Росатом Центральная Азия

Новости, исследования, интересные факты об энергетике.

Доход с телеграм-канала

От 1500 подписчиков. Подключайтесь с Яндексом!

Заработок с телеграм-канала

С аудиторией от 1500 подписчиков. Подключайтесь!

Статистика Избранное

KarPressa

приватный канал

Гео и язык канала: Узбекистан, Узбекский

Категория: Новости и СМИ

📍 KarPressa –әҳмийетли ўақыяларды ҳақыйқый ҳәм тезлик пенен жеткерип бериўши жаңалықлар каналы. Биз тек ғана фактлерге сүйенип, жәмийет ушын әҳмийетли темаларды өз ўақтында шығарыўға умтыламыз.
Реклама ҳәм мүрәжәт ушын: @Jasurbekallashov

Связанные каналы

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

KarPressa

8 Feb, 11:38

"Жасыл шаңарақ"қа ашық таңлаў арқалы электромобиль бериледи

Экологиялық принциплерди өзиниң күнделикли турмысына енгизиўде жоқары көрсеткишлерге ерискенлерге "Экоактив пуқара" мәртебеси бериледи ҳәм олар ушын мәмлекетлик хызметлерден пайдаланыўда 10 пайыз жеңиллик ҳәм мәмлекетлик үлеси 50 пайыздан жоқары болған банклерде тутыныў кредитин алыўда жеңиллик усыныс етиледи.

Шаңарақтың барлық ержеткен ағзалары "Экоактив пуқара" мәртебесин алғанда, усы шаңараққа "жасыл шаңарақ" мәртебеси бериледи ҳәм оларға ҳәр жылы ашық таңлаў арқалы 14 электромобиль бериледи.

Булар Өзбекстан Республикасы Президентиниң "Өзбекстан - 2030" стратегиясын "Әтирап орталықты қорғаў ҳәм "жасыл экономика" жылында әмелге асырыўға байланыслы мәмлекетлик бағдарлама ҳаққында"ғы пәрманында белгиленген.

📍Информация бағдары @KarPressa

1.9k 0 8 6

KarPressa

8 Feb, 09:29

00:53

Видео недоступно для предпросмотра

Смотреть в Telegram

❓Картошка чипслери не ушын зиянлы?

❗️Көпшилик жақсы көрип жейтуғын чипслер денсаўлық ушын қәўипли болыўы мүмкин. Олардың зиянлы тәреплери:

▪️ Транс майлар ҳәм консервантлар – жүрек-қан тамыр кеселликлерине алып келиўи мүмкин.
▪️ Акриламид затлағы – жоқары температурада қуўырылғанда пайда болып, рак қәўпин арттырады.
▪️ Дуз ҳәм жасалма қосымшалар – қан басымын көтериўи ҳәм бүйреклерге зиян жеткизиўи мүмкин.

📹 Толық түсиндирмени видеода көресиз!

📍Информация бағдары @KarPressa

3.8k 0 47 3 8

KarPressa

8 Feb, 07:50

Алимент төлеў - перзент алдындағы ўазыйпа!

📑 Өзбекстан Республикасы Шаңарақ кодексиниң 145-статьясына муўапық, алимент төлемлери балалардың нормал жасаў шараятларын тәмийинлеў ушын әҳмийетли болып есапланады.

❗️Егер алимент еки айдан артық мүддетте төленбесе, бул жағдай Өзбекстан Республикасы Жынаят кодексиниң 122-статьясына муўапық жынайый жуўапкершиликке алып келиўи мүмкин.

📍Информация бағдары @KarPressa

4.7k 0 27 9

KarPressa

7 Feb, 23:38

🔞 Жезқазғандағы қорқынышлы жынаят: адам өлтирип, денесин бөлеклегенлер қолға алынды

30-январь күни Жезқазған қаласында адам өлтириў жынаяты жүз берген. Байқоңыр көшесиндеги үйде жүзеге келген жәнжел 30 жасдағы еркектиң өлими менен жуўмақланды. Гүманланыўшы ҳаял пышақ пенен марҳумның тамағын кескен, соңынан шериги менен бирге денени бөлеклеп, оның аяқ-қолларын ҳәм дегесин шығынды қутысына таслаған.

Денени тазалық хызмети хызметкерлери таўып алған. Полиция еки гүманланыўшыны қолға алып, тергеў алып бармақта.

