Ummu Zaynab

Ancha bo'lgan, shaxsiy kanallardan chiqib ketganman. Ekranga ko'p qarasam, boshim og'riydi.

Bazan youtubda Mahmudiylar oilasi suhbatlari chiqib qolsa, ochib videolarini eshitardim.
U vaqtlar menimcha Toshkentda edim.
Yaqinda kimdir, ona tili haqidagi suhbatlarini guruhga tashlagandi, ochib eshitdim. Shundan keyin, yana ko'p-ko'p chiqadigan bo'ldi videolari.
Qiziqib, anchasini eshitib qo'ydim.
Uyoqdan telegram kanallariga o'tdim.
Ammo, aytganimdek, bosh og'rig'im sabab, hech o'qiyolmay yurgandim.
Kecha Maryam erta uxladi. Qarasam, o'zimni ham uyqum yo'q.
Kanalga kirib, yuqoriroqqa chiqib o'qiy boshladim. Onalarining ko'zi ojiz buvilari, ayollarining farzand ko'rmagan ammalari haqida yozilganlarini o'qib, rosa yig'labman.
Ikkı soat uxlolmadim. Qanday hayotlar, qanday ayollar bora ?
Biram havas qildim, biram o'zimdan uyaldim.
Anchadan beri biror kanalga kirib, bunaqa miriqib sho'ng'ib ketmagandim.
Orangizda ko'plar ularni taniydi, suhbatlarini bizga tashlab ham turasizlar. Ko'rdim, eshitdim, o'qidim ulashganlaringizni.
Vasila bo'lganlarga rahmat.

Farzandlarim ichida, menga eng ko'p fe'li o'xshaydigani Maryam.
Qaysar, mag'rur, ko'z yoshini ko'rsatgisi kelmaydi.
Tupurgan tupugini qaytib olmaydiganlardan.
Kichkinagina aqliga, yemayman dedimmi yemayman, kiymayman dedimmi kiymayman, degan fikrlar qayerdan keladi, tushunmayman.
Bazan, kerak emas deb otgan narsasini, hamma chiqib ketganidan keyin borib oladi. Eshikdan poylab turamiz, dasturxonga joylashib olib, paqqos tushuradi.
Ehh, shu joyi menga tortmabdi, ochimdan o'lsam o'lardim, o'rningda bo'lsam yemasdim deb qo'yaman.
Ha, rost, shu joyi senga tortmabdi, bazan aqlini ham ishlatyapti, menga o'xshab deydilar.

Yoshligimda menga nisbatan eng ko'p: devona arazlasa, xaltasiga ziyon maqoli ishlatilardi. Arazlab olib, ko'p och qolardim. Birov arazlaganimni, xafa ekanimni bilmasdi ham. Yoshim katta bo'lib bilyapman, inson jonini qadrlashni ham bilishi, birozgina bez bo'lishi kerak ekan. G'ururimni orqasidan ancha qiynalganman. Hech kim menga qarab, malades, shu ayolam juda g'ururli ekan, shuncha yil boshini egmadi, hech kimga past ketmadi, yalinmadi, hech kimdan tili qisiqlik joyi yo'q, deb maqtamagan.

G'ururimdan, ko'ylagim eskirib ketdi, yangi olib bering ham deyolmayman. Avval u ko'ylakka o'zim pul to'playman, keyin buyurtma qilaman. Kelganidan keyin, qanchaga olding, nega menga aytmading deb, ishlatgan pulimni qo'limga tutkazadilar.
Mendan biror narsaga pul so'rasang, yo'q deymanmi, nega aytmaysan deb qoladilar gohida.
So'ramasimdan o'zingiz bersangiz bo'lmaydimi, ko'p-ko'p berib qo'ying deyman, menam bo'sh kelmay.

O'zimdan boshqa ayollarni, kelinlarni, qizlarni ko'rib, turmush o'rtoqlaridan tinmay pul olib sarflashlarini ko'rib, o'zimga o'zim achinib ham ketaman. Qiz bola onadan ortib boshqa joyga bormas ekan, katta qizlarim ham menga o'xshaydi. Kitobdan boshqa narsa so'rashni bilmaydi. Olib bersam kiyishni, olib bermasam xafa bo'lishni ham bilishmaydi.

Birgina Abdulbosit boshqacha. Ko'zi tushgan narsa uniki bo'lishi kerak. Olib bermasam, menga gapirmay arazlab oladi. Siz unchalik yaxshi ona bo'lmay qolibsiz, odam bolasiga nega obermaydi, deb koyib ham beradi. Aytgan ovqati bo'lmasa, ochlik e'lon qiladi. Menga boshqa ovqat qilasizmi o'zi deb, do'q ham qilib ketadi. Arazlagandingku, och uxla deyman. Uxlolmayman, ovqat bering deb tepamda turib oladi.
Kulgim keladi, ammo xursand bo'laman bu qilig'idan. Inson boshqalarning qiliqlariga javoban, o'zini qiynamasligi kerak. Xoh ruhan, xoh jismonan bo'lsin, dunyodagi hech qanday sabab, o'zimizni qiynashimizga arzimaydi.

