baxtimga.

2.9k 0 2

وجه القمر Vajhulqomar

30 Aug, 10:40

Vazirlikdan mandat chiqqan daqiqalardayoq natijani bildim. Qabulning oxirgi kunlarida tavakkal qilib topshirib ko’rgandim. Alhamdulillah, Allohim yana bir bor “o’qishga tavsiya etildi” va “grant” yozuvlarini ko’rishni nasib ayladi. Kecha yaqin tanishlar xabardor bo’lib, tabriklashganda hammadan asosiy mandatdan ham o’tib olishimni duo qilib so’rashini iltimos qildim.

Tez kunlarda akademiyada magistratura darslaridan postlar yozishimni so’rab duo qilib qo’ysangiz, xursand bo’lardim)

3.2k 0 7