📍Информация бағдары @KarPressa

6k 0 43 9 22

KarPressa

7 Feb, 21:22

🚘 1-марттан автомобильлерге экостикерлер бериледи

📄 Ҳүкимет қарарына көре, 2025-жыл 1-марттан транспорт қураллары ушын экологиялық стикерлер енгизиледи. Бул олардың қоршаған орталыққа тәсир дәрежесин баҳалаўға жәрдем береди.

Сондай-ақ, қарар менен:
✅ Имаратларға қуяш панеллерин орнатыў ушын экологиялық экспертизаны талап етиў бийкар етилди.
✅ Санаат кәрханалары "жасыл белбеўлер" дүзиўи шәрт етип қойылды.

Экостикерлер арқалы экологиялық таза транспорт қуралларына артықмашылық берилиўи мүмкин.

📍Информация бағдары @KarPressa

6.5k 0 14 7 16

KarPressa

7 Feb, 20:01

🔞Самарқанд қаласында болған жағдай.

📍Информация бағдары @KarPressa

7.4k 0 186 80 126

KarPressa

7 Feb, 16:05

⚡️Мектепке шекемги ҳәм мектеп билимлендириўинде мониторинг режелестирилди

Қарақалпақстан Республикасында мектепке шекемги ҳәм мектеп билимлендириўи тараўындағы қолайсыз жағдайларды сапластырыў мақсетинде мониторинг өткериў режелестирилди. Мониторинг арқалы билимлендириў процесиниң нәтийжелилиги арттырылып, зәрүрли шәрт-шараятлар жаратылады.

📅 Мониторинг жақын күнлерде басланыўы көзде тутылмақта. Бул илаж билимлендириў сапасын арттырыўға бағдарланған әҳмийетли қәдем болып есапланады.

📍Информация бағдары @KarPressa

7.6k 0 41 16 20

KarPressa

7 Feb, 15:01

⚡️ Прокурор жәрдемшиси күшли тәсир етиўши дәри қуралы менен қолға алынды

🔹 Ташкент ўәлаятында өткерилген оператив илаж даўамында Сырдәрия ўәлаяты прокурорының үлкен жәрдемшиси Спарк автомобилинде 50 дана "Зардекс" менен усланды.

🔹 Тергеўге көре, бул қуралларды оған Самарқанд ўәлаятында жасаўшы 28 жаслы пуқара сатқан. Ол да Ташкентте қолға алынып, оннан 300 дана күшли тәсир етиўши дәри айғақлы дәлил сыпатында алып қойылған.

🔹 Тексериў даўам етпекте. Дәслепки мағлыўматларға көре, дәрилер Қырғызстаннан нызамсыз алып келинген.

📍Информация бағдары @KarPressa

7.3k 0 9 13 14

KarPressa

7 Feb, 11:08

️Нөкис аэропорты рейслери көбейеди, транспорт хызметлери раўажланады

️Президент жыйналыста транспорт инфрақурылымын жақсылаў бойынша әҳмийетли қарарларды жәриялады.

🔹 Өткен жылы транспорт хызметлери 8,6% өсип, 145 трлн сумға жетти, бирақ бул еле жеткиликли емес.

✅ Нөкиске авиақатнаўлар 2 есе көбейтиледи.
✅ 15 млн жолаўшы тасыў жобаластырылған.
✅ Жергиликли экспедиторлар ҚҚС төлеўден азат етилди.
✅ "Евро-5" жүк машиналары бажы ҳәм утилизация жыйымысыз алып келинеди.

📌 Мәмлекет басшысы атап өткениндей, бул реформалар Қарақалпақстан транспорт инфрақурылымын сезилерли раўажландырады!

📍Информация бағдары @KarPressa

7.6k 0 18 2 31

KarPressa

7 Feb, 07:55

📊 Қарақалпақстанда кешбек бойынша санлар қандай?

Мәмлекетлик салық хызметиниң мағлыўматына көре, 2024-жылы Қарақалпақстан Республикасында сатып алыў чеклерине 31,3 млрд сум кешбек қайтарылған. Тек ғана декабрь айында бул сумма 2,05 млрд сумды қурады.

Бул халықтың кешбек системасынан пайдаланыўы белсендилесип атырғанын көрсетеди. Сиз де сатып алыў чеклериңизди дизимнен өткизип, пул қайтарып аласыз ба? Пикирлериңизди күтип қаламыз!

📍Информация бағдары @KarPressa

7.4k 0 10 14 20

KarPressa

7 Feb, 07:04

📢 Исбилерменлерге жеңиллетилген кредит!

🗓 2027-жыл 1-июльға шекем күндизги қарап бағыў хызмети менен шуғылланып атырған исбилерменлерге Орайлық банктиң тийкарғы ставкасында мебель ҳәм үскенелер сатып алыў ушын жеңиллетилген кредитлер бериледи.

