IZLAGANIM...

#ibrat

Odamning odamga ishi tushadi — dunyo shunday yaratilgan!

"Quloqqa chalingan gaplar"dan

#ibrat

«Сен менга кераксан!»

Жуфтликнинг асл саодати - шу.

© "Quloqqa chalingan gaplar"dan

📘 Mazmunga boy, hajmi 1 qatorlik 15 ta eng qisqa hikoyalar

Dunyo bo‘yicha eng qisqa hikoyalar, 15 ta eng qisqa hikoya, ularning hajmi 1 qator, mazmuni o‘ziga xos yechimga ega kichik hikoyachalar.

Dunyo adabiyotida eng qisqa hikoyalarni drabbllar deb ataladi. Drabbl ingliz tilidan olingan bo‘lib “parcha, bo‘lak” ma’nosini bildiradi. Drabbl hikoyaning o‘ziga xos kichik janri bo‘lib epigraf o‘qiyotgandek his qilishingiz mumkin. Unda asosan, biror voqeaning qisqacha tarixi beriladi. Drabblni kutilmagan yechim bilan yakun topuvchi eng qisqa va tugal hikoya deyish mumkin.

Mana, drabbllar haqida ham bilib oldingiz. Quyida dunyo va o‘zbek adabiyotidagi eng qisqa hikoyalarni jamlab ulardan 15 tasini e’tiboringizga havola etmoqdamiz.

Marhamat, eng qisqa 15 ta hikoya:

📖1-hikoya. Hayrat (Ernest Xeminguey)
U xotinining qotiliga sut ichirardi.

📖 2-hikoya. Robiya (Muhammadxon Yusupov)
Ey, Xudoyim, yaqinda tug‘iladigan ukam ham qiz bo‘lishini xohlardim. O‘shanda biz buvijonim bilan birga yashardik…

📖 3-hikoya. Eng qisqa hikoya (O. Genri)
Haydovchi tamaki tutatdi va qancha yoqilg‘i qolganini bilish uchun benzin bakiga egildi. Marhum atigi 23 yoshda edi.

📖 4-hikoya. Qasd va xalos (Ernest Xeminguey)
Jonimga qasd qilish uchun o‘zimni pastga tashladim Keyin fikrimdan qaytdim.

📖 5-hikoya. Taqdir (Stiven Meretskiy)
Vaqtlararo sayohatchining xayoli: «Parol» nima edi-ya?

📖 6-hikoya. E’lon (Ernest Xeminguey)
Siniq derazaning sirtiga yozilgandi: Yangi oila qurganlar.

📖 7-hikoya. Tarjimai hol (Larisa Kerklend)
Avvallari mening tekis yuzim, burma ko‘ylagim bor edi, hozir esa… aksi.

📖 8-hikoya. Umid (Muhammadxon Yusupov)
“… Biz boshqa hech qachon uchrashmaymiz! Boshqa hech qachon to‘qnash kelmaymiz! Boshqa hech qachon ko‘zlarimiz ko‘zlarimizga tushmaydi…
Ko‘rishguncha…”

📖 9-hikoya. Yolg‘izlik (Frederik Braun)
Dunyodagi eng oxirgi inson xonasida o‘tirgan edi. Eshik taqillab qoldi…

📖 10-hikoya. Yotoqxona (Ernest Xeminguey)
Yotoqxonamizdan ikki kishining ovozi eshitilardi. Men eshikni taqillatdim…

📖 11-hikoya. Gunohkor (Drum bun)
U haqiqiy gunohkor edi. Chunki bir yuz yigirma to‘rt ming suvoriydan yolg‘iz ugina urushdan vataniga sog‘-omon qaytdi.

📖 12-hikoya. Optimist (Muhammadxon Yusupov)
– Yangi poyabzal sotib olganimda doim bitta qo‘shimcha bog‘ichga ega bo‘lishimni o‘ylab, quvonaman. Umuman kiyilmaydigan ikkinchi poy haqida esa o‘ylamaslikka urinaman…

📖 13-hikoya. 6 so‘zli hikoya (Ernest Xeminguey)
Sotiladi. Chaqaloq tuflichasi. Biror marta kiyilmagan.

📖 14-hikoya. Mas’uliyat (Arjumandbegim)
Yetti bolaning kiyimlari og‘irlik qilib uzilgan dor, uyidan bosh olib ketayotgan erkak oyoqlarini chalishtirib yiqitdi.

