Dadasining qizi

#zulfiya_qizi97🫰

Yoshlar telekanali.

@dadasining_qizi97🫰

+duoda gap koʻp. Ota-ona, kattalar va yaqinlari duosini olish, norozi qilib qoʻyishdan, koʻnglini ogʻritishdan saqlanish kerak. Har kimga ozmi koʻp yaxshilik qilish, duo olish samarasi ham nihoyatda katta. Chunki biz bilmaymiz, bizning nazarimizdan qochirgan kimdir, Alloh huzurida duolari qabul boʻladigan bandadir?!

Orzu qildingizmi, har kuni oʻzingizga eslatib turing. Unda yashang. Shu orzu bilan uygʻoning. Koʻz tegmasligi uchun bir oʻzingiz va Alloh bilsin, yetadi. Sabablarini qoʻldan kelgancha qiling. Bandasiga sigʻinib qolmang. Berguvchi faqat Robbimiz ekanini unutmang. Toʻgʻri yoʻldan boring, halolingiz boʻlsin, shunda buyuradi 🤲 Hech qachon kibr ketmang. Kibr ketdingizmi, yiqilishga yaqinsiz. Nazardan qolasiz. Kibr insonni tez qulatadigan kuch. Kibr hayoni qochiradi, kelayotgan rizqingizni kesadi.

Kutmoq goʻzal-kutilgan goʻzal boʻlsa!

@dadasining_qizi97🫰

#zulfiya_2025

Men nimagadir intilsam - shunday ixlos qilaman. Allohdan soʻrayman, unga tavakkul qilaman. Hech nimani bandasidan kutmaganman, sababchilarini duo qilaman. Bersa-Allohimga bajarishga koʻzim yetadigan vaʼdalar beraman. Duolar qabul soatlarda soʻrayman. Hamma shirin uyquda vaqti, uyqudan kechib, tahajjudda gaplashaman. Yengillayman.

Shunchaki duo qilmayman, qalbimni ochib, qanchalik muhtojligimni bildirib, nima uchun menga shuni ravo koʻrishi haqda aytib. Allohni men bilan ekanini ich-ichimdan his qilaman. U meni suyadi, meni hayotim davomida koʻp marta kutmagan vaqtimda kutilmagan baxtlar bilan siylagan. Sabrim kuchini bilguvchi zot, bu sabrni ham menga oʻzi bergan. Koʻp koʻp istigʻfor aytaman, bu gunohlarimni kamaytiradi. Gunohlari uchun tavba qilgan bandalarini esa Egam soʻraganlaridan ziyodasiga yetkazadi. Men Zulfiyani pul bilan olmadim. Ungacha vaqtimda ham biror kimga nimadir bergan emasman. Pokiza orzularimga, real hayotim tugul xayolimda harom alishtirmayman. Faqat oʻzimni koʻrsatishni bilaman. Nima uchun aynan men, ekanligimni isbotlashni bilaman. Savobli amallarni neki turi boʻlsa, avvalo Alloh yoʻlida, soʻng, muhtoj bandalariga Egam dilimga solgani uchun birovga bildirmasdan qilishga intilganman. Har bir qadamimni "Bismilloh" bilan boshlayman. Yo yaxshi boʻladi yoki yaxshilikka.

Ammo bilingki, bu dunyoda okeanlar tubidagi suvlar tagidagi millionlab mavjudotlarga ham rizqni yetkazib berayotgan Robbim uchun sizning picha orzuingizni ushaltirish nihoyatda oson.

Bu rasmlardagi niyatlar oxirgi ixlosim. 21 kun davomida har tong tahajjud, Bamdod namozidan soʻng oʻqidim. Bu daftarga Allohimning 99 ta ismiga 99 niyatim yozilgan. 80 foiziga erishdim🤲

Biz uchun imkonsiz tuyulgan baxt-Alloh allaqachon peshonamizga yozgan baxt boʻlishi mumkinligini bilmaydigan darajada ojiz etib yaratilganmiz.😭🤲
Norozi boʻlishdan oldin, shukr qilish, rozi boʻlish, vaqti kelishini kutib sabr qilishni oʻrganmas ekansiz, Alloh bermaydi.

@dadasining_qizi97🫰

#zulfiya_2025

3-mart kuni Prezidentimizning "Zulfiya nomidagi davlat mukofoti bilan taqdirlash toʻgʻrisida"gi Qarori chiqqach, 4-mart kuni OʻzDJTU da men haqimda Oʻzbekiston24 kanali uchun reportaj lavha tayyorlandi.
Holamnikida edim. Muxbir qiz telefon qilib, shu taklifni bildirgach, bir oz boʻsh vaqtdan unumli foydalanishga kirishdim. Chunki bu kunlarni men juda uzoq kutganman...

Kechki axborot dasturida efirga uzatilgan edi. Toʻliq formatini bugun yuborishdi. Unda bu mukofotni olishgacha bosib oʻtgan yoʻlim, Qaror chiqqan kun, hayajonim haqida suhbat ketgan.

Bugun Andijonga qaytyapman, shukr. Yorugʻ yuz va qalbim toʻla faxr, iftixor bilan.

Zulfiya mukofoti - men sira yetolmaydigan yulduz kabi koʻrinardi. Alloh istasa osmonga ham qoʻlingizni choʻzib qoʻyarkan. Unga oson ekan.🥹🤲 bugun shu yulduz koʻksimda porladi. Hali uning zalvorini toʻliq koʻtarganimcha yoʻq. Buyogʻiga yangi marralarni egallash uchun yanada dadil qadamlarni tashlayman. Oqlayman va munosib boʻlaman.

@dadasining_qizi97🫰