💰 Шаңарақ исбилерменлиги бағдарламалары шеңберинде болса тийкарғы ставкадан 4% төмен пайызда 30 миллиард сумға шекем қаржы ажыратылады.

📍Информация бағдары @KarPressa

7.4k 0 31 7 17

KarPressa

6 Feb, 21:27

Жасларымызды жат иллетлер ҳәм қәўиплерден қорғаўымыз керек — директор мәсләҳәтшиси

Глобалласыў дәўиринде жасларды түрли жат иллетлерден қорғаў әҳмийетли ўазыйпа есапланады. Әсиресе, ядро полигонларынан да қәўипли болып баратырған идеологиялық полигонларда студент-жасларымыздың ақ-қараны таныйтуғын инсан болып жетилисиўине итибар қаратыў бүгинги күнниң бийкарлап болмайтуғын талабы болып есапланады.

Муҳаммед ал-Хорезмий атындағы ТAТУ Нөкис филиалы директор мәсләҳәтшиси Ж.Джумабеков басшылығында өткерилген мәжилисте әйне усы темаларда сөз барды.

Онда факультетлер деканлары, кафедра баслықлары ҳәм тюторлар қатнасты.

Мәжилис даўамында директор мәсләҳәтшиси тәрепинен студент-жаслардың тәлим-тәрбиясына итибар қаратыўдың әҳмийетлилиги, олардың интернет ҳәм социаллық тармақлардан пайдаланыў мәдениятын арттырыў, жаңадан шөлкемлестирилип атырған жоқары оқыў орнының имканиятлары ҳаққында студентлерге кеңнен мағлыўмат бериў сыяқлы бир қатар мәселелер ортаға тасланды.

📍Информация бағдары @KarPressa

6.6k 0 5 3 18

KarPressa

6 Feb, 20:07

Ҳүрметли пуқаралар!

Ишки ислер министрлигине келип түсип атырған мағлыўматлардың анализи бойынша, пуқараларға өзин "Ишки ислер уйымы тергеўшиимен" ямаса "Банк хызметкеримен" деп таныстырып, рус тилинде сөйлесип, банк карта мағлыўматлары ҳәм СМС кодларын сорап қоңыраў етпекте.

Бул алдаўшылардың гезектеги ҳийлеси болып, айтқан мағлыўматлары ҳақыйқатқа туўры келмейди.

❗️Есте сақлаң, Ишки ислер органы хызметкерлери яки банк хызметкерлери ҳеш қашан сизден тастыйықлаўшы СМС код сорамайды.

Өзиңизди ҳәм жақынларыңызды алдаўшылар дузағынан сақлаң!

📍Информация бағдары @KarPressa

7.7k 0 45 2 13

KarPressa

6 Feb, 18:20

❓Мәўсимлик жумысшылар пенсияға қалай шығады?

Мәўсимлик жумысларда бәнт болған пуқаралар ушын пенсия қалай есапланады?

🔹 "Пуқаралардың мәмлекетлик пенсия тәмийнаты ҳаққында"ғы Нызамның 31-статьясына муўапық, олардың орташа айлық мийнет ҳақысы соңғы 10 жылдағы қәлеген избе-из 5 мәўсимдеги мийнет ҳақысының улыўма муғдарын 60 ға бөлиў арқалы анықланады.

Яғный, мәўсимлик жумысларда бәнт болған адамлар жумыстағы үзилислерге қарамастан, өзлери ушын ең қолайлы 5 мәўсимди таңлап, сол дәўирдеги табыслары тийкарында пенсия тайынлаўы мүмкин.

📍Информация бағдары @KarPressa

7.3k 0 9 14

KarPressa

6 Feb, 18:01

00:46

Видео недоступно для предпросмотра

Смотреть в Telegram

Сиз Бухараға барып көрдиңиз бе?

Егер де еле бармаған болсаңыз YouTube'тағы Қарашай каналын тамаша етиң! Себеби жойбардың бул санында сиз Бухараның саяхат етсе болатуғын ең сулыў ҳәм тарийхый жерлерин көрсеңиз болады.

Төмендеги силтеме арқалы видеоның толық вариантын тамаша етиң!

https://www.youtube.com/watch?v=NvH3A_7OAKk

7.4k 0 7 1 10

KarPressa

6 Feb, 15:56

🚗 Айдаўшылық гүўалығы қаншаға түседи?