📖 15-hikoya. Qo‘rquv (Nodirabegim Ibrohimova)
-Endi uxla, toychog‘im,- ona shunday deb chiroqni o‘chirdi. — Oyi! O‘chirmang, iltimos. Qorong‘ilikdan juda qo‘rqaman! — dedi ko‘zlari ojiz bolakay.

#Ramazon

«Allohga qasamki, agar qabrdagilarga “Orzu qilinglar!” deyilsa, ular Ramazondan bir kunni orzu qilgan bo‘lardilar».

- Ibn Javziy rahimahulloh

___
Yer usti ahliga ramazon oyi muborak bo‘lsin!

“ҚОДИРИЙНИНГ “САРИҚ ДЕВНИ МИНИБ” АСАРИ”

Яқинда олий таълим даргоҳининг журналистика йўналишини тамомлаган бир ёш иқтидор иш қидириб келди. Айтишича, кўплаб таҳририятларга борибди. “Бўш жойлар йўқлиги боис” уни ишга олишмабди. Бироз суҳбатлашдим.

Кўринишидан бинойидек…

— Охирги марта қайси китобни ўқидингиз? — деб сўрадим ундан.
— Ҳозир ўқишга вақт тополмаяпман, олдинлари ўқиб турардим…
— Хўп, ўша олдинлари ўқиган охирги китобингиз қайси унда?
— Қодирийнинг “Сариқ девни миниб” асари…
— А-а-а, улуғ адибнинг шунақа асари ҳам бор эканми?
— Қизиқ экансиз-ку, журналист бўла туриб шуни ҳам билмайсизми? — деди у уддабуронлик билан ўзининг “ҳақ” эканлигини исботлашга уриниб…

Бир сесканиб тушдим. Ёқамни ушлай десам жойида йўқ. Индамай қўя қолдим...
Кўз ўнгида – ҳалигина ўзини “журналист” деб атаган йигит. “Қодирийнинг Сариқ девни миниб асари” деган сўзлари ҳали ҳам қулоғимда жаранглаб турибди. Бу ҳақиқатан ҳам содир бўлдими ёки қўрқинчли туш кўряпманми?
Ҳа, қўрқинчли. Чунки бундай “журналист”лар эртага газеталар саҳифаларини, ахборот манбаларини эгаллайди. Чала билим, омонат ақл ва уйдирмалар билан халққа “хабар” етказишади. Фақат бу сафар “Сариқ дев”ни эмас, балки “Журналистика”ни миниб олган бўлишади...

Индамадим. Сабабини сўраманг. Баъзан ҳақиқат шундай ачинарлики, унга бир оғиз гап ҳам қўшолмайсан... Таассуф!!!

Ислом АСИЛБЕК

#Saboqlar

Ozod inson fikrni himoya qiladi, u fikrni kim aytishidan qat’iy nazar!
Qul inson shaxsni himoya qiladi, u shaxsning fikri qanday bo‘lishidan qat’iy nazar!

© Ibn Xaldun

Суданнинг Нил штатидаги мактабда ўқитувчилардан бири ўқувчилардан имтиҳон олишга қарор қилади. Энг яхши натижа учун мотивация бўлсин деб янги пойафзал совға этилишини айтади.

Болалар хурсанд бўлиб, қунт билан ёзишни бошлашади.
Ярим соат ичида ҳамма ўз ишларини топширишади ва деярли барчаси мукаммал жавоб беришади. Ўқитувчи барчага ажойиб натижа учун, саъй-ҳаракатлари учун миннатдорчилик билдиради ... Лекин ўқитувчи совғани кимга беришни ўйланиб қолади.

Шундай бўлса-да, у муносиб ечимни топади ... Ҳаммаси чин бўлиши учун у ҳар кимдан ўз исмини бир вараққа ёзиб, уни буклаб, бир қутича ичига солишларини ва бу қутичадан ўқитувчи биттасини олиб, номи чиққан ўқувчи ҳақиқий ғолибга айланишини эълон қилади.

Дарҳақиқат, ўқитувчи қутичанинг ичидан бир қоғозни чиқариб, ўқувчининг исмини ўқийди. "Вафаа Aбдел Карим" .. У мукофот соҳиби.

Қиз Вафаа ўқитувчи ва барча болаларнинг қарсаклари остида кўз ёшлари билан олдинга қадам қўяди.

У барчага миннатдорчилик билдиради ва ўқитувчисидан ўзи учун жуда зарур бўлган ушбу ажойиб совғани қабул қилиб олади.