Aslida ayol kishi, hech kimga, hech narsa isbotlashga majbur emas.
Chunki ayol ojiza, u kuchli bo'lish uchun tug'ilmagan.
Ayol erkaklarga yordamchi xolos, yelkadosh emas.
Ayol bu ona, oyoqlari ostiga Jannat to'shalgan.

Ummu Zaynab

Uyga qaytayotsak, aya, mani yana bir marta finjon yasashga olib borolasizmi deydi.
Yo'q, dedim.
Nega ?
Qimirlayverasan, sakrayverasan, menam qariyapman, charchab qolaman dedim.
Ho'p dediyu, jim bo'lib qoldi. Tushundi shekilli desam, yana keldi.
Aya, agar olib borsangiz, ozgina jim turolaman, ikki minut deydi.
Ikki minut kam, 2 soat jim o'tirolaman desang, olib borishim mumkin. Gapirmaysanam, baqirmaysanam, sakramaysanam dedim.
Haaaa, yo'q, uni qilolmayman deb tan ovordi o'ziyam.

Hech qaysi farzandim bunaqa sho'x bo'lmaganiga, bazan dovdirab qolaman. Kovidning ta'sirimi, sal shovqinga boshim aylanib ketadi.
Alloh bolalarimga uzun va manfaatli umr bersin, elning koriga yaraydiganlardan bo'lishsin. Har birini boriga shukur, berganiga shukur, bularni onasi ekanligimga shukur.

Saidaxon danniy moment savol beryapti: aya, yer sharida suv ko'pmi, quruqlikmi ?
Suv ko'p.
To'g'ri, lekin ana o'sha suvlarni osti quruqlikku, suv yer ustida turadiku ?
Nima uchun suv ko'p deyiladi, siz bu haqida nima deb o'ylaysiz ?
Hech narsa deb o'ylamayman, menga farqi yo'q devordim. )))

Yakshanba kuni uydagi erkaklar mehmonga ketishgandi. Ertalabdan uylarni tozaladim, gazlarni yuvdim.
Saidaxon ham changlarni artib, uy ishlariga qarashdi.
Zaynab darsga ketgan.
Orada xamir qorib, somsa uchun yog'lab qoydim. Tushlikka somsani ham pishirib oldim.
Zaynab keldi, birga ovqatlandik.
Qizlar bilan rosa suhbatlashibmiz.
Bir payt qarasam, uyim top-toza, yoyilib yotgan birorta oshiqcha narsa yo'q.
Uyning tinchligini aytmaysizmi, huddi avval uyim ham harakatda bo'lganu, bir kunginaga uxlab qolgandek.

Eng qizig'i, umuman charchamabman, umuman boshim og'rimayapti. Bugun huddi boshqa olamga tushib qolgandekmanmi, nima bo'lyapti deb hayronman.
Saidaxon savol beryapti, aya, uyimiz toza-ya, ham tinch, adam bilan Abdulbosit yo'qliklarigami ?
-Shunaqaga o'xshayapti.
Nima deb o'ylaysiz, uyda kim bo'lmasa yaxshi ekan ? Uyda kim bo'lmasa ko'proq maza qilarkanmiz ?
Javobi aniq savol, ammo javob berolmay jim turib qoldim.
Hayolimda javoblarni o'ylayapman, lekin tilimga chiqargani qo'rqyapman, ham uyalyapman.
O'ylab-o'ylab, adang bilan Abdulbosit bir joyga ozgina vaqtga mehmonga ketganlarida yaxshi ekan dedim.
Menam shunaqa deb o'ylagandim, deb kulib qo'ydi.

Gapirishga gapirib qo'ydim, vijdonim hech tinchlanmayapti. Men uyda juda past ovozda gapiraman, qizlar ham shunday. Erkaklar baland ovozda gapirishadi va Abdulbosit juda to'polonchi, uyda eplash qiyin.
Rostdan ham relax kun bo'ldi yarim kunimiz.
Maryamni uxlatay deb kirib, 3 soat uxlab qolibman(tushlik vaqti umuman uxlamay ketganman), erkaklar kelishganini ham sezmadim.

Uyg'onib chiqdim va Saidaxonning savolini, unga bergan javobimni aytib, biroz yengillab oldim.
Sizlar bo'lmasanglar albatta yaxshi emas, lekin qanday qilib qog'ozga o'rab, chiroyli qilib tushuntirishni bilmadim. Sizlarni mehmonga ketganingiz uchun dam oldik deyishimiz, odobsizlik bo'lmadimi, nima deb o'ylaysiz dedim.
Bolalarni hammasini ichida aytdim, ular ham eshitishsin, noto'g'ri fikrga borishmasin degan maqsadda.

Davomi bor.