Ҳәзирги ўақытта айдаўшылық гүўалығын алыў ушын улыўма қәрежет 9,6 миллион сум әтирапында. Егер барлық имтиханларды биринши мәртебеде тапсырсаңыз, төмендеги төлемлерди әмелге асырыўыңыз керек:

✅ Медициналық мағлыўматнама – 300 мың сум
✅ Автомектепте оқыў – 7 млн сум
✅ Имтихан тапсырыў – 2 млн сум
✅ Гүўалық алыў – 330 мың сум

Қосымша қәрежетлер де болыўы мүмкин, бирақ бул - тийкарғы есап-китап!

📍Информация бағдары @KarPressa

8.8k 0 140 26 48

KarPressa

6 Feb, 14:26

00:42

Видео недоступно для предпросмотра

Смотреть в Telegram

❗️Ишки ислер министрлиги алдаўшылардың гезектеги ҳийлесинен абайлы болыўға шақырмақта

Ҳәзирги күнде өзин «Ишки ислер уйымы тергеўшисимен» ямаса «Банк хызметкеримен» деп таныстырып (рус тилинде), пуқаралардың банк карта мағлыўматларын ҳәм мобиль қурылмасына келген СМС кодларын сорап атырған жағдайлар ушыраспақта.

Қарақалпақстан Республикасы Ишки ислер министрлигиниң мәлимлеме хызмети бул алдаўшылардың гезектеги ҳийлеси екенлигин ҳәм ондағы мағлыўматлар ҳақыйқатқа туўра келмейтуғынын атап өтти.

«Ишки ислер уйымы хызметкерлери ямаса банк хызметкерлери ҳеш қашан сизден тастыйықлаўшы СМС кодты сорамайды», — делинеди хабарда.

📍Информация бағдары @KarPressa

8.6k 0 40 4 16

KarPressa

6 Feb, 13:38

Армияға барып келген студентлердиң контрактының 35 проценти төлеп бериледи

– Өзбекстан Республикасы Қураллы Күшлери сапында мүддетли әскерий хизметти өтеген;
– Әскерий бөлимлер командирлигиниң усынысына ийе болған;
– Өзбекстан Республикасы жоқары оқыў орынларына төлемли-контракт тийкарында оқыўға қабыл етилген студентлердиң төлемли-контракт муғдарының 35 процентин Өзбекстан жаслар аўқамы тәрепинен төлеп бериў бойынша арзаларды қабыллаў басланды.

Арзалар 15-февральға шекем университет Жаслар басшысы тәрепинен қабыл етиледи.

📍Информация бағдары @KarPressa

8.1k 0 95 19 15

KarPressa

6 Feb, 07:17

❓Қарақалпақстанда палаў қанша турады?

📊 Өзбекстан Статистика агентлигиниң мағлыўматларына көре, 2025-жыл январь айында Қарақалпақстан Республикасында бир порция палаўдың орташа баҳасы 26 133 сумды қурайды.

💰 Бул республика бойынша ең арзан баҳалардың бири болып, Наманган ўәлаятынан (22 995 сум) кейин қолайлы баҳалар қатарына киреди.
🔥 Ең қымбат палаў болса Ташкент қаласында – 35 744 сум!

📍Информация бағдары @KarPressa

8.6k 0 16 21 25

KarPressa

6 Feb, 00:03

📌 Магистратураға кириўде айырым майыплығы бар адамларға жеңиллик

Өзбекстанда көриў, еситиў ҳәм сөйлеўде кемшилиги бар адамлар магистратураға кириўде шет тили сертификатын тапсырыўдан азат етиледи.

🔍 Толықырақ: ПҚ-407 қарары, 4-бәнт.

📍Информация бағдары @KarPressa

8.7k 0 12 1 14

Показано 20 последних публикаций.

23 703

подписчиков

Статистика канала

Популярное в канале

‼️Диққат! Телеграм арқалы тарқалып атырған қәўипли "APK" файллар ҳаққында ескертпе! Соңғы күнлер...

📌 Үргенш-Қоңырат-Үргенш жөнелисиндеги қалалараралық поезд кестеси жәрияланды! 🚆 20-январь, 2025-...

⚡️⚡️Қарақалпақстан бойынша электр энергияси өшкени айтылмақта, хабар рәсмий тастыйықланбаған. ❓С...

Рәсмий мағлыўмат Тақыятас Ыссылық электр станциясы акционерлик жәмийетиндеги электр тармақларынд...

⚡️Мойнақта мал урылары усланып самосуд етилди Каналымызға келип түскен видеоға бола, Мойнақ райо...