У эски поябзал кийишдан чарчаган, ота-онаси эса жуда камбағаллиги сабабли янгисини сотиб олиб беришолмаган.

Ўқитувчи мамнуният билан уйига қайтади ... ва бу воқеани у эрига йиғлаб айтиб беради.

Эри бундай воқеани хотинидан эшитганидан жуда хурсанд эди ... Aммо кўз ёшларининг боисини тушунолмай хотинидан сўрайди.

" Қутини очиб қарасам, не кўз билан кўрайки, ҳамма унинг исмини ёзган экан. Ҳар бир қоғоз варағида "Вафаа Aбдул Карим" номи бор эди. Барча болалар унинг аҳволини пайқашган эди ва бу қизнинг фойдасига ўқувчилар совғадан воз кечишди..." дейди у.

МДҲнинг энг кучли нейрофизиологи, академик айтяпти:

Кўрган нарсангиз миянгизда қолади. Умрингиз охиригача туради. Ўлгандан кейин ҳам сақланади.

Бу дегани: фойдали нарса ўқисак, унутсак ҳам фойда оламиз.

Бемаъни нарса кўрсак, унутсак ҳам зарар беради. Чиқиб ҳам кетмайди.

Сумкамизга тушган нарса қайтиб чиқмаслигини билсак, ўйлаб нарса солган бўлардик.

Танишган одамимиз билан дўст бўлишга мажбурлансак, ҳамма билан ҳам танишмасдик.

Балки контентни танлаш пайти ҳам келгандир. Атрофдагиларни ҳам.

Бемаъни нарса кўрган кўз, балки ҳеч нарса кўрмагани яхши.

Чунки қулоғи ва назарини сақлаган, миясини сақлабди.

#Tildan_saboqlar

Universitetda o‘qiyotganimda maxsus kursda 6 (olti) oy "Gʻazallarda vazn" mavzuini o‘tganmiz. Olti oy (!) o‘qib hech balo tushunmaganman. Qiziqardim, ammo hech o‘zlashtira olmasdim. Oxiri aybni o‘zimdan axtardim: zehnim past bo‘lsa kerak, deb xulosa qildim.

90-yillari alloma Rahmatulloh Rasuljon o‘g‘lining “Janoh ut-tolib” darsligidan birmuncha saboq oldim. Kitobda vazn mavzuiga bir betgina (!) ajratilgan, xolos. Ammo hammasini oppa-oson tushundim! Hatto talabalik davrimdan beri vazn (o‘lchov) haqidagi tasavvurlarimni qoplab turgan tuman bir zumda yarq etib tarqalib ketdi!
Nimaga?
Chunki vazn g‘azallargagina xos emas, balki umuman arab tiliga xos ekan. Ya’ni, arabcha so‘zlar muayyan bir o‘lchov asosiga qurilar ekan. Buni bilib olsangiz, keyin g‘azaldagi vazn (o‘lchov)ga o‘tsangiz, hech bir muammo bo‘lmaydi.

Demak, gap darslikda va mavzuni yoritish uslubida ekanini anglab yetdim.
• 1. Universitetda darslar “sharqshunos”lik nuqtai nazaridan o‘tilgan edi, “Janoh ut-tolib” darsligi esa arab tili ruhi, tabiati va ilmidan kelib chiqib tuzilgan va buni “sharqshunos” emas, din olimi yozgan.
• 2. Universitetda kalitni bermay katta qulfni ochishga buyurilgan ekanmiz, “Janoh ut-tolib” ishni oldin shogird qo‘liga kalitni tutqazishdan boshlagan.

Biz sovet yoshlarini savodsiz yoki chalasavod qilgan narsa darsliklar ruhining begonaligi va o‘rischadan o‘zbekchaga no‘noqlarcha o‘girilgan tarjima kitoblardir!
Qayoqqa borsangiz, boring, haqiqat shu!

© Nurulloh Muhammad Raufxon

#Saboqlar

"Men ilgari salafi solihlarning uzoq vaqt Qur’on tilovati, ibodat va ilm o‘qishdan hech malollanmagani va zerikmaganini eshitib, juda ajablanar va hayratlanar edim.
Keyin qo‘l telefonlari chiqib, odamlar unga qanchalik bog‘lanib qolganlarini ko‘rib, salaflarning holini tushundim – odam nimaga muhabbat qo‘ysa, undan hech malol va charchoq tuymas ekan!"

Allohim, bizlarni o‘zingga va o‘zing yaxshi ko‘rgan narsalarga muhabbatli qil!

©Ikrom Sharif